Награждение ветеранов с 75 летием победы

Медал барои падар! Сафорати Русия ба посдорони Ғалаба нишон дод

179
(Таҷдидшуда 20:25 23.04.2020)
Сафорати Русия дар Тоҷикистон иддае аз аъзои шӯрову кумитаҳои собиқадорони ҷангу меҳнатро бо нишони 75 – солагии Ғалаба қадрдонӣ кард. Ин маросим дар як муҳити хоксорона ва бидуни тантанаи хос баргузор шуд

ДУШАНБЕ, 23 апр – Sputnik. Раҳмат Қудратов, раиси Шӯрои собиқадорони ҷангу меҳнат, дар оғози ин маросим, ки бо ширкати Сергей Лякин-Фролов, сафири Русия дар Тоҷикистон гузашт, гуфт, далели бидуни тантанаи хос баргузор шудани он ба шароити хос рабт дорад.

“Бо он вуҷуд ки дар саросари ҷаҳон алайҳи ин маризии бадбахт (“вируси корона”) мубориза идома дорад, мо бояд ба тамоми ҷомиа, бахусус собиқадорони Ҷанги Бузурги Ватанӣ бирасонем, ки чизе моро аз таҷлили Ғалабаи Бузург боздошта наметавонад. Он рӯз мерасад, ки ин ҳама хотима меёбад. Ин ҳама муваққатӣ аст. Хушбин бошӣ, ҳама хуш мешавад”, - гуфт Раҳмат Қудратов.

Игор Лякин-Фролов, сафири Русия дар Тоҷикистон, ба далоили қадрдонии чанде аз аъзои шӯрову кумитаҳои ҷангу меҳнати Тоҷикистон бо нишони 75 – солагии Ғалабаи Бузурги мардуми Шӯравӣ дар Ҷанги Бузурги Ватанӣ пардохта гуфт, ин Шӯро як созмони ҷамъиятӣ, аммо мӯътабар пеши мардуму ҳукумат аст, ки аз манофеъи собиқадорони мазкур ҳимоят ва кори бузурге мекунад, то наврасону ҷавонон гузаштаи худ ва бобоҳои қаҳрамони худро фаромӯш накунанд ва ҳам инро, ки онҳо барои озодиву ободии ватан чӣ гуна талошҳо ва ҷонфишониҳо кардаанд.

“Ин пирӯзии бузург, муштарак ва азизест, ки ба ҳамаи мо – мардуми собиқ Иттиҳоди Шӯравӣ тааллуқ дорад ва онро намешавад тоҷикӣ, русӣ ё қафқозӣ гуфт, зеро аз ҳама аст ва кулли мардуми собиқ Шӯравӣ дар он саҳм гузоштаанд”, - гуфт Игор-Лякин-Фролов.

Награждение ветеранов с 75 летием победы
© Sputnik / Амир Исаев
Награждение ветеранов с 75 летием победы

Сафири Русия дар Тоҷикистон шахсан нишони “75-солаги Ғалаба дар Ҷанги Бузурги Ватанӣ” – ро рӯи синаи Раҳмат Қудратов, раиси Шӯрои собиқадорони ҷангу меҳнат, муовини ӯ - Алишер Шарипов, - котиби иҷроияи Шӯро - Рано Акрамова, Абдуҳамид Назаров, муовини Шӯрои собиқадорони ҷангу меҳнати шаҳри Душанбе ва Суҳробшоҳ Олимов, раиси Кумитаи ҷанговарони интернатсионалист овехт.

Ҳарчанд ин маросим дар утоқи кории раиси Шӯрои собиқадорони ҷангу меҳнати Тоҷикистон ва бо ширкати теъдоди каме аз собиқадорон ҷараён дошт, аз бардошту қиссаҳои омӯзанда орӣ набуд.

Алишер Шарипов, муовини аввали раиси Шӯрои собиқадорони ҷангу меҳнат, гуфт, худ дар Ҷанги Бузурги Ватанӣ ширкат накардааст, аммо падару хусураш ҷанговар буданд.

Медаль 75 лет победы ВОВ
© Sputnik / Амир Исаев
Медаль 75 лет победы ВОВ

“Падарам дар фирқаи Панфилов, ки Маскавро ҳимоят мекард, меҷангид. Ӯ ба мо қиссаҳои Бузургроҳи Волоколамскро мекард. Тамоми деҳоти атрофи Маскавро азёд медонист, ҷойҳоеро, ки дар хандақҳо паноҳ бурда, меҷангиданд. Ӯ як дасташро ҳангоми озодии Рига аз даст дод. Вақте кишварҳои Назди Балтика аз Иттиҳоди Шӯравӣ хориҷ шуданд, хеле надомат кашид. Ин нишон, барои ман, хеле азиз аст ва хоки падари ман аз раҳбарияти Русияву сафораташ барои ин қадрдонӣ сипосгузор хоҳад буд”, - гуфт Алишер Шарипов.

Рано Акрамова, котиби иҷроияи Шӯрои собиқадорони ҷангу меҳнат, хеле эҳсосӣ буд ва гуфт, намедонад чӣ бигӯяд: “Ман духтари ҷанговареам, ки дар Ҷанги Бузурги Ватанӣ вафот кардааст. Вақте ӯ рафта буд, ман ҳамагӣ шашрӯза будам. Хеле сипосгузорам. Зиёд намегӯям, зеро ҳаяҷонзадаам», - гуфт Рано Акрамова.

Абдуҳамид Назаров, муовини Шӯрои собиқадорони ҷангу меҳнати шаҳри Душанбе, гуфт, ин ҷашни муштараки мост ва мо дар канори ҳам бар фашизм пирӯз шудем. “Падари ман дар муҳорибаҳои Курск ҷангида, 11 захм бардоштааст. Ифтихор мекунам, писари чунин як инсонеам, ки дар ин пирӯзии бузурги таърихӣ саҳми худро гузоштааст. Мо бояд насл ба насл ин паёмро бирасонем, ки чӣ иттифоқ афтодаву ин пирӯзиро кӣ ба даст овардааст”, - гуфт Абдуҳамид Назаров.

Игор-Лякин-Фролов,  гуфт, ин танҳо иқдоме нахоҳад буд, ки дар остонаи Ғалабаи Бузург ва ҳам вазъи ногувори сиҳатӣ дар ҷаҳону минтақа аз сӯи сафорат дар Душанбе рӯи даст гирифта мешавад.

179
Барчаспҳо:
Шӯрои собиқадорони ҶБВ, Сафири Русия, медалҳо, ҶБВ, Русия, Тоҷикистон

Путин санаи таҷлили Рӯзи Пирӯзиро эълом кард

1004
(Таҷдидшуда 18:11 26.05.2020)
Президенти Русия Владимир Путин гуфт, Рӯзи Пирӯзӣ дар Русия 24 июн таҷлил мешавад. Маҳз дар ин таърих нахустин бор соли 1945 гузашти низомии қаҳрамонон баргузор шуда буд

ДУШАНБЕ, 26 май – Sputniк. Президенти Федератсияи Русия Владимир Путин рӯзи таҷлили 75-умин солгарди Рӯзи Пирӯзиро, 24 июн эълом кард.

"Фармон медиҳам, ки омодагӣ барои таҷлили 75-умин солгарди Пирӯзӣ дар Ҷанги Бузурги Ватаниро дар пойтахти Русия шаҳри Маскав ва дигар шаҳрҳо оғоз кунед", - гуфт ӯ зимни суҳбати видеоӣ бо вазири дифоъи кишвар.

Ӯ қайд кард, ки рӯзи 24 июн барои таҷлили ин иди бузург рӯзи мувофиқ аст, чун маҳз дар ин таърих нахустин бор соли 1945 гузашти низомии қаҳрамонон баргузор шуда буд.

Дар баробари ин президент ба вазири дифоъ Сергей Шойгу фармуд, то замони таҷлили ид амнияти шаҳрвандон қатъиян таъмин шавад ва хатари сироятёбӣ ба коронавирус дар он рӯз кам карда шавад.

Ҳам табобат мекарданд ва ҳам таъмин: саҳми Тоҷикистон дар пирӯзӣ бар фашизм

Раҳбари кишвар ҳамчунин қайд кард, ки "Ҳанги ҷовидон" низ баргузор мешавад.

"Пешниҳод дорам, ки "Ҳанги ҷовидон" моҳе баъд 24 июл баргузор шавад. Ин Рӯзи қувваҳои обӣ мебошад". 

Вале, агар дар моҳҳои наздик хатари сироятшавӣ аз коронавирус чун имрӯз боқӣ монад, эҳтимол рӯзи баргузории "Ҳанги ҷовидон" ба таъхир меафтад.

1004
Барчаспҳо:
ҷашни рӯзи Ғалаба, Рӯзи ғалаба, Русия
Мавзуҳо:
Пайомадҳои COVID-19 дар Тоҷикистон ва ҷаҳон

Ҳам табобат мекарданд ва ҳам таъмин: саҳми Тоҷикистон дар пирӯзӣ бар фашизм

123
Саҳми бузурги Тоҷикистон дар пешрафти ғалаба на танкҳое, ки ба ёдгор монданд, балки деворҳои бемористонҳои эвакуатсионӣ, ки ёдгории зиндае аз фидокориҳои халқи тоҷик ба шумор мераванд

Дар солҳои Ҷанги Бузурги Ватанӣ сокинони Тоҷикистон дар роҳи ғалаба саҳми бузург гузоштаанд. Дар байни онҳо на танҳо низомиён буданд, балки онҳое, ки кор мекарданд ва барои кӯмак ба сарбозони майдони ҷанг ҳар кори аз дасташон меомадаро мекарданд.

Боз як саҳифаи қаҳрамононаи ҷумҳурӣ кори табибон ва ихтиёриён аст. Тоҷикистон воқеан хонаи дуввум барои даҳҳо ҳазор нафар аз муҳосирашудагони Ленинград, Маскав, Киев, Минск ва бисёр шаҳру деҳоти минтақаҳои ғарбии Иттиҳоди Шӯравӣ шуда буд.

Ба ифтихори 75-умин солгарди Ғалаба, Sputnik Тоҷикистон дар бораи ҷароҳатҳо, эвакуатсия ва муассисаҳои тиббии ҷумҳурӣ дар давраи Ҷанги Бузурги Ватанӣ маълумоти пешакӣ омода кард.

Эмомалӣ Раҳмон иштирокчиёни ҶБВ-ро табрик кард: мо онҳоро фаромӯш нахоҳем кард

То соли 1942 дар Тоҷикистон 29 беморхонаи эвакуатсионӣ кушода шуд. Аксарияти онҳо дар Душанбе буданд, ҳамчунин дар Хуҷанд, Конибодом, Қӯрғонтеппа ва дигар шаҳрҳои ҷумҳурӣ низ бемористонҳо буданд.

Азбаски Тоҷикистон аз маҳали ҷанг дур буд, ба он ҷо аскарони ҷароҳати вазнин бардоштаро меоварданд. Онҳоро тавассути қаторҳои ёрии таъҷилӣ мерасониданд ва табибон дар он ҷо ҳолати онҳоро арзёбӣ карда ба бемористони махсус интиқол медоданд.

Ҳар як муассисаи тиббӣ тахасуси худро дошт: ҷарроҳии умумӣ, барои ҷароҳатҳои вазнин ва ҷароҳатбахшҳои неврологӣ, протезӣ ва ортопедӣ.

Аз сабаби набудани бинои тиббӣ, одамон бояд на танҳо дар беморхонаҳо, балки дар биноҳои маъмурӣ, мактабҳо, донишкадаҳо ҷойгир карда мешуданд. Ба ташкилотҳои хайриявӣ, ки ҷойгоҳҳо, катҳо, рӯйпӯшҳо, лавозимоти хоб ва асбобу анҷоми рӯзгорро таъмин мекарданд, кӯмак расонида мешуд.

Аксари маҷрӯҳон ба беморхонаҳо дар соли 1942 омада буданд. Инҳо муҳофизони Сталинград, Севастопол, Одесса ва Қафқоз буданд.

Табибон тавонистанд беш аз 50 ҳазор сарбози шӯравиро, ки тақрибан панҷ дивизияи пурраро ташкил мекарданд табобат кунанд. Тибқи омори солҳои ҷанг, ин рақам тақрибан 70% маҷрӯҳон ва 90% беморони ба ҷумҳурӣ овардашударо ташкил медиҳад.

Воқеан, кадрҳои нав барои эҳтиёҷоти беморхонаҳо дар маҳалҳо омода карда шуданд. Дар тӯли якуним сол, аз соли 1941 то 1942, ба Донишкадаи давлатии тиббии Тоҷикистон донишҷӯёнро аз донишгоҳҳоии тиббии Маскав, Ленинград, Киев, Одесса, ҳамагӣ 79 нафар интиқол доданд.

Русия ба Рӯзи ғалаба омодагӣ мебинад - акс

Табибоне, ки дар Тоҷикистон кор мекарданд, доруҳоеро ба соҳаи тибб пешниҳод карданд, ки имрӯз бомуваффақият дар дунё истифода мешаванд. Масалан, равғани арча - дар заминаи гиёҳҳои шифобахш, ки дар кӯҳҳои Тоҷикистон парвариш мешавад. Ин равған барои муолиҷаи беморони вазнин, ки сӯхтаҳои дараҷаи 1 ва 2 мебошанд, истифода мешуд.

Беморхонаҳои эвакуатсионӣ дар Тоҷикистон то аввали соли 1944 буданд. Вақте ки нерӯҳои шӯравӣ Украинаро озод карданд, як қисми госпиталҳо барои мустаҳкам намудани ёрии тиббӣ ба майдони ҷанг наздиктар карда шуданд. Якчанд постгоҳҳои тиббии дар Душанбе боқимонда ба беморхонаҳо табдил ёфтанд. Маъюбони ҷанг акнун дар он ҷо муолиҷа мешуданд.

Аскарон табобат шуда ба сафи пеш бармегаштанд. Онҳое, ки дигар аз сабаби саломатиашон ҷанг карда наметавонистанд касбҳои навро азхуд мекарданд. Дар аксар ҳолатҳо, онҳо барои кор ба фабрикаҳо мерафтанд.

Фарзандони сарбозони фронт дар лагерҳои кӯдакон ва хонаҳои истироҳатӣ ҷойгир карда мешуданд. Сокинони маҳаллӣ канор намонданд ва аксар вақт ятимонро ба оилаҳои худ мебурданд. Дар натиҷа, қариб 10 ҳазор кӯдакон дар хоки Тоҷикситон паноҳ ёфтанд ва як қисми кӯдакии худро дар он ҷое, ки аз даҳшати ҷанг дур буд, гузарониданд. Азбаски бисёриҳо аз он ҷо дигар ҷои баргаштан надоштанд дар ҷумҳурии меҳмондӯсти зиндагиашонро идома доданд.

123
Судебный молоток, архивное фото

Жураев 85 ҳазор сомонӣ ҷаримабандӣ шуд

0
(Таҷдидшуда 14:51 04.06.2020)
Додгоҳи ноҳияи Ёвон Нурмаҳмад Жураев, собиқ муҳандис-заминсози Ҷамоати шаҳраки Ҳаёти Нави ноҳияро дар содир намудани ҷинояти қаллобӣ ва ғайриқонунӣ додани қитъаи замин гунаҳкор дониста, 85 ҳазору 800 сомонӣ ҷарима баст

ДУШАНБЕ, 4 июн — Sputnik. Тибқи қарори додгоҳ, Жураев аз ҳуқуқи ишғоли мансабҳои хизмати давлатӣ дар соҳаи замин ба муҳлати 3 сол маҳрум шуд, хабар дод “Ҷумҳурият”.

Манбаъ афзуд, Жураев ба боварии шаҳрванд Уктамҷон Шамсиддинов, сокини ноҳия даромада бо роҳи фиреб барои ҷудо ва ҳуҷҷатгузорӣ кардани 0,16 гектар қитъаи замини наздиҳавлигӣ 5000 доллари ИМА талаб карда, 3500 долларро бо роҳи қаллобӣ гирифта, ба манфиати шахсиаш сарф кардааст.

Ба иттилои додгоҳ, Жураев моҳи феврали соли 2019 барои воқеан ҷудо карда додани қитъаи замини наздиҳавлигии ваъдакардааш аз Шамсиддинов боз 30 ҳазор сомонӣ гирифтааст.

“Ҳамчунин, моҳи марти соли 2019  Нурмаҳмад Жураев ғайриқонунӣ 0,08 гектар қитъаи замини тарҳи 56-и корами обии мансуб ба хоҷагии деҳқонии “Оғабек”-и ҷамоати зикршударо ба У. Шамсиддинов ҳамчун замини фонди наздиҳавлигӣ ҷудо кардааст, ки шаҳрванд дар он корҳои сохтмонии таҳкурсии иҳотавии атрофи заминро анҷом додааст”, - омадааст дар иттилоия.

Зикр шудаст, ки  Нурмаҳмад Жураев аз шаҳрванд Уктамҷон Шамсиддинов бо роҳи қаллобӣ беш аз 47 ҳазор сомонӣ гирифта, ба ӯ зарари калон расондааст.

Ин дар ҳолест, ки вазифаи хизматии Нурмаҳмад Жураев ҳамчун муҳандис-заминсоз назорати самараноки истифодаи қитъаи замини хоҷагиҳои деҳқонӣ, ҳоҷагиҳои ёрирасон ва заминҳои наздиҳавлигии ҳудуди ҷамоат буд, на заминфурӯшӣ.

Дар пайи шикояти Уктамҷон Шамсиддинов аз амалҳои фиребкорона ва ғайриқонунии муҳандис-заминсози ҷамоат Нурмаҳмад Жураев ба Ожонси назорати давлатии молиявӣ ва мубориза бо коррупсияи Тоҷикистон муроҷиат кардааст.

Таъкид шудааст, дар рафти баррасии ариза, Нурмаҳмад Жураев 3500 доллари ИМА, 30 000 сомонии барои ҷудо кардани қитъаи замин гирифтааш ва 7500 сомонии барои иҳотадевори атрофи замин сарфкардаашро ба ӯ пурра баргардондааст.

Додгоҳ бо назардошти ҳолатҳои кор ҷазоро дар намуди ҷарима ва бо маҳрум кардан аз ҳуқуқи ишғоли мансабҳои  муайян ё машғул шудан ба фаъолияти муайян таъйин кардаст.

0