Директор Агентства гражданской авиации Икром Субхонзода

Субҳонзода: "Сомон Эйр" бо дархости мо 30% нархи чиптаҳоро поин овард

2739
(Таҷдидшуда 14:48 15.02.2021)
Икром Субҳонзода, директори Агентии авиатсияи граждании ҷумҳурӣ имрӯз дар пайи дархости онҳо ширкати “Сомон Эйр” нархи чиптаҳоро 30 фисад поин овард

ДУШАНБЕ, 15 фев — Sputnik. Номбурда ин нуктаро зимни нишасти хабарии ниҳоди зертобеяш дар посух ба гаронии нархи чиптахо гуфт.

 Ӯ гуфт, мо аз ширкати "Сомон Эйр" дархост намудем, ки нархномаҳоро бозбинӣ кунад, то ки арзиши билетҳо поин бурда шавад.

"Раҳбарияти "Сомон Эйр" тарифҳоро бозбинӣ намуда, сар аз моҳи декабри соли гузашта, ширкат арзиши билетҳоро аз 39-40 ҳазор рубл то ба 26-27 ҳазор рубл, яъне тақрибан ба андозаи 30% кам кард".

Субҳонзода гуфт, масъалаи поин овардани нархи чиптаҳоро на танҳо ба ширкати ватанӣ, балки ба ширкатҳои хориҷӣ аз ҷумла "Turkish Airlines" низ пешниҳод кардаанд.

"Масалан, "Turkish Airlines" моҳи феврал арзиши билетҳоро ба хатсайри Душанбе-Истанбул ба андозаи 25-35% поин бурд", - таъкид кард Субҳонзода.

"Тоҷик Эйр" аз кормандонаш 7,8 миллион сомонӣ қарздор аст

Масъалаи арзиши гаронии нархи чиптаҳои парвозҳои чартерӣ дар замони пандемия борҳо ба вокуниши шадиди мусофирон ва ҷомеаи шаҳрвандӣ қарор гирифта буд.

Мусофирон низ барои харҷи камтар, ба ватан аз тариқи Қирғизистон ва Ӯзбекистон ворид шуданд, ки ба коҳиши мусофирони ширкати ватанӣ оварда расонид ва як омили поин овардани нарх низ гуфта мешавад.

Ёдовар мешавем, дар пайи пандемия ва баста шудани марзҳо Тоҷикистон парвозҳои чартериро аз тобистони гузашта оғоз кард.

Ба иттилои директори Агентии авиатсияи граждании ҷумҳурӣ, соли гузашта ширкатҳои "Тоҷик Эйр" ва "Сомон Эйр" ба 300 ҳазор нафар мусофирон хизматрасонӣ кардаанд.

2739
Барчаспҳо:
чипта, нарх, "Сомон Эйр"
Самолет, на фоне заката

Тоҷикистон парвозҳои мунтазамро бо ду кишвар аз сар гирифт

4005
(Таҷдидшуда 15:03 02.03.2021)
Дар Тоҷикистон, ки ҳоло вазъи эпидемиологӣ дар робита ба маризии коронавирус беҳбуд ёфтааст, равобити ҳавоӣ бо ду кишвар барқарор шуд

ДУШАНБЕ, 2 мар — Sputnik. Тоҷикистон равобити ҳавоиро бо Ҷумҳуриҳои Қазоқистону Афғонистон барқарор намуд.

Ба иттилои Агентии авиатсияи гражданӣ, ҳамакнун парвозҳо ҳафтае як маротиба дар масири Душанбе - Алмаато - Душанбе ва инчунин Душанбе - Афғонистон - Душанбе сурат мегиранд.

Манбаъ меафзояд, масъалаи барқарор шудани парвозҳои мунтазим дар ҷаласаи ахири мудири агентӣ Икром Субҳонзода бо намояндагони "Фурудгоҳи байналмилалии Душанбе", ширкати ҳавопаймоии "Сомон Эйр" ва ҳамчунин намояндагони ширкатҳои ҳавопаймоии "Белавиа"- и Белорус, "Эйр Астана"-и Ҷумҳурии Қазоқистон ва "Кам Эйр"- и Афғонистон баррасӣ шуд.

Зикр мегардад, ки дар ҷаласаи мазкур Икром Субҳонзода ба беҳ шудани вазъи ҳамагирӣ дар Ҷумҳурии Тоҷикистон ишора карда, изҳор доштааст, ки чунин вазъият ба барқарор кардани парвозҳои мунтазами байналмилалӣ мусоид аст.

Илова бар ин, Ситоди ҷумҳуриявӣ оид ба мубориза алайҳи коронавирус низ иҷозат додааст, ки парвозҳои мунтазам бо Афғонистону Қазоқистон барқарор шавад.

Вазир: Русия барои роҳандозии парвозҳо ягон шарт нагузоштааст

Гуфта мешавад, ҳоло масъалаи барқарор шудани равобити ҳаво бо Белорус низ дар ҳоли баррасӣ қарор дорад.

Агентӣ тавзеҳ додааст, ки дар рафти ҷаласа аз ширкатҳои ҳавопаймоии ватанию хориҷӣ дархост шудааст, ки нархи чиптаро хуқдсарона афзун накунанд, балки дар доираи арзиши аслӣ фурӯхта шавад.

4005
Барчаспҳо:
Афғонистон, Қазоқистон, парвоз, Тоҷикистон
Знак такси на автомобиле, архивное фото

Фиреби тоҷик аз ҷониби ҳамватан дар Маскав: 20 мошинашро гирифтаст

903
(Таҷдидшуда 12:35 27.02.2021)
Вазорати умури дохилии Тоҷикистон аз фиреби як тоҷикистонӣ аз ҷониби ҳамватан дар шаҳри Маскав хабар додааст

ДУШАНБЕ, 27 фев — Sputnik. Тибқи иттилои ВУД, маъмурини милиса марди 48-солаи сокини шаҳри Хуҷанд бо гумони қаллобӣ дастгир кардаанд.

Мақомот мегӯянд, дастгиршуда соли 2015 ҳангоми дар шаҳри Маскав қарор доштанаш, бо роҳи фиреб ба боварии марди 37-солаи сокини шаҳри Конибодом даромада, аз ӯ 20 адад автомашинаро гирифтааст.

Марди муттаҳам ваъда додааст, ки бо мошоинҳои мазкур дар шаҳри Маскав “Таксӣ Парк” мекушояд.

ВУД мегӯяд, дар асл марди 48-сола мошинҳои гирифтаашро ба қисмҳо ҷудо намуда, ба шахсони номаълум фурӯхтааст. Пули ба дастовардаро ба манфиати шахсияш истифода кардааст, тавзеҳ дод манбаъ.

Вазорати умури дохилии Тоҷикистон арзиши умумии мошинҳои гирифташударо 7 миллиону 700 ҳазор рубли русӣ арзёбӣ кардааст.

Мақомоти умури дохилӣ мегӯянд, феълан аз рӯи ин ҳодиса таҳқиқот идома дорад. Назари бевоситаи айбдоршаванда дар мавриди иттиҳоми эълонкардаи мақомот маълум нест.

903
Барчаспҳо:
қаллобӣ, фиреб, Маскав, Тоҷикистон
Новоизбранный премьер-министр Садыр Жапаров

Ҷабборов бо сафари расмӣ ба Тоҷикистон меравад

301
Роҳбари Қирғизистон Содир Ҷаббаров бо сафари расмӣ ба Душанбе сафар карданист ва дар ояндаи наздик ӯ инчунин аз Ӯзбекистон, Чин ва Туркманистон дидан хоҳад кард

ДУШАНБЕ, 4 мар — Sputnik. Президенти Қирғизистон Содир Ҷабборов қасд дорад ба Тоҷикистон сафари расмӣ анҷом диҳад, гуфт вазири корҳои хориҷии ҷумҳурӣ Руслан Казакбоев дар як нишасти матбуотӣ.

Зимни суханронӣ дар брифинг роҳбари Вазорати корҳои хориҷии Қирғизистон дар бораи сафарҳои ояндаи байналмилалии сарвари давлат сухан гуфт.

"Президент ният дорад сафари навбатии худро ба Ӯзбекистон анҷом диҳад. Тахминан рӯзҳои 11-12 март", -  гуфт сарвари вазорати корҳои хориҷӣ.

Ба гуфтаи Казакбоев, Ҷабборов инчунин қасд дорад ба кишварҳои ҳамсоя - Чин, Тоҷикистон ва Туркманистон сафар кунад.

Ҷабборов ба кишвардори Русия тӯҳфаи ғайриоддӣ дод

Хотиррасон мекунем, ки қаблан Президент ба Русия ва Қазоқистон ташриф оварда буд.

Дар Маскав вай бо Владимиров Путин мулоқот кард. Ҷабборов ба ҳамтои руси худ тӯҳфаи ғайриоддӣ - шамшери қирғизиро тақдим кард.

301
Барчаспҳо:
сафар, Тоҷикистон, раисҷумҳур, Қирғизистон