(0:49 / 5.27Mb / просмотров видео: 1)

Наҷотёбии ҳайратовар дар Непал: марде зери харобаҳо 80 соат буд

10
(Таҷдидшуда 10:45 30.04.2015)
Наҷотдиҳандагон дар Непал тавонистанд аз зери харобазорҳо марди зиндамондаро берун оваранд: вай зери харобаҳои бинои бисёртабақа 80 соат қарор дошт.

Ба иттилоъи хабаргузории Рейтер, наҷотдиҳандагон ин мардро аз зери харобаҳои бинои ҳафттабақа дар пойтахти Непал, шаҳри Катманду берун оварданд. Ин Риши Кханали 28 сола аст. Ҳангоми зилзила ин мард дар табақаи дуввуми бино қарор доштааст. Наҷотдиҳандагон барои расидан ба ин мард ва берун овардани вай панҷ соат масраф карданд. Тибқи ташхиси муқаддамотӣ почаи вай шикастааст.

Тибқи иттилоъи ахир, теъдоди қурбониёни ин зилзила аз 5 ҳазор нафар гузаштааст ва ҳудуди 10 ҳазор нафар осеб дидаанд.

Зилзилаи бо шиддати 7,9 дараҷа субҳи рӯзи шанбе дар Непал рух дод. Зилзила соати 06.11 бо вақти UTC (09.11 бо вақти Москав) сурат гирифта ва баъд аз он чанд зилзилаи такрорӣ рух дод. Маркази зилзилаи аввалӣ дар 82 километрии шимолу ғарби Қатманду воқеъ буд. Маркази зилзила дар умқи 15 километрӣ будааст. Рӯзи якшанбе Непалро чанд зилзилаи такрорӣ фаро гирифт, ки шиддати сахттаринаш 6,7 дараҷа буд.

 

10
Мавзуъ
Пойтахти Непал то ва баъд аз зилзила. Навор аз ҳавопаймои бе сарнишин
Шаҳрвандони Тоҷикистон аз Непал ба Русия интиқол шуданд
18 нафар шаҳрванди Тоҷикистон интизори берун шудан аз Непал ҳастанд
ВКХ ҶТ: мавзӯъи ихроҷи атбои тоҷик аз Непал ҳалл мешавад
Зилзилаи фоҷиъабор дар Непал
Теъдоди қурбониёни зилзила дар Непал ба 3218 нафар расид

Созмони Ҷаҳонии Беҳдошт ба ваксинаҳои Русия бар зидди COVID-19 рағбат дорад

280
(Таҷдидшуда 21:22 07.07.2020)
Созмони ҷаҳонии беҳдошт интизори он аст, ки ваксинаҳои пешниҳоднамуда Русия бар зидди коронавирус чӣ натиҷа медиҳанд

Созмони Ҷаҳонии Беҳдошт ба ваксинаҳои зидди коронавирус дар Русия рағбат пайдо кардаст.

Онҳо гуфтанд, ки интизори анҷоми санҷишанд. Ҳамзамон, қайд карданд, ки дар рафти санҷиши доруҳо барои табобати COVID-19 низ ҳастанд.

Озмоишҳои Русия дар бораи ихтиёриён ҳамзамон дар якчанд ҷойҳо баргузор мешаванд.

Озмоишҳо чӣ гуна гузаронида мешаванд, иштирокчиёни ихтиёриён чӣ гунаанд ва кадом кишварҳо ваксинаи аз ҳама бештарро интизоранд - дар видеои мо бубинед. 

280

Сӯхтор дар калисои қадимии асри XIX дар Томск- видео аз ҷои ҳодиса

136
(Таҷдидшуда 17:53 04.07.2020)
Калисои чӯбии қадимае дар шаҳри Томски Русия дар паи сӯхтор қариб пурра хокистар шуд. Оташнишонон тавонистанд гузаштани оташ ба дигар манотиқро пешгирӣ кунанд

Дар Русия яке аз қадимтарин калисоҳои кишвар нобуд шуд. Дар шаҳри Томск калисое, ки тақрибан 145 сол дошт пурра хокистар шуд. 

Бино ба гуфти шоҳидони ҳол сӯхтор дар паи раъду барқ оташ гирифтааст.

Ин калисо, ки яке аз қадимтарин бинои чӯбии ин минтақа буд, дар давоми як соат ба хок яксон шуд.

Ба вокуниши саривақтии оташнишонон нигоҳ накарда, калисо пурра ба коми оташ рафт. Наҷотдиҳандагон натавонистанд, ин бинои асри XIX - ро наҷот диҳанд.

Дар баробари ин хатари гузариши оташ ба дигар биноҳо низ вуҷуд дошт, ки бо қувваи оташнишонон ин хатар пурра бартараф карда шуд.

Дар паи сӯхтор, хушбахтона касе осеб надид.

136
Барчаспҳо:
сӯхтор, Томск
Давлат Худоназаров советский, таджикский кинодокументалист, политик и общественный деятель. Народный артист Таджикской ССР (1989)

Худоназаров филми офаридаи Далер Имомалиро арзёбӣ кард

0
(Таҷдидшуда 19:34 08.07.2020)
Сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров ширкати филми коргардон Давлат Имомалиро дар Ҷашнвораи синамои мусалмонон дар Қазон арзёбӣ кард

ДУШАНБЕ, 8 июл — Sputnik. Филми нави ҳуҷҷатии коргардони ҷавони тоҷик Далер Имомалӣ "Кӯчаи умед - 612" ба 16-умин Ҷашнвораи байналмилалии синамои мусалмонӣ дар Қазон, даъват шуд.

Чунин таваҷҷӯҳ ба филми Далер Имомалӣ хабари хушоянд аст, гуфт сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров.

Ӯ ёдоварӣ кард, ки соли гузашта коргардони тоҷик аллакай як филми худро дар ин ҷашнвора ба намоиш гузошта буд.

Ба фикри Далер Худоназаров филми Далери Имомалӣ бисёр унвони зебо ва ғайриоддӣ дорад - "Кӯчаи умед - 612". 

"Қаҳрамони филм Саъдулло Раҳимов - шахсияти илмӣ, намояндаи бузурги фарҳанги тоҷик. Ӯ фаъолияти касбияшро дар шӯъбаи философияи Академияи илмҳои Тоҷикистон оғоз карда буд. Баъдтар киношинос ва мунаққид шуд. Ҳамаи даҳсолаҳо ӯ дар мавқеъи худ устувор буд. Ба муносибати шахсӣ бо он ё ин коргардон нигоҳ намекарда, ӯ доим рост ва он чиро, ки эҳсос мекард, егуфт ", - гуфт Худоназаров дар суҳбат бо Sputnik Тоҷикистон.

Ӯ қайд кард, ки корҳои Раҳимов ба беҳтар шудани сифати синамои "Тоҷикфилм" таъсири мусбат кард.

Худоназаров ҳамчунин баргузории 16-умин ҷашнвораи Қазонро воқеъаи хушоянд арзёбӣ карда, гуфт аз як тараф ин ҷашнвора ҳамаи синамогарони мусалмонро якҷо ҷамъ меорад ва аз сӯи дигар барои ҳамагон кушода аст.

Дар баробари ин Худоназаров бар ин аст, ки ҷашнвора метавонад миқёси худр бо филмҳои минтақавии Русия васеътар кунад. Ба гуфти ӯ, филмҳо аз ҳар минтақа бозгукунандаи симои ҳар минтақа шуда барои ошноӣ бо онҳо заминаи хубе хоҳанд буд.

0
Барчаспҳо:
ҷашнвораи кино, Қазон