Суханронии Аълоҳазрат Оқохони IV ва Эмомалӣ Раҳмон дар маркази исмоилия - видеои таърихӣ

901
(Таҷдидшуда 19:15 10.10.2019)
Маркази исмоилияи шаҳри Душанбе 12 октябри соли 2009 бо ширкати Аълоҳазрат Оқохони IV ва Эмомалӣ Раҳмон ифтитоҳ шуда буд

Дар маросими ифтитоҳи ин маркази бошукӯҳ пешвои исмоилиёни ҷаҳон Аълоҳазрат Оқохони IV ва раисиҷумҳури Тоҷикистон Эмомалӣ Раҳмон суханронӣ карданд.

Шоҳ Карим ал-Ҳусайнӣ Оқохони IV ин марказро ҷои муқаддас ва муколамаи намояндагони мазоҳиби гуногун хонд.

Раисиҷумҳури Тоҷикистон дар хитоб ба Аълоҳазрат Оқохони IV гуфт: "Волоҳазрат ҳамеша талош мекунанд, ки дар миёни мӯъминону муслимин сулҳу амният ва ваҳдату дӯстӣ пойдор бошад. Ақидаҳои Мавлоно Ҳозиримом дар бораи он, ки "гуногунии башар худ инъоми Худованд мебошад" ва "гуногунии баён дар ислом бадбахтӣ набуда, худ шафқат аст", қобили пуштибонӣ ва омӯзиш мебошанд.

"Ин дидгоҳи пешвои ҷамоати мусулмонони исмоилӣ бо арзишҳои волои умумибашарӣ, яъне инсондӯстиву баробарӣ ва эҳтирому риояи мақому манзалати инсон ҳамоҳанг буда, инъикосгари орзуву омоли ҳамаи мусулмонон дар роҳи таъмини осудагии моддӣ ва камолоти маънавӣ мебошад", - гуфт Эмомалӣ Раҳмон.

Маркази исмоилияи Душанбе, ки соли 2009 сохта шуда, суннатҳои меъмории Осиёи Марказиро таҷассум мекунад ва меъмории ғайримуқаррарии он аз рӯйи тарҳи мақбараи Исмоили Сомонӣ дар Бухоро гирифта шудааст.

Маркази исмоилия дар Хоруғ баъди Душанбе дувумин Маркази исмоилия дар Тоҷикистон ва ҳафтумин дар ҷаҳон мебошад, ки бар асоси тарҳҳои Бунёди Оқохон сохта шудаанд.

Суханронии Аълоҳазрат Оқохони IV ва сохту сози Маркази исмоилия дар шаҳри Хоруғ - видео

Пештар чунин марказҳо дар Бритониё, Канада, Португалия, Амороти Мутаҳидаи Араб бунёд шуда буданд.

Мазҳаби исмоилия дар ҷаҳон беш аз 20 миллион пайрав дорад, ки асосан дар Ҳинду Покистон, Афғонистон, Танзания, Кения, кишварҳои Халиҷи Форс, Эрон, Лубнон, Сурия, Алҷазоир, ҳамчунин Амрико, Канада, Бритониё ва Фаронса ба сар мебаранд.

Ҷамоати исмоилии Тоҷикистон, ки умдатан дар Бадахшон зиндагӣ мекунанд, яке аз бузургтарин ҷамоатҳои ин тариқат дар ҷаҳон дониста мешавад. Дар Тоҷикистон беш аз 150 ҳазор пайрави исмоилия зиндагӣ мекунанд.

901
Барчаспҳо:
маросим, ифтитоҳ, Маркази Исмоилия дар Душанбе, Оқохони IV, Душанбе

Раҳмон: мо бо нигаронӣ вазъи Афғонистонро пайгирӣ мекунем - навор

39
(Таҷдидшуда 14:54 03.12.2020)
Роҳбари давлат гуфт, чунин вазъият аз мо аксуламалҳои саривақтии ҳамаҷонибаро, аз ҷумла тавассути андешидани чораҳои зарурӣ ҷиҳати таҳкими ҳифзи сарҳадоти ҷанубии СААД, тақозо менамояд

Эмомалӣ Раҳмон, раисҷумҳури Тоҷикистон дар нишасти СААД аз вазъи Афғонистон гуфт.

Кишвардори Тоҷикистон зикр кард, ки дар баробари ин, таҳдидҳои ҷаҳонии терроризм, ифротгароӣ, инчунин, шаклҳои гуногуни тундгароӣ ва ҷинояткории муташаккили фаромиллӣ бо шумули гардиши ғайриқонунии маводи мухаддир, тамоюли болоравиро доранд.

“Нерӯҳои мухталифи террористиву ифротгаро аз ниятҳои харобиовари худ даст накашидаанд ва дар минтақаҳои гуногуни ҷаҳон, аз ҷумла бевосита дар наздикии мавзеи масъулияти СААД, фаъолона амалҳои худро идома медиҳанд”, - қайд кард Эмомалӣ Раҳмон.
Вай афзуд, ки Тоҷикистон бо нигаронӣ раванди ташвишовари вазъият дар Афғонистонро, аз ҷумла дар минтақаҳои шимоливу шарқии он, пайгирӣ менамояд.

Ба дасти Толибон супориданд: Амрико Афғонистонро тарк мекунад

Роҳбари давлат гуфт, чунин вазъият аз мо аксуламалҳои саривақтии ҳамаҷонибаро, аз ҷумла тавассути андешидани чораҳои зарурӣ ҷиҳати таҳкими ҳифзи сарҳадоти ҷанубии СААД, тақозо менамояд.

Ҳамзамон вай таъкид дошт, ки дар пасманзари вазъияти муташанниҷи имрӯза дар ҷаҳон аҳамияти тақвият бахшидан ба иқтидори СААД барои муқовимати самарабахш ба хатару таҳдидҳои амниятӣ дучанд меафзояд.

Инчунин Эмомалӣ Раҳмон қайд кард, ки пас аз ҷаласаи имрӯза вазифаҳои раёсат дар СААД ба Тоҷикистон мегузаранд.

39
Барчаспҳо:
навор, нигаронӣ, Афғонистон, Эмомалӣ Раҳмон

Владимир Путин аз нақши махсуси Тоҷикистон зикр кард - видео

613
(Таҷдидшуда 19:58 02.12.2020)
Русия ҳамроҳ бо Тоҷикистон ҷилавгирӣ аз вуруди террористон ва маводи мухаддир аз кишварҳои ҳамсояро идома хоҳад дод

Владимир Путин, расиҷумҳури Русия, зимни ҷаласаи Шӯрои амнияти дастаҷамъии СААД аз нақши махсуси Тоҷикистон зикр кард.

“Мехоҳам нақши махсуси Тоҷикистонро дар ҷилавгирӣ аз таҳдидҳое, ки аз кишварҳои ҳамсоя меоянд, зикр намоям, албатта, ман воридшавии маводи мухаддир ва террористонро дар назар дорам. Дар ин самт Тоҷикистон корҳои азими мусбат анҷом дода истодааст, ин корро дар якҷоягӣ бо шумо идома медиҳем, аз ҷумла, бо истифода аз имконияти худ бо сохтори низомии Русия, ки дар қаламрави Тоҷикистон ҷойгир аст”, — изҳор дошт Путин.

Раисҷумҳури Русия афзуд, ки Тоҷикистон дар самти ҷилавгирӣ аз гардиши ғайриқонунии маводи мухаддир ва терроризм кори азими мусбатро анҷом медиҳад.

Владимир Путин қайд кард, ки Русия минбаъд низ Тоҷикистонро дар масъалаҳои амният дастгирӣ хоҳад кард, аз ҷумла, бо истифода аз имконоти сохтори низомии Русия кумак хоҳад кард.

Имрӯз таҳти раёсати Президенти Русия Владимир Путин дар шакли видеоконфронс ҷаласаи Шӯрои амнияти дастаҷамъии Созмони Аҳдномаи Амнияти Дастаҷамъӣ баргузор шуд.

Дар ҷаласа масъалаҳои ҳамкории иттифоқӣ дар доираи созмон, афзоиши минбаъдаи самаранокии СААД, мушкилоти мубрами амнияти байналмилалӣ ва минтақавӣ баррасӣ гардиданд.

Дар ҷаласа Президенти Тоҷикистон Эмомалӣ Раҳмон, Сарвазири Арманистон Никол Пашинян, Президенти Беларус Александр Лукашенко, Президенти Қазоқистон Қосим-Жомарт Токаев ва иҷрокунандаи вазифаи Президенти Қирғизистон Талант Мамитов ширкат варзиданд.

613
Барчаспҳо:
Эмомалӣ Раҳмон, Владимир Путин, нақша, террористон, ҳамсоя, ҷилавгирӣ, Русия, Тоҷикистон
Президент Республики Таджикистан Эмомали Рахмон

Раҳмон ба Макрон изҳори ҳамдардӣ кард

0
Раисҷумҳури Тоҷикистон Эмомалӣ Раҳмон ба президенти Фаронса Эммануэл Макрон барқияи таслият ирсол кардааст

ДУШАНБЕ, 3 дек — Sputnik.  Дар ин бора котиботи президент иттилоъ медиҳад.

Ба гузориши манбаъ, Эмомалӣ Раҳмон бино бар даргузашти президенти собиқи Фаронса Валери Жискар д’Эстен изҳори ҳамдардӣ кардааст.

"Хабари даргузашти собиқ Президенти Фаронса Валери Жискар д’Эстен боиси андӯҳи  мо гардид", - гуфтааст дар он мактуб раисҷумҳури Тоҷикистон.

Ӯ аз нақши марҳум ёдрас шудааст, ки Жискар д’Эстен ба ҳайси шахсияти боризи давлатӣ, хислату мӯҳтавои як давраи муҳими рушди Франсияро муайян намуд.

"Номи ӯ дар таърихи муосир ҳамчун сиёсатмадоре, ки дар таъмиқи раванди ҳамгироии Аврупо ва ташаккули асосҳои таъсис додани Иттиҳоди Аврупо нақши босазо гузоштааст, ба ҳамешагӣ боқӣ мемонад", - омадааст дар барқия.

Изҳори ҳамдардӣ: сафири Эрон дар Тоҷикистон ба сафорати Афғонистон рафт

Эмомалӣ Раҳмон ҳамчунин аз Макрон хоҳиш кардааст, ки изҳори ҳамдардиашро ба пайвандони марҳум ва мардуми Фаронса расонад.

0