(1:18 / 10.79Mb / просмотров видео: 958)

Ҳамлаҳои мушакӣ ба суханронии раисҷумҳур монеа нашуданд (НАВОР)

201
(Таҷдидшуда 16:37 22.08.2018)
Шӯришгарон мехостанд суханронии Ашраф Ғаниро қатъ кунанд, аммо раисҷумҳур ҳамоно оромона нутқашро идома медод

Дар Афғонистон шӯришгарон бо ҳамлаҳои мушакӣ кӯшиш карданд, ки суханронии раисҷумҳур Ашраф Ғаниро қатъ кунанд.

Ашраф Ғанӣ дар рафти ҳамла оромона нутқашро идома медод ва мардуми кишварро бо иди Қурбон шодбош мегуфт.

"Агар онҳо (ҷангиён) фикр кунанд, ки ин миллат дар назди ҳамлаҳои мушакӣ сар хам мекунад, пас беҳтараш аз фикри худ гарданд. Ин миллат — ҷасур, шикастнахӯранда ва шуҷоъ мебошад, ки ислиқлол, шараф ва анъанаҳои худро мудом ҳифз хоҳад кард", — гуфт раисҷумҳур.

Мушакҳо дар наздикии яке аз масҷидҳои калонтарини Кобул — Идгоҳ партофта шуданд.

201
Барчаспҳо:
мушакборон, табрикот, суханронӣ, Ашраф Ғанӣ, Дар ҷаҳон

Филме, ки аз зиндагиномаи Абдулманап Нурмуҳаммадов қисса мекунад, нашр шуд - видео

215
(Таҷдидшуда 23:44 09.07.2020)
Шабакаи телевизионии Russia Today филмеро ба хотираи Абдулманап Нурмагомедов, падар ва мураббии қаҳрамони UFC Ҳабиб Нурмагомедов пешкаш кард

Филми мазкур дар канали RT Sport YouTube нашр шуд.

Қайд карда мешавад, ки лаҳзаҳо аз зиндагиномаи Абдулманап Нурмуҳаммадов ҳанӯз моҳи октябри соли 2019 барои қисмати панҷуми силсилафилми  ҳуҷҷатии "Доғистон: Замини ҷанговарон" ба навор гирифта шуда буд, аммо бо сабаби фавти мураббии номӣ, ин филм бидуни  рақам нашр шуд.

Ёдовар мешавем, Абдулманап Нурмуҳаммадов мураббии номӣ ва падари қаҳрамони UFC Ҳабиб Нурмуҳаммадов рӯзи 3 - юми июл дар синни 57 - сола ҷаҳонро падруд гуфт.

Ҳузури Рамазон Қодиров дар маросими дафни Абдулманап ва сипосгузории Ҳабиб аз ӯ - навор

Абдулманап давоми беш аз 2 моҳ бо маризии коронавирус дар набард буд ва ахиран тавонист ин вирусро мағлуб кунад, аммо ба сактаи мағзи сар, ки ин маризӣ ӯро оварда расонд пирӯз шудан натавонист.

Рамазон Рабаданов дӯсти хонаводаи Нурмуҳаммадовҳо таъкид намуда буд, ки пизишкон натавонистанд сактаи мағзи сари ӯро шифо бахшанд ва "ӯ ба ҳуш наомада ҷон бохт".

Абдулманап Нурмуҳаммадовро дар зодгоҳи ӯ деҳаи Кироваули Доғистон ба хок супурданд.

215
Барчаспҳо:
навор, филм

Созмони Ҷаҳонии Беҳдошт ба ваксинаҳои Русия бар зидди COVID-19 рағбат дорад

361
(Таҷдидшуда 21:22 07.07.2020)
Созмони ҷаҳонии беҳдошт интизори он аст, ки ваксинаҳои пешниҳоднамуда Русия бар зидди коронавирус чӣ натиҷа медиҳанд

Созмони Ҷаҳонии Беҳдошт ба ваксинаҳои зидди коронавирус дар Русия рағбат пайдо кардаст.

Онҳо гуфтанд, ки интизори анҷоми санҷишанд. Ҳамзамон, қайд карданд, ки дар рафти санҷиши доруҳо барои табобати COVID-19 низ ҳастанд.

Озмоишҳои Русия дар бораи ихтиёриён ҳамзамон дар якчанд ҷойҳо баргузор мешаванд.

Озмоишҳо чӣ гуна гузаронида мешаванд, иштирокчиёни ихтиёриён чӣ гунаанд ва кадом кишварҳо ваксинаи аз ҳама бештарро интизоранд - дар видеои мо бубинед. 

361

Паҳнсозони COVID–19 дар Тоҷикистон чӣ ҷазо мегиранд?

0
(Таҷдидшуда 21:14 09.07.2020)
Тағйироти ҷадид ба қонунгузории Тоҷикистон, ки мавриди амал қарор гирифтанд, барои паҳн кардани бемориҳои сироятӣ, аз ҷумла коронавирус ҷазои маъмурӣ ва ҷиноиро пешбинӣ мекунанд
Кадом ҷаримаҳо паҳнкунандагони коронавирусро дар Тоҷикистон таҳдид мекунанд
© Sputnik /

Тибқи меъёрҳои ҷадиди қонунгузории Тоҷикистон, барои паҳни иттилои бардурӯғ дар шароити пандемия ва амалисозии чораҳои қарантинӣ шахсони инфиродӣ аз 580 сомонӣ боло ва шахсони ҳуқуқӣ то 11,6 ҳазор сомонӣ ҷаримабандӣ хоҳанд шуд.

Инчунин нақзи қоидаҳои ниқобпӯшӣ дар ҷойҳои ҷамъиятӣ, аз ҷумла дар боғҳо, бозор, мағоза, қаҳвахона, нақлиёт ва ҳатто ҷои кор ҷарима дар ҳаҷми аз 116 то 290 сомонӣ дар пай дорад.

Ҷаримаҳои алоҳида барои риоя накардани меъёрҳои санитарию эпидемиологӣ пешбинӣ гардидаанд. Аз ҷумла барои нақзи қоидаҳои беҳдошт ҳангоми паҳншавии бемориҳои сироятӣ ҷазои пулӣ дар ҳаҷми аз 2 то 5 маоши ҳадди ақал пешбинӣ шудааст.

Эълони ҷазои Зиёев барои таҷовузи духтарчаи сесола - акс

Барои вайрон кардани қоидаҳои санитарию эпиемиологӣ ба шаҳрвандони қаторӣ аз 406 то 696 сомонӣ, ба соҳибкорон - аз 1160 то 3480 сомонӣ, мансабдорон - аз 3480 то 4640 сомонӣ, шахсони ҳуқуқӣ - аз 8700 то 11 600 сомонӣ таҳдид карда, дар сурати такрори қоидавайронкунӣ афзоиши ҷарима дар назар аст.

Инчунин бар асоси тағйирот дар қонунгузории Тоҷикистон, барои паҳнсозии бемориҳои сироятӣ ҷазои ҷиноӣ низ пешбинӣ шудааст. Аз ҷумла барои сирояти оммавии атрофиён аз 2 то 5 сол ва барои расондани зарари вазнин ба саломатӣ ё сироят, ки марг дар пай дорад, аз 5 то 10 соли зиндон дар назар аст.

0
Барчаспҳо:
дурӯғ, дезинформация, ниқоби сиёҳ, ҳабс, ҷарима, Тоҷикистон