Сафоратхонаи Тоҷикистон дар Маскав: таърихи бино навор

372
(Таҷдидшуда 17:59 13.09.2019)
Бинои сафоратхонаи Тоҷикистон дар Русия, ки бунёди он ба асри XIX рост меояд, дар тангкӯчаи Гранатнийи маркази шаҳри Маскав,  ҷойгир шудааст

Сафоратхонаи Тоҷикистон дар Маскав дар як маҳали бисёр муҳим ва таърихӣ – тангкӯчаи Гранатний ҷойгир шудааст. Дар наздикии он осорхонаи Чехов, хонаи Планетарий, боғи вуҳуш ва дигар биноҳои муҳиму машҳур ва дастовардҳо ҷойгир шудаанд.

Бинои сафоратхонаи Тоҷикистон дар Маскав худ таърихи дуру дароз ва дорои фарҳанги меъмории махсус аст.

Кормандони сафоратхонаи Тоҷикистон дар Маскав дари худро ба рӯи намояндагони Sputnik Тоҷикистон боз намуда аз таърихи сохтумон ва истифодаи ин бино ёдовар шуданд.

Қаср бо хусусиятҳои шарқиёна

Таърихи хонаи №13 дар тангкӯчаи Гранатний дар шаҳри Маскав аз соли 1899 оғоз меёбад. Қаср бо дархости соҳибкор Яков Андреевич Рекк (1867-1913) аз санг бунёд шудааст.

Рекк асосгузори Ҷамъияти саҳомии тиҷорӣ-сохтмонии Москва – яке аз ширкатҳои калонтарине, ки дар ҳудуди Русия ба бунёди қасрҳои гуногун машғул буд, ба шумор меравад.

Мақсади асосии Рекк ва тиҷорати ӯ зеботар гардонидани симои шаҳр ба воситаи хонаҳои зебою қасрҳои боҳашамат будааст.

Барои бунёди биное, ки имрӯз сафоратхонаи Ҷумҳурии Тоҷикистон дар он ҷой дода шудааст, ӯ меъморҳои машҳурро ҷалб карда будааст. Масалан, роҳбари ҳайати меъморон Лев Кекушев, ки дар бунёди меҳмонхонаи “Метропол” низ даст доштааст, интихоб шуда будааст.

Аҷобаташ дар он аст, ки номи муаллифи нақшаи ин қаср, ки воқеан ҳам барои охирҳои асри XIX ва аввалҳои асри XX хело зебо ва моҳирона дониста мешавад аниқ маълум нест. Кормандони намояндагии дипломатии Тоҷикистон, ки ҳоло дар ин бино фаъолият доранд, тахмин мекунанд, ки муаллифи нақшаи ин бино Сергей Владимирович Шервуд мебошад.

“Аммо ҳуҷҷатҳои бойгонии ин бино пайдо нашудаанд, то исбот кунанд, ки кӣ аст муаллифи нақшаи он. Нақшаҳои бино ва лоиҳаи боми он дар зерашон имзои шахсӣ надоранд. Барои ҳамин савол дар бораи муаллифи нақшаи сохтумони ин бино ба омӯзиш ниёз дорад”, - қайд кардаанд дар сафоратхона.

Дар ин ҳол Шервуд дар соли 1899 пеш аз анҷоми сохтумони бино аз олам даргузашт. Дигар маълум нест, ки нақшаро то охир кӣ ба анҷом расонидаааст.

Новобаста аз ҳама аён аст, ки меъмор бо як самимияти беандоза нақшаи биноро офаридааст ва бо он ҳама хусусиятҳои шарқиёнааш бинанда фикр мекунад, ки бино маҳз барои тоҷикон бунёд шудааст.

То сафоратхонаи Тоҷикистон бино ба кӣ таалуқ дошт

Яков Рекк ин қасрро ба занаш Вилгемина Ивановна туҳфа карда будааст. Аммо баъди чанде бино ба тоҷир Николай Алексеевич Протопопов фурухта шуда будааст. Николай Алексеевич на танҳо тоҷири мувафақ буд, балки ҷамъияти Салиби сурхи Русияро роҳбарӣ мекард ва яке аз асосгузорони Донишгоҳи ба номи Г.В. Плеханов мебошад.

Баъди инқилоби октябр ин бино давлатӣ карда мешавад. Дар ин бино бошад, Шӯрои ҳарбии олии комиссариати халқӣ оид ба корҳои хориҷа ва баъдан Раёсати шӯрои гуруҳҳои умумирусиягии штаби асосӣ ҷой дода мешаванд.

Дар соли 1920 ин бино ба ҳайси хобгоҳи Интернатсионалони сурхи иттифоқи касаба, ки инқилобчиёни 42 кишварро дар бар мегирифт, ба истифода дода мешавад.

Ҳамин тариқ баъди пош хӯрдани Иттиҳоди Шӯравӣ дар ин бино сафорати Ҷумҳурии Тоҷикистон ҷой карда мешавад ва то имрӯз дар он ҷо намояндагии дипломатии тоҷикон кору фаъолият карда истодааст.  

372
Барчаспҳо:
бино, дипломат, Маскав, сафорат, Тоҷикистон
Мавзуҳо:
Таърихи Тоҷикистон дар харитаи Маскав (22)

Дастури Лукашенко барои марзбандӣ ва таҳкими ҳифзи сарҳад-видео

158
(Таҷдидшуда 14:23 19.09.2020)
Александр Лукашенко, раисиҷумҳури Белорус, рӯзи панҷшанбе изҳор дошт, ки кишвараш сарҳад бо Лаҳистон ва Литваро мебандад

Лукашенко инчунин таъкид кардааст, ки Белорус ҳифзи сарҳад бо Украинаро таҳким мебахшад.

Ба гуфтаи раисиҷумҳури Белорусия, “нисфи артиш”-и кишвар барои ҳифзи сарҳадҳои ғарбӣ равона мешавад.

Дар ҳамин ҳол дар наздикии марз бо Украина ҳудуди ҳазор шаҳрванди хориҷӣ ҷамъ шудаанд.

Аз ҷумла хасидҳо, гуруҳи зоирини яҳудиҳо дар марзи Белорус ва Украина дармондаанд, ки бо нияти таҷлили иди анъанавии Рош ха-Шана дар рӯзи 18-уми сентябр азми сафар ба шащри украинии Уманро доштаанд.

Лукашанко дар бораи Конститутсияи нав: тағйирот на ҳамеша пешравист-видео

Аммо гузаргоҳи марзии “Новые Яриловичи” аз ҷониби Украина баста шуда буд. Бо вуҷуди ин зиёда аз 2,5 ҳазор зоирин-хасидҳо тавонистаанд ба шаҳри Уман худро расонанд.

Лукашенко ҳанӯз моҳи август ба далели сиёсати Вилнюс дар самти пуштибонии мухолифини Белорус, ба Ҳукумат дастур дода буд, ки самтҳои тиҷоратиро тағйир диҳанду ба ҷои бандарҳои Литва роҳҳои дигар, аз ҷумла Русияро интихоб кунанд.

158
Барчаспҳо:
марзӣ, Белорус

Омодагӣ машқҳои низомии “Қафқоз-2020”: Тоҷикистон ҳамчун нозир даъват шудааст

95
Низомиёни Белорус ва Чин барои иштирок дар машқҳои байналмилалии низомӣ “Қафқоз-2020” ба вилояти Астрахани Русия омаданд

Машқҳои низомӣ санаи 21 сентябри соли равон оғоз хоҳанд шуд. Низомиён каме пештар барои иштирок дар машқҳо омодагӣ мегиранд. Низомиён таҷҳихзоту аслиҳаро барои машқҳо омода месозанд.Қафқоз-2020. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида мешаванд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ҳамчун нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

95
Барчаспҳо:
Белоруссия, Чин, Русия, Астрахан, Қафқоз, машқҳои ҳарбӣ, машқҳо, Тоҷикистон
Похмелье, архивное фото

Марди маст дар шаҳри Норак ҳамқадаҳи 50 - солаашро корд зад

0
Ду сокини шаҳри Норак бегоҳи 18 - уми сентябр дар нуқтаи фурӯши нӯшокиҳои спиртӣ муноқиша намуда, яке аз онҳо ҷавони 35 - сола ҳамқадаҳи 50 - солаи худро корд зад

ДУШАНБЕ, 21 сен — Sputnik. Кормандони милитсия дар шаҳри Норак марди 35 - соларо бозздошт намуданд, ки дар расондани зарари ҷисмонӣ ба саломатӣ гумонбар дониста мешавад.

Бар тибқи хабари котиботи ВУД Тоҷикистон, ҳодисаи мазкур рӯзи 18 - уми сентябр тақрибан соати 20:10 дақиқа рух додааст.

Манбаъ меафзояд, сокинони  35 ва 50 - солаи шаҳри Норак дар нуқтаи фурӯши нӯшокиҳои спиртӣ бо номи "Отамурод"- и шаҳри мазкур бо ҳам муноқиша намуда, марди 35 - сола ҳамқадаҳи худро бо корд як маротиба ба қисми чапи шикам задааст.

Саҳнаи кашола кардани духтари маст аз сӯи ҷавон ба навор афтод: ҳабсу ҷарима шуданд -навор

Дар натиҷа, ҷабрдида ба саломатиаш ҷароҳати ҷисмонӣ бардошта, дар беморхона бистарӣ карда шудааст.

ВУД Тоҷикистон мегӯяд, аз рӯи ин ҳодиса тафтишот идома дорад.

0
Барчаспҳо:
корд, мастӣ, Норак