Навори қабл аз марги ҷуфти ҷавон аз Русия қурбониёни суқути ҳавопаймо дар Ҳабашистон

374
Екатерина ва Александр Поляковҳо, ҳамсарони 28-сола аз Русия, ки дар пайи суқути ҳавопаймо дар Ҳабашистон ҷон доданд, қабл аз фоҷиа наворе нашр намудаанд

Дар пайи суқути ҳавопаймои “ Ethiopian Airlines” дар Ҳабашистон 157 нафар, аз ҷумла се шаҳрванди Русия - Екатерина Полякова, Александр Поляков ва Сергей Вяликов ҷон доданд.

Катя ва Саша Поляковҳо солҳои охир дар Маскав истиқомат карда, дар “Сбербанк” кор мекардаанд. Онҳо ошиқи ҳамдигар ва сайру сайёҳат будаанд ва ҳар таътил ба қитъаҳои гуногуни ҷаҳон мерафтаанд.

“Расо як сол қабл ба Осиё рафтем ва феълан дар Африқо парвоз дорем. Ин бори дигар нишон медиҳад, ки сарҳаду чаҳорчӯбаҳоро барои худ мо худамон мекашем”, - навиштааст Екатерина дар саҳифааш дар Инстаграм чанд соат қабл аз фоҷиа.

Сергей Вяликови 33-сола, қурбонии дигари фоҷеа аз Русия мураббӣ дар варзиши парашютӣ будааст.

Дар маҷмуъ бар асари суқути ҳавопаймои “Ethiopian Airlines” дар Ҳабашистон, ки субҳи якшанбе аз Аддис Абеба ба Найробӣ парвоз дошт, 149 мусофир аз 35 кишвари ҷаҳон ва 8 тан халабону хидматрасонҳо ба ҳалокат расиданд.

Бино ба гузориши расонаҳои хабарӣ, дар ҳавопаймо шаҳрвандони Кения, Канада, Ҳабашистон, Итолиё, Чин, ИМА, Бритониёи Кабир, Фаронса, Миср, Олмон, Ҳиндустон, Словакия, Австрия, Шветсия, Русия, Марокаш, Испания, Исроил, Лаҳистон, Белгия, Сербистон, Норвегия, Ирландия, Индонезия, Яман, Уганда, Руанда, Судон, Сомалӣ, Того, Мозамбик, Тунис, Арабистони Саудӣ, Ҷибутӣ, Непал ва Нигерия парвоз мекарданд.

374
Барчаспҳо:
ҳавопаймо, қурбониён, шаҳрванд, Ҷаҳон

Говуд: чист он хӯроки наврӯзие, ки фаромӯш шудааст - навор

97
Говуд - ҳалвоест дар Озарбойҷон, ки онро дар Наврӯз аз ҷави бирёншуда ва шиннӣ омода мекунанд. Ин шириниро дар бештари минтақаҳои кишвар фаромӯш кардаанд, ҳарчанд ҳастанд нафароне, ки анъанаро риоя мекунанд

Имрӯз дар Озарбойҷон нахустин чоршанбеи арафаи Наврӯзро ҷашн мегиранд, ки "су чоршанбеси" ном дорад. Ба ин муносибат дар минтақаҳо шириниҳои гуногун омода мекунанд.

Чигуна озорбойҷониҳо ҳалвои говудро омода мекунанд, аз навори мо тамошо кунед.

Ба модари хонаводаи Набиевҳо омода кардани говудро хушдоманаш омӯхта буд. Вақте Шафаят ин ҳалворо омода мекунад, дар ин хонавода хешовандону ҳамсояҳо ҷамъ мешавад.

Барои омода кардани говуд, пеш аз ҳама гандумро интихоб мекунанд, тоза мекунанд ва бирён мекунанд. Пас аз он дар осиёи дастӣ онро мекӯбанд. Орди ин гандуми бирёнро метавон моҳҳо нигоҳ дошт. Метавон ба он орди макка ё дигар донагиҳоро ҳамроҳ кард. 

Аз кулчаҳои "Роҳат" то лӯлакабоби тоҷикӣ: сирри лазизтарин хӯрокҳои Душанбе фош шуд

Сипас ба орд об, асал, оби меваҷотро омехта мекунанд. Шафаят бештар шарбат ва шакари кӯфташуда омехта мекунад. Дар охир ба ширинӣ шакл медиҳанд ва дар дастурхон мегузоранд. 

 

97

Эрдуғон дар варзишгоҳи худ зарбаи ҷаримавӣ зад - навори гол

181
(Таҷдидшуда 15:46 24.02.2021)
Дар шабакаҳои иҷтимоӣ навори бисёр шавқовари футболбозии раисҷумҳури Туркия нашр шуд, ки зарбаи ҷаримавӣ мезанад

Президенти Туркия Раҷаб Тайиб Эрдуғон дар ифтитоҳи стадиони нави ба номи Гюрсел Аксел дар Измир ширкат варзид.

Стадион бахшида ба як варзишкори номии турк  Гюрсел Аксел ифтитоҳ гардидааст.

Дар видео дида мешавад, ки раҳбари Туркия ба майдони футбол меояд. Сардори давлат биноро муфассал аз назар мегузаронад.

Баъдан, ҳайат бо роҳбарии Эрдуғон ба майдони футбол меравад.

Эрдуғон маҷаллаи фаронсавиро барои карикатура ба додгоҳ кашид

Дар идомаи видео дида мешавад, ки дар назди президенти Туркия тӯб гузошта мешавад. Пас аз каме интизор шудан, Эрдуғон суръатро баланд мекунад ва тӯбро мезанад.

Зарба хуб буд. Дар видео дида мешавад, ки дарвозабон ба самти муқобили тӯб меҷаҳад, аммо вуруди онро ба дарвоза пешгирӣ карда намешавад.

Навори бо голи Эрдуғон ба анҷом меравад.

181
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0