Зери борон: гузашти низомӣ дар майдони Сурхи Маскав - 24 июни соли 1945

277
(Таҷдидшуда 14:28 24.06.2020)
Паради Пирӯзӣ дар майдони Сурхи Маскав 24 июни соли 1945 - ҳодисаи таърихӣ, ғалабаи бузурги ИҶШС дар Ҷанги Бузурги Ватанӣ бар Олмони фашистӣ мебошад

ДУШАНБЕ, 24 июн — Sputnik. Ин гузашти низомиро муовини Фармондеҳи олӣ, маршали Иттиҳоди Шӯравӣ Георгий Жуков қабул кард. Фармондеҳии ин парадро фармондеҳи низомиёни 2-юми фронти Белорус маршали Иттиҳоди Шӯравӣ Константин Рокоссовский бар ӯҳда дошт.

Қарор дар бораи баргузории паради ғолибон аз тарафи сарфармондеҳи Қувваҳои мусаллаҳи ИҶШС Иосиф Сталин пас аз Рӯзи Пирӯзӣ қабул шуд. 24 майи соли 1945 ба ӯ пешниҳоди баргузории гузашти низомӣ аз ҷониби штаби кулл расид. Ӯ пешниҳодро қабул кард, вале муҳлати баргузориро рад кард. Штаби кулл барои омодагӣ ба парад ду моҳ ҷудо карда буд, Сталин фармон дод, то гузашти низомӣ пас аз як моҳ баргузор шавад.

Гузашти низомиро бояд савори асп қабул мекарданд ва Сталин ин корро рад кард. Ӯ онқадар ҷавон набуд ва дар болои асп истодагӣ кардан барояш душвор буд, аз ин рӯ Жуковро даъват карда гуфт: "Шумо ҷавонтаред, барои ҳамин шумо парадро қабул мекунед". 

Тибқи дастурҳои штаби кулли Армияи Сурх аз 24 майи соли 1945 барои ширкат дар гузашти низомӣ 10 полк ва ҳамчунин полки Қувваҳои баҳрӣ ва полки Комиссариати халқии дифоъи ИҶШС ширкат карданд.

Дар баробари онҳо дар парад низомиёни Академия ва донишкадаҳои мустақар дар Маскав ва вилояти Маскав ширкат карданд.

Полкҳо аз сержантҳо ва афсарҳое, ки дар давоми Ҷанги Бузурги Ватанӣ корнамоиҳо нишон додаанд, иборат буд. Дар ҳар полк қувваҳои хушкигард, кавалеристҳо, такнчиён, халабонон ва алоқачиён буданд.

Ҳар як полк бештар аз ҳазор низомиро дар бар мегирифт. Бахши Қувваҳои обӣ аз намояндагони қувваҳои Шимолӣ, Балтийский ва Черноморский иборат буданд. Қатораҳои вижа бо ширкаткунандагони гузашти низомӣ то 10 июн аз роҳ расида буданд.. Низомиёнро дар казармаҳои Алешкинских, Лефортовских, Октябрьских ва Чернышевских ҷой доданд.

Омодагиҳои қисмҳои хушкигард дар замини Ходински Маскав дар ноҳияи фурудгоҳи марказии ба номи М.В. Фрунзе гузаронида мешуд. Дар гардиши Садовий, аз назди пули Қрим то майдони Смоленский қисмҳои артеллерӣ омодагӣ медиданд.

Парад бо тартиби хати умумии фронтҳои фаъол аз тарафи рост ба чап гузошта шуд. Барои ҳар қисми низомӣ маршҳои низомиеро интихоб карда буданд, ки бештар маҷбули дилашон ҳастанд.

Барои ҳамаи ширкаткунандагони парад либоси махсуси нав дӯхта шуд. Дар устохонаҳои истеҳсолии Театри бузарги Маскав даҳ штандарт таҳия карда шуд, ки бояд рӯзи парад бо онҳо мебаромаданд.

Ҳамин ҷо садҳо лентаҳо ва 360 байрақи ҷангӣ омода карда шуд. Ҳар як лента нишонгари қаҳрамонии умумӣ бо нишони қаҳрамонӣ буд.  

Мувофиқи барномаи баргузоркунандагон гузашти низомӣ бояд бо баровардани Байрақи Пирӯзӣ, ки 20 июн аз шаҳри Берлини Олмон оварда буданд, оғоз мешуд. Онро бояд Михаил Егоров ва Мелитон Кантария, ки байрақи ИҶШС-ро дар рейхстаг ва ҳамчунин Степан Неустроев, ки баталони ӯ гузоштани байрақро посбонӣ мекард, мебароварданд, вале онҳо омодагии хуб надоштанд ва ба ин далел қарор шуд, ки байрақ умуман бароварда намешавад.

22 июни соли 1945 дар рӯзномаҳои марказии шӯравӣ фармони № 370 Сарфармондеҳи кулл Сталин: "Ба муносибати Пирӯзӣ бар Олмон дар Ҷанги Бузурги Ватанӣ рӯзи 24 июни соли 1945 дар Маскав дар майдони Сурх гузашти низомии қувваҳои мусаллаҳ баргузор шавад" баромада буд.

Ҳамин рӯз дар майдони Сурхи Маскав репетитсияи умумӣ баргузор шуд.

Субҳи 24 июни соли 1945 рӯзи боронӣ ва абрӣ буд. То соати 8 ҳамаи низомиён ҷойҳои худро дар гузашти низомӣ гирифтанд. Соати 9 минбарҳои назди деворҳои Қасри Кремл аз вакилони Шӯрои Олии ИҶШС, кормандони Комиссариати халқӣ, фарҳангиён, иштирокчиёни сессияи ҷашнии Академияи илмҳои ИҶШС, коргарони завод ва фабрикаҳои Маскав, рӯҳониёни проваславӣ, дипломатҳои хориҷӣ ва меҳмонони бешумори хориҷӣ ҷой гирифтанд.

Соати 9.45 дар минбари Мавзолеи В.И. Ленин раҳбарони ҳукумати Шӯравӣ таҳти раёсати Иосиф Сталин баромаданд.

Фармондеҳи парад Константин Рокоссовский савори асп барои қабули паради таҳти фармони Георгий Жуков истод. Соати 10 бо садои баланди соати Кремл Георгий Жуков савори аспи сафед ба майдони Сурх ворид шуд.

Пас аз рапорт ва фармондеҳи қабулкардаи парад садои "Ҳама гӯш кунед!" (Слушайте все!) ва оркестри иборат аз 1,4 ҳзаор нафар таҳти раҳбарии генерал - майор Сергей Чернетский суруди миллӣ "Славься, русский народ!" - и Михаила Глинка садо дод.

Баъд Жуков аз минбари Мавзолей сухани табрикотии худро гуфт. Пасон суруди миллии ИҶШС ва якҷо 50 салют сар дода шуд. Тамоми майдони Сурхро садои Ура! фаро гирифт.

Пасон марши низомиён сар шуд. Бо тартиби муайян аз шимол ба ҷануб полк таҳти раҳӣбарии фармондеҳи (полки 1 ва 2-и Белорус – бо муовини аввали фармондеҳ): полки Карелия (Маршал Кирилл Меретсков), қисми Ленинград (МаршалЛеонид Говоров), Прибалтийск (генерал Иван Баграмян), 3-юми Белорус (Маршал Александр Василевский), 2-юми Белорус (генерал-полковник Кузьма Трубников), 1-уми Белорус (генерал Василий Соколовский), 1-уми Украина (Маршал Иван Конев), 4-уми Украина (генерал Андрей Еременко), 2-уми Украина (Маршал Родион Малиновский), 3-уми Украина (Маршал Федор Толбухин)ба майдон ворид шуданд.

Низомиёни қисми Қувваҳои баҳриро муовини адмирал Владимир Фадеев раҳбарӣ мекард.

Дар қатори аввал фармондеҳони армия қадам мезаданд.

Дар полки 1-уми Белорус намояндагони қувваҳои низомии Полски бо раҳбарии сардори штаби генералӣ Владислав Корчитс, қарор доштанду дар қисми 4-уми фронти Украина низомиёни 1-уми Чехославакия таҳти раҳбарии генерал Людвик Свобода буданд.  
Ҳар як қисми низомӣ қариб бидуни танаффус дар майдон қадам мезад. Баъд оркестр хомӯш шуд ва дар ин хомӯшии сартосарӣ садои 80 барабан баланд шуд.

Ба  майдони Сурх колоннаи ҷанговарони қисми 1-уми таъиноти махсуси комиссариати халқии корҳои дохилӣ таҳти раҳбарии Ф. Э. Дзержинский баромаданд, ки 200 байрақи сархамидаи қувваҳои низомии Олмонро мебурданд.

Дар пойдевори Мавзолей ду чӯби купрукмонанд буд, ки низомиён то ин ҷо расида ва байрақҳои сархамидаро ба маънии мағлубияти томи фашизм ҳаво медоданд. Дар ҳамин лаҳза садои қарсакҳои пурмавҷ аз минбарҳо майдони Сурхро ба ларзиш меорвад.

Пасон боз оркестр ба навохтан оғоз кард.

Баъдтар дар майдони Сурх ҳамагуна техникаи ҷангии ИҶШС, низомиёни савори мотосикл ва худравҳо пайдо шуданд.

Паради 24 июни соли 1945 бо гузашти низомиёни оркестрӣ анҷом ёфт. Ин гузашти низомӣ ду соат (122 дақиқа) таҳти борон баргузор шуд. Дар ин парад 24 маршал, 249 генерал, 2536 афсар ва 31 116 сарбоз ширкат карданд.

Соати 11 шаби ҳамин рӯз аз 100 аэростат якбора 20 ракета сар дода шуданд. Кулминатсияи гузашти низомӣ пайдо шудани акси бузурги "Пирӯзӣ" гардид, ки дар дохили абрҳо пайдо шуд.

Рӯзи баъдӣ, 25 июн дар Қасри Кремл ба муносибати Рӯзи Пирӯзӣ меҳмондории бузург баргузор шуд. Пас аз ҷашни бузург дар Маскав бо пешниҳоди раҳбарияти Шӯравӣ моҳи сентябри соли 1945 дар Берлини Олмон гузашти низомии якҷояи низомиёни шӯравӣ, амрикоӣ, анлисӣ ва фаронсавӣ баргузор шуд.

277
Барчаспҳо:
Маскав, сабақи таърихӣ, таърихӣ, гузашти низомӣ, ҶБВ

Паради таърихие, ки дуюм бор доир шуд: Гузашти низомӣ дар Маскав чигуна сурат гирифт-навор

268
(Таҷдидшуда 12:19 25.06.2020)
Дар Маскав ба муносибати 75-солагии Ғалаба дар Ҷанги Бузурги Ватанӣ ва пирӯзӣ бар фашизм гузашти низомӣ доир гашт

Дар маросими тантанавӣ қариб 15 ҳазор низомӣ ва зиёда аз 200 адад техникаи ҳарбӣ иштирок карданд.

Имсол паради ҳарбӣ 24 июн баргузор гашт, ки рамзӣ мебошад, зеро дар ҳамин рӯз, соли 1945 паради таърихии ғолибони ҷанг баргузор шуда буд.

Дар гузашти низомии имсола сарони кишварҳои пасошӯравӣ ва меҳмонон аз давлатҳои дигар ҳузур доштанд.

Якҷоя бо ҷузъу томҳои Русия сарбозони ҷумҳуриҳои собиқи Шӯравӣ - Озарбойҷон, Арманистон, Беларус, Қазоқистон, Қирғизистон, Молдова, Тоҷикистон ва Узбакистон дар майдони Сурх раҳпаймоӣ карданд.

Президенти Русия Владимир Путин дар сухани ифтитоҳии худ зимни оғози гузашти низомӣ бори дигар нақши тамоми мардуми советиро дар ғалаба бар фашизм ёдовар шуд.

Маросими тантанавӣ бо намоиши анъанавии воҳиди ҳавоӣ бо иштироки авиатсияи Русия ба охир расид.

Пас аз анҷоми маросим, Владимир Путин ҳамроҳи меҳмонони ба хотираи сарбозони ҳалокшуда дар Ҷанги Бузурги Ватанӣ эҳтиром гузошта, дар назди қабри Аскари номаълум гул гузошт.

268
Барчаспҳо:
фашизм, ғолиб, Ҷанги Бузурги Ватанӣ, аскарон, паради низомӣ, Москва, Русия

Аз нахустин парад дар соли 1945, то гузашти низомие, ки 9 май доир нашуд: торихи чорабинӣ

42
Нахустин гузашти низомии Рӯзи пирӯзӣ дар Маскав 24 июни соли 1945 баргузор гаштааст. Пас аз ин то соли 1995 гузашти низомӣ дар Рӯзи Пирӯзӣ ва танҳо дар солҳои ҷашнӣ 1965, 1985 ва 1990 баргузор карда шудааст

ДУШАНБЕ, 24 июн — Sputnik. Гузаштҳои низомӣ бо ҷалби силоҳ ва техникаи ҳарбӣ, истифодаи нусхаи нишони расмии Пирӯзии мардуми Иттиҳодӣ Шӯравӣ дар Ҷанги Бузурги Ватанӣ – Нишони Пирӯзӣ баргузор мешавад.

Нахустин гузашти низомии Рӯзи пирӯзӣ дар Маскав 24 июни соли 1945 баргузор гаштааст. Пас аз ин то соли 1995 гузашти низомӣ дар Рӯзи Пирӯзӣ ва танҳо дар солҳои ҷашнӣ 1965, 1985 ва 1990 баргузор карда шудааст.

Гузашти низомие, ки 9 майи соли 1995 дар Маскав, дар Рӯзи Пирӯзӣ баргузор гардид, аз ду қисми мустақил иборат буд. Дар Майдони Сурх гузашти низомии пиёдаи иштирокдорони ҷанг ва меҳнаткашони ақибгоҳи солҳои ҷанг бо воҳидҳои подгони Маскав , ки гузашти низомии Рӯзи Пирӯзии соли 1945-ро такрор мекарданд, баргузор гардид. Дар ин чорабинӣ Нишони Пирӯзӣ низ оварда шуда буд.

Қисми дувуми гузашти низомӣ бо намоиши техникаи ҳарбӣ дар “Поклонная гора” баргузор гардид.

Аз соли 1996 парадҳои низомӣ дар Майдони Сурх ва бе иштироки техникаи ҷангӣ ҳамасола баргузор мегарданд.

Паради 9 майи соли 2000 охирон гузаште буд, ки дар он иштирокдорони ҶБВ дар Майдони Сурх он пиёда гузаштанд. Аз соли 2001 онҳо дар минбар дар қатори тамошобинон менишинанд.

Фарқи асосии гузашти низомии соли 2001 дар он аст, ки бори нахуст онро вазири мудофиаи шаҳрвандӣ қабул кардааст.

Дар соли 2002 бори нахуст дар муҳосибаи гузашт донишҷӯёни Академияи муҳофизати шаҳрвандии Вазорати ҳолатҳои фавқуллодаи Русия низ ворид карда шуда буданд.
Дар гузашти соли 2005 бахшида ба 60-солагии Пирӯзӣ раисҷумҳури Амрико Ҷорҷ Буш, раисҷумҳури Фаронса Жак  Шерак ва садри аъзами Олмон Герхард Шредер иштирок доштанд.

Дар қисмии торихии чорабинӣ аз Майдони Сурх қӯшунҳои пиёдагард,  қӯшуни танку автомобилҳои зиреҳпӯш, қӯшунҳои обӣ, аскарони савора, ки дар тан либос ва силоҳи соҳои ҷангиро доштанд, гузаштанд.

Бори нахуст аз соли 1945 аз Майдони Сурх кинологҳо бо сагонашон гузаштаанд.

Сипас аз он зери даҳ  ҷабҳаҳои фронтҳои ҶБВ 2 ҳазору 600 иштирокдори ҶБВ дар 130 худрави замони ҷанг, ки махсус барои ин чорабинӣ дар коргоҳи "ЗиЛ"омода шуда буд, майдонро убур карданд.

Ин гузашти ҷанговарон зери  мусиқии замони ҷанг ва таронаҳои ҷанг суръат мегирифт. Дар анҷоми гузашти низомӣ дар осмони Майдони Сурх ҳавопаймоҳои ҷангӣ парвоз карданд.

Соли 2005 бори нахуст ҳангоми баргузории гузашти низомӣ аз камераҳои мобилӣ истифода гардид, ки аксҳоро аз худрави вазири мудофа ва ҳатто ҳавопаймоҳое, ки аз осомони Майдони Сурх парвоз мекарданд, мерасониданд.

Дар паради соли 2006 бори нахуст ҳарбиён ва маллоҳони хизмати қарордодӣ иштирок доштанд.

Соли 2007 овози ровие, ки гузашти низомиро тавзеҳ медод, на танҳо барои тамошобинони телевизион ва шунавандагони радио садо медод, балки ба ҳозирони Майдони Сурх низ шунавонида мешуд.

Беш аз миллион нафар аз 60 кишвари ҷаҳон суруди "Рӯзи Пирӯзӣ" - ро сароиданд - видео

Бо қарори раисҷумҳури Русия аз соли 2008 дар паради Майдони Сурх иштироки техникаи низомӣ барқарор гардид, ки аз се қисм пиёда, механикӣ ва ҳавоӣ иборат буд.

Гузашти соли 2008 чанд махсусиятҳои худро дошт. Аз ҷумла тамоми қӯшунҳо бо  нишонҳои нави ҷангӣ мегузаштанд ва иштирокдорони парад бошанд дар тан либоси намуди нав доштанд.

Дар қисми ҳавоии гузашт на танҳо ҳавопаймоҳо, балки чархболҳои низомӣ, бомбандозҳо, ҳавопаймоҳои ҷанганда, ҳавопаймои низомии АН-124 иштирок доштанд. Бо сабаби иштироки техника дар парад давомнокии он аз 40 дақиқа то як соат дароз шуд.

Паради низомие, ки ба 65-солагии Пирӯзӣ бахшида шуда буд, соли 2010 дар Майдони Сурх бо шаҳомати бесобиқа баргузор шуд.

Дар қисми торихии он бори нахуст намояндагони кишварҳои ИДМ ва шарикони эътилофи зиддигитлерӣ иштирок доштанд. Ҳамагӣ аз Майдони Сурх наздики ҳазор низомиёни хориҷӣ гузаштанд.

Ба Маскав намояндагони ҳарбии даҳ кишвари ИДМ, кӯшунҳои Амрико, Британияи Кабир, Фаронса ва Полша омаданд.

Ҳангоми гузашти низомӣ ҷанговарон, сокинони пойтахт ва меҳмонон навтарин системаҳои мушакии "Панцирь-С1" ва "Тополь-М"-ро диданд.

Гузашти низомии таърихӣ бахшида ба 75- умин солгарди пирузӣ бар Олмони фашистӣ – акс

Соли 2011 дар парад ҳарбиён бори нахуст бо либоси намуди нави Қувваҳои мусаллаҳ ба майдон бароманданд.

Соли 2012 боз ҳамон либоси пештараашонро ба бар карданд.

Соли 2013 пас аз 3 соли фосила боз дар ин парад “суворовҳо” ва “нахимовҳо” иштирок карданд.

Ба гузашти низомии соли 2015 роҳбарони наздики 30 кишварҳои дуру наздик меҳмон шуданд. Ин гузашт ба 70-солагии Ғалаба бахшида шуда буд.

Дар чорабинӣ бештар аз 15 ҳазор нафар иштирок доштанд. Ба ғайр аз низомиёни Русия, дар чорабинӣ ҳарбиёни Тоҷикистон, Озарбойҷон, Арманистон, Белорус, Қазоқистон, Қирғизистон Ҳиндустон, Чин, Сербистон, Муғулистон иштирок доштанд.

Дар парад наздики 200 воҳиди техникаи ҳарбӣ, аз ҷумла намудҳои нави он ба намоиш гузошта шуданд.

Соли 2016 бори нахуст дар торихи парадҳое, ки дар Маскав баргузор мегардиданд, қӯшунҳои занон аз низомиёни Донишгоҳи ҳарбии Вазорати мудофиаи Русия ва бахши Академияи ҳарбии ба номи Хрулев иштирок доштанд.

Афзун бар ин, парад барои намояндагони Қувваҳои ҳавоӣ ва Гвардияи миллӣ таҷрибаи наве гардид.

Ин ҷо бори нахуст ҳавопаймои ҳарбии Ил-76МД90А ба намоиш гузошта шуд. Афзун бар ин ду ҳавопаймои ҷангии Су-35С бори нахуст нишон дода шуданд.

Соли 2017 бори нахуст дар гузашти низомӣ аз Майдони Сурх қӯшунҳои ҳарбии ватанхоҳони ҳаракати “Юнармия" гузаштанд.
 Занони низомие, ки аз Майдони Сурх мегузаштанд бори нахуст жакети кабуд, бешдомани сафед ва чакмаи сиёҳ ба бар карданд. Пештар занон либоси сафед мепӯшиданд.

Дар чорабинӣ бори нахуст техникае, ки махсус дастаи арктикии Русия сохта шуда буд – комплекси мушакии “Тор-М2ДТ” ва “"Панцирь-СА” ба намоиш гузошта шуданд. Қӯшунҳои хушкигард низ ду техникаи нав бронеавтомобил "Тигр-М" ва танки Т-72Б3М-ро ба намоиш гузоштанд.

Бо сабаби ҳавои намусоид қисми ҳавоии парад лағв гардид.

Гузашти низомии таърихӣ дар Майдони Сурх анҷом ёфт

9 майи соли 2018 бори нахуст дар гузашти Майдони Сурх тарбиягирандагони омӯзишгоҳи ҳарбиву обии Нахимов аз Севастопол, Омӯзишгоҳи ҳарбии презиндентии Маскав, курсантони Академияи ҳарбии Смоленск ва полиси ҳарбӣ иштирок карданд.

Байни техникаи ҳарбие, ки аз Майдони Сурх гузаштанд, бори нахуст комплексҳои техникаи роботии "Уран-6" барои безарар гардонидани минаҳо, "Уран-9" ҳавопаймои бидуни сарнишин, “Катран” ва “Корсар” ба намоиш гузошта шуданд. Дар қисми ҳавоии парад 75 экипаж иштирок доштанд.

2019 махсус барои парад дар Русия худрави “кабреолет” дар асоси лимузини Aurus сохтанд. Дар ин худравҳо фармондеҳи гузашти низомӣ ва вазири мудофиа савор буданд.

 Афзун бар ин дар ҳайати қӯшқнҳои пиёдагарди парад бори аввал Донишгоҳи Маскави ВКД ба номи Кикотя, қисми занони низомии Академияи мудофиаи ҳавоии ба номи маршал Жуков ва қӯшқнҳои ҳарбии корпуси кумитаи тафтишотии ба номи Александр Невский иштирок доштанд.

 Соли 2019 ба далели ҳавои номусоид қисми ҳавоии парад лағв гардид.

Мобайнҳои апрели соли 2020 президенти Русия Владимир Путин қарор дод, ки бино бар вазъи мушкили эпидемиологӣ тантанаҳои ҷашнӣ бахшида ба 75-солагии Пирӯзӣ ба таъхир андохта шаванд. 9 май дар шаҳрҳои Русия паради ҳавоӣ баргузор гардид.

Раҳмон куҳансарбозонро дар гузашти низомӣ бахшида ба Рӯзи Ғалаба истиқбол кард - навор

Охирҳои май президенти Русия эълон кард, ки гузашти низомӣ бахшида ба Рӯзи Пирӯзӣ 24 июн июн баргузор мешавад.

42

Бозорҳои Тоҷикистон дар давраи ҳамагирии COVID - 19: гузориши аксӣ

0
(Таҷдидшуда 20:08 04.07.2020)
  • Посбон дар бозори Меҳргон ҳарорати бадани муштариёнро месанҷад
  • Аробакашон дар бозори Меҳргон
  • Бозори Меҳргон
  • Фурӯшанда дар бозори Меҳргон
  • Кормандони мақомот ҳарорати бадани муштариёнро месанҷанд.
  • Меваҳо дар бозори Меҳргон
  • Меваҳои қоқ дар бозори Меҳргон
  • Фурӯшанда дар бозори Меҳргон
  • Муштариён дар бозори Меҳргон
  • Фурӯшандаи бозори Меҳргон
  • Фурӯшандаи бозори Меҳргон
Зиндагии мардуми Тоҷикистон бо тадриҷ ба шакли маъмулӣ бозмегардад. Фаъолияти бозорҳои кишварро дар замони ҳамагирии COVID - 19 дар гузориши Sputnik Тоҷикистон тамошо кунед

Бозорҳои Тоҷикистон имрӯзҳо бо риояи ҳамаи қоидаҳои беҳдоштӣ ба фаъолият оғоз карданд. 

Дар дари даромади бозор ҳарорати бадани ҳар як муштарӣ санҷида мешавад.

Маъмулан дар назди даромади бозорҳо "кунҷи беҳдоштӣ" ташкил шудааст.

Бидуни ниқоб ба бозор ворид шудан мумкин нест, танҳо барои кӯдакон ин қоида истисно мешавад.

“Корвон” боз баста мешавад? – шарҳи мақомот

Ҳамаи фурӯшандагон низ бо ниқоб ҳастанд. Ҳамаи рафҳои савдо ҳамарӯза безарар гардонида мешаванд.

Зиёда аз ин ҳамаи бозорҳои бузурги кишварро кормандони мақомот ҳамарӯза тафтиш мекунанд.

0
  • Посбон дар бозори Меҳргон ҳарорати бадани муштариёнро месанҷад
    © Sputnik / Амир Исаев

    Посбон дар бозори Меҳргон ҳарорати бадани муштариёнро месанҷад.

  • Аробакашон дар бозори Меҳргон
    © Sputnik / Амир Исаев

    Аробакашон дар бозори Меҳргон.

  • Бозори Меҳргон
    © Sputnik / Амир Исаев

    Бозори Меҳргон имрӯзҳо боз пур аз муштарӣ аст.

  • Фурӯшанда дар бозори Меҳргон
    © Sputnik / Амир Исаев

    Фурӯшанда дар бозори Меҳргон. Ҳамаи фурӯшандагон низ бо ниқоб ҳастанд.

  • Кормандони мақомот ҳарорати бадани муштариёнро месанҷанд.
    © Sputnik / Амир Исаев

    Кормандони мақомот ҳарорати бадани муштариёнро месанҷанд. Ҳамаи рафҳои савдо ҳамарӯза безарар гардонида мешаванд.

  • Меваҳо дар бозори Меҳргон
    © Sputnik / Амир Исаев

    Меваҳо дар бозори Меҳргон. Рафъҳо аз меваҳои мавсимӣ пур шудааст.

  • Меваҳои қоқ дар бозори Меҳргон
    © Sputnik / Амир Исаев

    Меваҳои қоқ дар бозори Меҳргон.

  • Фурӯшанда дар бозори Меҳргон
    © Sputnik / Амир Исаев

    Фурӯшанда дар бозори Меҳргон. Бозорҳои Тоҷикистон имрӯзҳо бо риояи ҳамаи қоидаҳои беҳдоштӣ ба фаъолият оғоз карданд. 

  • Муштариён дар бозори Меҳргон
    © Sputnik / Амир Исаев

    Муштариён дар бозори Меҳргон. Бидуни ниқоб ба бозор ворид шудан мумкин нест, танҳо барои кӯдакон ин қоида истисно мешавад.

  • Фурӯшандаи бозори Меҳргон
    © Sputnik / Амир Исаев

    Фурӯшандаи бозори Меҳргон. Фурӯшандагон низ ҳатман ниқоб мепӯшанд.

  • Фурӯшандаи бозори Меҳргон
    © Sputnik / Амир Исаев

    Фурӯшандаи бозори Меҳргон. Барои фурӯшандагон низ пӯшидани ниқоб ҳатмӣ мебошад.

Барчаспҳо:
вируси нав, фаъолият, бозор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон