Министр транспорта РТ Азим Иброхим

Азим Иброҳим: барои татбиқи нақби "Истиқлол" 5,5 миллион доллар масраф хоҳад шуд

192
(Таҷдидшуда 11:36 05.02.2021)
Вазири нақлиёт зимни нишасти матбуотӣ таъкид дошт, ки корҳои равшаннамоӣ, таҷдиду навсозӣ ва ҳавотозакунӣ то Ҷашни 30-солагии Истиқлолияти давлатӣ ҷамъбаст хоҳад шуд

ДУШАНБЕ, 5 фев — Sputnik. Азим Иброҳим, вазири нақлиёт, дар нишасти матбуотӣ гуфт, ки соли сипаришуда лоиҳаи таҷдиду сохтмони роҳи автомобилгарди Душанбе – Бохтар марҳилаи якум бо дарозии 33,2 километр ва марҳилаи дуюм бо дарозии 39,6 километр  иҷро шудааст.

Дар доираи иҷрои лоиҳаи мазкур дар марҳилаи сеюм бо дарозии 9,2 километр қитъаи роҳи Қизилқалъа – Бохтар ширкати машваратчӣ интихоб гардида, бинобар сабаби хуруҷи бемории COVID – 19 ва қисман иҷро накардани уҳдадориҳо аз ҷониби Тоҷикистон баргузории озмуни интихоби паймонкор ба моҳи марти соли ҷорӣ гузошта шуд.

Айни замон корҳои аз нав кашидани хатҳои коммуникатсионӣ, интиқоли барқ, дигар иншооти мавҷудаи масири роҳ ва амсоли инҳо дар ҳолати анҷомёбӣ қарор доранд. 

"Бояд гуфт, ки соли гузашта бо кишвари ба мо дӯст Эрон ҷиҳати анҷоми корҳои нотамоми нақби "Истиқлол" ба тавофуқ расидем. Барои татбиқи ин лоиҳа Тоҷикистон 60 миллион сомонӣ (5,5 миллион доллар) ва Эрон низ бо ҳамин миқдор маблағ ҷудо кардаанд", - афзуд Азим Иброҳимов.

Ӯ илова намуд, ки корҳои равшаннамоӣ, таҷдиду навсозӣ ва ҳавотозакунӣ то Ҷашни 30-солагии Истиқлолияти давлатӣ ҷамъбаст мешавад.

Тоҷикистону Эрон барои таъмири нақби “Истиқлол” 11 миллион доллар ҷудо карданд

Ёдовар мешавем, ки шоми рӯзи 20 январ дар толори меҳмонхонаи "Ҳилтон"- и шаҳри Душанбе қарордоди иҷрои марҳилаи дуввуми лоиҳаи нақби "Истиқлол" байни ширкати "Фароб"- и Эрон ва Вазорати нақлиёти Тоҷикистон ба тасвиб расид.

Дар маросими ба имзо расондани қарордоди нав, вазири нақлиёти Тоҷикистон, сафири Эрон, раиси ширкати "Фароб" ва дигар меҳмонони эронӣ ва дохилӣ ширкат карданд.

Азим Иброҳимов пас аз имзо кардани қарордод изҳор дошт, ки марҳилаи дуввуми ин лоиҳа бо сабабҳои гуногун ба таъхир афтод, аммо бо имзои қарордод корҳои марбут ба он, аз ҷумла, равшанидиҳӣ, ҳавокашӣ, оташнишонӣ, насби дурбинҳои назоратӣ, ки барои таъмини бехатарии ҳаракат дар дохили нақб муҳиманд, иҷро хоҳад шуд.

192
Барчаспҳо:
Истиқлол, нақб, ҷамъбаст, навсозӣ, таҷдид, истиқлолият, Азим Иброҳим, Тоҷикистон
Тарма дар роҳи Душанбе - Чаноқ

Тармаю маҳдудиятҳо дар роҳи Душанбе Чаноқ: шарҳи IRS

890
(Таҷдидшуда 17:19 23.02.2021)
Ширкати роҳбони IRS аз тармафароиҳо ва ҷорӣ шудани маҳдудияти ҳаракат дар роҳи Душанбе – Чаноқ хабар дод

ДУШАНБЕ, 23 фев – Sputnik. Ба иттилои IRS, бинобар шадид ва давомдор будани бориши барф, бо мақсади эҷод накардани монеа ба ҳаракати дигар намуди воситаҳои нақлиёт, барои гузариши автомобилҳои боркаши ядакдор ва "Фура"-ҳо маҳдудият ҷорӣ шудааст.  

Инчунин зуҳри имрӯз ширкати мазкур иттилоъ дод, ки дар километри 80-уми роҳи автомобилгарди Душанбе - Чаноқ тармаи калонҳаҷм фаромад, ки баландии он 10 ва паҳноияш 80 метр аст. Дар ин  замина ҳаракати тамоми намуди нақлиёт муваққатан боздошта шуд.

“Аз беобӣ ба Сибир кӯч бастанд”: тафсилоти ҷолиби Фарҳод Раҳимӣ дар бораи гармшавии иқлим

Аммо баъди чанде ширкат дигарбора эълон намуд, ки кормандон дар муддати кутоҳ тармаро бартараф намуданд ва гузариши автомобилҳо имконпазир гардид. Айни замон корҳо баҳри пурра рафъ намудани пайомади тармафароӣ идома дорад, омадааст дар иттилоияи ширкат.

Қаблан мақомоти Тоҷикистон аз номусоидии боду ҳаво хабар дода аз шаҳрвандон даъват намуда буданд, ки бидуни зарурати сахт сафар накунанду аз эҳтиёт кор бигиранд.

890
Барчаспҳо:
тарма, Душанбе-Чаноқ, Тоҷикистон
Работа автосалона

Афзоиши воридоти мошин ба Тоҷикистон: нархи миёнаи ҳар кадомаш 5 ҳазор доллар

1166
Бисёре аз мошинҳое, ки ба Тоҷикистон ворид карда мешаванд, аллакай истифодашуда буда, ба гуруҳи нақлиёти арзон шомиланд

ДУШАНБЕ, 22 фев — Sputnik. Воридоти мошинҳои сабукрав ба Тоҷикистон дар соли 2020 афзоиш ёфтааст, хабар медиҳад Хадамоти гумруки ҷумҳурӣ.

"Соли 2020 ба ҷумҳурӣ 23 ҳазору 19 мошин ба маблағи 115,9 миллион доллар ворид карда шуд", - иттилоъ додаст Хадамоти гумруки Тоҷикистон. Бар асоси ин омор нархи миёнаи ҳар мошини воридшуда 5 ҳазор доллари амрикоиро ташкил медиҳад. 

Зимнан, дар соли 2019 теъдоди мошинҳои воридшуда 21 356 ададро ташкил дод, ки маблағи он 147,1 миллион доллар арзёбӣ гардид. Нархи миёнаи ҳар сабукрави воридшуда дар соли 2019 муодили 6,8 ҳазор доллар буд. 

Бисёре аз мошинҳои ба кишвар воридшаванда истифодашуда ва шомили гуруҳи мошинҳои арзон мебошанд.

Таъминкунандагони асосии мошинҳо дар Тоҷикистон кишварҳои Иттиҳоди Аврупо мебошанд. Маъмултарин навъи сабукравҳо миёни тоҷикистониён тамғаҳои Opel, Hyundai, Toyota ва Mercedes мебошанд. Дар мавриди мошинҳои боркаш, онҳо ба кишвар асосан аз Чин оварда мешаванд. Пештар хабар дода шуд, ки дар давраи пандемия дар Тоҷикистон воридот ва содироти мошинҳо ба таври назаррас коҳиш ёфтааст.

1166
Барчаспҳо:
миёна, нарх, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0