Шиа бошӣ ва ё суннӣ гуноҳ нест: навори таҷлили "Рӯзи Имомат" дар Маскав

1392
(Таҷдидшуда 19:05 19.07.2019)
Исмоилиёни Маскав "Рӯзи Имомат"-ро таҷлил карданд

Шоми 13 июл дар толори консертии "Вдохновение" ба муносибати 62-юмин солгарди ба тахти Имомат нишастани Аълоҳазрат Оқохони IV, имоми 49-уми исмоилиёни ҷаҳон, ё "Рӯзи Имомат", ки ҳамасола 11 июл таҷлил мешавад, барномаи консертӣ баргузор шуд.

Чорабинӣ аз ду қисм: намоишгоҳ ва барномаи фарҳангӣ иборат буд.

Дар намоишгоҳ аз як тараф  аксҳои овони ҷавонӣ ва кунунии Аълоҳазрат Оқохони IV ва дар бари онҳо аксҳои марказҳои исмоилия, ки дар шаҳрҳои гуногун воқеъ аст, гузошта шуда буду, аз ҷониби дигар, намояндаи бахши маорифи созмони ҷамъиятии "Нур" ба мардум дар бораи барномаҳои омӯзишии ин даргоҳ маълумот медод.

Барномаи консертӣ бо эълони ровиён ва табрикоти намояндаи созмонҳои ҷамоатии Аълоҳазрат Оқохони IV дар Маскав, Олим Ширинбек оғоз шуд.

Олим Ширинбек меҳмононро ба муносибати "Рӯзи Имомат" табрик карда аз сулҳофаринии Аълоҳазрат Оқохони IV дар ҷаҳон гуфт.

"Дар тӯли беш аз 60 сол Шоҳ Карим ал Ҳусайнӣ ба ҷаҳониён исломи ботинӣ исломи бародарию дӯстӣ ва исломи инсонгароиро нишон медиҳад", - гуфт Олим Ширинбек ва ҳамаи нишастагонро ба ризокорӣ даъват карду афзуд, ки яке ин аз рункҳои асосии мазҳаби исмоилӣ ба шумор меравад.

Барномаи фарҳангӣ наздики се соат давом карду тоҷикони Маскав бо руҳияи болида, толорро тарк карданд.

1392
Барчаспҳо:
шеър, барномаи фарҳангӣ, Шоҳзода Карим Оқохони IV, Оқохони IV, Рӯзи Имомат, Маскав

Рустами Эмомалӣ аз интиқоли донишҷӯёну парвозҳо: шарҳи пурраи гуфтушунид - видео

1279
(Таҷдидшуда 16:12 25.11.2020)
Расонаҳои Тоҷикистон мулоқоти пурраи раиси Маҷлиси миллии Тоҷикистонро бо раиси Шӯрои Федератсияи Русия шарҳ доданд. Бино бар иттилои манобеъ, дар ин гуфтушунид маҷмӯи масъалаҳои зиёди ҳамкорӣ, аз муҳоҷират то фарҳанг баррасӣ шуданд

Бино бар гузориши телевизиони "Тоҷикистон", ҳайъатҳои расмии Маҷлиси миллии Тоҷикистон ва Шӯрои Федератсияи Русия дар ҳайъати васеъ мулоқот карданд.

Рустами Эмомалӣ, раиси Маҷлиси миллии Тоҷикистон, барои даъват ҷиҳати анҷоми сафари расмӣ ба раиси Шӯрои Русия Валентина Матвиенко изҳори сипос кард.

Ҷонибҳо муҳимияти баррасии масъалаҳои мубрами ҳамкории стратегии ду кишварро дар сатҳи роҳбарони мақомоти қонунгузор таъкид намуданд.

Бо қаноатмандӣ зикр гардид, ки муносибатҳои дӯстона ва ҳамкории стратегии Тоҷикистону Русия имрӯзҳо дар ҳама самтҳо муттасил рушд ёфта, робитаҳои байни парламентӣ мунтазам ба самти сифатан нав мегузаранд.

Бо арзи адаб: Рустами Эмомалӣ Валентина Матвиенкоро ба Тоҷикистон даъват кард

Зимни мулоқот як қатор масъалаҳои умда, аз ҷумла ҷанбаи масъалаҳои иқтисодии ҳамкориҳои дуҷониба, ки яке аз муҳимтарин бахш ба ҳисоб рафта, таваҷҷӯҳи доимии ҷонибҳоро тақозо менамояд, баррасӣ гардид.

Иқтисод: таъсиси корхонаҳои Русия дар Тоҷикистон ва ҷалби технологияи русӣ

Дар ин ҷода зарурати бештари нуфузи механизми комиссияи байниҳукуматӣ оид ба ҳамкориҳои иқтисодӣ, таъсиси муштарак дар ҳудуди Тоҷикистон, истифодаи имкониятҳои минтақаҳои озоди иқтисодӣ, ҷалби технологияи пештарафтаи русиягӣ дар бахшҳои гуногуни саноати Тоҷикистон ҷиҳати коркарди ашё ва содироти минбаъдаи маҳсулоти тайёр қайд гардид.

Зимни мулоқоти дуҷониба инчунин масъалаҳои марбут ба раванди муҳоҷирати меҳнатӣ мавриди баррасӣ қарор гирифтанд.

Муҳоҷират: соддагардонии гирифтани патент, афви такрорӣ ва барқарор кардани хатсайрҳои мунтазам

Зимнан, аз ҷониби сохторҳои соҳавӣ идома додани корҳо оид ба ҳалли мушкилоти рӯзмарраи муҳоҷирон, аз ҷумла соддагардонии тартиби бақайдгирифтан ва гирифтани патент, баррасӣ намудани имконияти афви такрорӣ нисбат ба шаҳрвандони Тоҷикистон ва барқарор кардани хатсайрҳои ҳавоии мунтазам миёни ду давлат ишора гардид.

"Маскав бароят шаҳри бегона нест": пазироии Матвиенко аз Рустами Эмомалӣ- навор

Ҳамкориҳои ҳарбӣ, фарҳангӣ ва башардӯстӣ

Бо таваҷҷӯҳ ба вазъи минтақа ҷонибҳо ҳалли масъалаҳои самаранокро дар бахши амният, инчунин амалисозии созишномаҳоро оид ба ҳамкории ҳарбӣ ва ҳарбӣ - техникӣ афзалиятнок шумориданд. 

Ҳамзамон ба ҳамкориҳои самти фарҳангиву башардӯстӣ, аз ҷумла соҳаи маориф таваҷҷӯҳи хоса дода шуд.

Қобили зикр аст, ки алҳол дар муассисаҳои олии федератсияи Русия қариб 25 ҳазор шаҳрванди Тоҷикистон таҳсил мегиранд. Зимни мулоқоти ҳамтоён, масъалаи ҷиҳати идома додани таҳсил ба федератсияи Русия  бозгаштани донишҷӯёни тоҷик, ки бино бар маҳдудиятҳои пандемия ба машғулиятҳо ҳозир нашуданд, баррасӣ карда шуд. 

Рустами Эмомалӣ: Тоҷикистону Русия иқтидори иқтисодиро ба таври кофӣ истифода намекунанд

1279
Барчаспҳо:
навор, гуфтушунид, Рустами Эмомалӣ

ИМА аз шартномаи фазои кушод даст кашид - навор

98
(Таҷдидшуда 14:46 25.11.2020)
Дар бораи баромадан аз созишномаи ҳавоӣ амрикоиҳо ҳанӯз моҳи май эълон карда буданд ва далели ин қарорашонро аз ҷониби Русия иҷро нашудани бандҳои созишнома гуфта буданд

Иёлоти Муттаҳида расман аз Паймони фазои кушод (DON) хориҷ шуд. Созишнома соли 1992 бо мақсади таҳкими амният дар Урупо пас аз Ҷанги Сард ба имзо расидааст.

Ин созишнома соли 2002 эътибор пайдо кард ва барои таъмини амнияти кишварҳои иштирокчӣ таҳия шуда буд. Тибқи созишнома ҷонибҳо метавонистанд ошкоро дар бораи нерӯҳои мусаллаҳ ва фаъолияти якдигар маълумот ҷамъоварӣ кунанд.

Дар Маскав қайд карданд, ки ин иқдом ба амнияти минтақавӣ ва байналмилалӣ зарар мерасонад.

Гузашта аз ин, коршиносон низ ба бемантиқии ин қадам таъқид мекунанд: ба эҳтимоли зиёд хуруҷи ИМА аз ДОН ба амнияти шариконаш низ зарба занад.

Мишустин: Русия равобити ҳавоиро боз мекунад, аммо на бо ҳамаи кишварҳо - навор

Ягона умед ба президенти ояндаи Иёлоти Муттаҳида: Байден борҳо эълом дошт, ки ба узвияти ИМА дар созишномаҳои сулҳ пойбанд хоҳад буд.

Русия хоҳиши ИМА-ро дар бораи даст кашидан аз Шартномаи фазои кушода маҳкум мекунад

Аҳдномаи "Фазои кушод" соли 1992 имзо шуда, пас аз ҷанги сард ба яке аз чораҳои таҳкими эътимод дар Урупо табдил ёфтааст.

98
Барчаспҳо:
ИМА, навор
Председатель Совета Федерации РФ Валентина Матвиенко и глава палаты парламента Таджикистана Рустам Эмомали

Муҳоҷиру пулу гӯшаи тоҷикон: нахустсафари расмии Рустами Эмомалӣ бо чӣ анҷомид?

0
Нахустин сафари расмии Рустами Эмомалӣ дар Маскав, ки зимни он ба ҳайси раиси Маҷлиси миллӣ бо аъзои парлумони Русия ва ба ҳайси шаҳрдори Душанбе бо Сергей Собянин мулоқот кард, анҷом ёфта истодааст

ДУШАНБЕ, 25 ноя — Sputnik. Зимни ҷаласаи муштарак Валентина Матвиенко, раиси палатаи болоии парлумон ва Рустами Эмомалӣ самтҳои асосии ҳамкории ду кишвар – саноат, тиҷорат ва ҳамкории минтақаваиро муайян намуданд.

Раиси Маҷлиси миллӣ гуфт, гарчанде Русия тайи солҳои зиёд шарики асосии тиҷории Тоҷикистон мебошад (гардиши мол тайи 8 моҳи 2020 ҳудуди 720 миллион доллар), имкониятҳои истифоданашудаи ҳамкорӣ ҳанӯз зиёданд.

“Ҳиссаи сармоягузориҳои мустақими Русия ҳанӯз ҳам ба имконоти мавҷуда ҷавобгӯй набуда, зарфиятҳои ҳамкории иқтисодии Русия ва Тоҷикистон пурра истифода нашуда истодааст”, - изҳор дошт ӯ.

Валентина Матвиенко дар навбати худ аҳамияти сафари раиси палатаи болоии парлумони Тоҷикистонро таъкид карда, афзуд, ки он таконе барои рушди ҳамкориҳои дуҷонибаи Тоҷикистону Русия хоҳад шуд.

Ба гуфтаи ӯ, яке аз монеаҳои асосии рушди ҳамкориҳои иқтисодии дуҷониба коғазбозиҳои зиёд ва расмиёти мураккаб мебошад.

“Бюрократияи зиёдатию таъхиркориҳо монеи рушди ҳамкорӣ дар ин бахш мебошанд. Барои ин ба хулоса расидем, ки як роҳҳалро таҳия кунем. Тариқи кумитаҳои соҳавӣ ҳамоҳангсозиро вусъат бахшида, заминаи ҳуқуқию шартномавиро таҳким мебахшем”, - изҳор дошт раиси Шӯрои Федератсия.

Ба гуфтаи ӯ, миёни Душанбе ва Маскав баъзе нофаҳмиҳо дар масъалаи устуворсозии заминаи ҳуқуқӣ-шартномавӣ вуҷуд дорад. Ва аъзои парлумони ду кишвар метавонанд барои ҳамоҳангӣ ва тезондани тасвиби ҳуҷҷатҳо созиш кунанд.

Рустами Эмомалӣ инчунин бо ноиби раиси Ҳукумати Русия, Алексей Оверчук, ки ҳамраисии Комиссияи байниҳукуматии Тоҷикистону Русия дар умури ҳамкориҳои иқтисодиро низ ба уҳда дорад, мулоқот намуд.

Таваҷҷуҳи махсус ба ҳамкориҳои тиҷоратию иқтисодӣ равона карда шуд. Аз ҷумла Оверчук ва Рустами Эмомалӣ ҳамкорӣ дар бахши куҳкорӣ, саноати коркард, бахши энергетикаю сӯзишворӣ ва хоҷагии қишлоқро баррасӣ намуданд.

Масъалаи содироту воридоти маҳсулоти ғизоӣ, аз ҷумла меваю сабзавот аз мавзӯъҳои меҳварии мулоқот буд.

Албатта ҷонибҳо соҳаи гуманитариро низ бетаваҷҷуҳ нагузоштанд. Рустами Эмомалӣ бо аъзои парлумони Русия масоили вусъат бахшидани сохтмони макотиби русӣ дар Тоҷикистонро ба миён гузошту Валентина Матвиенко аз Рустами Эмомалӣ хост ба ҷавонон таваҷҷуҳ дода шавад.

“Ман ҷонибдори барқарорсозии ҳарчи зудтари ҳамкориҳо дар бахшҳои гуманитарӣ, афзоиш дар бахши фарҳангу маориф, варзиш ва албатта ҷавононам”, - таъкид кард раиси Шӯрои Федератсия. Ӯ давом дод, ки дар дунё созмону ҳаракатҳои ифротию террористӣ зиёданд, ки барои мағзи ҷавонон талош мекунанд. Мо бояд пешдастӣ кунем, тариқи табодули таҷриба бояд ҳарчи бештар лоиҳаҳо ва маъракаҳоро амалӣ созем.

Аз ҷумлаи иқдоми мушаххас пешниҳод гардид, ки дар 20-солаи наздик теъдоди намояндагиҳои донишгоҳҳои Русия дар Тоҷикистон афзоиш дода шавад. Таъкид гардид, ки дар заминаи макотиби Маскав барои омӯзгорони забони русии макотиби Душанбе ва дар заминаи беморхонаҳо барои табибони тоҷикистон курсҳои такмили ихтисос гузаронда шаванд.

Барои Рустами Эмомалӣ дар мулоқот бо аъзои парлумон ва ҳукумати Русия масъалаи муҳоҷирони меҳнатӣ буд. Ӯ дар бораи расмиёти содаи ҷалби муҳоҷирони тоҷик ба кор, барқарорсозии парвозҳо ва пешгирии паҳншавии коронавирус миёни муҳоҷирон суҳбат кард.

Масъалаи муҳоҷиронро инчунин дар мулоқот бо ҳамтои русиягияш, Сергей Собянин низ баррасӣ намуданд.

Зимни гуфтушунид густариши ҳамкориҳо дар бахши тиҷорату иқтисод фарҳангу гуманитарӣ ва роҳандозии равобити бевосита миёни хоҷагидорон баррасӣ шудаанд.

Собянин ва Рустами Эмомалӣ зарурати афзоиши ҳамкорӣ дар бахши маориф, тандурустӣ, сайёҳӣ ва навсозии техникию моддии хоҷагиҳои коммуналиро таъкид намудаанд.

Инчунин ба иттилои котиботи шаҳрдории Маскав, ҷонибҳо таъсиси гӯшаи Тоҷикистон дар намоишгоҳи “ВДНХ”-ро баррасӣ кардаанд, ки дар он ҷо аз соли 1939 то 1965 вуҷуд дошт.

Натиҷаи музокирот имзои Барномаи ҳамкорӣ барои солҳои 2020 – 2023 миёни Маскав ва Душанбе шуд.

Дар баробари мулоқот бо Матвиенко, Собянин ва Оверчук, раиси Маҷлиси миллии Тоҷикистон бо раиси Думаи давлатии Русия, Вячеслав Володин музокироти телефонӣ анҷом дод.

Зимни суҳбат аз ҷумла баргузории Ассамблеяи парлумонии Созмони аҳдномаи амнияти дастаҷамъӣ дар шаҳри Душанбе баррасӣ гардидааст, ки санаи эҳтимолии он охири марти соли 2021 мебошад.

0