(0:45 / 4.63Mb / просмотров видео: 28)

Танки Т-14 "Армата". Тамрини гузари низомии Пирӯзӣ дар майдони Сурх

12
(Таҷдидшуда 14:07 05.05.2015)
Дар Москав 4 май тамрини дуввуми шабонаи гузари низомии Пирӯзӣ баргузор шуд, ки дар он барои бори нахуст танки Т-14 "Армата" бо тӯпи бидуни чатр ширкат кард. Аксҳои ин тамринотро бубинед.

То тамрини ниҳоии гузари низомии Пирӯзӣ танки Т-14 бо тӯпи болояш чатрбаста меомад, аммо дар тамрини ахир танк комилан боз ҳозир шуд. "Армата" дар гузари низомии 9 май дар ҷашни 70-мин солгарди Пирӯзӣ "нуктаи аслӣ" хоҳад шуд. Гузашта аз ин, дар Рӯзи Пирӯзӣ дар майдони Сурх беш аз 16,5 ҳазор низомиён ва ҳудуди 200 адад васоили фаннии низомӣ пайдо мешаванд, зикр мекунад хабаргузорӣ.

Танки русиягии "Армата" тибқи зарфиятҳои фанниву амалиаш аз куллияи ҳамтоёни ғарбиаш пешсаф аст, менависад Ассошиэйтед Пресс.

Вижагии аслии танки Т-14 "Армата" —тӯпхонаи бидуни сарнишин аст: низомиён аз тӯпи танк ба сурати фосилавӣ аз дохили ҷузъи зиреҳпӯш танзим мекунанд. Ин танк бо таҷҳизоти беҳамтои назоратӣ муҷҷаҳаз мебошад ва метавонад ҳамзамон то 40 нишони заминӣ ва 25 нишони фазоиро дар фосилаи 100 километр таҳти назорат дошта бошад.

Қаблан вазири дифоъи Русия Сергей Шойгу изҳор дошта буд, ки гузари низомӣ ба хотири таҷлил аз 70-мин солгарди анҷоми Ҷанги Бузурги Ватанӣ аз ҳама густурда ва беҳамто дар таърихи навини Русия хоҳад буд. Ба гуфтаи вай, бахши аслии васоили фанниву низомие, ки 9 май ба намоиш гузошта мешаванд — навъҳои муъосир ҳастанду то ҳол касе онҳоро надидааст.

Барои бори нахуст дар майдони Сурх ҷадидтарин наъвҳои васоили фании артиши ҳавоиву чатрбозон БМД-4М ва зиреҳпӯши гуногунҳадафи "Ракушка" ва ҳамчунин муҷтамаъи мушакии заминиву ҳаракаткунандаи "Ярс" ба намоиш гузошта мешаванд. Ҳамзамон дар суфуфи васоили фаннӣ зиреҳпӯшҳое гузар мекунанд, ки намунаҳои таҷҳизоти оянда ҳастанду бар пояи "Армата", "Курганетс", "Бумеранг" таҳия шудаанд.

Гузари низомӣ бо парвози ҳавопаймоҳои артиши ҳавоии Русия анҷом меёбад. Дар суфуфи он чархболҳо ва ҳавопаймоҳои низомӣ, борбар, ҳавонавардии дур, аз ҷумла чархболҳои Ми-35, "Ансат-У", Ми-28Н, ҷангандаҳои Су-30, Як-130, бомбпартовони Су-34, Ту-22МЗ, Ту-95 ва Ту-160 ба намоиш гузошта мешаванд. 

12
Барчаспҳо:
намои танки ҷадиди Русия, вазорати дифоъи Русия, Сергей Шойгу, Русия
Мавзуъ
Қаҳрамонони Иттиҳоди Шӯравӣ дар ҶБВ аз Тоҷикистон
Муъмин Қаноат: корнамоии тоҷикон дар ҶБВ набояд фаромӯш шавад
“Русия имрӯз” лавҳаи ҷадиди чандрасонаӣ дар бораи ҶБВ-ро пахш кард
Тува – шарики нахустини Иттиҳоди Шӯравӣ дар ҶБВ буд
Ҷобаҷогузорӣ ва тавозуни неруҳо дар ҶБВ
Дар Тоҷикистон ҳамагӣ 849 собиқадори ҶБВ зинда мондаанд

Бӯйи коронавирус: сагҳо ба шинохти COVID - 19 ва навъҳои нави он омӯхта шудаанд

92
Дар баъзе кишварҳо сагҳоро махсус меомӯзонанд то коронавирусро аз зуком ва аз навъи навиCOVID - 19 фарқ кунонад ва ҳатто агар маризӣ бидуни ягон аломат буруз кунад

Дар фурудгоҳи Кунеои Италия сагҳо омӯзонида мешаванд, то афроди ба коронавирус сироятёфтаро ҷустуҷӯ кунанд.

Озмоиш дар якҷоягӣ бо старт-апҳои Финландия, ки сагҳоро таълим медиҳанд, гузаронида мешавад: онҳо ба сагҳо таълим медиҳанд, ки бемориҳои одамро бо бӯй ҷустуҷӯ кунанд.

"Агар шахс бо коронавируси бидуни аломат гирифтор шуда бошад, сагҳо метавонанд онро ошкор кунанд. Онҳо инчунин метавонанд зуком ва COVID-19-ро фарқ кунанд", - тавзеҳ додаст Барбара Сарфатти, мудири амнияти фурудгоҳи I-Sec.

Вай гуфт, ки сагҳо инчунин барои шинохтани навъҳои нави коронаиврус, аз қабили бритонӣ, бразилӣ ва африқоӣ омӯзонида шудаанд.

Лоиҳаи озмоишӣ соли 2020 дар Ҳелсинки татбиқ карда шуд. Маълум аст, ки сагҳо аз 6 ҳазор ҳолат вирусро бо эҳтимолияти 95% шинохтанд.

Оё Тоҷикистон ба "корона" пирӯз шуд - чанд посухи маъмул

Пас аз он ки, сагнафари гирифтор ба коронавирусро муайян мекунад, ташкиси пурратари он нафар минбаъд дар утоқи фавқулода дақиқ мешавад.

Чунин таҷрибаҳо аллакай дар Эрон истифода мешаванд. Дар ин ҷо, дар фасли баҳор, чӯпонони олмонӣ, бозгирандагони тиллоӣ, лабрадорҳо ва коллиҳои марзӣ барои ҷустуҷӯи онҳое, ки ба коронавирус сироят ёфтаанд, ҷалб карда шуданд.

Сагон инчунин дар Русия барои кор дар фурудгоҳҳо омӯзонида мешаванд. Барои ин зоти махсусе бо номи шалаика парвариш карда шуд.

92
Барчаспҳо:
маризӣ, бӯйи бад, саг

Клинтон Трампро дар робита бо Путин айбдор кард. Чаро? - навор

189
(Таҷдидшуда 17:37 22.01.2021)
Дар ИМА боз “изи русӣ” меҷӯянд. Ин дафъа дар ҳамла ба Капитолия. Собиқ котиби давлатии ИМА, Хилларӣ Клинтон гуфт, гӯиё Русия дар ҳамла даст дорад

Тибқи ин ривоят, Доналд Трамп дар ин рӯз бо Владимир Путин тамоси телефонӣ дошт. Хилларӣ Клинтон равобити Трампу Путинро санҷиданист. Клинтон гумон дорад, ки Трамп қабл аз ҳамлаи 6 январ ба Капитолия бо Путин суҳбати телефонӣ дошт.

Ҷонибдорони ҷумҳурихоҳ ҷаласаи якҷояи Конгрессро халалдор карданд, ки дар он пирӯзии демократ Ҷо Байдент дар интихобот тасвиб мешуд.

Собиқ котиби давлатии ИМА хостори сабтҳои суҳбатҳои телефонии Трамп дар 6 январ шуд. Ӯ аз гумону нақшаҳояш дар подкасти  You and Me Both гуфт. Хилларӣ Клинтон, ректори донишгоҳи Квинс, собиқ котиби давлатии ИМА: “Мо дар бораи низоми идориямон тайи чор соли охир – аҳди президенте, ки демократияро хуш надорад, зиёд фаҳмидем”.

Бо Клинтон роҳбари Конгресс, Ненсӣ Пелосӣ суҳбат дошт, ки бетартибӣ дар Вашингтонро “туҳфаи Путин” хонд.

Владимир Ҷабборов, ноиби аввали Кумитаи байналмилалии Шӯрои Федератсияи Русия, мегӯяд,  Клинтон – хонуми хеле қасосгир аст.

“Трампро, ки замоне барои президентшавияш монеа шуд, намебахшад... Ин чеҳраи рафта аст, бигзор дар бораи чизҳои шахсияш фикр кунад. Вақташ дар сиёсат гузашт”, - изҳор дошт, ӯ. . 

Соли 2016 дар ИМА чунин иттиҳомот садо дода буданд. Аз ҷумла бе далел Русияро ба дахолат дар интихобти президентӣ айбдор карданд.

Вашингтон зиёд мушкилоти дохилияшро бори нерӯҳои набудаи хориҷӣ мекунад.

189
Барчаспҳо:
ИМА, Русия
День 23 января

Ҳалокати 300 кас дар паи заминларзаи шадид дар Тоҷикистон: имрӯзи таърих

0
(Таҷдидшуда 20:39 22.01.2021)
Рӯзи 23 - юми январи соли 1989 дар натиҷаи заминҷунбии шадид дар маҳаллаи Шарораи ноҳияи Ҳисор 300 нафар ба ҳалокат расид

Рӯзи 23 январ дар ҷаҳон чӣ рух дод

Соли 1950 Байтулмуқаддас пойтахти Исроил эълон карда шуд.

Соли 1849 дар Иёлоти Ню-Йорк Элизабет Блеквелл аввалин зане шуд, ки дар ҷаҳон дипломи духтурӣ ба даст овард.

Соли 1912 дар Гаага Конвенсияи байналмилалии афюн- аввалин созишномаи байналмилалӣ дар бораи назорати маводи мухаддир ба имзо расид.

Рӯзи 23 январ дар Тоҷикистон чӣ рух дод

Соли 1989 субҳи барвақт дар натиҷаи заминҷунбии шадид зиёда аз 300 нафар сокинони маҳаллаи Шарораи ноҳияи Ҳисор (ҳоло шаҳри Ҳисор) ба ҳалокат расиданд.

Последствия землетрясения в Таджикской СССР
© Sputnik / Геннадий Ратушенко
Последствия землетрясения в Таджикской СССР

Соли 2008 дар шаҳри Душанбе масоили вобаста ба ҳамроҳшавии Тоҷикистон ба Созмони ҷаҳонии савдо баррасӣ шуд.

Соли 2015 раисҷумҳури Тоҷикистон Эмомалӣ Раҳмон Паёми навбатии худро ба Маҷлиси Олии Ҷумҳурии Тоҷикистон ирсол намуданд. 

Соли 2014 дар шаҳри Душанбе ҷаласаи 12-уми Комиссияи байниҳукуматии Тоҷикистону Русия оид ба масоили ҳамкории иқтисодию тиҷоратӣ баргузор гардид.

Соли 2011 дар шаҳри Исломобод масоили ҳамкории Тоҷикистону Покистон баррасӣ шуд.

Ҷашнҳои рӯзи 23 январ

  • Дар ҷаҳон — Рӯзи дастхат

Рӯзи 23 январ кӣ ба дунё омадааст

Соли 1966 - олими таърих, дорандаи ҷоизаи ба номи Исмоили Сомонӣ, Маъруф Исоматов.

0
Барчаспҳо:
Ҷаҳон, Тоҷикистон, ҷашн
Мавзуъ
Аз зодрӯзи Аҳмад Бобоқулов то таҷдиди сохтори Дастгоҳи президент: имрӯзи таърих
Рӯзи ҳамсар, таъсиси ноҳияҳои Хуҷанду Қумсангир ва зодрӯзи Дастин Поре: имрӯзи таърих
Таъсиси "ЦРУ" ва тасдиқи лоиҳаи "CASA-1000" аз ҷониби Тоҷикистон: имрӯзи таърих
Аз Рӯзи оғӯш то ниҳолшинонии Эмомалӣ Раҳмон дар боғи "Наврӯзгоҳ": имрӯзи таърих
Аз ифтитоҳи радиои "Садои Душанбе" то марги 5 ҳазор нафар дар Чин: имрӯзи таърих