(2:26 / 19.44Mb / просмотров видео: 1052)

Суханронии Эмомалӣ Раҳмон дар нишасти сарони кишварҳои ИДМ дар Маскав

334
(Таҷдидшуда 14:45 28.12.2017)
Дар нишасти ғайрирасмии сарони кишварҳои Иттиҳоди давлатҳои мустақил, ки 26 декабр дар Маскав баргузор шуд, раёсат дар ин иттиҳодия аз Русия ба Тоҷикистон гузашт.

Раисҷумҳури Тоҷикистон дар суханронияш дар ин нишаст аз рухдодҳои нигаронкунанда дар ҷаҳон ёд кард.

"Имсол дар саросари ҷаҳон падидаҳои нигаронкунанда бисёр рух дод, ки аз онҷумла фахол шудани ҳаросафканӣ ва ифротгароӣ дар бархе аз кишварҳо, рӯйдодҳо дар Ховари Наздик ва нимҷазираи Курея аст. Ҳамчунин мушкилотеро бояд махсусан дар назар дошт, ки дар паи бад шудани авзоъ дар Афғонистон сар мезананд", — гуфт раҳбари Тоҷикистон.

Авзоъ дар Афғонистон яке аз муҳимтарин мавзуъҳои сиёсии минтақа ва ҷаҳон аст, афзуд вай.

"Дар вилоятҳои шимолии Афғонистон ҷангҷӯёни гурӯҳи теруристии "ДОИШ" ва дигар гурӯҳҳои ифротӣ фаъол шудаанд. Масъаларо ин воқеъият ҳам печидатар мекунад, ки дар миёни теруристҳое, ки аз Сурия ба Афғонистон ҷобаҷо шудаанд, шаҳрвандони бархе аз кишварҳои ИДМ низ ҳастанд. Ҳамзамон бо ин тавлид ва судури маводи мухаддир аз он кишвар ҳам рӯ ба афзоиш ниҳодааст. Дар марзи Тоҷикистон бо Афғонистон ҳар рӯз задухӯрд бо теруристҳо ва қочоқбарони маводи мухаддир рух медиҳанд. ҳар сол даҳҳо марзбони тоҷик дар ин задухӯрдҳо шаҳид мешаванд", — тавзеҳ дод Раҳмон.

Вай гуфт, ки ҳузури чандсолаи нерӯҳои НАТО дар Афғонистон натоиҷи дилхоҳ надод.

"Мо бояд ин нуктаро дар назар бигирем, ки Афғонистон дар соли оянда вориди марҳилаи бисёр ҳассоси пешрафти сиёсӣ хоҳад шуд. Манзурам интихоботи маҷлиси қонунгузор аст, ки имсол баргузор мешавад, ва интихоботи раёсати ҷумҳурӣ, ки як сол пас баргузор хоҳад шуд. Ин шароит аз мо вокуниши воқеъбинона ва иқдомоти ҳамоҳангшударо тақозо мекунанд. Дар ин росто, ҳамкории танготанги созмонҳои амниятӣ ва нерӯҳои интизомии кишварҳои ҳамсуд тақозои замон аст", — таъкид кард раисҷумҳур.

Вай ёдоварӣ кард, ки Тоҷикистон дар давраи раёсаташ бар Иттиҳоди кишварҳои ҳамсуд кӯшишу талош хоҳад кард, ки ҳамкориҳои низомиву сиёсии иттиҳодияро устувортару густардартар кунад.

"Авзоъ дар кишварҳои мо дар кулл бо субот аст, вале омилҳои ёдшуда бар Итиҳодия ҳам асару таъсир мегузоранд. Аз ин рӯ, мо дар назар дорем, ки таваҷҷуҳи вижа ба ҷараёни иҷрои барномаи ҳамкориҳои низомӣ барои таҳкими амнияти марзӣ дар марзҳои хориҷии Иттиҳодия то соли 2020 дошта бошем", — тавзеҳ дод Раҳмон.

Вай ҳамчунин гуфт, ки Тоҷикистон дар давраи раёсаташ кӯшиш хоҳад кард, ки ҳамкориҳои иқтисодиро густариш диҳад ва ҳамкориҳо дар заминаҳои башариро низ пеш барад.

Эмомалӣ Раҳмон дар фарҷоми суханронияш аз Владимир Путин барои меҳмоннавозӣ сипосгузорӣ кард ва барояш дар интихоботи раёсати ҷумҳурии Русия пирӯзӣ хост. 

334
Барчаспҳо:
Эмомалӣ Раҳмон, Тоҷикистон-Афғонистон
Мавзуҳо:
Раисҷумҳури Тоҷикистон Эмомалӣ Раҳмон (222)
Мавзуъ
Раҳмон: густариши ҳамкориҳои амниятӣ ва иқтисодӣ - авлавияти ҶТ дар ИДМ
Дидори ғайрирасмӣ: Раҳмон вазифаҳои ИДМ-ро дар соли 2018 муайян кард
Маҷбур шудем: шикояти муҳоҷирони тоҷик ба Эмомалӣ Раҳмон аз баста шудани NGN
Раисҷумҳурро Озода Раҳмон ва Маҳмадсаид Убайдуллоев ба Русия гусел карданд
Фақат як дархост ва ӯ бархост: дастури Озода Раҳмон барои як кори хайр
Ҳамдардии Эмомалӣ Раҳмон бо Родриго Роа Дутерте
Эмомалӣ Раҳмон ба Русия меравад

Бомбандози Су-27 ду ҳавопаймои ҷосусии Амрикоро забт кард - видео

396
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

396
Барчаспҳо:
халабон, ҳавопаймо, Русия

Таркиши мудҳиш дар Бейрут монеи маросимҳои издивоҷ гардид - навор

659
Таркиши мудҳише, ки дар Бейрут ба вуқӯъ пайваст нақшаи чандин ҷавононро барбод дод. Ҷуфтҳои хушбахт, ба хотири издивоҷ ба калисо омаданд, аммо таркиши шадид онҳоро ба висоли ҳам нарасонд

Пас аз таркиши мудҳиш дар Бейрут дар шабакаҳои иҷтимоӣ наворҳои гуногун аз лаҳзаи таркиш мунташир мешуданд.

Ду наворе, ки аз лаҳзаи омодагӣ ба маросими издивоҷ дар замони таркиш ба шабакаҳо роҳ ёфт, сербинандатаринҳо гардиданд.

Андӯҳи Эмомалӣ Раҳмон аз таркиш дар Бейрут

Дар навор маълум аст, ки меҳмонон барои қисмат кардани хурсандии ду ҷавон ба калисо омаданд ва баробари аз дар даромадани арӯс таркиши мудҳиш сар мезанад. Тирезаҳои  калиса аз шиддати таркиш пора гардиданд ва арӯсу меҳмонон зуд толорро тарк намуданд.

Ҳамчунин як навори дигар аз аксбардории арӯс дар берун аз калиса мунташир шудааст, ки нозу каришмаи духтарро таркиши мудҳиш ба ваҳму ҳарос мубадал намуд.

Таркиш дар бандари Бейрут шоми 4 август рух дод. Мақомоти маҳаллӣ сабаби ин ҳодисаро таркиши 2,7 ҳазор тонна нитрати аммиак, ки дар анбори бандар нигоҳдорӣ мешуд, арзёбӣ намуданд.

Ин маводро соли 2015 хадамоти гумрук мусодира намуда, онро  дар бандари мазкур нигоҳдорӣ мекардааст. Дар Бейрут барои ду ҳафта  вазъияти фавқулода эълон шудааст.

659
Барчаспҳо:
навор, таркиш, Бейрут
Строительство нового дома в Душанбе

Ҳалокати ҷавони 23 сола бар асари чаппашавии крани сохтмонӣ дар Душанбе

53
(Таҷдидшуда 10:40 10.08.2020)
Дар пайи чаппашавии крани борбардори сохтмонӣ дар бинои навсохте, воқеъ кӯча Сурхоби пойтахт як нафар ҳалок шудааст

ДУШАНБЕ, 10 авг — Sputnik.  Дар ин бора аз Кумитаи ҳолатҳои фавқулода ва мудофиаи граждании кишвар ба Sputnik Тоҷикистон гуфтанд, ҳодиса шоми шанбеи гузашта сар задааст.

Ба иттилои манбаъ, крани сохтмонии баландиаш 35 метр, ки дар сохтмони яке аз биноҳои баландошёна воқеъ дар кӯчаи Сурхоби пойтахт буд, ба болои се бинои истиқоматӣ афтидааст.

Манбаъ мегӯяд, дар пайи ҳодиса ду сохтмончӣ- ҷавони 22 ва 23  ҷароҳат бардошта, аввали дар роҳ ба беморхона ҷон дод.

Гуфта мешавад табибон ҳолати ҷавони дигарии 23 соларо миёна арзёбӣ кардаанд.

Ҳалокати ду муҳоҷири тоҷик дар Русия ҳангоми чоҳканӣ

Дар пайи чаппашавии кран боми се манзили сокинон зарар дидаву хушбахтона касе аз истиқоматкунандагонаш осеб надидааст.

Барои муаян сохтани сабаби ҳодиса гуруҳи корӣ таҳия шуда, таҳқиқ идома дорад, гуфт манбаъ.

53