“Крутой чувак” аз Душанбе дар "ТНТ" Тиматӣ, Воля ва тамошобинонро тасхир кард - видео

920
(Таҷдидшуда 15:22 18.03.2019)
Кирил Медников, овозхони ҷавони тоҷикистонӣ, бо суруди муаллифияш дар барномаи “Песни”-и шабакаи телевизионии “ТНТ” доварон ва мухлисонро тасхир кард

Медников зимни муаррифии худ тариқи шабакаи “ТНТ” гуфт, дар шаҳри Душанбе зода ва ба воя расида, феълан дар Русия дар бахши магистратура таҳсил мекунад. Ӯ афзуд, ки  ҳамчунин дар чорабиниҳои гуногун тарҷумонӣ мекунад, чун ба забонҳо шавқи беандоза дораду кӯшиш мекунад, инро дар зиндагӣ кор барад.

“Мусиқӣ дар зиндагиям ҷойгоҳи махсус дорад ва ба таҳияи сурудҳои муаллифӣ ба таври ҷиддӣ соли гузашта оғоз кардам. Феълан бештар таҳияи сурудҳо бо забони англисиро хуш дорам”, - изҳор дошт Медников.

Ӯ сипас суруди “Photo of us”-ро иҷро карда, сазовори тавсифи доварон, аз ҷумла Тиматӣ, овозхони шинохтаи Русия ва ҳаҷвнигор Павел Воля шуд.  “Ты супер”  “крутой чувак”, - изҳор доштанд доварон дар хитоб ба Медников. Павел Воля, аз чеҳраҳои шинохтаи “ТНТ” гуфт, ояндаи Медниковро дар саҳнаи толорҳои бузурге мебинад, ки мухлисон бо ӯ ҳамовоз шуда, сурудҳояшро якҷо иҷро хоҳанд кард.

 

Посмотреть эту публикацию в Instagram

Вперед и с песней Мои хорошие, дорогие моему сердцу люди! Сейчас в моей голове очень много мыслей. Их крайне трудно выразить, уж поверьте:) Скажу одну очень важную вещь. Я делаю это за себя, за свою семью, за всех моих друзей; за ребят, которые живут обычной, размеренной жизнью и боятся мечтать вдохновенно. Эта, скажем так, скромность формируется, во многом, из-за отсутствия возможностей, из-за вездесущей несправедливости, из-за опасения того, что мечтать по-крупному – несбыточно. Хоть последние шесть лет живу в Москве, на проекте я представлю город Душанбе, где родился и вырос я вместе с моими надеждами. Сегодня я осмеливаюсь грезить о великих чувствах и делах. Пожалуй, я шёл к этому всю свою жизнь. Пусть это может звучать громко, но именно так я сейчас чувствую. Я никогда не пел своих песен маме. Редко пел чужие, не свои. И приятелям своим тоже, по сути, не пел. Это всё оттого, что мне было трудно и даже немного боязно показать себя настоящего, открыть чувства, от которых я сам порой убегал. Теперь я готов. Готов стать с вами единым целым. Сердце наполняется трепетом, потому что в субботу выйду на сцену с авторской песней. Это большой шаг, который я делаю с полным пониманием того, зачем, ради чего и благодаря кому иду на «ПЕСНИ». Не знаю, будет этот путь коротким или долгим, - я хочу его пройти вместе с ВАМИ. Я верю в нас, в простых ребят, но уже с большими мечтами. 16 марта шоу @pesninatnt Выступят 14 крутых ребят и Кирилл 😂, а @timatiofficial и @bastaakanoggano примут решение вместе с вами 💪 #ПЕСНИ2

Публикация от Kirill Mednikov (@kirill_mednikov)

 

Қаблан ин овозхони ҷавони тоҷикистонӣ бо ҳунарнамоияш дар барномаи “The Voice of Poland 9”-и телевизиони Полша баҳои хуби доваронро сазовор шуда буд. Ӯ суруди “Hold Back the River”-и Ҷеймс Бейро иҷро карда, аз миёни доварон, ки дар ин барнома овозхонро намебинанд, ду нафарашон дар пайи ҳунарнамоии ӯ  рӯй ба саҳна оварданд ва баҳои хуб доданд.

920

Рустами Эмомалӣ аз интиқоли донишҷӯёну парвозҳо: шарҳи пурраи гуфтушунид - видео

1706
(Таҷдидшуда 16:12 25.11.2020)
Расонаҳои Тоҷикистон мулоқоти пурраи раиси Маҷлиси миллии Тоҷикистонро бо раиси Шӯрои Федератсияи Русия шарҳ доданд. Бино бар иттилои манобеъ, дар ин гуфтушунид маҷмӯи масъалаҳои зиёди ҳамкорӣ, аз муҳоҷират то фарҳанг баррасӣ шуданд

Бино бар гузориши телевизиони "Тоҷикистон", ҳайъатҳои расмии Маҷлиси миллии Тоҷикистон ва Шӯрои Федератсияи Русия дар ҳайъати васеъ мулоқот карданд.

Рустами Эмомалӣ, раиси Маҷлиси миллии Тоҷикистон, барои даъват ҷиҳати анҷоми сафари расмӣ ба раиси Шӯрои Русия Валентина Матвиенко изҳори сипос кард.

Ҷонибҳо муҳимияти баррасии масъалаҳои мубрами ҳамкории стратегии ду кишварро дар сатҳи роҳбарони мақомоти қонунгузор таъкид намуданд.

Бо қаноатмандӣ зикр гардид, ки муносибатҳои дӯстона ва ҳамкории стратегии Тоҷикистону Русия имрӯзҳо дар ҳама самтҳо муттасил рушд ёфта, робитаҳои байни парламентӣ мунтазам ба самти сифатан нав мегузаранд.

Бо арзи адаб: Рустами Эмомалӣ Валентина Матвиенкоро ба Тоҷикистон даъват кард

Зимни мулоқот як қатор масъалаҳои умда, аз ҷумла ҷанбаи масъалаҳои иқтисодии ҳамкориҳои дуҷониба, ки яке аз муҳимтарин бахш ба ҳисоб рафта, таваҷҷӯҳи доимии ҷонибҳоро тақозо менамояд, баррасӣ гардид.

Иқтисод: таъсиси корхонаҳои Русия дар Тоҷикистон ва ҷалби технологияи русӣ

Дар ин ҷода зарурати бештари нуфузи механизми комиссияи байниҳукуматӣ оид ба ҳамкориҳои иқтисодӣ, таъсиси муштарак дар ҳудуди Тоҷикистон, истифодаи имкониятҳои минтақаҳои озоди иқтисодӣ, ҷалби технологияи пештарафтаи русиягӣ дар бахшҳои гуногуни саноати Тоҷикистон ҷиҳати коркарди ашё ва содироти минбаъдаи маҳсулоти тайёр қайд гардид.

Зимни мулоқоти дуҷониба инчунин масъалаҳои марбут ба раванди муҳоҷирати меҳнатӣ мавриди баррасӣ қарор гирифтанд.

Муҳоҷират: соддагардонии гирифтани патент, афви такрорӣ ва барқарор кардани хатсайрҳои мунтазам

Зимнан, аз ҷониби сохторҳои соҳавӣ идома додани корҳо оид ба ҳалли мушкилоти рӯзмарраи муҳоҷирон, аз ҷумла соддагардонии тартиби бақайдгирифтан ва гирифтани патент, баррасӣ намудани имконияти афви такрорӣ нисбат ба шаҳрвандони Тоҷикистон ва барқарор кардани хатсайрҳои ҳавоии мунтазам миёни ду давлат ишора гардид.

"Маскав бароят шаҳри бегона нест": пазироии Матвиенко аз Рустами Эмомалӣ- навор

Ҳамкориҳои ҳарбӣ, фарҳангӣ ва башардӯстӣ

Бо таваҷҷӯҳ ба вазъи минтақа ҷонибҳо ҳалли масъалаҳои самаранокро дар бахши амният, инчунин амалисозии созишномаҳоро оид ба ҳамкории ҳарбӣ ва ҳарбӣ - техникӣ афзалиятнок шумориданд. 

Ҳамзамон ба ҳамкориҳои самти фарҳангиву башардӯстӣ, аз ҷумла соҳаи маориф таваҷҷӯҳи хоса дода шуд.

Қобили зикр аст, ки алҳол дар муассисаҳои олии федератсияи Русия қариб 25 ҳазор шаҳрванди Тоҷикистон таҳсил мегиранд. Зимни мулоқоти ҳамтоён, масъалаи ҷиҳати идома додани таҳсил ба федератсияи Русия  бозгаштани донишҷӯёни тоҷик, ки бино бар маҳдудиятҳои пандемия ба машғулиятҳо ҳозир нашуданд, баррасӣ карда шуд. 

Рустами Эмомалӣ: Тоҷикистону Русия иқтидори иқтисодиро ба таври кофӣ истифода намекунанд

1706
Барчаспҳо:
навор, гуфтушунид, Рустами Эмомалӣ

ИМА аз шартномаи фазои кушод даст кашид - навор

113
(Таҷдидшуда 14:46 25.11.2020)
Дар бораи баромадан аз созишномаи ҳавоӣ амрикоиҳо ҳанӯз моҳи май эълон карда буданд ва далели ин қарорашонро аз ҷониби Русия иҷро нашудани бандҳои созишнома гуфта буданд

Иёлоти Муттаҳида расман аз Паймони фазои кушод (DON) хориҷ шуд. Созишнома соли 1992 бо мақсади таҳкими амният дар Урупо пас аз Ҷанги Сард ба имзо расидааст.

Ин созишнома соли 2002 эътибор пайдо кард ва барои таъмини амнияти кишварҳои иштирокчӣ таҳия шуда буд. Тибқи созишнома ҷонибҳо метавонистанд ошкоро дар бораи нерӯҳои мусаллаҳ ва фаъолияти якдигар маълумот ҷамъоварӣ кунанд.

Дар Маскав қайд карданд, ки ин иқдом ба амнияти минтақавӣ ва байналмилалӣ зарар мерасонад.

Гузашта аз ин, коршиносон низ ба бемантиқии ин қадам таъқид мекунанд: ба эҳтимоли зиёд хуруҷи ИМА аз ДОН ба амнияти шариконаш низ зарба занад.

Мишустин: Русия равобити ҳавоиро боз мекунад, аммо на бо ҳамаи кишварҳо - навор

Ягона умед ба президенти ояндаи Иёлоти Муттаҳида: Байден борҳо эълом дошт, ки ба узвияти ИМА дар созишномаҳои сулҳ пойбанд хоҳад буд.

Русия хоҳиши ИМА-ро дар бораи даст кашидан аз Шартномаи фазои кушода маҳкум мекунад

Аҳдномаи "Фазои кушод" соли 1992 имзо шуда, пас аз ҷанги сард ба яке аз чораҳои таҳкими эътимод дар Урупо табдил ёфтааст.

113
Барчаспҳо:
ИМА, навор

Дар Зеландияи Нав занҳои полиси ҳиҷобпӯш пайдо мешавад

0
(Таҷдидшуда 02:54 26.11.2020)
Полиси Зеландияи Нав эълом кард ҳиҷобро ба либоси расмии худ илова кардааст то занони мусалмонро ба сафи полис ташвиқ кунанд

ДУШАНБЕ, 26 ноя — Sputnik.  Ба гузориши радиои тоҷикии Садои Хуросон ба нақл аз нашрияи New Zealand Herald, Зина Алӣ, сухангӯи полиси ин кишвар гуфт, ки ҳадафи онҳо эҷоди нерӯи " фарогир " аст, ки бозтобдиҳандаи " гуногуниҳо " дар кишвар бошад ва худи ӯ ба унвони як афсари полис, аввалин маъмури боҳиҷоб хоҳад буд, ки дар ин тарҳи миллӣ мушорикат мекунад.

Зино Алӣ, ки як муҳоҷири мусулмони мутаваллиди ҷазоири Фиҷӣ аст ва дар даврони кӯдакӣ ҳамроҳи хонаводааш ба Зеландияи  муҳоҷират карда гуфтааст,  ки пас аз ҳамлаи террористии моҳи марти соли 2019 ба масҷиди шаҳри Черч Christ Church, тасмим гирифта ба нерӯи полиси Зеландияи Нав бипайвандад.

Бар асоси ин гузориш , пеш аз ин низ полиси метроролитени Лондон дар соли 2006 ва полиси Шотландия дар соли 2016 гузинаи либоси форми афсарони полис бо ҳиҷобро пешниҳод ва тасвиб карда буданд.

0
Барчаспҳо:
мусалмон, зан, полис, ҳиҷоб