Хурд, аммо пур аз ороиш дукони Тоҷикистон дар ВДНХ-и Маскав чӣ гуна буд? - Навор

1623
(Таҷдидшуда 17:39 10.09.2019)
Шояд бисёриҳо надонанд ва ё дар ёд натошта бошанд, ки дар Намоишгоҳи дастовардҳои хоҷагии халқ ва ё ба истилоҳ ВДНХ-и Маскав дуконе ба Тоҷикистон бахшида шуда буд

Намоишгоҳи дастовардҳои хоҷагии халқ ва ё ба истилоҳ ВДНХ дар давоми 80 соли мавҷудияташ чандин маротиба шаклашро дигар кардааст. На танҳо шакли зоҳирӣ, балки номҳо ва маконҳои муайяншуда тағйир ёфтанд. Дуконҳо, нест ва барқарору азнавсозӣ шуданд. Хулас, тақдири намоишгоҳ низ ба тақдири худи Шӯравии бузург монанд аст.

Зиёда аз 30 сол зебогии ВДНХ-ро дукони Тоҷикистони Шӯравӣ дучанд мекард.

Павильон Таджикской ССР на ВДНХ, архивное фото
© Архив пресс-службы ВДНХ
Павильон Таджикской ССР на ВДНХ, архивное фото

Ҳоло аз дукони Тоҷикистон дар ВДНХ чизе боқӣ намондааст, мутаассифона бинои он дар соли 1965 нест карда шуда буд.

“Аз байн бурдани ин дукони Тоҷикистон дар ВДНХ дар шаб сурат гирифта буд, то ки шаҳрвандони Шӯравиро дар ғафлат наандозанд, ва онҳо ба маҳсулотҳои дуконҳои дигар назар андозанд (он вақт дуконҳои ҷумҳуриявӣ набуданд). Ва бо ҳамин дукони Тоҷикистон аз байн бурда шуд”, - бо таассуф ба  Sputnik Тоҷикистон иброз дошт рӯзноманигор ва фарҳангшинос Амирам Григоров.

Расмҳои боқимонда аз зебогӣ ва оддӣ набудани дукони Тоҷикистон дар ВДНХ шаҳодат медиҳанд. Навсозӣ ва нақшунигори шарқиёна дар якҷоягӣ бо усули мавританӣ ба якдигар хело мувофиқ буданд. Нақшунигор ва дарҳои чубин ба деворҳои бино бисёр мувофиқ буданд.

Ҳайкали “Оилаи тоҷик” ва “Якҷояшавии коргару деҳқон”, ки ба эҷодиёти Антон Лавинский тааллуқ  доштанд, зебогии даромадгоҳи дӯконро дучанд мекарданд.

Ҳайкали дигар, ки дар он замон хеле машҳур гардида буд - ин Сталин ҳангоми дастфишории Мамлакат Наҳангова, пахтачин-духтари тоҷик, ки 10 маротиба аз меъёр зиёд пахта чида буд. Барои такроран қаҳрамони меҳнат гардиданаш худи Сталин ба Наҳангова  ҷоизаи ба номи Ленинро супурда буд.

Ба гуфтаи Григоров, барои тақдим кардани ҷоиза худ Сталин Мамлакатро ба Кремл даъват карда буд. Наҳангова расми Сталинро дар китобҳо ва дигар ҷойҳо дида буд ва ҳангоми дар дохили Кремл дидани Иосиф Васиренович духтарак ҳисиёташро дошта натавониста қарсакзанон ба сӯи ӯ фарёд мекунад: “Ман туро мешиносам, ту Сталин ҳастӣ”. Сталин хандида ба назди ӯ омада дасташро фишурда мегуяд: “Ман ҳам туро мешиносам, ту Мамлакат ҳасти”.

Новобаста аз он, ки дукони Тоҷикистон дар ВДНХ хурд буд, аммо он аз 5 толор иборат буд, ки ҳамаи онҳо бо расмҳо ва дигар чизҳои нодир оро дода шуда буданд. Яке аз чизҳои нодири он толорҳо - ин қолине, ки дар он акси Линин ва Сталин таҷассум ёфта буд, ба ҳисоб мерафт.  Ин қолинро устоҳои чирадасти тоҷик дар охири солҳои 30-ум тайёр карда буданд.

Ҳамин тавр дукони Тоҷикистон мисли Тоҷикистон хурд, аммо пур аз бойгариҳо ва меҳмоннавозона дар ёди мардум боқӣ мондааст.

Дар солҳои 50-ум алакай сохти фаъолияти дуконҳои ВДНХ тағйир ёфтан гирифт. Аз намоиши бойгариҳои минтақаю маҳалҳо ба намоиши дастовардҳои соҳавӣ гузашт. Дукони Латвияи Шӯравӣ намоишгари соҳаи физика, Қазоқистон – Металлургия, Украина – Заминдорӣ буданд. Ба Тоҷикистон бошад намоишгоҳи Фарҳанги Шӯравӣ расида буд, ки ҷумҳурӣ тайи 10 сол ин вазифаи пуршарафро бар дӯш дошт.

Дар соли 1965 хезонидани дуконҳо оғоз шуд. Дар аввал дуконҳои Туркманистон, вилоятҳои марказӣ, Гурҷистон ва ғайраро хезониданд. Баъди як сол Дукони Тоҷикистон низ нест карда шуд.  Ҳоло дар ҷои дукони Тоҷикистони Шӯравӣ дукони Атоми Русия сохта шуда истода аст.

Мутаасифона то ҳол тақдири ҳайкали Мамлакат бо Сталин маълум нест.

Мамлакат Наҳангова бошад дар оянда кори пахтачиниро давом надода, баъди хатми донишгоҳ, номзади илмҳои филологӣ шуда, дар Донишгоҳи омӯзгории ба номи С. Айнӣ аз забони англисӣ дарс гуфтааст.

Скульптура таджички у фонтана Дружба народов на ВДНХ
© Sputnik / Стас Этвеш
Скульптура таджички у фонтана Дружба народов на ВДНХ

Ҳоло дар ВДНХ Тоҷикистонро танҳо ҳайкали духтари тиллоии назди фаввораи “Дӯстии халқҳо” намояндагӣ мекунад. Рамзи ягонагии кишварҳои Иттиҳоди Шӯравӣ то ҳол боқӣ мондааст . Миёни духтарони тиллоӣ, духтари тоҷикро ба осони шинохтан мумкин аст.

Дар соли 2019 фавораи “Дӯстии халқҳо” азнавсозӣ шуда буд ва ҳама духтарҳои тиллоии намояндаҳои кишварҳои аъзо барои навсозӣ хезонида шуда буданд. Ба гуфтаи Департаменти фарҳангии меросии шаҳри Маскав Алексей Емелянова ҳангоми зарҳалкунӣ аз ҳама вақти зиёд духтари тоҷик гирифтааст, ки сабаби ин кокулҳои дарози ӯ, ки мувофиқи анъанаҳои халқӣ 25-то дониста мешаванд, будааст.

1623
Барчаспҳо:
"Дӯстии халқҳо", ҳайкал, Маскав, Тоҷикистон
Мавзуҳо:
Таърихи Тоҷикистон дар харитаи Маскав (22)

Гармӣ монеа нест: видеои раъйдиҳии русиягиҳо дар Тоҷикистон-навор

98
(Таҷдидшуда 22:41 01.07.2020)
Бо вуҷуди гармии шадид дар Тоҷикистон таваҷҷуҳ ба раъйдиҳӣ барои ворид кардани тағйирот ба Конститутсияи Русия зиёд аст. Шаҳрвандони Русия дар назди бинои сафорат дар Душанбе навбатпоӣ карданд, то овоз диҳанд

Дар Тоҷикистон барои раъйгирӣ дар мавриди тағйиру иловаҳо ба Конститутсияи Федератсияи Русия шаш маркази интихоботӣ дар чаҳор шаҳр - Душанбе, Хуҷанд, Бохтар, Норак, дар қаламрави сафорати Русия, консулгарии генералӣ ва пойгоҳи низомии 201 - и Русия фаъолият мекунанд.

Байни 25 июн ва 1 июл, то оғози рӯзи асосии раъйдиҳӣ, аллакай беш аз 3500 шаҳрванди Русия  раъй додаанд. Инҳо сарбозони пойгоҳи 201, иншооти "Окно" дар Норак, намояндагони идороту созмонҳои Русия дар Тоҷикистон ҳастанд.

Дар рӯзи асосии раъйдиҳӣ дар Душанбе аллакай 613 шаҳрванди Русия овоз доданд. Қобили зикр аст, ки имрӯз Душанбе хеле гарм аст, ҳарорати ҳаво то 35 дараҷа боло рафтааст. Аммо, сарфи назар аз чунин ҳавои гарм ва набудани шамол, шаҳрвандони Русия дар барои овоздиҳӣ дар навбат истоданд.

Мувофиқи талаботи “Роспотребнадзор” барои овоздиҳӣ якнафарӣ бо риояи фосила ба сафорат ворид мешаванд.

Равиши раъйгирӣ мутобиқ бо талаботи меъёрҳои беҳдоштӣ ва эпидемиологӣ дар замони пандемия анҷом мешавад. Ба раъйдиҳандагон иттилоъ дода мешавад, ки ҳатман аз ниқобу дасткаши пизишкӣ истифода кунанд.

Дар оғози рӯз Игор Лякин-Фролов, сафири Русия дар Тоҷикистон изҳор дошт, ки таваҷҷуҳи шаҳрвандони кишвараш ба раъйдиҳӣ барои иловаи тағйирот ба Конститутсияи Русия хеле зиёд мебошад.

98
Барчаспҳо:
овоздиҳӣ, Русия, Тоҷикистон

Видеои раъйдиҳии Путин барои тағйири Конститутсия-навор

134
(Таҷдидшуда 20:30 01.07.2020)
Владимир Путин, раисиҷумҳури Русия дар овоздиҳии умумихалқӣ барои ворид намудани тағйирот ба Конститутсияи Русия ширкат варзид

Раисиҷумҳури Русия дар ҳавзаи интихоботии №2151 воқеъ дар дафтари Академияи илмҳои Русия соати 10:57 раъй дод.

Ба иттилои РИА Новости, раисиҷумҳур  бидуни дастпӯш ва ниқоби тиббӣ вориди бино шуда,  аммо бино пеш аз овоздиҳӣ безарар гардонда шуда буд. Масъулини комиссияи овоздиҳӣ ниқобу дастпӯшак доштанд.

Дар пайи раъйдиҳӣ ба Путин маҷмааи туҳфаҳоро, ки ба ҳамаи раъйдиҳандагон тақдим мекунанд,  дода шуд. Ба туҳфаҳо худкор, рамзча, дастпона, тақвим ва чиптаи барномаи “Миллион” туҳфаҳо ворид мешавад, ки дар он шаҳрвандон метавонанд шаҳодатнома барои пардохти ҳаққи хизматрасонию молро сооҳиб шаванд.

Чоршанбе, 1 июл, рӯзи асосии овоздиҳии умумихалқӣ оид ба ворид намудани тағйирот ба Конститутсияи Федератсияи Русия мебошад. Раъйпурсии умумирусиягӣ дар мавриди ислоҳот дар Қонуни асосии Федератсияи Русия 22 апрели соли равон барномарезӣ шуда буд, аммо ба далели бемории ҳамагири “вируси корона” дар кишвар ба таъхир афтод.

Баъдан Владимир Путин, раисҷумҳури Русия фармони таърихи нави раъйгириро барои 1 июл имзо кард. Бо таваҷҷуҳ ба вазъияти эпидемиологӣ ва эминии ҷамъият тасмим гирифта шуд, ки мардуми Русия битавонанд дар кулли ҳафта - аз 25 июн то 1 июл - раъй диҳанд.

134
Барчаспҳо:
Путин, интихобот, Русия
Тонущий человек, архивное фото

Ҷавони 26 - сола, ки гирифтори бемории рӯҳӣ буд, дар канали Чузӣ ғарқ шуд

0
(Таҷдидшуда 15:02 03.07.2020)
Кумитаи ҳолатҳои фавқулодаи Тоҷикистон аз ғарқшавии сокини 26 - солаи ноҳияи Шаҳринав хабар медиҳад. Марҳум гирифтори бемории рӯҳӣ будаст

ДУШАНБЕ, 3 июл — Sputnik. Дар канали Чузӣ як сокини 26 - солаи деҳаи Селбури ноҳияи Шаҳринав ғарқ шудаст, хабар медиҳад Кумитаи ҳолатҳои фавқулодаи Тоҷикистон.

Ба иттилои манбаъ, марҳум ба хотири нӯшидани об ба канал фаромадаст, аммо мувозинати худро нигоҳ дошта натавонист ва ба об сарозер шудаст.

Наздикони ин ҷавон изҳор доштаанд, ки номбурда гирифтори бемории рӯҳӣ будааст.

Фоҷиа: ҷавони тоҷик дар Уфа кӯдакеро аз марг наҷот доду худ ғарқ шуд

Тибқи маълумоти сардори бахши Кумитаи ҳолатҳои фавқулода дар ноҳияи Шаҳринав афсарони бахш ҳамроҳ бо аҳолии маҳаллӣ дар ҷустуҷӯи ғарқшуда афтода, соати 22:22 дақиқа ҷасадро дар мавзеъи тахминан 500 метр дуртар аз маҳалле, ки ғарқ шуда буд, пайдо карданд ва ба наздиконаш супурданд.

Дар ҳамин ҳол, КҲФ сар аз авоили сол то 19 - уми июн теъдоди ғарқшудаҳо дар кӯлу дарёҳоро 28 нафар арзёбӣ намуд.

Аз миёни 28 нафари ғарқшуда, 9 нафарашон аз 16 - сола поён мебошанд.

0
Барчаспҳо:
ғарқ, ҷавон