Зинда бод дӯстии халқҳо: завқи корбарон аз рақси зани узбак ба суруди тоҷикии Юлдуз -НАВОР

1028
Зан дар назди худрави худ зери ҳавои суруди тоҷикии Юлдуз Усмонова - "Танҳо манам, танҳо манам" рақс карда, дар анҷом "Раҳмат" гӯён ба мошинаш менишинад. Корбарон ин зани узбакистониро офарин хонда, раққосаи касбӣ номидаанд

Дар шабакаҳои иҷтимоӣ наворе паҳн шудааст, ки дар он як зани узбакистонӣ ба суруди "Танҳо манам, танҳо  манам"-и сарояндаи машҳур Юлдуз Усмонова ба шавқ рақс мекунад.

Шеъри тарона ба шоири тоҷик Лоиқ Шералӣ таалуқ дорад. Дар гурӯҳи Лоиқ Шералии Фейсбук корбарон ин наворро мунташир карда, ба завқ баррасӣ мекунанд.

Бештари онҳо ба зани узбак офарин хонда, гуфтаанд, ки "зинда бод дӯстии халқҳо".

Дар навор дида мешавад, ки зан аз дар назди худрави худ чанд лаҳза зери ҳавои суруди Усмонова рақс мекунад. Дар охир вай ба дурбин нигоҳ карда, зоҳиран ба наворгиранда ба забони узбакӣ "ташаккур" гӯён, ба худраваш менишинад.

1028
Барчаспҳо:
рақс, тарона, Юлдуз Усмонова, Лоиқ Шералӣ, Тоҷикистон, Ӯзбекистон
(0:00 / .00Mb / просмотров видео: 135)

Маросими савгандёдкунии президенти Тоҷикистон - пахши мустақим

678
(Таҷдидшуда 10:03 30.10.2020)
Имрӯз дар Тоҷикистон маросими ба иҷрои вазифаи Президенти Ҷумҳурии Тоҷикистон шурӯъ намудани Эмомалӣ Раҳмон баргузор мешавад

Маросими савгандёдкунии президент - расман ба иҷрои вазифаи президенти Тоҷикистон шурӯъ намудани Эмомалӣ Раҳмон аст.

Инаугурация Эмомали Рахмона в 2013 году
© Официальная страница пресс-службы президента РТ в Facebook

Он чун анъана дар Қасри миллат сар мешавад ва дар Қасри Сомон ва майдони Дӯстӣ идома меёбад.

Ин маросим одатан бо супурдани шаҳодатномаи Президенти Ҷумҳурии Тоҷикистон аз ҷониби Раиси Комиссияи марказии интихобот ва раъйпурсии Тоҷикистон ва Нишони Президенти Ҷумҳурии Тоҷикистон аз ҷониби Раиси Суди Конститутсионии кишвар ба Эмомалӣ Раҳмон оғоз меёбад.

Раисҷумҳур дасти рост ба болои Сарқануни Тоҷикистон гузошта, савганд ёд мекунад.

Ёдрас мешавем, интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

Роҳбандиҳо ҳангоми савганди Раҳмон дар Душанбе: эълони ВКД

Дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд ва боз барои 7 соли дигар президент интихоб гардид.

678

Мусалмонони дунё барои тасвирҳои танзомези Муҳаммад дар Фаронса ба по хестанд - навор

372
(Таҷдидшуда 19:08 29.10.2020)
Давлатҳои мусалмонӣ аз ҷумла Яман, Эрон ва Туркия молҳои истеҳсоли Фаронсаро бойкот намуда, байрақ ва акси кишвардори ин давлатро оташ мезананд

Мусалмонҳо бо ин роҳ мехоҳанд вокуниши худро дар робита ба қазияи фавти омӯзгорӣ фаронсавӣ ва назари нохуби Макрон ба ин ҳодиса, баён намоянд.

Қаблан кишвардори Фаронса Эммануэл Макрон дар робита ба нашри тасвирҳои танзомези Пайғамбар Муҳаммад (с) изҳор дошт, ки Фаронса ба ҳеҷ ваҷҳ аз нашри карикатура даст намекашад.

Қодиров гуфт, барои мавқеъгирияш дар робита ба Макрон омода аст истеъфо ва ё ҷон диҳад

Илова бар ин, пас аз кушта шудани омӯзгори фаронсавӣ Макрон супориш дод, ки карикатураи Муҳаммад (с) дар тамоми идораҳои давлатӣ овехта шаванд.

Ин амалкарди сиёсатмадори Фаронса давлатҳои мусалмониро ба хашм овард.

Президенти Туркия Раҷаб Тайиб Эрдуғон ба Макрон тавсия дод, ки ҳолати равонии худро бисанҷад. Ҳамчунин, сарвари Чеченистон Рамазон Қодиров ӯро террористи рақами як унвон кард.

372
Барчаспҳо:
навор, эътироз, мусалмонон
Маҳмудҷон Дадобоев, рӯзноманигори тоҷик даргузашт

Мотам дар журналистика: “илтиҳоби шуш” Маҳмудҷон Дадабоевро бурд

0
(Таҷдидшуда 10:02 30.10.2020)
Маҳмудҷон Дадабоев, рӯзноманигор ва бунёдгузори чандин шабакаи телевизиони мустақил, собиқ сухангӯи раиси шаҳри Хуҷанд дар синни 52 -солагӣ аз олам даргузашт

ДУШАНБЕ, 30 окт – Sputnik. Дар тайиди ин хабар, яке аз ҳамкорони марҳум дар суҳбат ба Sputnik Тоҷикистон гуфт, Дадабоев ҳамагӣ чанд рӯз пеш барои табобат ба Бемористони касалиҳои сироятии Суғд интиқол ёфта буд, вале бегоҳии дирӯз ҷон ба Ҷонофарин супурд.

“Рӯзи 26 октябр дар суҳбати телефонӣ гуфтанд, ки хуруҷи беморӣ монанд ба “илтиҳоби шуш” як каме вазъашонро хароб кардааст. Аммо дирӯз 29 октябр фаҳмидем, ки бандагӣ кардаанд. Худованд раҳмат кунад, ба пайвандонашон сабри ҷамил мехоҳем”, зикр кард ҳамкори Дадабоев.

Бемористони сироятии Суғд, ба ҳисоби Бемористони клиникавии Суғд аз ду бемористон дар шаҳри Хуҷанд маҳсуб мешавад, ки дар айни ҳол барои табобати бемориҳои ҳамагири COVID-19 ва илтиҳоби шадиди шуш пешбинӣ шудааст.

Ҳамкасбон шогирдон ва дӯстони рӯзноманигор дар шабакаҳои иҷтимоӣ даргузашти ӯро мотам дар журналиста номида, "дод аз дасти "корона" мегӯянд, ки Маҳмудҷон Дадабоевро низ бурд". 

Маҳмудҷон Дадабоев, аз поягузорони журналистикаи электронӣ дар вилояти Суғд гуфта мешавад, ки бо кӯшишҳои пайвастаи вай чандин шабакаҳои телевизионии мустақил аз ҷумла ТВ “Ҷаҳоноро”, ТВ “СМ-1”, ТВ “7 ситора” ва рӯзномаи мустақили “Суғд” дар шаҳрҳои Хуҷанд ва Бӯстон таъсис дода шудаанд.

Маҳмудҷон Дадабоев 27 ноябри соли 1968 дар ҷамоати Ёваи ноҳияи Бобоҷон Ғафуров таваллуд шудааст. Пас аз анҷоми хизмати сарбозӣ дар соли 1989 фаъолияти меҳнатиашро дар коргоҳи шоҳибофии “Хуҷандатлас” оғоз кардааст.

Ӯ аз соли 1993 то 1995, муассис ва хабарнигори ТВ "Ҷаҳоноро" ва дар солҳои 1997 - 2003 мудири кулли шабакаи телевизион ва радиои “Симои мустақили якум (СМ-1)” буд. Соли 2001 факултаи филологияи Донишгоҳи давлатии Хуҷанд ба номи академик Бобоҷон Ғафуровро хатм намудааст.

Як муддат ӯ, омӯзгори кафедраи рӯзноманигорӣ ва назарияи тарҷумаи донишгоҳи мазкур ба донишомӯзон дар боби махсусиятҳои роҳбарӣ дар ВАО дарс мегуфт. Солҳои 2006 - 2007 намояндаи Анҷумани миллии расонаҳои мустақили Тоҷикистонро дар вилояти Суғд бар уҳда дошт.

Муассиси ҳафтаномаи мустақили “Суғд” ва инчунин аз моҳи августи 2008 то моҳи октябри соли 2012 мудири кулли шабакаи телевизюниву радиоии "Ҷаҳоноро" буд. Маҳмудҷон Дадабоев сухангӯи раиси шаҳри Хуҷанд низ буд ва соли 2017 бо хоҳиши худ ин вазифа канор рафт.

Вақтҳои охир Дадабоев ба сифати менеҷер дар коргоҳи таъминоти сӯзишвории нақлиёти “Роҳи Сомон” фаъолият мекард. Бисёриҳо ҳоло даргузашти ӯро як талафоти бузург дар ҷомеаи журналистӣ арзёбӣ мекунанд.

Даргузашти Сироҷиддин Бобоев, олими фолклоршиноси Донишгоҳи Хуҷанд аз “илтиҳоби шуш”

 

 

0