Чакан, рақс ва суҳбати чинии духтарчаи 8-солаи тоҷик дар телевизиони марказии Чин (ВИДЕО)

1195
Рақси духтарчаи чаканпӯши тоҷик аз вилояти Шинҷони Чин дар телевизиони марказии Чин намоиш дода шуд

Тибқи навори ҳунарнамоии духтарчаи тоҷик, ки дар инернет нашр шудааст, ӯ бо уқоб дар даст ба саҳна ҳозир мешавад ва бо либоси чакан зери навои попурӣ мерақсад.  

Вай дар пайи ҳунарнамоӣ, бо забони чинӣ суҳбат карда, худро Дилидоннаи Муллоёр муаррифӣ намуд. Ӯ афзуд, ки ҳашт сол дораду тоҷик аз шаҳри Урумчии вилояти Шинҷони Чин мебошад.  

Ҳунарнамоии Дилидона тариқи CCTV4, шабакаи байналмилалии Телевизиони марказии Чин намоиш дода шуд, ки дар ҷаҳон бо забони чинӣ барномаҳо пахш мекунад. Шабакаи мазкур ба ҷаҳониён дар бораи Чин барномаҳои гуногун, аз ҷумла барои кӯдаконро таҳия ва пешниҳод мекунад.

1195

Бомбандози Су-27 ду ҳавопаймои ҷосусии Амрикоро забт кард - видео

386
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

386
Барчаспҳо:
халабон, ҳавопаймо, Русия

Таркиши мудҳиш дар Бейрут монеи маросимҳои издивоҷ гардид - навор

656
Таркиши мудҳише, ки дар Бейрут ба вуқӯъ пайваст нақшаи чандин ҷавононро барбод дод. Ҷуфтҳои хушбахт, ба хотири издивоҷ ба калисо омаданд, аммо таркиши шадид онҳоро ба висоли ҳам нарасонд

Пас аз таркиши мудҳиш дар Бейрут дар шабакаҳои иҷтимоӣ наворҳои гуногун аз лаҳзаи таркиш мунташир мешуданд.

Ду наворе, ки аз лаҳзаи омодагӣ ба маросими издивоҷ дар замони таркиш ба шабакаҳо роҳ ёфт, сербинандатаринҳо гардиданд.

Андӯҳи Эмомалӣ Раҳмон аз таркиш дар Бейрут

Дар навор маълум аст, ки меҳмонон барои қисмат кардани хурсандии ду ҷавон ба калисо омаданд ва баробари аз дар даромадани арӯс таркиши мудҳиш сар мезанад. Тирезаҳои  калиса аз шиддати таркиш пора гардиданд ва арӯсу меҳмонон зуд толорро тарк намуданд.

Ҳамчунин як навори дигар аз аксбардории арӯс дар берун аз калиса мунташир шудааст, ки нозу каришмаи духтарро таркиши мудҳиш ба ваҳму ҳарос мубадал намуд.

Таркиш дар бандари Бейрут шоми 4 август рух дод. Мақомоти маҳаллӣ сабаби ин ҳодисаро таркиши 2,7 ҳазор тонна нитрати аммиак, ки дар анбори бандар нигоҳдорӣ мешуд, арзёбӣ намуданд.

Ин маводро соли 2015 хадамоти гумрук мусодира намуда, онро  дар бандари мазкур нигоҳдорӣ мекардааст. Дар Бейрут барои ду ҳафта  вазъияти фавқулода эълон шудааст.

656
Барчаспҳо:
навор, таркиш, Бейрут
График роста, архивное фото

Тоҷикистон дурнамои нишондиҳандаҳои макроиқтисодиро барои солҳои 2021-2023 тасдиқ кард

0
(Таҷдидшуда 10:05 10.08.2020)
Интизор меравад, ки дар соли 2021 Маҷмӯи Маҳсулоти Дохилии Тоҷикистон ба 92,684 миллиард сомонӣ (беш аз 9,104 миллиард доллар) хоҳад расид ва рушди воқеии он 7,6% пешбинӣ шудааст

ДУШАНБЕ, 10 авг — Sputnik. Ҳукумати Тоҷикистон дурнамои нишондиҳандаҳои макроиқтисодиро барои солҳои 2021-2023 тасдиқ намуд, хабар медиҳад РИА Новости бо истинод ба хадамоти матбуоти Вазорати рушди иқтисод ва савдо.

"Тибқи ин дурнамо, сарфи назар аз пандемияи коронавирус, интизор меравад рушди иқтисодии кишвар дар се соли оянда ҳадди ақалл 7,6%  боло равад", - омадааст дар изҳорот.

Интизор меравад, ки да соли 2021 маҷмӯи маҳсулоти дохилии Тоҷикистон ба 92,684 миллиард сомонӣ (беш аз 9,104 миллиард доллар) мерасад ва рушди воқеӣ 7,6% пешбинӣ шудааст.

Ҳамзамон тибқи пешбинҳо умед аст, ки дар соли 2022 ҳаҷми ММД 102,97 миллиард сомонӣ (10,1 миллиард доллар) пешбинӣ шуда, пешгӯии афзоиши воқеии он 7,8 фоизро ташкил медиҳад.

Дар соли 2023 интизор меравад, ки ҳаҷми ММД 115,84 миллиард сомонӣ (тақрибан 11,36 миллиард доллар) хоҳад буд, рушди воқеӣ 8% пешбинӣ шудааст.

Тибқи пешбинӣ, таваррум дар соли оянда 6,9% -ро ташкил хоҳад карда, дар соли 2022 суръати он то 6,8% коҳиш хоҳад ёфт, дар соли 2023 то 7,1% афзоиш хоҳад ёфт.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешава 

"Ин пешгӯиҳои макроиқтисодӣ бо назардошти вазъи иқтисодии ҷаҳон ва кишварҳои ИДМ, аз ҷумла вазъи иқтисодиёти шарикони асосии тиҷоратии Тоҷикистон - Русия, Чин, Қазоқистон ва Узбакистон таҳия шудаанд", - гуфтаанд, аз хадамоти матбуотӣ.

Гуфта мешавад, дурнамо оқибатҳои имконпазири иҷтимоию иқтисодии паҳншавии COVID-19, тағирёбии нарх дар бозорҳои ҷаҳонии молро ба назар мегирад.

0