Арест водителя в нетрезвом виде

Маст бо "Лексус" нимашаб ду ҷавонро зер карда, фирор намуд

856
(Таҷдидшуда 19:35 15.02.2021)
Вазорати умури дохилии Тоҷикистон мегӯяд, ронандаи маст бо мошинаш ду ҷавонро зер карда, аз ҷои ҳодиса фирор намудааст

ДУШАНБЕ, 15 фев — Sputnik. Тибқи иттилои Вазорати умури дохилии Тоҷикистон, Азизбек Ҷурабеков, ронандаи автомашинаи тамғаи "Лексус", рақами қайди давлатиаш 9555 дар ҳолати мастӣ ду ҷавонро зер кардааст.

Манбаъ мегӯяд, Ҷурабеков сокини 29-солаи ноҳияи Ҷалолиддини Балхӣ, шаби 8-уми феврали соли ҷорӣ, тахминан соати 01:00 дар ҳолати мастӣ бо мошинаш дар маркази ноҳия ҳаракат доштааст.

"Ӯ қоидаҳои ҳаракат дар роҳро дағалона вайрон менамояд ва аз уҳдаи идораи воситаи нақлиёт набаромада, ду нафар аз сокинони ноҳияи номбурда, Гулзода Музаффар ва Маҳсуддизода Бохтоварро, ки дар канори роҳ қарор доштанд, пахш намудааст”, - омадааст дар иттилоияи ВУД.

Манбаъ илова намуд, ки ронанда ба ҷабрдидаҳо кумаки аввалиндараҷа нарасонида, аз ҷойи ҳодиса фирор кардааст.

Мақомоти умури дохилӣ мегӯянд, дар пайи корҳои фаврӣ-ҷустуҷӯӣ ронандаи бадмаст аз ҷониби маъмурини милиса дастгир ва ба мақомот дастрас карда шуд.

Садамаи маргбори майор Султонов дар Варзоб: се ҷавон ҳалок шуданд

Ба иттилои ВУД, Ҷурабеков Азизбек иқрор шудааст, ки санаи мазкур дар ҳолати мастӣ қарор доштаву аз уҳдаи идораи воситаи нақлиёт набаромада, пиёдагардонро пахш ва аз ҷойи ҳодиса фирор кардааст. Феълан таҳқиқи қазия идома дорад.

Назари бевоситаи Ҷӯрабеков дар бораи ин қазия феълан маълум нест.

856
Барчаспҳо:
нақлиёт, садама, Тоҷикистон
Пассажиры в зале ожидания аэропорта в городе Худжанде

Аз рухсатии бемузди кормандон то қарзи маош: зарбаи ҷиддии пандемия ба Фурудгоҳи Хуҷанд

15
(Таҷдидшуда 17:36 25.02.2021)
Парвоз нест, даромад ҳам нест: гуфта шуд, ки COVID-19, чи қадар ба хазинаи Фурудгоҳи Хуҷанд зарба задааст

ДУШАНБЕ, 25 фев – Sputnik. Бино ба маълумоте, ки имрӯз зимни нишасти матбуотӣ ироа гардид, дар қиёс ба соли 2019, сатҳи даромади Фурудгоҳи байналмилалии Хуҷанд соли гузашта 122 милиону 848 ҳазор сомонӣ кам шудааст.

Соли 2019 ин корхонаи вилояти Суғд ба андозаи 81 миллиону 660 ҳазор сомонӣ даромади соф ба даст оварда буд.

Юсуф Маюсуфов, котиби матбуотии Фурудгоҳи Хуҷанд иброз намуд, ки ба дунболи коҳиш ёфтани сатҳи даромад ҳаҷми хароҷот ҳам дар ин давра ба маблағи 34 милиону 819 ҳазор сомонӣ кам гардид.

“Фурудгоҳ натиҷаҳои молиявии худро дар соли 2020 ба маблағи 6 милиону 368 ҳазор сомонӣ зарар ҷамбаст намудааст”, гуфт Маюсуфов.

Масъулин дар нишасти матбуотӣ иброз намуданд, ки соли 2020, аз 2592 адад ҷамъи хатсайрҳои банақшагирифташуда, танҳо 619 парвоз сурат гирифта, бо сабаби хуруҷи пандемияи COVID-19, 1979 парвози ҳавопаймоӣ иҷро нашудааст.

Фурудгоҳи Хуҷанд дар давраи ҳисоботӣ ба 152 621 мусофир хизмат расонидааст, ки ин рақам нисбат ба ҳамин давраи соли 2019, 77 % коҳиш ёфтааст.

“Соли гузашта 94 ҳазору 528 мусофир гусел карда шуда ва ҳамагӣ 58 ҳазору 93 мусофир қабул карда шудааст. Ин нишондиҳандаҳо дар муқоиса ба соли 2019, 510 ҳазору 814 мусофир кам гуфта мешавад”, гуфта шуд дар нишасти матбуотӣ.

Парвозҳо дар Фурудгоҳи байналмилалии Хуҷанд аз ҷониби ширкати ватании “Somon Air” ва ширкатҳои байналмиллалии “Сибир”, “Ют Эйр”, “Уралские авиалинии”, “Рус Аэро”, “Tianjin Airnines” ва “Bon Air Havacilik” анҷом дода шудааст.

Роҳбарони Фурудгоҳи Хуҷанд ҳамчунин гуфтанд, ки бинобар қатъ гардидани парвозҳои мунтазами ҳавопаймоӣ ва коҳиш ёфтани ҳаҷми кору хизматрасонӣ, шурӯъ аз моҳи марти соли 2020, 70 % ё ҳудуди 600 нафар аз 824 кормандро ба рухсатии бемузд фиристодаанд.

Коҳиши парвозҳо: ширкатҳои ҳавоию фурудгоҳҳо чанд миллиард зарар диданд?

Айни ҳол маблағи қарзи музди меҳнати кормандони ин корхона ба 1 миллиону 90 ҳазор сомонӣ баробар шудааст.

Қаблан Кумитаи андози Тоҷикистон низ гуфта буд, солҳои қаблӣ бо фурудгоҳҳо мушкил дар андозсупорӣ надошт, аммо имсол Фурудгоҳи байналмилалии Хуҷанд 31 миллион сомонӣ қарздор шудааст.

Масъулин таъкид меварзанд, ки Фурудгоҳи Хуҷанд барои қабул ва гусели парвозҳои байналмилалӣ омода аст.

15
Барчаспҳо:
парвоз, фурудгоҳ, Суғд, Тоҷикистон
Дорожная техника расчищает автомобильную дорогу от лавины, архивное фото

Ҳаракати мошинҳо дар роҳи Душанбе - Хуҷанд ва Душанбе - Хоруғ қатъ шуд: ҳушдори КҲФ

1000
(Таҷдидшуда 10:11 25.02.2021)
Дар пайи барфрезии ахир ҳаракати мошинҳо бас самти ду вилояти кишвар пурра қатъ шудааст

ДУШАНБЕ, 25 фев — Sputnik. Кумитаи ҳолатҳои фавқулодаи Тоҷикистон мегӯяд, роҳҳои автомобилгарди Душанбе - Хуҷанд ва Душанбе - Хоруғ муваққатан баста шудаанд.

Ба иттилои манбаъ, тайи як рӯзи ахир бар асари боришоти шадид дар километри 67-уми шоҳроҳи Душанбе-Варзоб ва шоҳроҳи Хоруғ-Мурғоб тармафароӣ ба қайд гирифта шудааст.

"Кори рафъи оқибатҳои тармафароӣ идома дорад",-афзудааст манбаъ.

Ғайр аз он, дар давоми рӯзи гузашта наҷотдиҳандагон ронандагон ва мусофирони 28 автомашинаро, ки аз километри 65-ум то 73-юми роҳи Душанбе-Айнӣ банд буданд, берун овардаанд.

ГУфта мешавад, барои таъмини бехатарии ронандагон дар зимистон ва расонидани кӯмаки фаврӣ дар ҳолатҳои фавқулодда, қитъаҳои гуногуни роҳҳо мунтазам аз ҷониби наҷотдиҳандагони шӯъбаҳои вокуниши Кумита посбонӣ карда мешаванд.

Ин ниҳод ҳамзамон аҳолиро аз хатари баланди резиши тарма, сангрезӣ, яхбандӣ, гардиши барф дар қисматҳои кӯҳистонии роҳҳо вобаста ба шароити обу ҳаво ҳушдор медиҳад.

Кумита хотиррасон мекунад, ки эҳтиёткор бошед ва ҳушёриро дар роҳҳо аз даст надиҳед, агар имконпазир бошад, аз ҳаракат дар қитъаҳои хатарноки роҳ, ҷамъоварии ҳезум ва сайругашт дар кӯҳҳо худдорӣ кунед.

Кумитаи ҳолатҳои фавқулодда ва мудофиаи гражданӣ инчунин ба ронандагон муроҷиат мекунад, ки дар сурати яхбандӣ қоидаҳои ҳаракат ва масофаи заруриро дар шароити душвори обу ҳаво риоя кунанд.

1000