Роҳи дарози бозгашт ба Ватан: қиссаи зани тоҷике, ки ҳамсараш бо роҳи фиреб ба хориҷ бурд

1204
Шаҳрванди Тоҷикистон Оқила Уроқова зиндагии сахтро пушти сар кард. Ӯро бо роҳи фиреб ба ғарибӣ бурданд. Зан дар навори дар бораи роҳи тӯлонии бозгашташ ба Ватанро нақл мекунад

Шавҳари Оқила Уроқова, бо роҳи фиреб ҳамсарашро, ки соҳиби ду фарзанд мебошад ба саргардониву ғарибӣ рӯ ба рӯ кардааст.

Дар хориҷ шавҳарашро дастгир карданду, зан дар кишвари бегона бо кӯдаконаш танҳо монд.

Ӯ дар навор нашршуда дар бораи бозгашташ ба Ватан нақл дорад.

Дар аввал оила ба Эрон сафар кардаасту ду ҳафта дар хонаи наздиконашон зиндагӣ карданд. Сипас онҳо ба Покистон куч доданд. Дар аввали муҳоҷирати онҳо ба мушкилоте рӯ ба рӯ нашуда буд.

“Рӯзи 17 маи соли 2017 буд. Бо мошин 17 рӯз дар роҳ будем, сипас шавҳарам омад”, - мегуяд зан.      

Ин оила дар Покистон се сол зиндагӣ карда, дар кишвари бегона соҳиби ду фарзанд шудааст.

“Соли 2014 дар онҷо ҷанг шурӯъ шуд. Болои мо ҳавопаймоҳои ҷангӣ парвоз мекарданду бар сари мо бомб меандохтанд. Мо талош мекардем пинҳон шавем. Мо Худоба шукр зиндаву саломат мондем”, - таъкид намуд Оқила.

Баъд аз ин, Уроқова ҳамроҳ бо шавҳараш ба Афғонистон куч медиҳад. Зиндагии оила дар ин кишвар чандон сабук набуд. Онҳо сахтиҳои зиёде кашиданд. Шавҳараш ба сохтмон машғул шуд то оилаи худро таъмин намояд, Оқила ба тарбияи фарзундон ва нигоҳубини хонааш машғул шуд.

“Ман ҳамеша ба шавҳарам мегуфтам, ки мехоҳам ба Ватан баргардам. Дар Тоҷикистон ду духтари дигарам монда буд. Ман ҳамеша гиря мекардаму аз шавҳарам хоҳиш мекардам, ки маро фиристад”, - ба ёд меорад зани тоҷик.

Аммо ба гуфтаи вай шавҳарашро шахсони бегона аз роҳ мезаданд ва ба  ӯ мегуфтанд ҳамаи занҳо ҳамин тавр рафтор мекунанд ва ба онҳо бояд гуш надод.

Баъд аз якуним сол, шавҳарамро низомиёни афғон ва амрикоиҳо боздошт карданд. Зан бо падараш тамос гирифт ва хоҳиш кард, ки ба ӯ барои бозгашташ ба Ватан кумак кунад. Падараш ваъдаи кумакро дод.

“Аз шавҳарам давоми се сол хабаре набуд. Ман намедонистам ӯ зиндааст ё мурда. Аз падарам фаҳмидам, ки шавҳарам дар Тоҷикистон аст”, - нақл мекунад Оқила дар навор.

Нафаре бо номи Абубакр ба занҳои танҳо кумак мекард ва баъд аз навиштани дархост барои бозгашт пас аз 6 моҳ ба ӯ иҷозат доданд, ки ба Ватан баргардад.

Бо кумаки мақомот, падар ва дуои модар Оқила бо кӯдакҳои ноболиғаш ба Тоҷикистон баргашт.

1204
Барчаспҳо:
бозгашт ба Ватан, қисса, тоҷик, зан, Афғонистон, Тоҷикистон

Табобат мекунад: Путин дар бораи нахустин ваксинаи зидди COVID -19 дар Русия - видео

420
Исбот шудааст, ки аввалин ваксинаи сабтиномшуда дар Русия аллакай бехатирӣ ва самаранокии худро нишон додааст

Нахустин ваксина аз коронавируси COVID - 19 дар Русия сабти ном шуд, эълом кард президенти кишвар Владимир Путин.

"Субҳи имрӯз бори нахуст дар ҷаҳон ваксинаи коронавирус сабти ном шуд", - изҳор дошт Путин дар рафти маҷлис бо узви ҳукумати кишвар.

Путин таъкид кард, ки ваксинаи коронавирус аз тамоми ташхисҳои лозима гузаштааст.

Путин аз сабтиноми нахустин ваксинаи зидди коронавирус дар Русия эълон кард

"Медонам, ки ваксинаи мазкур самарабахш аст, маснуияти баданро ҳосил мекунад", - афзуд президенти Русия.

Путин ба коршиносон барои кори фаврӣ ва пурмасъул дар коркарди ваксинаи зидди коронавирус изҳори сипос кард. Ӯ изҳори умедворӣ намуд, ки ба наздикӣ ваксини мазкур дар ҳаҷми зиёд истеҳсол ва ба аҳолӣ дастрас мешавад.

Вазири тандурустии кишвар Михаил Мурашко таъйид намуд, ки нахустин ваксини дар Русия сабтиномшуда аллакай самаранокӣ ва бехатарии худро исбот кардааст.

420
Барчаспҳо:
нахустин, Русия, Владимир Путин

Бомбандози Су-27 ду ҳавопаймои ҷосусии Амрикоро забт кард - видео

698
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

698
Барчаспҳо:
халабон, ҳавопаймо, Русия
Народный поэт Таджикистана Гулназар Келди

Наздикони Гулназар Келдӣ: вазъаш рӯ ба беҳбуд ва муътадил аст

2296
(Таҷдидшуда 21:57 12.08.2020)
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон, ки қаблан ба дастгоҳи нафасдиҳии сунъӣ пайваст шуда буд, феълан муътадил мебошад

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст карда буданд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Аммо наздикони шоири халқӣ мегӯянд, вазъаш рӯ ба беҳбуд ва феълан муътадил мебошад. Дориюш Раҷабиён, рӯзноманигори шинохтаи тоҷик ва яке аз наздикони Гулназар Келдӣ дар саҳифааш миннатдории устодро ба ҳамаи онҳое, ки ҷӯёи ҳолашанд, баён дошт.

"Яке-ду рӯзи аввал ба дастгоҳи танаффуси маснӯъӣ ниёз доштанду акнун ҳолашон рӯ ба беҳбуд ва муътадил аст. Орзумандем, ки базудӣ бо такмили давраи муъолиҷаи худ ба оғӯши хонавода баргарданд", - навишт Раҷабиён.

Қаблан шоири халқӣ ва муаллифи суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

2296