Доварони "Зебосанам - 2019" хонандаи суруди Муқаддас Набиеваро гирён карданд - видео

857
(Таҷдидшуда 19:39 31.10.2019)
Доварони озмуни "Зебосанам - 2019" аз ноҷур сароидани суруди шодравон Муқаддас Набиеваро аз ҷониби иштироккунандаи озмун хашмгин шуданд

Дар ноҳияҳои тобеи марказ даври аввали озмуни "Зебосанам - 2019" баргузор шуд. 

Ба ҳунару зебогии духтарон чаҳор довар - ҳунарманди театр ва кино Моҳпайкар Ёрова, корманди соҳаи телевизион ва радио Дилхоҳи Нозиршоҳ, ҳунарманди маъруф Фахриддин Малик ва ҳунарманди мардумии Тоҷикистон Ҳаётой Муъминова баҳогузорӣ карданд.

Нигина Амонқулова арзёбӣ кард: "Зебосанам - 2019" дар Панҷакент - видео

Духтарони зиёде барои намоиши ҳунару истеъдоди худ ба ин озмун омада буданд.

Иштирокчии таҳти рақами 14 Гулмадова Дилрабо дар озмун ҳунари дузандагӣ ва овозхонии худро пешкаши доварон кард.

Ӯ эълон намуд, ки суруди шодравон сарояндаи номии тоҷик - Муқаддас Набиева "Тоқӣ ба сарам" - ро месарояд.

"Ман мехоҳам суруди Муқаддас Набиеваро сароям", - мегӯяд Дилрабо ва доварон бо таваҷҷӯҳи зиёд овозхонии ӯро гӯш мекунанд.

Вале, пас аз хондани ду мисраи суруд доварон аз ноҷӯрии овози "зебосанам" ба хашм омада якбора - Ҳаётой Муъминова, Моҳпайкар Ёрова ва Дилхоҳи Нозиршоҳ тугмаи "сурх"-ро пахш карданд.

Дар ҳамин ҳол Фахриддин Малик барои руҳбаланд кардани Дилрабо тугмаи сабзро пахш кард, вале як тугмаи сабз барои гузаштан ба даври дуюм имкон намедиҳад. Дар ҳамин ҳол ашки чашми Дилрабо равон шуду ӯро ҳеҷ кас натавонист ором намояд.

Марҳилаи аввали озмуни ҷумҳуриявии “Зебосанам -2019”, 6 август дар шаҳрҳои Хуҷанд, Бохтар, Кӯлоб, Хоруғ ва даври дуюм ва ниҳоии он моҳи ноябр дар шаҳри Душанбе ба нақша гирифта шудааст.

Мақсад аз гузаронидани озмунро эҳёи анъанаҳои мардумӣ, рушду равнақи либосҳои миллӣ, тарғиби ҳунармандӣ дар байни ҷавондухтарон, бахусус интихоб ва пӯшидани либосҳои миллӣ, оро додани рӯю мӯй, тарзи дурусти истифодаи ҷавоҳирот аз ҷониби гулдухтарон, арҷгузорӣ ба анъанаҳои миллӣ, баланд бардоштани маърифати сиёсиву фарҳангии ҷавондухтарон ва ҳидояти онҳо барои бунёди оилаи солиму баркамол мебошад.

Озмун аз рӯи шартҳои муаррифии ҳусни зебоии табиӣ, эҷодкорӣ, санъаткорӣ, малакаи суханварӣ, маҳорати либоспӯшӣ ва саҳнабароӣ, қобилияти ҳаракатҳои мавзун, қобилияти фикрронӣ, фарҳанги зебоипарастӣ ва ҳунарнамоӣ баргузор мешавад.

857
Барчаспҳо:
Тоҷикистон, озмун, зебосанам
(134:22 / 2102.22Mb / просмотров видео: 4)

Дар бораи касбу нақшаҳои оянда: нишасти хабарии Ҳабиб Нурмуҳаммадов - пахши мустақим

109
(Таҷдидшуда 13:36 14.08.2020)
Ҳабиб Нурмуҳаммадов қаҳрамони UFC дар вазни сабук оиди нақшаҳои ояндаи худ дар нишасти хабарӣ дар шаҳри Маскав изҳор дошт

Дар шаҳри Маскав бо иштироки Қаҳрамони UFC дар вазни сабук Ҳабиб Нурмуҳаммадов нишасти хабарӣ ҷараён дорад.

Размикори маваффақ тасмим гирифт ба хабарнигорон дар мавриди кас ва нақшаҳои ояндаи худ ибрози назар кунад.

Қобили зикр аст, ки дар ояндаи наздик муҳорибаи ӯ бо Ҷастин Гэйтжи баргузор мегардад. Ҳабиб Нурмуҳаммадов дар фаъолияти касбии худ 28 муҳориба баргузор кардаст ва то ҳол боре ҳам мағлуб нашудааст.

109

Русия дар ҷаҳон аввалин шуда, ваксинаи зидди коронавирусро сохт - видео

201
(Таҷдидшуда 12:13 14.08.2020)
Кишвардори Русия Владимир Путин рӯзи 11 - уми август аз сабти ном шудани нахустин ваксина алайҳи коронавирус, ки сохти Русия мебошад, хабар дод

Зимнан, раисҷумҳури Русия изҳор дошт, ки ваксинаи мазкурро яке аз духтарони ӯ дар худ озмоиш намуд ва дар рӯзҳои аввал ҳарорати бадани ӯ аз 37 дараҷа баланд буд.

Ваксинаи алайҳи коронавирус, ки Русия дар ҷаҳон аввалин шула сохт номи "Спутник V" - ро гирифт.

Мутахассисон мегӯянд, дар сурати ду маротиба ваксин шудан, инсон алайҳи ин маризӣ то 2 сол масуният пайдо мекунад.

Русия аз омода шудани нахустин ваксина алайҳи коронавирус хабар дод

Ваксинаи мазкур сар аз моҳи сентябр мавриди истифода қарор мегирад.

Аммо кишварҳои Ғарб ваксини сохти Русияро мавриди танқид қарор додаанд, вале Вазорати тандурустии Русия дар ҷавоб изҳор доштааст, ки "эҳтимол ҳамкорони хориҷӣ, бартариҳои доруи русиро эҳсос мекунанд".

201
Барчаспҳо:
маризӣ, дору, ҷаҳон, Русия
Эмомалӣ Раҳмон, раисиҷумҳури Тоҷикистон дар ҷаласаи Ҳукумат

Вахон ном ниҳоданд: ҳимояти Ҳукумат аз тағйири ном дар Ишкошим

0
(Таҷдидшуда 15:02 14.08.2020)
Эмомалӣ Раҳмон, раисиҷумҳури Тоҷикистон аз Вахон ном гирифтани яке аз ҷамоатҳои ноҳияи Ишкошим ҷонибдорӣ кард

ДУШАНБЕ, 14 авг — Sputnik. Маҷлиси вакилони халқи Вилояти мухтори куҳистони Бадахшон пешниҳод кардааст, ки номи ҷамоати деҳоти Шитхарви ноҳияи Ишкошим тағйир дода шавад.

Вакилони ВМКБ ба ҳайси номи нав барои ҷамоати деҳоти Шитхарв - Вахонро пешниҳод кардаанд.

Эмомалӣ Раҳмон бо имзои қарори Ҳукумат аз Вахон ном гирифтани ҷамоати деҳоти Шитхарв ҷонибдорӣ карда, барои тасдиқ ба Маҷлиси миллии Тоҷикистон пешниҳод намудаст.

Қаблан Ҳукумат номи яке аз қуллаҳои баландтарини Помирро, ки ҷуғрофидони рус Николай Корженевский ба номи ҳамсараш Евгения Корженевская гузошта буд, тағйир дод. Қуллаи Корженевская, ки бо баландии 7 ҳазору 105 метр аз баландтаринҳо дар минтақа мебошад, минбаъд бо қарори Ҳукумати Тоҷикистон номи “Озодӣ” гирифт.

Бо қарори дигари Ҳукумат қуллаи  6230-метрӣ, ки соли 2009 “Озодӣ” номгузорӣ шуда буд, тайғири ном карда, “Сангталак”  ном гирифт.

0
Барчаспҳо:
тағйири ном, Ҳукумат, Тоҷикистон