LIVE: Пресс-конференция Хабиба Нурмагомедова в Москве

Ҳабибро аз ҳуқуқи ширкат дар бозиҳо маҳрум ва ҷарима карданд

384
Комиссияи иёлати Невадаи Амрико Ҳабиб Нурмуҳаммедов ва Конор МакГрегорро барои ҷанҷол ҳангоми муҳориба дар моҳи октябри соли 2018 аз ҳаққи ширкат дар бозиҳо маҳрум кард. Ҳамчунин онҳо ҷарима шуданд

ДУШАНБЕ, 30 янв – Sputnik. Варзишкори номӣ ва қаҳрамони бозиҳои UFC Ҳабиб Нурмуҳаммедов ва ҳарифаш, варзишкори ирландӣ Конор МакГрегор барои ҷанҷол пас аз бозӣ аз ҳуқуқи иштирок дар муҳорибаҳо ба мӯҳлати 9 моҳ маҳрум шуданд.

Қарори вижаро Комиссияи иёлати Невада (NSAC) қабул кардааст.

Нурмуҳаммедов аз ҳуқуқи иштирок дар бозиҳо ба мӯҳати 9 моҳ ва Конор 6 моҳ, Нурмуҳаммедов ба 500 ҳазор доллар ва МакГрегор ба 50 ҳазор доллар ҷарима шудаанд.

Мӯҳлати ин маҳрумият аз 6-уми октябри соли 2018 сар мешавад.

Ҷанҷол дар бозӣ

Ҳабиб Нурмуҳаммедов ва Конор МакГрегор 6 октябр дар Лас-Вегас ба майдони муҳориба баромаданд. Дар даври 4-ум Ҳабиб пурра Конорро мағлуб кард.

Пас аз анҷоми бозӣ мухлисони Конор Ҳабибро таҳқир мекунанд ва варзишкор худро аз майдон ба берун андохта, ба онҳо дармеафтад. Дар натиҷа мухлисони Ҳабиб низ ба онҳо ҳамроҳ мешаванд ва ҷанҷол ба гурӯҳӣ табдил меёбад. Ҳарчанд ба зуддӣ пешгирӣ мегардад.

Ҳабиб Нурмуҳаммедовро аз камарбанди қаҳрамонӣ маҳрум накарданд, аммо ба 250 ҳазор доллар ҷарима намуданд.

Дар пайи ин ҷанҷол NSAC тафтишот оғоз карда буд.

384