Суханронии Аълоҳазрат Оқохони IV ва Раҳмон дар меҳмонхонаи "Серена" - видеои таърихӣ

406
(Таҷдидшуда 12:55 01.11.2019)
Меҳмонхонаи панҷситорадори "Серена" - и Душанбе рӯзи 1 ноябри соли 2011 бо ширкати Аълоҳазрат Оқохони IV ва Эмомалӣ Раҳмон ифтитоҳ шуд

Ин меҳмонхонаи 9 ошёнаи боҳашамат, дар хиёбони Рӯдакии шаҳри Душанбе қомат афрохтааст.

Меҳмонхонаи "Серена" бо харҷи беш аз 266 миллион сомонӣ ва бо меъёрҳои навтарини ҷаҳонӣ дар масоҳати умумии қариб 12 ҳазор метри мураббаъ сохта шуда, дорои 85 утоқи истиқоматӣ, аз ҷумла утоқҳои бузурги барҳаво барои қабули роҳбарони давлатҳо ва меҳмонони дигари воломақом мебошад.

Ғайр аз ин меҳмонхона дорои толорҳои зиёд барои маҷлис, конфронсу семинар ва мулоқотҳои гуногун, маҷмааи варзишию солимгардонӣ, 2 тарабхона, қаҳвахона, чойхона ва дигар шароити истиқомат ва истироҳату фароғат мебошад. Тарабхонаи калон бо 200 ҷойи нишаст ва ҳаммому бисёр утоқҳои варзишию солимгардонӣ дар ошёнаҳои 8, 9 ва ҳавзи калони шиноварӣ дар боми бино ҷойгир шудааст.

Суханронии Аълоҳазрат Оқохони IV ва сохту сози Маркази исмоилия дар шаҳри Хоруғ - видео

Дар маросими ифтитоҳи ин меҳмонхонаи "Серена" ҳамчунин меҳмонони зиёди дохилию хориҷӣ, аз ҷумла корпуси дипломатии муқими Тоҷикистон ширкат доштанд.

Президенти кишвар Эмомалӣ Раҳмон зимни суханронӣ дар толори маҷлисии меҳмонхона, ки бо нақшу нигори зебои тоҷикӣ оро ёфтааст, ба Аълоҳазрат Оқохони 4 ва масъулони Созмони Оқохон оид ба рушд барои бунёди чунин меҳмонхонаи зебою муосир ва тадбирҳои зиёди дигар, аз ҷумла муҳайёсозии шароити хуб барои рушди сайёҳӣ дар Тоҷикистон арзи сипос кард.

Суханронии Аълоҳазрат Оқохони IV ва Эмомалӣ Раҳмон дар маркази исмоилия - видеои таърихӣ

Дар маросими ифтитоҳу муаррифии меҳмонхонаи Серенаи Душанбе, ҳамчунин Пешвои исмоилиёни ҷаҳон Шоҳ Карим ал-Ҳусайнӣ ва роҳбари бахши рушди сайёҳии Созмони Оқохон оид ба рушд шоҳзода Амин Оқохон суханронӣ намуда, омодагӣ ва ҳавасмандии амиқи худро ба густариши минбаъдаи ҳамкорӣ бо Тоҷикистон таъкид доштанд.

Суханронии Аълоҳазрат Оқохони IV ва Эмомалӣ Раҳмонро дар маросими ифтитоҳи меҳмонхони Серена дар Душанбе аз навор тамошо кунед.

Салавот бар Муҳаммад ва оли ӯ: истиқболи исмоилиён ва суханронии Оқохони IV -видеоҳо

Мазҳаби исмоилия дар ҷаҳон беш аз 20 миллион пайрав дорад, ки асосан дар Ҳинду Покистон, Афғонистон, Танзания, Кения, кишварҳои Халиҷи Форс, Эрон, Лубнон, Сурия, Алҷазоир, ҳамчунин Амрико, Канада, Бритониё ва Фаронса ба сар мебаранд.

Ҷамоати исмоилии Тоҷикистон, ки умдатан дар Бадахшон зиндагӣ мекунанд, яке аз бузургтарин ҷамоатҳои ин тариқат дар ҷаҳон дониста мешавад. Дар Тоҷикистон беш аз 150 ҳазор пайрави исмоилия зиндагӣ мекунанд.

406
Барчаспҳо:
меҳмонхонаи "Серена", меҳмонхона, Эмомалӣ Раҳмон, Шоҳзода Карим Оқохони IV

Набарди Ҳабиб бо Гетҷи: кӣ ғолиб меояд

2587
(Таҷдидшуда 02:26 25.10.2020)
Муҳорибаи калидии UFC 254 дар шаҳри Абу - Дабӣ ин набарди Ҳабиби Нурмуҳаммадов ва Ҷастин Гетҷи мебошад

Ҳамакнун Қаҳрамони UFC дар вазни сабук, размикори доғистонӣ Ҳабиб Нурмуҳаммадов дар доираи муҳорибаи UFC 254 дар Абу-Дабӣ бо рақибаш Ҷастин Гетҷи вориди октагон гардиданд.

Муҳорибаи мазкур  рақобати калидии ин шом хоҳад буд.

Ҳар ду размикор аллакай аз маросими вазнкашӣ гузаштанд ва вазни онҳо баробар ба 70 килограмму 300 грамм мебошад.

Зимнан, маросими вохӯрии "чашм ба чашм" хеле оромона баргузор шуда буд. Варзишгарон бидуни ягон нағмакорӣ дасти ҳамдигарро сахт фишурданд.

Барои размикори доғистонӣ ин аллакай 29 - умин рақобат ба ҳисоб меравад. Ҳабиб то ҳол дар ягон муҳорибаи худ ба бохт дучор нашудааст.

Рақиби ӯ Ҷастин Гейҷӣ бошад, танҳо ду маротиба аз 22 рақобати доиргардида, мағлуб шудааст.

2587
Барчаспҳо:
навор, муҳориба, Ҳабиб Нурмуҳаммадов

Ҳабиб урён ва Гейҷӣ бо ниқоб: навори вазнченкунии размикорон

1480
(Таҷдидшуда 17:51 24.10.2020)
Қабл аз муҳорибаи дарпешистодаи Ҳабиб Нурмуҳаммадов а Ҷастин Гейҷӣ, маросими вазнченкунии онҳо баргузор шуд

ДУШАНБЕ, 24 окт – Sputnik. Қаҳрамони UFC дар вазни сабук Ҳабиб Нурмуҳаммадов имрӯз бори саввум барои ҳифз намудани камрбанди қаҳрамонияш талош мекунад. Қабл аз муҳориба, ҳар ду размикорро болои тарозу бароварда, вазнашонро санҷиданд.

Бар тибқи натиҷаи маросими вазнченкунӣ, Ҳабиб ва Гейҷи вазни баробар доштанд. Ҳар ду варзишгар 70 килограмму 300 грам вазн доранд.

Ҳабиб тамоман урён  болои тарозу баромад ва каме ҳаяҷонзада ҳам буд. Гейҷӣ бошад, бо ниқоби тиббӣ ва табассумкунон вазнашро санҷид.

Муҳорибаи онҳо шоми имрӯз соати 21:00 ба вақти Маскав ва 23:00 ба вақти Душанбе доир мешавад.

Ҳабиб ҳоло ҳамаи муҳорибаҳояшро бидуни мағлубият анҷом додааст. Рақиби ӯ бошад ҳамагӣ ду маротиба рақобатро бохт.

1480
Барчаспҳо:
вазн, муҳориба, Ҳабиб Нурмуҳаммадов
Президент РФ В. Путин

Муфид аст: шарҳи Путин дар бораи ҳузури ИМА дар Афғонистон

0
(Таҷдидшуда 17:43 25.10.2020)
Владимир Путин, раисиҷумҳури Русия, ҳузури низомиёни амрикоиро дар Афғонистонро истиқбол карда, аз ҳамкории ду кишвар дар сатҳи хадамоти махсус тавсиф намуд

ДУШАНБЕ, 25 окт — Sputnik. Ҳузури нерӯҳои амрикоӣ дар Афғонистон аз нигоҳи амниятӣ муфид мебошад, изҳор дошт Владимир Путин, раисиҷумҳури Русия.

“Ҳузури ИМА дар Афғонистон барои амният муфид мебошад”, - гуфт роҳбари Русия.

Путин инчунин таъкид кардааст, ки Русия аз ҳамкорӣ бо ИМА дар бахши мубориза бо терроризм қаноатманд мебошад.

Ӯ афзуд, ки маълумоти ироанамудаи Вашингтон борҳо имкон дод, ки ҳамлаҳои террористӣ дар қаламрави Русия ҷилавгирӣ шаванд.

“Сарфи назар аз мухолифатҳои зиёд дар бахшҳои гуногун, ҳамоно ҳамкорӣ дар сатҳи хадамоти махсус идома дорад... Дар баробари ин амрикоиҳо ба мо маълумоти зиддитеррорро ироа мекунанд”, - илова намуд Путин.

Доналд Трамп, раисиҷумҳури ИМА, дар оғози моҳи марти соли равон дар бораи бидуни таъхир хориҷ кардани нерӯҳои амрикоӣ аз Афғонистон изҳорот дода буд. Аз ҷумла дар назар буд, ки теъдоди низомиёни амрикоӣ дар Афғонистон тайи 135 рӯз аз 12 ҳазор нафар то 8,6 ҳазор нафар коҳиш дода шавад. Интизор мерафт, ки то интихоботи раисиҷумҳури ИМА теъдоди сарбозони ин кишвар дар Афғонистон ба 4-5 ҳазор нафар баробар карда мешуд.

0
Барчаспҳо:
Владимир Путин, ИМА, Путин, Русия