(0:00 / .00Mb / просмотров видео: 20)

Нишасти хабарии Ҳабиб Нурмуҳаммадов дар Маскав - пахши мустақим анҷом ёфт

285
(Таҷдидшуда 19:55 08.11.2019)
Размикори номдори русиягӣ Ҳабиб Нурмуҳаммадов бо рӯзноманигорони шаҳри Маскав сӯҳбати мустақим баргузор мекунад

Размикори UFC Ҳабиб Нурмуҳаммадов дар баландтарин зинаи шуҳрат қарор дорад. Дар бораи қаҳрамони созмони бонуфуз ҳатто ашхосе медонанд, ки умуман ба варзиш шуғл надоранд.

Ҳабиб 20 сентябри соли 1988 дар деҳаи Силди дар Доғистон (Русия) ба дунё омадааст. Милаташ авар. Падараш Абдулманап Нурмуҳаммадов — қаҳрамони Украина оид ба самбо, амакаш  — қаҳрамони ҷаҳон оид ба самбо мебошад. Ҳамроҳи бародари хурдиаш Абубакр Ҳабиб таҳти раҳбарии падар дар панҷсолагӣ ба тамрин оғоз кардааст.

Соли 2008 дар муҳорибаҳои омехтаи CSFU: Champions League миёни варзишкорони касбӣ Нурмуҳаммадов рақибашро тариқи буғӣ кардан мағлуб карда буд. Ин нахустин пирӯзии касбии ӯ буд. Пасон варзишкор дар созмонҳои PAC, ТFC, М-1 ва ProFC ба майдон баромад.

Варзишкори русиягӣ 28 бор пирӯз шуда, боре ҳам мағлуб нашудааст. Ӯ даҳ набардро тариқи усули буғӣ кардан ба фоидаи худ анҷом додааст. Даҳ рақобати дигар бо баҳои реферӣ ва ҳашт бори дигар рақибонашро нокаут кардааст.

Ҳабиб дар 23-солагӣ хонадор шуд. Дар маросими арӯсии варзишкори машҳур 1200 меҳмон ҷамъ омада буд. Рӯйи арӯс мувофиқи расму русум пӯшонида шуда буд. Акси ҳамсари Ҳабибро бо рӯйи пӯшида дида Макгрегор ӯро "сачоқ" - гуфта таҳқир кард, вале баъдтар ин шарҳашро аз шабакаҳои иҷтимоӣ пок кард.

То ҳол корбарони интернет рӯйи ҳамсари Ҳабибро надидаанд.

Соли 2015 ҷуфти хушбахт соҳиби духтарча бо номи Фотима шуданд. Соли 2017 бошад соҳиби писар - Муҳаммад. Писари Ҳабиб таҳти раҳбарии бобо ба воя мерасад ва аллакай ба тамрин машғул мешавад. Абдуманап Нурмуҳаммадов ба рӯзноманигорон гуфт, ки дар хонаводаи онҳо интизори меҳмони нав ҳастанд.

Ёдрас мешавем, Ҳабиб Нурмуҳаммадов, размикори шинохтаи доғистонӣ рӯзи 8 сентябр дар Абу-Дабӣ бо истифода аз усули буғикунанда рақиби амрикоияш Дастин Пуареро шикаст дод.

Дар мусоҳиба бо Шабакаи аввали Русия варзишкор гуфт, 80 дарсад бовар дорад, ки рақобати навбатӣ дар Русия баргузор мешавад.

285
Барчаспҳо:
Маскав, нишасти хабарӣ, Ҳабиб Нурмуҳаммадов

Дастури Лукашенко барои марзбандӣ ва таҳкими ҳифзи сарҳад-видео

157
(Таҷдидшуда 14:23 19.09.2020)
Александр Лукашенко, раисиҷумҳури Белорус, рӯзи панҷшанбе изҳор дошт, ки кишвараш сарҳад бо Лаҳистон ва Литваро мебандад

Лукашенко инчунин таъкид кардааст, ки Белорус ҳифзи сарҳад бо Украинаро таҳким мебахшад.

Ба гуфтаи раисиҷумҳури Белорусия, “нисфи артиш”-и кишвар барои ҳифзи сарҳадҳои ғарбӣ равона мешавад.

Дар ҳамин ҳол дар наздикии марз бо Украина ҳудуди ҳазор шаҳрванди хориҷӣ ҷамъ шудаанд.

Аз ҷумла хасидҳо, гуруҳи зоирини яҳудиҳо дар марзи Белорус ва Украина дармондаанд, ки бо нияти таҷлили иди анъанавии Рош ха-Шана дар рӯзи 18-уми сентябр азми сафар ба шащри украинии Уманро доштаанд.

Лукашанко дар бораи Конститутсияи нав: тағйирот на ҳамеша пешравист-видео

Аммо гузаргоҳи марзии “Новые Яриловичи” аз ҷониби Украина баста шуда буд. Бо вуҷуди ин зиёда аз 2,5 ҳазор зоирин-хасидҳо тавонистаанд ба шаҳри Уман худро расонанд.

Лукашенко ҳанӯз моҳи август ба далели сиёсати Вилнюс дар самти пуштибонии мухолифини Белорус, ба Ҳукумат дастур дода буд, ки самтҳои тиҷоратиро тағйир диҳанду ба ҷои бандарҳои Литва роҳҳои дигар, аз ҷумла Русияро интихоб кунанд.

157
Барчаспҳо:
марзӣ, Белорус

Омодагӣ машқҳои низомии “Қафқоз-2020”: Тоҷикистон ҳамчун нозир даъват шудааст

91
Низомиёни Белорус ва Чин барои иштирок дар машқҳои байналмилалии низомӣ “Қафқоз-2020” ба вилояти Астрахани Русия омаданд

Машқҳои низомӣ санаи 21 сентябри соли равон оғоз хоҳанд шуд. Низомиён каме пештар барои иштирок дар машқҳо омодагӣ мегиранд. Низомиён таҷҳихзоту аслиҳаро барои машқҳо омода месозанд.Қафқоз-2020. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида мешаванд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ҳамчун нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

91
Барчаспҳо:
Белоруссия, Чин, Русия, Астрахан, Қафқоз, машқҳои ҳарбӣ, машқҳо, Тоҷикистон
Пост БДА в Хороге, архивное фото

Сангзанӣ дар Хоруғ баъди футбол: ВУД теъдоди маҷруҳон ва иншооти осебдидаро гуфт

216
(Таҷдидшуда 10:02 21.09.2020)
Вазорати умури дохилии Тоҷикистон бо нашри як иттилоия сангзанӣ дар шаҳри Хоруғро шарҳ додааст, ки дар пайи он беш аз 20 нафар ҷароҳат бардоштанд

ДУШАНБЕ, 21 сен — Sputnik. Тибқи иттилои ВУД, 19 сентябри соли 2020, соати 19:00 дар майдончаи варзишии мактаби таҳсилоти миёнаи умумии №2, воқеъ дар маҳаллаи "Гулакен"-и шаҳри Хоруғ байни дастаҳои маҳаллаҳои "Гулакен" ва "Хоруғи боло"-и шаҳри Хоруғ бозии нимфиналии футбол баргузор гардид.

Манбаъ афзуд, ки баъди ба анҷом расидани бозӣ соати 20:00 байни мухлисони маҳаллаҳои Гулакен ва Хоруғи боло муноқишаи гурӯҳӣ ба амал омад.

"Дар натиҷаи сангпартоӣ аз ҳарду ҷониб 21 нафар ҷароҳатҳои гуногуни ҷисмонӣ бардошта, 20 адад шишаҳои тирезаи МТМУ №2 дар шаҳри Хоруғ, 7 шишаҳои хонаҳои истиқоматӣ, 6 адад автомашинаи шаҳрвандон зарари техникӣ бардошта, 6 адад тиреза ва 4 курсии варзишгоҳ, 5 шишаҳои тирезаи бинои БДА "Амонатбонк" шикаста шудааст", - омадааст дар иттилоияи ВУД.

Манбаъ таъкид кард, ки вобаста ба ҳолати мазкур нисбати гурӯҳи авбошон парвандаи ҷиноятӣ оғоз гардида, тафтишот идома дорад. ВУД афзудааст, ки чорабиниҳои оперативӣ-ҷустуҷӯӣ барои ҷустуҷӯ намудани гунаҳкорон гузаронида шуда истодааст.

Феълан назари худи иштирокдорони қазия маълум нест.

216
Барчаспҳо:
Футбол, Хоруғ, Тоҷикистон