Содда ва боэътимод: мошинҳои боркаши Русия ҷаҳонро тасхир карданд

380
(Таҷдидшуда 16:21 16.02.2021)
Ҳанӯз соли 1976 нахустин мошинҳои тамғаи "КамАЗ" аз дарвозаи заводи мошинбарории Камаз баромаданд. Ан он сол инҷониб, роҳҳои Русияро бидуни ин автомашина тасаввур кардан номумкин аст

ДУШАНБЕ, 16 фев — Sputnik. Николай Протопопов. Солҳои 1960 саноати шӯравӣ шадидан аз норасоии мошинҳои боркаш танқисӣ мекашид. Аз ин рӯ, макони истеҳсоли ин навъ мошинҳоро Набережни Челни интихоб карданд ва он ҷо заводеро сохтанд, ки тавони истеҳсол кардани 150 адад автомашинаи боркаш дар як солро дошт.

Бо баланд шудани сифати роҳҳо дар қаламрави кишвар шоҳроҳҳоро месохтанд.

Ҳамзамон таҷрибаи аврупоии эҷоди як мошини боркаш бо муҳаррики зеркабина ба назар гирифта шуд. Ин тартиб имкон дод, ки кабинаи мошинҳо бароҳаттар шавад ва ҳамзамон дарозии мошин самараноктар истифода мешавад.

Ба ин лоиҳа мутахассисони ЗиЛ ҳам ҳароҳ шуданд, ки таҷрибаи бойи аз сифр таҳия ва ба истеҳсолот ворид кардани мошинҳои боркашро доштанд. Дар он замон, мутахассисони ин навъ мошин аллакай як модели таҷрибавии худрави бекапотро сохта буданд (таҳти индекси ЗИЛ-170), ки ҳамчун прототипи аввалин КамАЗ хизмат мекард. Дар заминаи он, як оилаи тамоми мошинҳои се меҳварӣ бо иқтидори борбардории на камтар аз ҳашт тонна таҳия карда шуд.

Ба ҳамин минвол, ЗиЛ тавонист дар муддати чанд сол даҳҳо тарҳҳои мошинҳои боркашро омода ва истеҳсол кард. Ин гуна худравҳоро пайваста коркард менамуданд ва кӯшиш мекарданд, ки камбудиҳои худравро зуд таӯйир дода, ягон чизи нав ба тарҳи он шомил кунанд.

Он замон, мошинҳои КамАзро дар  қатори худравҳои хориҷӣ аз қабили "Форд", "Мерседес" ва "Интернэшнл" муқоиса менамуданд.

Таъмир дар "зону"

Соли 1976 дар Набережни Челни нахустин тамғаи КамАз - 5320 сохта шуд. Мувофиқи меъёрҳои шӯравӣ, ин як мошини хеле бароҳат буд - кабинаи барҳаво, дорои се ҷойи нишаст, камарбанди муҳофизатӣ, курсии танзимшавандаи ронанда, ҷойҳои баланди нишаст, ки атрофро ба пуррагӣ метавон дид, дарбар дошт. Суръати мошин баробар ба қувваи 210 асп буда, зарфи сӯзишвории он 200 литрро ташкил медод.

Сарфи сӯзишворӣ бошад, тақрибан 30 литр ба сад, бо суръати 80 километр дар як сония аст. Тормозҳо - барабани пневматикӣ мебошанд.

Зимнан, ду соли аввал завод се навъ мошин КамАз - ро ба муомилот баровад, ки инҳо мошини бркаши 8 тоннагӣ, самасвал барои сохтмон ва мошини борбардор, ки тавони аз 10 то 20 тонна бор бардоштанро дорад.

Яке аз хусусиятҳои фарқкунандаи мошинҳо дар он буд, ки онҳоро ба таври қулай имкони таъмир кардан мавҷуд буд. Нуқсонро дарвоқеъ "ба зону" рафъ кардан мумкин буд ва маҳз ҳамин ҷанба дар замони шӯравӣ бинобар маҷуд набудани устохонаҳои таъмири мошин ниҳоят муҳим буд.

Варзиш ва ҷанг

Аввали солҳои 80-ум, дар Набережни Челни, истеҳсоли як мошини шаштоннагии заминӣ бо индекси 4310 оғоз ёфт, ки асосан барои артиш пешбинӣ шуда буд. Тарҳи ин мошин имкон медод, ки қариб ҳама гуна роҳҳо убур кунад.

Ин навъ КАмАЗ ба Афғонистон низ роҳ ёфт ва ҳамчун воситаи асосии ҳамлу нақл ва интиқоли бор барои сарбозони шӯравӣ ба ҳисоб меравад.

Илова бар ин, мошинҳои боркаш бехатарии худро собит намуданд. КамАЗ - ҳо тааҷҷубовар, боэътимод ва идорашаванда буданд.

Дар тӯли 45 сол, заводи автомобилсозии "Набережные Челны" зиёда аз ду миллион мошини боркаши гуногунсифат истеҳсол намудааст.

Чӣ гуна афсонаҳои тавоноии “Байрактар”-ҳои туркӣ дар Қарабоғ пайдо шуданд

Садҳо ҳазор КамАЗ тамоми роҳҳои СССР ва Русияро тай карданд, бисёр моделҳо ба даҳҳо кишвари ҷаҳон интиқол дода шуданд ва расонида мешаванд.

Соли 1988 мошинҳои КамАЗ дар як мусобиқа иштирок карда соҳиби ҷоиза ҳам гардиданд.

Сипас соли 1990 мошинҳои варзишии КамАЗ худро дар пойгаи байналмилалии наҷот бо номи "Дакар" муаррифӣ карданд. Дар ин пойга онҳо соли 1996 ҳам иштирок карданд.

Аз он вақт инҷониб мошинҳои махсуси омодагии КамАЗ дар 27 марафон иштирок намуда дасти кам 15 маротиба ғолиб баромаданд.

380
Барчаспҳо:
мошини боркаш, Русия
Маршрутное такси в Худжанде

Роҳкирои мусофирбарӣ дар шаҳрҳои Суғд баланд шуд - шарҳи мақомот

397
(Таҷдидшуда 12:05 06.03.2021)
Дар пайи гарон шудани қимати бензин ва сӯзишвории дизелӣ, нархи роҳкирои мусофирбарии дохилишаҳрӣ дар вилояти Суғд ба 1 сомониву 50 дирам баробар шудааст

ДУШАНБЕ, 6 мар – Sputnik. То ин вақт арзиши роҳкиро дар хатсайрҳои дохилишаҳрӣ 1, 3 сомонӣ буд ва бар асоси нархномаи нав бештар аз 15% баланд шудааст.

Олимҷон Очилзода, мудири шуъбаи нақлиёт ва коммуникатсияи ҳукумати Суғд дар суҳбат ба Sputnik Тоҷикистон сабаби тағйир ёфтани нархи роҳкиро шарҳ дод.

Ӯ гуфт, фармоиши вазорати нақлиёт "Оид ба тарифҳои номиналӣ барои ҳамлу нақли мусофирон бо нақлиёти автомобилӣ" ҳанӯз соли 2018 ба тасвиб расида буд, вале ширкатҳои мусофирбарӣ то ин вақт, тибқи нархномаи пештара, яъне бо 1 сомонию 30 дирам ба мардум хизмат мерасониданд.

Аммо баланд рафтани қиммати маводи сӯхт аз ҷумлаи бензин ва сӯзишвории дизелӣ ба ин ҳол ба тағйир ёфтани нархи роҳкиро ногузир шуд.

"Шумори бештари мусофирбарҳо тавасути сӯзишвории дизелӣ фаъолият мекунанд. Ҳоло нархи як литр дизел аз 5, 8 сомонии соли қаблӣ ба 7, 5 - 8 сомонӣ ва қимати бензин аз 6 то 8 сомонӣ дакка хурдааст. Нархномаи қаблии роҳкиро, барои ронандаҳо хароҷотбор гардид ва аз ин лиҳоз тибқи иҷрои фармоиши вазорати нақлиёт ва дар мувофиқа ба ҳукумати вилоят арзиши роҳкирои дохилишаҳрӣ аз санаи 4 уми марти соли ҷорӣ 1, 5 сомонӣ муқаррар карда шуд", - гуфт Очилзода.

Ин масъули идораи нақлиёт ва коммуникатсияи ҳукумати Суғд ҳамчунин таъкид намуд, ки роҳкиро танҳо дар хатсайрҳои дохилишаҳрӣ тағйир ёфта, нарх дар хатсайрҳои байнишаҳриву байниноҳиявӣ бетағйир боқӣ мондааст.

Зимнан ба иттилои масъулин дар шаҳру навоҳии Хуҷанд, Гулистон, Бӯстон, Истиқлол, Исфара, Конибодом, Истаравшан, шаҳракҳои Ғафуров, Шайдон, Меҳрободи ноҳияи Мастчоҳ ва Навкати ноҳияи Спитамен хатсайрҳои дохилишаҳрӣ амал мекунанд.

Дар шаҳри Хуҷанд ба ҳисоби микроавтобусҳо, автобусҳо амал мекунанд.

Ҷаҳиши якбораи нархи бензин дар Тоҷикистон

Масъулини идораи нақлиёт гуфтанд, ки нархи мусофирбарии дохилишаҳрӣ, барои автобусҳо бетағйир буда, 1 сомонӣ муқаррар шудааст.

397
Барчаспҳо:
Суғд, мусофирбарӣ, гароншавӣ

Тоҷикистон бо як кишвари дигар парвозҳоро барқарор кард

2822
(Таҷдидшуда 16:45 05.03.2021)
Сар аз 5 март тоҷикистониён имкони сафар намудан ба як давлати дигар тариқи ҳавопайморо дарёфт карданд

ДУШАНБЕ, 5 мар— Sputnik. Гурҷистон марзи худро ба рӯи Тоҷикистон боз кард ва акнун тоҷикистониён бо пешниҳод кардани ташхиси манфии коронавирус метавонанд тариқи ҳавопаймо ба ин кишвар сафар кунанд, менависад сомонаи ҳукумати Гурҷистон.

Гуфта мешавад, ташхиси коронавирус 72 соат қабл аз парвоз самти Гурҷистон гирифта шавад ва натиҷаи он албатта бояд манфӣ бошад.

Сарвазири Гурҷистон, Иракли Гарибашвили фармон дод, то рӯйхати кишварҳоеро васеъ кунад, ки шаҳрвандонашон дар сурати доштани натиҷаи манфии санҷиши коронавирус ба ҷумҳурӣ биоянд.

Ба ин рӯйхат чор давлати Осиёи Марказӣ шомил шуданд.

Ба ҳамин минвол, равобити ҳавоӣ миёни Гурҷистон, Қирғизистон, Тоҷикистон, Ӯзбекистон ва Туркманистон расман боз шуд.

Рӯзи барқароршавии парвозҳо байни Тоҷикистону Қазоқистон маълум шуд

Қаблан, Гурҷистон аз 1 март парвозҳои мустақимро бо Қазоқистон, Озарбойҷон, Арманистон, Белорус ва Русия аз сар гирифт.

Бояд таъкид намуд, ки чанде пеш парвозҳои мунтазам миёни Ҷумҳурии Қазоқистон низ аз сар гирифта шуд.

2822
Барчаспҳо:
парвоз, Гурҷистон, Тоҷикистон
Кодири Косим на пресс-конференции Государственного Комитета по инвестициям и управлению государственным имуществом РТ

Ванҷ обод мешавад: Қодири Қосим бо соҳибкорони ин ноҳия мулоқот кард

0
(Таҷдидшуда 15:46 06.03.2021)
Муовини раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим бо соҳибкорони ноҳияи Ванҷ мизи гирд доир намуд

ДУШАНБЕ, 6 мар – Sputnik. Кумитаи рушди сайёҳӣ бо мақсади боз ҳам ободтар намудани ноҳияи Ванҷ бо иштироки соҳибкорони муваффақи ноҳияи Ванҷ мизи мудаввар доир гардид.

Дар ҷаласа Раиси Кумитаи рушди сайёҳӣ Тоҷиддин Ҷӯразода, муовини Раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим, Раиси ноҳияи Ванҷ Ҷаббори Қосим, соҳибкорони муваффақ ва фаъоли ноҳияи Ванҷ, ки дар пойтахт ва дигар минтақаҳо мамлакат фаъолият доранд, иштирок намуданд.

Интиқоли китоби Тоҷикон ба ноҳияи Ванҷ
сомонаи Вазорати маориф ва илми Тоҷикистон

Раиси Кумитаи рушди сайёҳӣ ҳадафи гирд овардани соҳибкоронро, омодагӣ ба таҷлили 30-солагии Истиқлоли давлатии Ҷумҳурии Тоҷикистон рабт дод.

Зикр гардид, ки имрӯз бо дастгирии давлату ҳукумати кишвар соҳибкорони маҳаллӣ дар рушди инфрасохтори ноҳия саҳми муносиб доранд. Ҳамзамон дар минтақаҳои дурдасти ноҳия аҳолии маҳаллӣ ба рушди инфрасохтори иҷтимоӣ, аз ҷумла меҳмонхонаву ошхонаҳо, марказҳои хизматрасонӣ, иншооти варзишӣ, боғчаҳо, марказҳои фароғатӣ, сартарошхонаву кошонаи ҳусн, ҳаммом ва бунгоҳҳои тиббӣ бо ҳуҷраҳои хатнаи писарбачагон ниёзи бештар доранд.

Дар ҷаласа ҳамзамон муовини Раиси Маҷлиси намояндагон Қодири Қосим ва Раиси ноҳияи Ванҷ Ҷаббори Қосим сухан карда, аз соҳибкорон даъват ба амал оварданд, ки бо дарназардошти имконият ва ҷалби бештари соҳибкорони муваффақ ва сокинони саховатпешаи ин минтақа дар татбиқи ҳадафи олии кишвар – баланд бардоштани сатҳи зиндагии аҳолӣ  ва пешрафти иқтисодию иҷтимоӣ тамоми нерӯи мавҷударо сафарбар карда, саҳми муносиб гузоранд.

Раҳмонзода гуфт, ба наздикӣ тӯҳфаи Президент ба Мурғобу Ванҷ ирсол мешавад: чист он?

Барои иҷрои Амри Президенти Ҷумҳурии Тоҷикистон дар бораи таҷлили 30–солагии Истиқлоли давлатии Ҷумҳурии Тоҷикистон нақша-чорабиниҳои мақомоти иҷроияи ҳокимияти давлатии ноҳияи Ванҷ оид ба анҷом додани корҳои ободонию созандагӣ бахшида ба 30 — солагии Истиқлоли давлатии Ҷумҳурии Тоҷикистон сохтмон ва бунёди 86 иншооти гуногуни таъйиноти иҷтимоию иқтисодиро дар бар мегирад.

Дар ин давра 31 иншоот дар соли 2018, 26 иншоот дар соли 2019,  22 иншоот дар соли 2020 мавриди истифода қарордода шуданд. Дар соли равон 6 иншоот ба нақша гирифта шуда, 4-тои он аллакай ба истифода дода шуд. Дар иншооти дигари ҷашнӣ корҳо бо маром идома дошта, то муҳлати муайяншуда мавриди баҳрабардорӣ  қарор дода мешаванд.

 

0