“Моро мумкин ин сел барад”: навори сели мудҳиш дар Хатлон

1057
Сокинони навоҳии Тоҷикистон наворҳои сел дар маҳалли иқоматашонро дар интернет нашр кардаанд, ки харобиҳои зиёд дар пай доштааст

Дар навори нашршуда аз макони сели мудҳиш дар ноҳияи Шамсиддини Шоҳин, сокинон дар ҳолати ҳарос қарор дошта, ҳамдигарро даъват мекунанд, ки тариқи телефон аз ҳоли наздикони дигар хабар гиранд.

 “Ҳамаи ҷоро сел зада истодааст. Моро мумкин ин сел барад. Мо наметавонем дигар”, - изҳор медорад зане бо овози гиряолуд ва афзуд Худоро барои ҳифзашон зора доранд.

Борону сел навоҳии Тоҷикистонро охири ҳафтаи гузашта фаро гирифта, ба иттилои Ожонси обуҳавошиносии кишвар ҳавои номусоид то 10 апрел идома хоҳад ёфт.

Кумитаи ҳолатҳои фавқулоддаи Тоҷикистон мегӯяд, сел дар ноҳияҳои Дарвоз ва Ванҷи ВМКБ, ноҳияҳои вилояти Хатлон, вилояти Суғд ва ноҳияҳои Рӯдакӣ, Турсунзода ва Ҳисор ба як қатор заминҳои кишт, роҳҳои мошингард, қитъаҳои наздиҳавлигии сокинон зарар расонд.

1057

Шӯх: нашри суруд ва намоҳанги нави Мадина Ақназарова - видео

75
(Таҷдидшуда 13:26 22.10.2020)
Овозхони ҷавону машҳури эстрадаи тоҷик Мадина Ақназарова намоҳанги ҷадиди худро таҳти унвони "Дил ба дил" пешкаши мухлисонаш кард

Мадина Ақаназарова рӯзи 20 октябр дар шабакаи Youtube клипи нави худро нашр кард.

Суҳбати Мадина: аз ишқ дар маршировка то муҳоҷирату пулёбӣ ва ҷарроҳии пластикии ситораҳо

Намоҳанги ҷадиди сароянда аз ҷониби ширкати продюсерии "Тримедведя" таҳия шудааст.

Матни суруди нави Мадина ба қалами шоир ва рӯзноманигор Орзу Исоев тааллуқ дошта, намоҳангро Эраҷ Ҳамидов танзим кардааст.

Оҳанги суруди "Дил ба дил" - ро овозхони ҷавони тоҷики муқими Русия Сино Зоолшоев эҷод кардааст.

Дар давоми ду рӯзи нашр намоҳанги нави Мадинаро беш аз 37 ҳазор кас боздид карда ва зиёда аз 2 ҳазор нафар писандидааст.

Ёдрас мешавем, ки ахиран Мадина Ақназарова бо рӯзноманигор ва овозхони ҷавон Мубориз Усмонов суруди дуэт иҷро кард.

Муаллифи матни ин суруд шоир Орзу Исоев буда, мусиқӣ моли Шаҳбоз Носирҷонов аст.

То имрӯз ин намоҳангро дар шабакаи You Tube беш аз 600 ҳазор корбар, тамошо кардааст.

Мадина Ақназарова тоҷикони Маскавро ба "по" хезонд - видеои консерт

Мадина Ақназарова 15 феврали соли 1998 дар шаҳри Хуҷанд ба дунё омадааст. Пас аз чанде хонаводаи Мадина ба пойтахти шимолии Русия шаҳри Санкт-Петербург мекӯчад.

Мадина то синфи 9-ум дар мактаби рақами 596 ин шаҳр таҳсил кардааст. Пас аз хатми синфи 9 хонаводаи Мадина ба шаҳри Душанбе бозгашт.

Мадина ҳуҷҷатҳояшро ба мактаби мусиқии ба номи Аҳмад Бобоқулов бо маслиҳати бобояш ба шуъбаи академӣ (опера) супорид ва онро бо хубӣ хатм кард. Пасон Мадина таҳсилашро дар Донишкадаи санъати Тоҷикистон ба номи Мирзо Турсунзода идома дод.

Феълан Мадина Ақназарова донишҷӯи соли сеюми Донишкадаи ҳунарҳои зебо мебошад.

То имрӯз Мадина Ақназарова консертҳояшро дар шаҳрҳои Душанбе, Хуҷанд, Маскав ва Санкт-Пебербург баргузор кардааст.

75
Барчаспҳо:
намоҳанг, нашр, Мадина Ақназарова, Тоҷикистон
( / / )

Ҳабиб бо Гейҷӣ вохӯрду нишасти матбуотӣ баргузор намуданд

1404
(Таҷдидшуда 19:41 21.10.2020)
Хабиб Нурмуҳаммадов пеш аз муҳорибаи UFC 254, ки дар Аморати Муттаҳидаи Араб баргузор мешавад, нишасти матбуотӣ баргузор намуд

Муҳориба рӯзи  24 октябр дар Абу-Дабӣ (АМА) баргузор мешавад. Дар ин рақобат қаҳрамони феълии UFC бо рақиби худ Ҷастин Гейҷ вомехӯрад ва қувва меозмояд.

Ёдовар мешавем, ки Ҳабиб ин навбат талош мекунад камарбанди қаҳрамонии худро барои маротибаи сеюм ҳифз кунад.

Ҳабиб то ҳол 28 муҳориба баргузор намудааст ва боре ам мағлуб нашудаст. Ҳарифи ӯ бошад аз 22 рақобати умумӣ 2 мағлубият дорад.

Раҳбари UFC дар бораи рақобати Ҳабиб ва Гэтҷи навори дидание нашр кард - видео

Қаблан маълум буд, ки қаҳрамони феълии UFC дар вазни сабук Ҳабиб Нурмуҳаммадов ба даҳгонаи муваффақтарин варзишгарони ҷаҳон дар шабакаҳои иҷтимоӣ шомил шудааст. Ҳамин тавр, Нурмагомедов дар байни 50 варзишгар ҷои ҳафтумро гирифт.

1404
Свадьба, архивное фото

Дар Хатлон талоқ камтар шуд

0
Дар вилояти Хатлон камшавии теъдоди талоқ ба қайд гирифта шуд: аммо ба ин нигоҳ накарда, бештар аз 1,6 ҳазор кӯдак бе падар ва ё модар монданд

ДУШАНБЕ, 22 окт — Sputnik. Омори талоқ дар вилояти Хатлонро сармутахассиси САҲШ Ҳуронбӣ Мирсаидзода дар мусоҳиба бо "Фараж" ироа кардааст.

Дар нуҳ моҳи соли 2020 дар Хатлон 1770 хонавода пош хӯрдаанд, ки нисбат ба ҳамин давраи соли гузашта ба 202 адад камтар аст.

Намояндаи шӯъбаи минтақавии САҲШ гуфтааст, ин нишондодро бо тақвият бахшидани фаҳмондадиҳии арзишҳои оила байни ҷомеа иртибот додааст.

Аз шумораи умумии оилаҳо 1391 бо қарори суд, 376 бо ризоияти зану шавҳар, ки кӯдакони ноболиғ надоранд ва 3 оилаи дигар бо хоҳиши яке аз онҳо  ҷудо шуданд.

Дар Душанбе шумораи издивоҷ ва талоқ коҳиш ёфтааст

"Пас аз пошхӯрӣ ин хонаводаҳо 1646 кӯдак танҳо бо яке аз волидон: 10 нафар зери тарбияи падар ва боқимонда бо модар монданд", - гуфт Мирсаидзода.

0