Муфтӣ Аляудинов, аз мусалмонон даъват кард, ки барои дигарон намунаи ибрат бошанд-видео

191
(Таҷдидшуда 21:05 04.06.2019)
Муфтии Маскав Илдар Аляутдинов тамоми мусалмононро ба Иди Фитр табрик гуфт

“Аз Макка шуморо ба Иди Фитр табрик мегӯям. Аз номи мусалмонони Маскаву Русия ҳар яки шуморо ба хусус тамошобинони шабакаи Sputnik-ро табрик мегӯям”- гуфт муфтӣ.

Инчунин вай афзуд, моҳи шарифи Рамазон сипарӣ шуд, аммо бояд дарк намоем, ки дар назди мусалмонон вазифаҳои зиеде гузошта шудааст.

“Муҳим он аст, ки вазифаҳои дар пеш истодаро дарк намуда, дар зиндагии худ онро ба таври шоиста ба анҷом расони то сазовори бахшиши худованд шави. Барои мо ҳамчун мусалмон муҳим он аст, ки ҳамеша ва дар ҳамаҷо намунаи ибрат бошем, то дигарон дар симиои мо шахси арзандаеро бинанд, ки паёмбар Муҳаммад(с) ва китоби Қуръон фармудааст”- таъкид намуд муфтӣ.

Имрӯз 4 июни соли равон мусалмонони Русия Иди Фитро ҷашн гирифтанд.

Иди Фитр яке аз ду иди бузурги мусулмонон аст, ки он ҳамасола дар рӯзи аввали моҳи шаввол, пас аз поёни моҳи рамазон баргузор мешавад.

Ин ҷашни муборак пас аз анҷом ёфтани моҳи шарифи Рамазон таҷлил мегардад. Дар ин рӯз мардум либосҳои тоза ба бар намуда, ба ҳамдигар тӯҳфаҳо тақдим мекунанд.

Ёдрас мешавем, ки мардуми Тоҷикистон мувофиқи қонун "Дар бораи рӯзҳои истироҳатӣ" дар ин рӯз истироҳат мекунанд. Тамоми мусулмонони ҷаҳон дар ин рӯз ба хонаҳои ҳамдигар ба меҳмонӣ рафта ба якдигар сулҳу салоҳ таманно мекунанд.

Иди Рамазон дар кишварҳои мусулмоннишин аз як то се рӯз қайд карда мешавад. Дар рӯзи аввал мардум бо либоси тоза ба масҷидҳо рафта намози ид мегузоранд. Дар рӯзҳои баъдӣ бошад дастархони идона ороста ба хонаҳои ҳамдигар ба меҳмонӣ мераванд.

191
Барчаспҳо:
Макка, муфтӣ, табрикот, иди Фитр, Русия, Тоҷикистон

Танкчиёни рус орзуи Максими 12 - соларо амалӣ карданд - видео

82
(Таҷдидшуда 13:00 17.01.2021)
Кӯдак, ки дер боз орзу дошт, дохили танк дарояд, натанҳо ба ин орзуяш расид, балки аз Т-72Б3М тирпарронӣ намуд

Танкчиёни флоти Балтик орзуи Максими 12 - соларо, ки дар Маркази нигоҳубини кӯдакон - "Надежда" тарбият мегирад ва аз парастории волидонаш маҳрум аст, бароварда карданд. Ӯ бисёр мехост бидонад, ки танки ҷангӣ чӣ гуна аст.

Дар парки мошинҳои ҷангӣ меҳмонро фармондеҳи взводи танкӣ, лейтенант Максим Карталов пешвоз гирифта, дар бораи хусусиятҳои асосии танки Т-72B3M, қобилиятҳои ҷангӣ ва афзалиятҳои он нисбат ба чунин танкҳои ҷангии кишварҳои хориҷ сухан гуфт.

Баъд сайёҳат дар дохили танк идома ёфт. Аввалан, Максим дасти худро дар курсии ронанда озмуд. Бо назарияи идоракунии танк шинос шуда, ба хулоса омад, ки барои ин омодагии хуби ҷисмонӣ зарур аст.

Пасон, фармондеҳи взводи танк ҷойи худро ба Максим дод ва ба ҳама саволҳои ӯ посух гуфт.

Онҳо якҷоя бо командир орзуҳои деринаи Максимро амалӣ карданд - ба кор андохтани муҳаррики танк ва силоҳи асосии танки Т-72B3M тавассути дидгоҳи навшудаи Сосна-У.

Максим фаҳмид, ки лавозимоти ҷангӣ дар дохили танк дар куҷо ҷойгир аст, танкчиён бо чӣ мусаллаҳ шудаанд, силоҳҳои шахсии онҳо дар куҷо нигоҳ дошта мешаванд ва чӣ гуна онҳо бо якдигар робита доранд.

Дар охир Максим гуфт, ки мехоҳад ихтисоси ҳарбиро дар оянда аз худ кунад ва пас аз ин сайёҳат хоҳиши ӯ ба ин соҳа дучанд афзуд.

82
Барчаспҳо:
танкистҳо, танк, Русия

Русия аз шартномаи фазои кушод даст мекашад - видео

217
(Таҷдидшуда 12:32 17.01.2021)
Вазорати умури хориҷаи Русия изҳор дошт, ки пай дар пай аз шартномаи ҳавоӣ даст мекашад ва корро оғоз мекунад

Русия аз 15 январ баромадан аз созишномаи ҳавоиро оғоз кард.

Аз аввал 34 давлати ҷаҳон узви ин созишнома буданд. Вале соли 2020 Иёлоти Муттаҳида ҳам расман аз Паймони фазои кушод (DON) хориҷ шуд.

ИМА аз шартномаи фазои кушод даст кашид - навор

Ин созишнома соли 1992 бо мақсади таҳкими амният дар Урупо пас аз Ҷанги Сард ба имзо расидааст.

Созишнома соли 2002 эътибор пайдо кард ва барои таъмини амнияти кишварҳои иштирокчӣ таҳия шуда буд. Тибқи созишнома ҷонибҳо метавонистанд ошкоро дар бораи нерӯҳои мусаллаҳ ва фаъолияти якдигар маълумот ҷамъоварӣ кунанд.

Русия хоҳиши ИМА-ро дар бораи даст кашидан аз Шартномаи фазои кушода маҳкум мекунад

Аҳдномаи "Фазои кушод" соли 1992 имзо шуда, пас аз ҷанги сард ба яке аз чораҳои таҳкими эътимод дар Урупо табдил ёфтааст.

217
Барчаспҳо:
даст кашидан, Русия, шартнома, созишнома

Ройгон ва худхоҳишӣ: дар Русия эмгузаронии оммавӣ шурӯъ шуд

0
Дар Русия сар аз имрӯз эмгузаронии оммавӣ шурӯъ шуд. Чунин супоришро ҳафтаи гузашта Владимир Путин ба мақомотҳои марбута дода буд

ДУШАНБЕ, 18 янв — Sputnik. Шурӯъ аз рӯзи душанбеи 18 январ дар Русия бо супориши Владимир Путин маъракаи эмгузаронии оммавӣ шурӯъ шуд, хабар медиҳад РИА Новости.

Ба иттилои манбаъ, шаҳрвандони Русия метавонанд бевосита аз миёни ду ваксинае, ки дар Русия раман сабти ном шудаанд якеро интихоб карда, эм гиранд.

Бори нахуст: мубталошавии 20 000 нафар дар Русия ба коронавирус давоми як рӯз

Гуфта мешавад,  маъракаи эмгузаронӣ комилан ройгон аст.

Ҳукумати Русия ҳанӯз моҳи декабри соли гузашта эълон намуд, ки нахуст пизишкону муаллимон, кормандони хизматрасонии иҷтимоӣ ва ҳамчунин нафароне, ки маризи қанду дил ва фарбеҳӣ доранд, эм мешаванд.

Рӯзҳои истироҳатӣ ҳам: идомаи эмкунии сартосарӣ аз коронавирус дар Русия - навор

Зимнан, рӯзи 13 январ кишвардори Русия Владимир Путин супориш дод, ки дар минтақаҳо шумораи нуқтаҳои эмгузаронӣ афзун карда шавад.

Бояд таъкид намуд, ки дар Русия расман ваксинаи "Спутник V" аз маркази  Гамалея ва “ЭпиВакКорона"- и ”Вектор” расман сабти ном шуданд.

0
Барчаспҳо:
эмгузаронӣ, Русия