Навори садамаи пурқурбонӣ дар Рязан, ки ҷони 6 тоҷикистониро гирифт: Видео

1213
(Таҷдидшуда 13:04 06.08.2019)
Навори садамаи мудҳишдар Русия, ки ҷони шаш шаҳрванди Тоҷикистонро гирифт, нашр шудааст

Дар шоҳроҳи М-5 "Урал" садамаи маргбор рух дод, ки дар паи он шаш шаҳрванди Тоҷикистон ҷони худро аз даст доданд. Миёни ҳалокшудагон кудакон низ ҳастанд.

Аз навор дида мешавад, ки ҳарду мошин дар паи задухӯрд чаппа шудаанд.

Худрави Мерседес пурра хароб шуда, чархҳояш дар ҳаво қарор гирифтааст. "Копот" -и худрави Тойота ҷудо шудааст.

Ба гуфти сардори идораи ВКД дар Рязан, Сергей Романов, ронандаи 30-солаи худрави Мерседес Вито бо мошини Тойота Ленд Крузер Прадо, бархӯрдааст.

"Бино ба маълумоти пешакӣ дар паи садама, шаш мусофири худраси Мерседес ҳалок шудаанд, ки миёни онҳо як кӯдак низ будааст. Шаш каси дигар ҷароҳатҳои гуногун бардоштанд", - гуфт ӯ.

Ронанда ва мусофирони худрави Тойота ҳама ба бемористон интиқол ёфтанд.

Манбаъ қайд кард, ки айни замон дар ҷои ҳодиса мақомоти қудратӣ кор мебаранд ва дигар ҷузъиёти ҳодиса омӯхта мешавад.

Пештар хабар дода шуд, ки дар паи садама ҳафт кас ҳалок шудааст, вале пас аз чанде ин хабар тасдиқ наёфт.

Тибқи иттилои расмӣ, дар ҳоли ҳозир шумораи қурбониён шаш кас гуфта мешавад.

1213
Барчаспҳо:
садама, навор, Русия, Тоҷикистон

Таҳдиди навбатии Амрико ба Русия: Помпео ваъда дод, Маскав ҷазоӣ сахт мегирад

394
(Таҷдидшуда 18:53 14.08.2020)
Котиби давлатии Амрико ҳушдор дод, ки агар “созиши Маскав ва Толибон” тасдиқ ёбад, Русияро рӯзҳои сахт интизор аст

Майк Помпео, котиби давлатии Амрико таъкид кард, ки агар тасдиқ шавад, ки русҳо барои қатли сарбозони Амрико пул пешниҳод мекардааанд, Русияро ҷазоӣ сахт интизор аст.

“Агар русҳо барои қатли сарбозони Амрико ва мардуми Ғарб пул пешниҳод кунанд, онҳо арзиши гаронеро хоҳанд супорид. Инро ман ба вазири умури хориҷаи Русия Сергей Лавров расондам. Ман хабар дорам, ки низомиёни мо бо роҳбарияти низоимии Русия низ дар ин бора гуфтугӯ доштанд. Мо таҳаммули инро надорем”, - гуфт Майк Помпео.

Дар ҳамин ҳол, Сергей Лавров, вазири хориҷаи Русия таҳдидҳои Амрикоро ба вазъи сиёсии дохилии ин кишвар рабт дод.

Вай гуфт, дар арафаи интихобот ҳукумати Трамп дар баробари демократҳо мехоҳад аз “корти Русия” истифода кунад

Ёдрас мешаҷвем, ки нашрияи “The New York Times” бо такя ба манобеи дар хадамоти махсуси Амрико рӯзи 26-уми июн хабар дода буд, ки мақомоти Русия ба гурӯҳи Толибон барои куштани сарбозони нерӯҳои эътилоф таҳти сарварии Амрико дар Афғонистон пул пешниҳод мекардааст.

Нашрияи “The Times” навиштааст, ки Толибон ва ё “гурӯҳҳои мусаллаҳи ҷиноии алоқаманд ба онҳо” як қисми пулро дастрас кардаанд. Аммо дар гузориш гуфта мешавад, ки рӯшан нест, ки ин пардохтҳо ба 20 сарбози кушташудаи амрикоӣ дар соли гузашта дар Афғонистон рабт дорад, ё не.

Иддао Амрико дар ҳолест, ки ин кишвар пас аз имзои созишномаи сулҳ бо Толибон дар моҳи феврал тасмим гирифтааст, ки соли оянда сарбозонашро аз хоки Афғонистон берун кунад.

Нашрияи “The Times” навиштааст, ки мақомоти Амрико намедонистанд, ки то чӣ андоза амалиёти пинҳонии ҳукумати Русия тасдиқ шудааст ва он чӣ ҳадафро дунбол мекунад.

Мақомоти Русия ин иттиҳоми навбатиро “бепояву беасос” хонд.

394
Барчаспҳо:
Толибон, Маскав, таҳдид, Русия, Амрико
(134:22 / 2102.22Mb / просмотров видео: 3)

Дар бораи касбу нақшаҳои оянда: нишасти хабарии Ҳабиб Нурмуҳаммадов - пахши мустақим

398
(Таҷдидшуда 16:13 14.08.2020)
Ҳабиб Нурмуҳаммадов қаҳрамони UFC дар вазни сабук оиди нақшаҳои ояндаи худ дар нишасти хабарӣ дар шаҳри Маскав изҳор дошт

Дар шаҳри Маскав бо иштироки Қаҳрамони UFC дар вазни сабук Ҳабиб Нурмуҳаммадов нишасти хабарӣ ҷараён дорад.

Размикори маваффақ тасмим гирифт ба хабарнигорон дар мавриди касб ва нақшаҳои ояндаи худ ибрози назар кунад.

Қобили зикр аст, ки дар ояндаи наздик муҳорибаи ӯ бо Ҷастин Гэйтжи баргузор мегардад. Ҳабиб Нурмуҳаммадов дар фаъолияти касбии худ 28 муҳориба баргузор кардаст ва то ҳол боре ҳам мағлуб нашудааст.

398
Народный поэт Таджикистана Гулназар Келди

Вазорати фарҳанги Тоҷикистон ба наздикони Гулназар Келдӣ изҳори ҳамдардӣ кард

0
(Таҷдидшуда 19:54 15.08.2020)
Вазорат мегӯяд, ки аз даргузашти шоири мардумии Тоҷикистон, муаллифи Суруди миллӣ Гулназар Келдӣ сахт андӯҳгин аст

ДУШАНБЕ, 15 авг — Sputnik. Вазорати фарҳанги Тоҷикистон аз даргузашти шоири мардумии Тоҷикистон Гулназар Келдӣ изҳори андӯҳ карда, ба наздикони шоири маҳбуби тоҷик  ҳамдардӣ кардааст. Дар ин бора дафтари матбуоти вазорат гузориш медиҳад.

"Вазорати фарҳанги Ҷумҳурии Тоҷикистон ва аҳли фарҳангу ҳунари кишвар нисбати даргузашти Шоири халқии Тоҷикистон, муаллифи Суруди миллии Тоҷикистон Гулназар Келдӣ сахт андӯҳгин буда, ба пайвандони марҳум изҳори ҳамдардии амиқ мекунанд", - менависад манбаъ.

Ёдовар мешавем, ҳамагӣ чанд рӯз пеш Гулназар Келдӣ бо нишони маризии коронавирус бистарии беморхона гардида шуд ва ахиран рӯзи 13 - уми август ҷон ба Ҷонофарин супорид.

Марҳум чанд рӯз қабл дар сӯҳбат бо  Sputnik Тоҷикистон ба мардум насиҳат карда буд, ки "худатонро эҳтиёт кунед".

Он сӯҳбати шоир ба 11 август,  баъд аз хабари ба бемористон интиқол ёфтани шоир анҷом дода шуд. Гулназар Келдӣ, аз ҳамватанонаш хоҳиш карда буд, ки аз бемории ӯ  ташвиш накашанд.

Маросими видоъ бо устод Гулназар Келдӣ - навори муфассал

"Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфта буд шоири халқии Тоҷикистон.

0