Собир Мирзоев дар толори варзишии ба номи Брюс Ли

Чеҳраҳои шаҳри мо: дар Душанбе Брюс Лӣ зиндагӣ мекунад

67
(Таҷдидшуда 18:55 11.02.2016)
Душанбе шаҳри кучакест, ки бо нерӯи инсонии худ бузургу бо сокинонаш ғанист. Ҳар касе ки ҷояш холист, он худ пайдо хоҳад кард. Бо қаҳрамони рубрикаи имрӯзаи “Симои шаҳри мо” Брюс Лии тоҷик шинос шавед.

Сокинони солхурдае, ки ҳанӯз аждаҳори кучакро дар хотир доранд, бо як табассум ба Собир Мирзоев менигаранду ӯро Брюс Лӣ ном мегиранд. Ҳар наврасе, ки бо устоди чинӣ ошност, бо дидани қаҳрамони мо ҳатман суоле хоҳад дод, ки магар ин ҳамон Брюс Лӣ нест?

Бо дидани қаҳрамони филми чинии "Болшой босс" дар соли 1991 Собири хурдакак ҷуз ӯ худро каси дигаре наҳисобидааст.

"Он замон ӯро танҳо барои худ тақлид ё нусхабардорӣ мекардам. Бо бачаҳо филмҳои дигари ӯро пайдо кардему бо ёфт шудани чӯбчаҳои махсуси мисли дар дасти ӯ буда ман тамринро оғоз кардам", — мегӯяд Собир.

Сипас Собир тамринро аз санъати муҳорибаи Шарқ — каратэ-до, кунг фу оғоз карда, то услуби кашфкардаи Лӣ — ҷиткундо идома медиҳад.

"Ҷиткундо ин хурише мебошад, ки аз тамоми навъи сабзиҷот омода шудааст: кунг-фу, вин-чунь, айкидо, каратэ, акробатика. Бисёр бомаза омадааст, — механдад Мирзоев. — Ва дардовар!".

Брюс Лӣ будан ва худ боқӣ мондан

Он чизе ки Брюс Лӣ барои Мирзоев омӯзонидааст, ин мавқеъ дар зиндагӣ аст ва ӯ худ тақрибан ба Лӣ табдил ёфтааст: ҳамон ороиши мӯйу ҳамон айнак ва ҳамон нигоҳ.

"Бисёриҳо маро Брюс Лӣ мегӯянд ва ҳатто тамос гирифта, дар ин бора ҳарф мезананд. Шогирдоне, ки инҷо тамрин мегиранд, мегӯянд, мо Брюс Лиро дидем, Шумо бедуд, не? Ба ӯ бисёр монандед", — механдад Брюс Лии тоҷик.

Ин чиз аз як тараф одамро хурсанд мекунад. Вале аз ҷониби дигар агар бингарем, инсон бояд худ боқӣ монад. Ин чизро фалсафаи Брюс Лӣ ҳам мегӯяд. "Ман бисёр мутаассибам, пайравӣ мекунаму ба тасвир мекашам. Аммо худ боқӣ мемонам", — бо боварӣ изҳор медорад ӯ.

Қаҳрамони мо ҳамчун Собир Мирзоев як зиндагии хубу миёнаро орзу дорад(дар ҳоли ҳозир ҷое кор намекунад). Аммо ҳамчун Брюс Лӣ солҳост, ки мехоҳад, филмеро ба навор бигирад.

"Борҳо ба филмбардорҳои худамон пешниҳод кардам, ки биеёд аввалин филми тоҷикии ин гунаро ба навор гирем ва ҳатто ман розӣ будам, ки ройгон саҳнаҳоро фикр карда, нақш офарам. Аммо дастгирӣ накарданд", — илова кард Мирзоев.

Брюс Лии тоҷикро ба Русия даъват доранд

Мирзоев мактаби шахсии санъати муҳориба ба номи Лиро таъсис додааст, ки дар он танҳо се нафар, писару духтари худаш ва яке аз дӯстони фарзандонаш тамрин мегиранд.

Бо вуҷуди он ки санъати муҳорибаи ин устоди чинӣ дар Тоҷикистон чандон ҳаводор пайдо накардааст, ин мухлиси Лӣ қасди бастани дарҳои мактаби худро надорад.

"Бачаҳоро дарк кардан мумкин аст. Онҳо бо шавқу рағбати зиёд меоянду як ду моҳ тамрин мегиранд. Вале баъд ба муҳоҷират мераванд, — мегӯяд Мирзоев. Ду соли пеш шогирдони зиёд, 20 нафар доштам. Аксари онҳо хуб тарбият диданду дар мусобиқаҳо ҳам ҷойҳои намоён гирифтанд. Аммо онҳо ҳам ба Русия рафтанд".

Мирзоевро ҳам барои зиндагӣ дар хориҷ аз кишвар даъват мекунанд ва ҳоло ӯ ки бекор аст, ба ин гуна даъватҳо бо мулоҳиза менигарад.

"Аз Русия омада буданд, мегӯянд, бо ин ҳунару тавоноӣ ва истеъдод чаро ба хориҷ намеравӣ? Инчо чӣ ёфтаӣ?". Албатта, ҳеч чиз ба ҷуз, ишора мекунад, ба чанд ҷоизаву медалҳо. — Барои ҳамин як чанд муддати дигар ҳам инҷо мемонам ва баъд ҳамроҳ бо хонаводаам кишварро тарк хоҳем кард".

© Sputnik
Чеҳраҳои шаҳри мо: дар Душанбе Брюс Ли мезистад
67
Барчаспҳо:
санъат, муҳориба, устод, чинӣ, тақлид, варзиш, Брюс Лӣ, Собир Мирзоев, Душанбе, Тоҷикистон, Русия

Низомиёни русиягӣ дар кӯҳҳои Тоҷикистон "террористон" - ро нобуд карданд - видео

325
(Таҷдидшуда 18:08 28.10.2020)
Низомиёни пойгоҳи 201-уми Русия дар кӯҳҳои Тоҷикистон тамрин карда, террористони шартиро дар паи амалҳои вижа нобуд карданд

Тамриноти низомиёни пойгоҳи 201-ум дар размоишгоҳи Лоҳур шабона баргузор шуд.

Манёврҳо бо назардошти таҷрибаи муноқишаҳои муосири маҳаллӣ таҳия карда шуданд.

Ҷангҷӯёни шартӣ дар зери кӯҳҳои Тоҷикистон мавқеъ гирифта буданд.

Шикори шабона: низомиёни русиягӣ дар Тоҷикистон бо "душман" даргир шуданд - видео

Аммо гурӯҳи на "сар ба сар" балки бо як манёври хос ба "террористон" ҳамла кард.

Парвозу размоишҳо дар пойгоҳи низомии Кант-видео

Ҳангоми тамринҳои низомиёни пойгоҳи 201-уми Русия, низомиён ба хатти душмани шартӣ бо истифода аз контурҳои иктишофӣ ва оташнишонӣ зарба заданд.

325
Барчаспҳо:
террористон, тирпарронӣ, куҳҳо, Тоҷикистон
(175:31 / 2185.26Mb / просмотров видео: 9)

Тазоҳурот дар Теҳрон пас аз шарҳи Макрон дар бораи Ислом - анҷоми пахши мустақим

678
(Таҷдидшуда 19:56 28.10.2020)
Мардуми Эрон нисбат ба ҳаводиси охир, ки дар Фаронса рух дод, ба намуди эътироз дар назди сафорати ин кишвар дар Теҳрон ҷамъ шуданд

Дар Фаронса чанде пеш барои карикатураи Ҳазрати Муҳаммад (с), сари профессори яке аз коллеҷҳо аз тан ҷудо карда шуд.

Дар робита ба ин қазия, раисҷумҳури Фаронса Эммануэл Макрон ба тамоми фаронсавиҳо супориш дод, ки карикатураи пайғамбарро дар тамоми идораҳои давлатӣ овезон кунанд.

Ин амали Макрон боиси нигаронии ҷомеаи мусалмонон гардид.

Ҳамин тавр, имрӯз мардуми Теҳрон барои намоиши норозигии худ ба ин қарори Макрон назди сафорати Фаронса дар Теҳрон ҷамъ шуда, тазоҳурот мекунанд.

Қодиров дар бораи карикатураи паёмбар, гунаҳкорони қатли омӯзгор ва оқибати амали Макрон

Ёдовар мешавем, чанде пеш дар шаҳри Конфлан-Сент-Онорини Фаронса, ки дар 27-километрии Порис ҷойгир аст, сари омӯзгори коллеҷро аз тан ҷудо намуданд. 

Профессор матолибҳои нашркардаи Charlie Hebdo-ро бо донишҷӯён муҳокима кард ва инчунин ба онҳо карикатураҳои пайғамбар Муҳаммад (с) - ро нишон медод.

Қотили ӯ шаҳрванди 48 - солаи Алҷазоир буда, дар коллеҷи мазкур яке аз фарзандони ӯ таҳсил мекард.

678
Барчаспҳо:
сафорат, тазоҳурот, Теҳрон

Вакил гуфт, бекор кардани патент барои муҳоҷирон чӣ пайомад дорад

0
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

0
Барчаспҳо:
муҳоҷирон, хатар, патент, Русия