(1:36 / 9.85Mb / просмотров видео: 5)

Мӯзадӯзии хиёбонӣ дар Душанбе касби камёб мешавад

45
(Таҷдидшуда 12:48 08.12.2015)
Музадӯзони кучагии пойтахт дигар ба симои шаҳр муносиб нестанду онҳо аз ин ба баъд бояд ё тарки пешаи худ кунанд ё коргоҳи хурди хешро таъсис бидиҳанд. Ба ҳар сурат, ҳанӯз ҳам бо намояндагони ин касби беҳамто метавон дар ҳудуди Душанбе рӯбарӯ шуд.

Ин бор қаҳрамони рубрикаи "Симои шаҳри мо" музадӯзи кучагии пойтахт Маҳмадулло ҳамроҳи ҳампешаи худ — Маҳмадзоир мебошанд, ки дуюмӣ тавонистааст, алакай коргоҳи музадӯзии хурди худро таъсис бидиҳад.

Дар шаҳрҳои бузурги ҷаҳон дигар кафшдӯзон ба чашм наменамоянду ба ҷои онҳо марказҳои таъмири пояфзол таъсис дода шудааст. Музадӯзони кучагии мо ҳам шояд баъд аз чанд сол танҳо дар хотираҳо боқӣ бимонанд. Дар ҳоле ки ҳузури онҳо зиндагии сокинонро роҳаттар мегардонад. Яъне, барои таъмири пояфзоли худ соатҳо вақтро сарф намекунию сари ҳар куча ё кунҷи бозору истгоҳе метавон ба роҳат онҳоро пайдо кард.

Тавре аз қиссаҳои падарам(ки солҳои 80-уми асри гузашта муовини мудири фурӯшгоҳи ҷавоҳирот кор мекард) медонам, дар замони шӯравӣ музадӯзӣ дар Душанбе аслан кори яҳудиҳову озариҳо буд. Фаҳмида мешавад, ин касби назарногир даромади хубе доштааст. Дар ҳоле ки мардум музадӯзиро кори на онқадар хубу марбут ба афроди табақаи поин медонанд, дар гузашта шумори нафароне, ки аз даромади ин касб хонаҳои боҳашамат бунёд кардаанду тило харидаанд, кам нест.

Аммо дар мавриди ин ки музадӯзӣ ҳанӯз ҳам ба мисли пешин сердаромад ҳаст ё не, чизе гуфтан мушкил аст. Ақниқтараш не.

Маҳмадулло Хоркашев, яке аз музадӯзони кучагии пойтахт аст, ки таҷрибаи 30-солаи корӣ дар ин соҳаро дошта, ба номусоидии ҳавов, барфу борон ё гармии 40 дараҷаии тобистон нигоҳ накарда, бо таъмири пойафзол машғул аст. Коргоҳи ӯ ҳамеша ҳамроҳаш аст, ки иборат аз як аробаи чаҳорчарха буда, болои он тамоми асбобу лавозимоти зарурии музадӯзӣ гузошта шудааст. Маҳмадулло ҳар субҳ ин аробаро тела дода, ба макони доимии худ, назди Фурӯшгоҳи марказии пойтахт ё "Сум" меояд.

"Панҷ фарзанд дорам. Даромад ҳам бад нест, ба зиндагӣ мерасад. Аммо барои дигар чизҳо, яъне сохтани сех ё ба иҷора гирифтани маконе не, албатта. Ва инҷо ҳам салҳост мешинам", — мегӯяд Маҳмадулло.

Ҳамкасби ӯ Маҳмадзоир Муминов ҳам таҷрибаи 30-солаи корӣ дар ин соҳаро дорад. Аммо ӯ хушбахтар аз ҳамкасби худ ба назар мерасад, чун тавонистааст, коргоҳи хурди музадӯзии хешро таъсис диҳад. Устоди вай дар ин соҳа яҳудиёне озариҳо мебошанд. Ба онҳо нигоҳ карда, тасмим гирифтааст, ки музадӯз шавад.

"Барои омӯзиш ба яке аз сехҳои музадӯзӣ баъд аз хатми синфи 8-ум омадам. Баъд ба хидмати ҳарбӣ рафтам ва боз омада ин касби худро идома додам. Ҳоло сехи наонқадар бузурге дорам, ки пойафзол мебарорам ва тайи чанд соли ахир ба омода кардани пойафзол ба кормандони театри ба номи Маяковский машғулам", — мегӯяд ӯ.

Ин музадӯз аз зиндагии худ розӣ асту шароиташ ӯро қонеъ мекунад.

"Имрӯз дигар аз он пойафзолҳое, ки тули даҳсолаҳо хидмат кунанд нест. Баъзан барои таъмир ба ман пойафзоли навъи "Саламандра" ҳам меоранд, ки ҳанӯз 18-20 соли қабл баромаданду бо вуҷуд мегӯӣ наванд. Аммо ин гуна пойафзолҳо дигар дар мо несту нахоҳад шуд", — изҳор медорад Муҳаммадзоир.

Музадӯзони мо ба он нигоҳ накарда, ки канори роҳ ё дохили коргоҳе нишастаанд, пойафзоли Шуморо таъмир мекунанду то ҷило доданаш пок мекунанд ва бар ивази ин ҳадди ақа 5 доллари амрикоӣ мегиранд. Агар пояфзоли Шуморо Маҳмадзоир таъмир кунад, шонси Шумо омад хоҳад кард. Зеро ӯ ҳарчанд гап зада наметавонаду бо лабонаш меҳисобад, бо бо табассуму чеҳраи кушодааш талош мекунад, табъатонро болида гардонад.

45
Барчаспҳо:
озариҳо, яҳудиён, хона, тобистон, коргоҳ, сех, ароба, кафшдӯзӣ, музадӯзӣ, Маҳмадулло, Маҳмадулло Хоркашев, Душанбе, Тоҷикистон

Табобат мекунад: Путин дар бораи нахустин ваксинаи зидди COVID -19 дар Русия - видео

550
Исбот шудааст, ки аввалин ваксинаи сабтиномшуда дар Русия аллакай бехатирӣ ва самаранокии худро нишон додааст

Нахустин ваксина аз коронавируси COVID - 19 дар Русия сабти ном шуд, эълом кард президенти кишвар Владимир Путин.

"Субҳи имрӯз бори нахуст дар ҷаҳон ваксинаи коронавирус сабти ном шуд", - изҳор дошт Путин дар рафти маҷлис бо узви ҳукумати кишвар.

Путин таъкид кард, ки ваксинаи коронавирус аз тамоми ташхисҳои лозима гузаштааст.

Путин аз сабтиноми нахустин ваксинаи зидди коронавирус дар Русия эълон кард

"Медонам, ки ваксинаи мазкур самарабахш аст, маснуияти баданро ҳосил мекунад", - афзуд президенти Русия.

Путин ба коршиносон барои кори фаврӣ ва пурмасъул дар коркарди ваксинаи зидди коронавирус изҳори сипос кард. Ӯ изҳори умедворӣ намуд, ки ба наздикӣ ваксини мазкур дар ҳаҷми зиёд истеҳсол ва ба аҳолӣ дастрас мешавад.

Вазири тандурустии кишвар Михаил Мурашко таъйид намуд, ки нахустин ваксини дар Русия сабтиномшуда аллакай самаранокӣ ва бехатарии худро исбот кардааст.

550
Барчаспҳо:
нахустин, Русия, Владимир Путин

Бомбандози Су-27 ду ҳавопаймои ҷосусии Амрикоро забт кард - видео

740
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

740
Барчаспҳо:
халабон, ҳавопаймо, Русия
Тотальный диктант в Душанбе

Хобгоҳҳо каму иҷорахонаҳо қимат: шикваи донишҷӯёни тоҷик аз гаронии нарх

117
То оғози таҳсил дар омӯзишгоҳу донишгоҳҳои Тоҷикистон, камтар аз 4 рӯзи дигар боқӣ мондааст, аммо мушкили камбуди хобгоҳ ва гароншавии арзиши хонаҳои иҷоравӣ бисёре аз донишҷӯёнро ба тавшвиш овардааст

ДУШАНБЕ, 13 авг – Sputnik. Донишҷӯёни тоҷик мегуянд, ба фарқ аз соли гузашта дарёфти хонаҳои иҷроравӣ дар шаҳрҳои Душанбеву Хуҷанд душвортар шудааст.

Иқбол Раҳимов шуморе аз донишҷӯёни Донишгоҳи тиббии ба номи Абӯалӣ ибни Сино дар шаҳри Душанбе мегуяд, қимати хонаҳои иҷоравӣ аз ҳар вақт дида ҳоло баланд шудааст.

"Ба 1000 сомонӣ ҳам ёфтани хонаи иҷоравӣ дар шаҳри Душанбе қариб ки номумкин шудааст. Соли гузашта мо бо ин қиммат хона иҷора гирифта будем, аммо имсол соҳибхона бо ин нарх хонаро ба иҷора намедиҳад", - гуфт Раҳимов.

Донишҷӯёни Хуҷанд низ аз мушкили дарёфти хонаҳои иҷоравӣ таъкид меварзанд.

Санҷар Шаропов, аз ҷумлаи донишҷӯёнест, ки баъди хатми таҳсили Коллеҷи тиббии шаҳри Хуҷанд азм дорад, имсол барои гирифтани маълумотии олии тахассусаш ба Донишгоҳи давлатии Хуҷанд ба номи академик Бобоҷон Ғафуров таҳсил намояд, аммо гарон шудани қиммати хонаҳои иҷоравӣ ӯро дар ташвиш гузоштааст.

"Дар соли қаблӣ мо 4 нафар донишҷӯён бар ивази 600 сомонӣ дар як хонаи як ҳуҷрагӣ иқомат мекардем. Ҳоло бо ин нарх пайдо кардани хонаи иҷоравӣ душвор аст. Нархи хонаҳо то ба 800 -1000 сомонӣ баланд шудааст", - гуфт донишҷӯ.

Ҳоло дар шаҳри Хуҷанд, чаҳор муассисаи таҳсилоти олӣ аз ҷумла Донишгоҳи давлатии Хуҷанд ба номи академик Б. Ғафуров, Донишгоҳи давлатии ҳуқуқ бизнес ва сиёсати Тоҷикистон, Донишкадаи иқтисод ва савдои Донишгоҳи давлатии тиҷорати Тоҷикистон, Донишкадаи политехкиникии Донишгоҳи давлатии техникии Тоҷикистон ба номи М. Осимӣ фаъолият мекунанд ва дар онҳо бештар аз 30 ҳазор донишҷӯ таҳсил мекунад.

Бемории 7 донишҷӯи тоҷик бо таби баланд дар Вуҳан маълум шуд: шарҳи сафорат

Аммо ин донишгоҳҳо дар мувозинати худ ҳамагӣ як ва ё дутоӣ хобгоҳ барои донишҷӯён доранд. Дар ин миён танҳо ДДХ ба номи академик Б. Ғафуров дар мувозинаи худ чаҳор хобгоҳ дорад, ки дар онҳо кам ё беш аз 2500 ҳазор донишҷӯ, умдатан онҳое, ки тибқи Квотаи президентӣ дохил шудаанд таъмин мешаванд, аммо беш аз 20 ҳазор донишҷӯи дигари ин донишгоҳ аз ҳисоби худ хонаи иҷорави мегиранд.

Дар ҳоли ҳозир донишгоҳҳои кишвар имкони бо хобгоҳ таъмин кардани шумори қобили мулоҳизаи донишҷӯёнро надоранд ва дарёфти хонаҳои иҷоравӣ барои донишҷӯён мушкили аслӣ боқӣ мемонад.

117