Самолет на закате, архивное фото

Вазир: Русия барои роҳандозии парвозҳо ягон шарт нагузоштааст

883
(Таҷдидшуда 18:19 15.02.2021)
Сироҷиддин Муҳриддин мегӯяд, Русия барои роҳандозии парвозҳои мунтазам бо Тоҷикистон ягон шарт нагузоштааст

ДУШАНБЕ, 15 фев — Sputnik.  Вазири корҳои хориҷии Тоҷикистон имрӯз зимни нишасти хабарии ниҳоди зертобеяш ба суоли хабарнигорон дар бораи шарти Маскав барои роҳандозии парвозҳои мунтазам посух гуфт

"Барои барқарор кардани парвозҳо, Русия ба Тоҷикистон ягон шарт, аз ҷумла вуруд ба ИИАО-ро муқаррар накардааст",-гуфт Сироҷиддин Муҳриддин.

Вай қайд кард, ки пайвастани Тоҷикистон ба ин Иттиҳодия ҳоло ҳам дар ҳоли баррасист.

"Дар робита ба пайвастан ба ИИАО, мо то ҳол ин масъаларо меомӯзем ва мавқеи мо тағйир наёфтааст", - гуфт Муҳриддин.

Дар бораи роҳандозии парвозҳо бо Русия субҳи имрӯз директори Агентии авиатсияи гражданӣ Субҳонзода Икром низ гуфт, Тоҷикистон хело пештар қарор дода буд, ки парвозҳоро бо Маскав барқарор кунад.

Ӯ изҳор дошт, ки Тоҷикистон аз мощщои июн қарор дода буд, ки метавонад парвозҳои муқаррариро бо Русия аз сар гирад.

"Барқарор кардани парвозҳо барои мо бисёр муҳим аст. Ҳудуди 70 дарсади парвозҳое, ки дар умум аз фурудгоҳҳои Тоҷикистон анҷом дода мешавад, ба Русия рост меояд", - таъкид кард Субҳонзода ва афзуд, ки муроҷиатҳои зиёдеро аз ҷониби муҳоҷирон ва донишҷӯён дар ин росто қабул кардааст.

Вай афзуд, ки  Тоҷикистон бо Вазорати нақлиёт  ва Оҷонсии федеролии нақлиёти ҳавоии Русия ҳамкории зич дорад ва ин мавзӯъро борҳо баррасӣ кардааст.

"Дирӯз низ дар Русия бевосита дар ин бора сӯҳбат карда будем, мо қарори ҳамкоронамонро интизорем", - мегӯяд Субҳонзода.

Ба қавли директори агентӣ, Тоҷикистон ба талаботҳои ҷониби Русия дар бораи вазъи эпидемиологӣ пурра ҷавобгӯ аст.

"Акнун қарори барқарор кардани парвозҳо танҳо аз Русия вобаста аст", - таъкид кард ӯ.

883
Барчаспҳо:
парвозҳо, Русия, Тоҷикистон
Маршрутное такси в Худжанде

Роҳкирои мусофирбарӣ дар шаҳрҳои Суғд баланд шуд - шарҳи мақомот

622
(Таҷдидшуда 12:05 06.03.2021)
Дар пайи гарон шудани қимати бензин ва сӯзишвории дизелӣ, нархи роҳкирои мусофирбарии дохилишаҳрӣ дар вилояти Суғд ба 1 сомониву 50 дирам баробар шудааст

ДУШАНБЕ, 6 мар – Sputnik. То ин вақт арзиши роҳкиро дар хатсайрҳои дохилишаҳрӣ 1, 3 сомонӣ буд ва бар асоси нархномаи нав бештар аз 15% баланд шудааст.

Олимҷон Очилзода, мудири шуъбаи нақлиёт ва коммуникатсияи ҳукумати Суғд дар суҳбат ба Sputnik Тоҷикистон сабаби тағйир ёфтани нархи роҳкиро шарҳ дод.

Ӯ гуфт, фармоиши вазорати нақлиёт "Оид ба тарифҳои номиналӣ барои ҳамлу нақли мусофирон бо нақлиёти автомобилӣ" ҳанӯз соли 2018 ба тасвиб расида буд, вале ширкатҳои мусофирбарӣ то ин вақт, тибқи нархномаи пештара, яъне бо 1 сомонию 30 дирам ба мардум хизмат мерасониданд.

Аммо баланд рафтани қиммати маводи сӯхт аз ҷумлаи бензин ва сӯзишвории дизелӣ ба ин ҳол ба тағйир ёфтани нархи роҳкиро ногузир шуд.

"Шумори бештари мусофирбарҳо тавасути сӯзишвории дизелӣ фаъолият мекунанд. Ҳоло нархи як литр дизел аз 5, 8 сомонии соли қаблӣ ба 7, 5 - 8 сомонӣ ва қимати бензин аз 6 то 8 сомонӣ дакка хурдааст. Нархномаи қаблии роҳкиро, барои ронандаҳо хароҷотбор гардид ва аз ин лиҳоз тибқи иҷрои фармоиши вазорати нақлиёт ва дар мувофиқа ба ҳукумати вилоят арзиши роҳкирои дохилишаҳрӣ аз санаи 4 уми марти соли ҷорӣ 1, 5 сомонӣ муқаррар карда шуд", - гуфт Очилзода.

Ин масъули идораи нақлиёт ва коммуникатсияи ҳукумати Суғд ҳамчунин таъкид намуд, ки роҳкиро танҳо дар хатсайрҳои дохилишаҳрӣ тағйир ёфта, нарх дар хатсайрҳои байнишаҳриву байниноҳиявӣ бетағйир боқӣ мондааст.

Зимнан ба иттилои масъулин дар шаҳру навоҳии Хуҷанд, Гулистон, Бӯстон, Истиқлол, Исфара, Конибодом, Истаравшан, шаҳракҳои Ғафуров, Шайдон, Меҳрободи ноҳияи Мастчоҳ ва Навкати ноҳияи Спитамен хатсайрҳои дохилишаҳрӣ амал мекунанд.

Дар шаҳри Хуҷанд ба ҳисоби микроавтобусҳо, автобусҳо амал мекунанд.

Ҷаҳиши якбораи нархи бензин дар Тоҷикистон

Масъулини идораи нақлиёт гуфтанд, ки нархи мусофирбарии дохилишаҳрӣ, барои автобусҳо бетағйир буда, 1 сомонӣ муқаррар шудааст.

622
Барчаспҳо:
Суғд, мусофирбарӣ, гароншавӣ

Тоҷикистон бо як кишвари дигар парвозҳоро барқарор кард

3687
(Таҷдидшуда 16:45 05.03.2021)
Сар аз 5 март тоҷикистониён имкони сафар намудан ба як давлати дигар тариқи ҳавопайморо дарёфт карданд

ДУШАНБЕ, 5 мар— Sputnik. Гурҷистон марзи худро ба рӯи Тоҷикистон боз кард ва акнун тоҷикистониён бо пешниҳод кардани ташхиси манфии коронавирус метавонанд тариқи ҳавопаймо ба ин кишвар сафар кунанд, менависад сомонаи ҳукумати Гурҷистон.

Гуфта мешавад, ташхиси коронавирус 72 соат қабл аз парвоз самти Гурҷистон гирифта шавад ва натиҷаи он албатта бояд манфӣ бошад.

Сарвазири Гурҷистон, Иракли Гарибашвили фармон дод, то рӯйхати кишварҳоеро васеъ кунад, ки шаҳрвандонашон дар сурати доштани натиҷаи манфии санҷиши коронавирус ба ҷумҳурӣ биоянд.

Ба ин рӯйхат чор давлати Осиёи Марказӣ шомил шуданд.

Ба ҳамин минвол, равобити ҳавоӣ миёни Гурҷистон, Қирғизистон, Тоҷикистон, Ӯзбекистон ва Туркманистон расман боз шуд.

Рӯзи барқароршавии парвозҳо байни Тоҷикистону Қазоқистон маълум шуд

Қаблан, Гурҷистон аз 1 март парвозҳои мустақимро бо Қазоқистон, Озарбойҷон, Арманистон, Белорус ва Русия аз сар гирифт.

Бояд таъкид намуд, ки чанде пеш парвозҳои мунтазам миёни Ҷумҳурии Қазоқистон низ аз сар гирифта шуд.

3687
Барчаспҳо:
парвоз, Гурҷистон, Тоҷикистон
Мужчина плачет, архивное фото

Барои рафтан ба Латвия раводид мекунам гуфт: боздошти сокини пойтахт барои қаллобӣ

0
Вазорати умури дохилии Тоҷикистон аз боздошти як сокини пойтахт хабар медиҳад, ки дар қаллобӣ меттаҳам мешавад

ДУШАНБЕ, 9 мар – Sputnik.  Бино ба иттилои дафтари матбуотии ин ниҳод, марди 34-солаи сокини пойтахт дар пайи аризаи шикоятии сокини дигари 32-солаи пойтахт боздошт шудааст.

Ба иттилои манбаъ, марди 32-сола 18-уми декабри соли 2020, бо роҳи фиреб ба боварии марди 34-солаи дигари пойтахт даромада, барои гирифтани раводиди корт ба давлати Латвия аз ӯ 33 ҳазору 600 сомонӣ гирифтааст.

Манбаъ мегӯяд, на раводит гирифтаасут на маблағашро барнагардонидааст.

Қаллобӣ бо кӯмаки собиқ раиси идораи замин: 13 ҳазор доллари корафтодаро азхуд карданд

Ҳамзамон, гумонбар бо ҳамин роҳ рӯзи 19-уми декабри соли 2020, бо роҳи фиреб ба боварии ҷавони 26-солаи сокини шаҳри Душанбе даромада, барои гирифтани раводиди корт ба давлати Латвия аз ӯ 3 ҳазору 870-доллари амрикоӣ гирифта, то ҳол маблағашро барнагардонидааст.

ВУД мегӯяд, аз рӯи ин ҳодисаҳо тафтишот идома дорад.

0
Барчаспҳо:
ВКД, раводид, қаллобӣ, сокини пойтахт, боздошт