"Ҷон додаракам": чигуна пайвандон зиндониёни авфшударо дар Хуҷанд пешвоз гирифтанд - видео

360
(Таҷдидшуда 17:11 29.10.2019)
Нахустин гурӯҳи зиндониёни авфшуда дар вилояти Суғд, имрӯз 29 октябри яоли 2019 аз дари маҳкама берун шуданд.

Дар вилояти Суғд аввалин гурӯҳи зиндониёни авфшуда ба озодӣ баромаданд. Дар навор ашки шодии падару писар, хоҳару бародар, модару духтар ва бибию набера ба таври возеҳ намоён аст.

Зани пиронсоле ба истибои ҳамсараш ашки шодӣ рехта аз хурсандӣ ба сароидан медарояд. Ҳамчунин дар навор ду ҷуфт дида мешаванд, модар писари озодшудаи худро ба канор мегирад ва духтаре аз дидани маъшуқаш ӯро чанд бор ба оғӯш мегирад.

Фаррух Ҷалилов муовини сардори муассисаи ислоҳии низомаш сахти рақами 3/3 мегӯяд, ки аз муаассиаи онҳо имрӯз 142 кас ба озодӣ баромад.

Назарзода Иброҳим Амонулло, нозири калон оид ба таъмини ҳуқуқи конститутсионии маҳкумшудагон дар Раёсати иҷрои ҷазои Вазорати адлия дар вилояти Суғд, дар суҳбат бо хабарнигорон гуфт, бар асоси  Қонуни Ҷумҳурии Тоҷикистон дар бораи авф дар соли 2019  беш аз 2800 нафар онҳое, ки дар Суғд зиндонӣ шуда буданд ва ё айбдору гумонбар ба ҳисоб мерафтанд, авф карда шудаанд.

"Аз муассисаҳои ислоҳии вилояти Суғд, тавқифгоҳҳои шаҳри Хуҷанд ва шаҳри Истаравшан ва муассисаҳои ислоҳии низомашон пурзӯр ва сахт ва муассисаи ислоҳии сукунатӣ дар ноҳияи Б. Ғафуров дар маҷмӯъ беш аз 2800 нафар маҳкумшудагон, судшавандагон ва айбдоршавандагону гумонбаршудагон озод карда шудаанд, ки шуморе аз авфшудагонро аъзоёни ташкилотҳои экстремистиву террористӣ ташкил медиҳанд”, - гуфт Амонулло.

Хешу ақрабои зиндониёни озодшуда дар навор аз ибтикори раисиҷумҳури Тоҷикистон барои авфи 20 ҳазор зиндонӣ истиқбол карда, дар ҳаққи ӯ дуо мекунанд.

360
Барчаспҳо:
истиқбол, зиндониён, Хуҷанд

Марди чинӣ тавонист моҳиҳоро футболбоз кунад: навори аҷиб

427
Сокини шаҳри Сзиян, Ян Тсянсин тавонист моҳиҳои тиллоиӣ дохили аквариумро футболбоз кунад. Акнун дар шароити қарантин, номбурда дар манзили зисташ мустақиман бозии футболро тамошо карда, роҳат мекунад

Ян Тсянсин аквариумро барои майдони футбол муҷҷаҳаз карда, ба "дастаи тиллоӣ" қоидаҳои бозӣ кардани футболро фаҳмондааст.

"Ман тамоман интизор надоштам, ки онҳо ба футбол майл пайдо кунанд. Баъде, ки ба тамринашон машғул шудам, дарк намудам, ки бозии футбол барояшон шавқовар аст ва бо туб кор карданро нағз мебинанд", - изҳор доштаст Ян.

Барои бозии хуб моҳиҳоро ҳадя интизор аст. Аниқтараш, барои ҳар як голи ба самар ӯ муаллифи голро зиёфат медиҳад.

Сайди моҳӣ дар Тоҷикистон чаро ва то кай мамнӯъ аст?

Раванди бозиии "дастаи тиллои" - ро Ян дар TikTok мегузорад ва моҳиҳо аллакай чандин тамошобинро сарҷамъ овардаанд.

Зимнан, худи Ян Тсянсин мегӯяд, дар оянда нақшаи баргузор кардани мусобиқаи футбол миёни дастаҳои  моҳиҳоро дорад.

427
Барчаспҳо:
навор, футбол, моҳӣ, Чин

Дастури Лукашенко барои марзбандӣ ва таҳкими ҳифзи сарҳад-видео

166
(Таҷдидшуда 14:23 19.09.2020)
Александр Лукашенко, раисиҷумҳури Белорус, рӯзи панҷшанбе изҳор дошт, ки кишвараш сарҳад бо Лаҳистон ва Литваро мебандад

Лукашенко инчунин таъкид кардааст, ки Белорус ҳифзи сарҳад бо Украинаро таҳким мебахшад.

Ба гуфтаи раисиҷумҳури Белорусия, “нисфи артиш”-и кишвар барои ҳифзи сарҳадҳои ғарбӣ равона мешавад.

Дар ҳамин ҳол дар наздикии марз бо Украина ҳудуди ҳазор шаҳрванди хориҷӣ ҷамъ шудаанд.

Аз ҷумла хасидҳо, гуруҳи зоирини яҳудиҳо дар марзи Белорус ва Украина дармондаанд, ки бо нияти таҷлили иди анъанавии Рош ха-Шана дар рӯзи 18-уми сентябр азми сафар ба шащри украинии Уманро доштаанд.

Лукашанко дар бораи Конститутсияи нав: тағйирот на ҳамеша пешравист-видео

Аммо гузаргоҳи марзии “Новые Яриловичи” аз ҷониби Украина баста шуда буд. Бо вуҷуди ин зиёда аз 2,5 ҳазор зоирин-хасидҳо тавонистаанд ба шаҳри Уман худро расонанд.

Лукашенко ҳанӯз моҳи август ба далели сиёсати Вилнюс дар самти пуштибонии мухолифини Белорус, ба Ҳукумат дастур дода буд, ки самтҳои тиҷоратиро тағйир диҳанду ба ҷои бандарҳои Литва роҳҳои дигар, аз ҷумла Русияро интихоб кунанд.

166
Барчаспҳо:
марзӣ, Белорус
Рустам Назарзода, архивное фото

Кӯмак дар мубориза бо КОВИД-19: сипоси генерал Назарзода ба намояндаи агентии Оқохон

0
(Таҷдидшуда 11:39 22.09.2020)
Оҷонсии Оқохон ба Кумитаи ҳолатҳои фавқуллодаи Тоҷикистон барои мубориза бо коронавирус кӯмаки моддӣ, аз ҷумла таҷҳизоти тиббӣ расонидааст

ДУШАНБЕ, 22 сен — Sputnik. Бахши Оҷонсии Оқохон дар Тоҷикистон ба Кумитаи ҳолатҳои фавқуллода кӯмаки моддӣ расонид, хабар медиҳад КҲФ Тоҷикистон.

Бино бар иттилои манбаъ,  кӯмаки моддӣ иборат аз таҷҳизоти тиббӣ аз либосҳои  махсуси бисёркарата, мӯзаҳои резинӣ, айнакҳои муҳофизатӣ, ниқоб, сӯзандору, дастпӯш, дастгоҳҳои набзсанҷӣ, ҳароратсанҷҳои электронии фосилавӣ, антисептик ва воситаҳои уфунатзудоӣ  иборат мебошанд.

"Раиси Кумитаи ҳолатҳои фавқулода ва мудофиаи граждании мамлакат Рустам Назарзода дар маросими супоридани воситаҳои  тиббӣ ба сарвари Агентии Оқохон оид ба макони зист  Ҳадӣ Ҳусайнӣ  изҳори сипос карда, зикр намуд, ки кумаке, ки имрӯз дастрас шуд, ба пешгирӣ аз густариши COVID-19 дар Тоҷикистон равона шудааст", - менависад КҲФ Тоҷикистон.

Ҳадӣ Ҳусайнӣ иброз намуд, ки оҷонсӣ дар оянда низ аз талошҳои Ҳукумати Ҷумҳурии Тоҷикистон дар пешгирӣ аз густариши коронавируси   COVID-19 пуштибонӣ мекунад.

Ёдовар мешавем, ки кумакҳои мазкур бо мақсади пешгирӣ аз густариши   COVID-19  пешбинӣ шуда,  барои табобати ҳайати шахсии Кумита дар сурати мубтало шудан ба бемории мазкур истифода мешаванд.

Илова бар ин Агентӣ як мошини тамғаи "Ниссан"-ро, ки мутааллиқ ба Кумитаи мазкур буд, пурра таъмир карда, ба ихтиёри ин ниҳод гузошт.

 

0