Вазир дар бораи таксиҳои “5-сомона”: манъ накардаем, қонунӣ карданием

© Sputnik / Амир ИсаевАвтомобильная дорога в центре города Душанбе
Автомобильная дорога в центре города Душанбе - Sputnik Тоҷикистон, 1920, 03.02.2021
Обуна шудан
Вазири нақлиёти Тоҷикистон тасмимаш дар мавриди ба танзим даровардани таксиҳои ба истилоҳ “5-сомона” дар шаҳри Душанберо шарҳ дод
ДУШАНБЕ, 3 фев — Sputnik. Азим Иброҳим, вазири нақлиёт зимни нишасти хабарии ниҳоди тобеяш гуфт, мо кори таксиҳои панҷсомониро манъ накардаем, танҳо дар бораи қонунӣ кардани фаъолияти онҳо сӯҳбат мекунем.
Ӯ гуфт, қарори ниҳоӣ оид ба ин масъала ҳанӯз қабул нашудааст. 
Транспорт в Душанбе - Sputnik Тоҷикистон, 1920, 14.10.2020
Вазорат мехоҳад ҳаракати таксиҳои ба истилоҳ “5-сомона”-ро ба танзим дарорад
Ҳамзамон, вай қайд кард, фаъолияти таксиронҳоро ба он хотир қонунӣ мекунанд, ки онҳоро боз надоранд ва бо моддаи 510 Кодекси маъмурии кишвар барои фаъолияти ғайриқонунӣ ҷарима накунанд.
Ба гуфтаи Азим Иброҳим, ҳоло ин масъала мавриди баррасӣ қарор дорад ва ба зудӣ Вазорат дар якҷоягӣ бо шаҳрдории Душанбе ба манфиати мардум тасмим хоҳад гирифт.
Ёдовар мешавем, моҳи октябри соли гузашта вазири нақлиёт ба масъулин дастур дода буд, ки “дар ҳамкорӣ бо сохторҳои дахлдори Мақомоти шаҳри Душанбе шумораи ин намуди нақлиёт, яъне “таксиҳои 5- сомонӣ”, ки мақомот онҳоро ғайриқонунӣ медонанд, дар шаҳр муайян карда, роҳи ҳалли масъаларо пешниҳод намоянд”.
Вазир таъкид карда буд, ки “роҳеро бояд пайдо кард, ки бар зарари кор набошад”.
Дар пайи дастури вазир аз ҳисоби кормандони Вазорати нақлиёт, Бозрасии давлатии автомобилӣ, Хадамоти давлатии назорат ва танзим дар соҳаи нақлиёт ва ККВД “Душанбе нақлиётхадамотрасон” гуруҳи корӣ низ ташкил шудааст.
Ҳаворо ифлос мекунанд: дар Душанбе таксиҳои модели то соли 2014 мамнӯъ шуд
“Ин гуруҳ дар чор ноҳияи шаҳри Душанбе рейдҳои муштарак гузаронида, бо ронандаҳои ин намуди таксиҳо корҳои фаҳмондадиҳӣ доир кардаанд”, - иттилоъ дода буд вазорат.
Феълан дақиқ нест, ки ронандаҳои таксиҳои “5-сомона” ба ҷамъиятҳои нақлиётӣ чӣ гуна шомил мегарданд.
Лентаи хабарҳо
0