"Ҷонсӯз": намоҳанги нави Парвиз Назаров ба суруди куҳнааш - "Крестная мать" - видео

594
(Таҷдидшуда 14:41 22.10.2019)
Овозхони маъруфи тоҷики муқими Қазоқистон Парвиз Назаров ба суруди машҳури куҳнаи худ "Крестная мать" намоҳанги нав ба навор гирифт.

"Крестная мать" - аз сурудҳое мебошад, ки солҳои 98-уми асри гузашта Парвиз Назаровро машҳур карда буд. Ин бор ҳамроҳи Парвиз Назаров сарояндаи қазоқистонӣ AniKo рэп мехонад. Намоҳанг аз зиндагии талхи писарбачае нақл мекунад, ки дар паи садамаи нақлиётӣ аз падару модар ва сипас бо амри тақдир аз модари таъмилии худ маҳрум мешавад.

Парвиз Назаров таронаи навашро нашр кард - навор

Намоҳанг бо касбияти баланд наворбардорӣ ва омода шудааст. Сенарияи клипро Ниссо Назарова навишта, коргардонаш худи Парвиз Назаров мебошад. Монтажи намоҳангро бародари Парвиз - Меҳрубон Назаров анҷом додааст.

Ҳангоми тамошои клип, қиссаи писарбачаи бесаробон, дили касро реш мекунад.

Ёдрас мешавем, ки намоҳанги аввали суруди "Крестная мать" соли 1998 нашр шуда буд.

Парвиз Назаров соли 1971 дар Маскав ба дунё омада, касбаш рассомист ва ҳатто ду сол ба ҳайси мултипликатор дар студияи "Тоҷикфилм" кор кардааст. Вале Парвиз баъди ин рассомиро ба хотири мусиқӣ партофт ва соли 1987 гуруҳи "Адвокат" ва соли 1989 гуруҳи "Парвин"-ро таъсис дод.

Сӣ сол дар саҳна: Парвиз Назаров барои консертҳои идона ба Тоҷикистон омад

Парвиз Назаров соли 1993 ба Алма-Ато кӯчид ва инак қариб 27 сол сол боз дар Қазоқистон кору зиндагӣ мекунад. Парвиз Назаров муаллифи беш аз 10 албом ва таронаҳои хите, чун "Еду на юг", "Чарх бизан", "Лети", "Ангел", "Райҳон" (ҳамроҳ бо хоҳараш Ситора Назарова), "Беги" ва даҳҳо таронаи дигари пуршунаванда мебошад.

Аз ангуштшумор овозхонҳои тоҷик аст, ки таронаҳояш дар шабакаҳои телевизионии Русия низ намоиш дода мешаванд.

594
Барчаспҳо:
суруд, нав, намоҳанг, Парвиз Назаров

Норак - як гӯшаи биҳиштии Тоҷикистон: навор

151
Сафорати Тоҷикистон дар Русия навори табиати зебои Норакро нашр кардааст. Норак, як гӯшаи дигари зебоманзари Тоҷикистон аст

Норак дар рӯди Вахш, дар 70 километрии ҷанубу шарқии Душанбе ҷойгир аст. Ин мавзеъ соли 1960 баробари сохтани нерӯгоҳи Норак ба минтақаи аҳолинишини зебое табдил гашт.

Сайёҳон мегӯянд, вақте вориди шаҳри Норак мешаванд, гӯё ба Иттиҳоди Шӯравӣ бармегарданд. Яке аз маконҳои дидании Норак, обанбори Норак аст.

Обанбор бо роҳи сунъӣ дар рӯди Вахш дар ҳудуди минтақаи Норак ташкил шуда буд. Сатҳи обанбор наздики 53 метр буда, он маҷрои рӯди Вахшро танзим мекунад.

Масоҳати кӯл 98 километри квадратиро ташкил медиҳад. Он бо оби ошомиданӣ пур аст, ки манбааш тоҷи яхини ҷовидони Помир аст.

Зебогии бештари кӯл ҳангоми заврақронӣ дар он ошкор мешавад. Ҳавои он хело тоза ва роҳатбахш аст.

Обанбори Норак пеш аз сарбанди нерӯгоҳ ҷойгир аст. Баландии сарбанди он 304 метр буда, ҳамчун баландтарин сарбанд ба китоби рекорҳои Гиннес ворид шудааст.

151

Петр Ян қаҳрамони UFC шуд - навори рақобат ва нокаути Алдо

335
(Таҷдидшуда 14:46 12.07.2020)
Варзишкори рус Петр Ян дар вазни сабук дар қаҳрамонии UFC рақибаш Жозе Алдоро мағлуб кард. Навори рақобат ва нокаути Алдоро дар навори зер тамошо кунед

Рақобати варзишкори рус Петр Ян ва рақиби бразилиягиаш Жозе Алдо дар доираи барномаи UFC 251 дар Абу-Дабӣ баргузор шуд.

Қаҳрамонии Ян ва Алдо то бахши панҷуми рақобат дароз кашид.

Дар бахши аввал рақобат шиддат гирифт. Дар навор дида мешавад, ки ҳар варзишкор ташаббусро ба дасти худ гирифта муштҳои оҳинин ба сӯи рақибаш мефиристад.

Дар бахши сеюм Ян бештар фаъол шуд. Аз навор дида мешавад, ки Алдо худро аз даст дода муштҳои бе нишон мезанад.

Дар бахши охирон Ян Алдоро муштборон мекунад ва ӯ бар замин меафтад.

Ян соли 2018 ба UFC пайваст. Рақобат бо Жозе Алдо дар фаъолияташ ҳафтумин рақобат шуд.

Дар давоми фаъолияти варзишиаш Ян боре ҳам мағлуб нашудааст.

Рақибе, ки рафтори инсонӣ кард: Конор ба Ҳабиб ҳамдардӣ баён кард

Рақобат бидуни тамошобин дар ҷазираи Яс, дар макони вижае, ки махсусан барои рақобатҳои UFC сохта шудааст, баргузор гардид.

335
Барчаспҳо:
қаҳрамони UFC, нокаут, Ҷаҳон
Человек держит мобильный телефон в руках, архивное фото

Хадамоти алоқа гуфт, чаро нархи интернет гарону суръаташ суст аст

0
Хадамоти алоқаи назди ҳукумати Тоҷикистон шикояти шаҳрвандон дар мавриди гарониву сустии суръати интернети мобилиро дар кишвар шарҳ дод

ДУШАНБЕ, 13 июл – Sputnik.  Илҳомҷон Атоев, муовини раиси Хададамоти алоқа имрӯз зимни як нишасти хабарӣ гуфт,  сабаби гарон будани қиммати интернет ба мавқеи ҷуғрофии ҷойгиршавии Тоҷикистон вобаста аст.

Ӯ гуфт, ҳатто дар замони Шӯравӣ аз сабаби мавқеи ҷуғрофӣ нарху наво дар Тоҷикистон нисбат ба дигар кишварҳо фарқ мекард.

Номбурда гуфт, дар соли ҷорӣ суръати интернетро дар кишвар ба сатҳи 2,8 гигабит/сония баланд кардаанд.

Илҳомҷон Атоев гуфт, нисбат ба интернети мобилӣ шабу рӯз шикоятҳо зиёд аст ва ин низ як чанд омил дорад.

Барои он ки интернет суръаташ баланд бошад тамоми реҷаи кории ширкатҳои мобилӣ истгоҳҳои базавӣ аз 3G ба 4G мубаддал бояд гарданд, гуфт, муовини раиси Хадамоти алоқа.

Манбаъ гуфт, ин кор на танҳо дар марказҳо,  бояд дар минтақаҳои дурдаст ва навоҳии наздимарзӣ низ бояд шавад.

“Ин кор рафтаистодааст ширкатҳо бо тавоноии хеш пойгоҳҳояшонро ба 4G гузаронидаистодаанд ва ҳамин реҷа агар дар сатҳи дахлдор ба 4G гузарад суръату сифати интернети мобилӣ хубтар мешавад”,-гуфт Илҳомҷон Атоев

Дар мавриди интернети ноқилӣ Атоев гуфт, тариқи шартномавӣ пулашро пардот кардаву суръатро вобаста ба он мегиред.

Қаблан ширкати  “Speedtest Global Index”, дар раддабандии ҷадидаш, суръати интернети мобилӣ дар Тоҷикистон пасттарин унвон карда, миёни 141 кишвари ҷаҳон дар ҷойи 127 қарор дод.

Дар гузориши “Speedtest Global Index”, суръати интернети мобилии Тоҷикистон, барои боргирӣ 10,77 Мбит дар сония  ва барои воридсозӣ 5,06 Мбит дар сония  арзёбӣ шудааст. Дар ҳоле ки суръати миёнаи интернети мобилӣ дар ҷаҳон 23,8 Мбит ва баландтарин 83,52 Мбит/сония баҳогузорӣ шудааст.

 

 

0