“Валдай” мавқеашро иваз мекунад: маркази рушди дунё аз Ғарб ба Шарқ мекучад

152
(Таҷдидшуда 17:22 13.11.2019)
Клуби машваратии байналмилалии “Валдай”, корашро дар шаҳри Самарқанд ба анҷом расонид. Баргузории чунин гуфтушунидҳо барои Русия, кишварҳои собиқ Иттиҳоди Шӯравӣ ва Аврупо хело муфид дониста шуданд

Клуби машваратии “Валдай” имсол дар Осиёи Миёна баргузор гардид. Майдони баргузории ин чорабинӣ шаҳри Самарқанд интихоб шуда буд.

 “Барои мо самарқандиҳо боиси ифтихор аст, ки шаҳри мо дар Осиёи Миёна яке аз аавлинҳо шуда, аъзоёни чунин як клуби машҳур “Валдай”-ро мепазирад. Имрӯз дар ин толори фарҳанги иштирокчиён аз ҳар як гӯшаи дунё ҷамъ омада буданд”, - гуфт ҳокими вилояти Самарқанд Эркинҷон Турдимов.

Аъзоёни ин клуб баргузории ин чорабиниро дар ин шаҳр рамзӣ хонданд, чунки аз қадим Самарқанд ҳамчун макони илму тамаддун ба ҳисоб мерафт.

 “Мавзӯи конфронси мо – “Осиёи Марказӣ ва Авруосиё: ҳамкориҳои бисёрҷониба пеш аз вайроншавии тартиботи глобалӣ”, - қайд кард мудири институти таҳқиқоти стратегӣ ва байниминтақавии назди президенти Ҷумҳурии Узбакистон Элдор Орипов.

Дар форум намояндагони 11 кишвари дунё, аз ҷумла аз кишварҳои Аврупо ширкат варзиданд, меҳмомнон на танҳо ҷараёнҳои сиёсию иқтисодиро баррасӣ намуданд, балки масоили амнияти Осиё ва Аврупоро матраҳ карданд.

Коршиносон “Валдай”-ро як майдони манфиатдор барои гуфтушунидҳои кишварҳои собиқ Иттиҳоди Шӯравӣ бо Русия ва Аврупо хонданд дар ҳоле, ки дигар клубҳо аз ин кор худдори кардаистодаанд.

 “Аврупо ҳамкориҳои стратегияшро бо кишварҳое, ки аз ҳаракати худ ба сӯи демократияи ғарбӣ эълон мекунанд,  пиёда мекунад”, - тавзеҳ дод мудири илмии форуми Олмону Русия Александр Рар.

Маҳз барои ҳамин клуби “Валдай” солҳои охир мавқеашро дар гуфтугӯ бо намояндагони Осиё муайян кардааст. Ин минтақа дорои бойгариҳои зеризаминии зиёд аст ва рӯз аз рӯз пурқувваттар шудаистодааст.

 “Додугирифт миёни кишварҳои Осиёи миёнадар тули ду сол 20 дар сад афзудааст ва гоҳо (байни баъзе кишварҳои минтақа) то 100%, мана ин натиҷа аст”, гуфт доктори илмҳои сиёсӣ, собиқ котиби кулли СҲШ Рашид Алимов.

Аз рӯи пешгӯиҳо институтҳои ҷаҳонӣ маҳз дар Осиё бунёд шудаистодаанд, на дар Аврупо. Нуқтаи руш аз Ғарб ба Шарқ ҳаракат дорад.  

152
Барчаспҳо:
форум, Самарқанд, Узбакистон, Русия

Таркиши шадид дар Бейрут: даҳҳо нафар ҳалоку маҷрӯҳ шуда, биноҳои зиёд хароб гаштанд-навор

890
(Таҷдидшуда 22:09 04.08.2020)
Дар Бейрут таркиши шадид рух дод, ки дар натиҷа даҳҳо бинову манзилҳои зистро комилан хароб намуд. Зери харобаҳо чандин нафар қарор доранд

Сокинони Бейрут лаҳзаи таркиши шадидиро тавонистанд ба навор гиранд ва дар шабакаҳои иҷтимоӣ паҳн кунанд.

Қувваи таркиш ба ҳадде буд, ки тирезаҳои биноҳои шикаста, чандин манзилҳо аз шиддати таркиш фурӯ рехтанд.

Гуфта мешавад, таркиш дар анбори маводҳои пиротехникӣ сар задааст.

Феълан маълум нест, ки миёни харобаҳо чӣ миқдор мардум қарор дорад. Наҷотбахшон аз маҳали ҳодиса чандин нафаронро кӯч доданд, ки сахт ҷароҳатдор шудаанд.

"Тибқи иттилои роҳбари Вазорати тандурустии Лубнон Ҳамад Ҳасан, дар бандари Бейрут як киштии дорои пиротехника таркид. бар тибқи маълумоти пешакӣ, даҳҳо нафар бар асари ин ҳодиса фавтиданд".
890

Ташхиси ниҳоии ихтиёриён натиҷаи хуб дод: онҳо алайҳи коронавирус масуният доранд - навор

229
Пас аз 42 рӯзи озмоиши ваксинаи алайҳи коронавирус дар бадани ихтиёриён онҳо аз ташхиси пурраи табӣ гузаронданд. Натиҷаи ташхиси онҳоро пизишкон хуб арзёбӣ мекунанд

Пизишкон аз натиҷаи ташхиси гурӯҳи ихтиёриён, ки дар озмоиши ваксина алайҳи коронавирус иштирок доштанд, ризо ҳастанд ва онро хеле босамар арзёбӣ мекунанд.

Бар тибқи натоиҷи ахири ихтиёриён ҳамаи онҳо дорои масуният алайҳи ин маризӣ мебошанд.

Пизишкон мегӯянд аз замони ваксин гирифтан то 42 рӯзи охир дар организми ихтиёриён ягон дигаргунии нигаронкунанда мушоҳида нашуд. 

"Ҳамаи онҳо худро хеле бардаму солим ҳис мекунанд", - таъкид менамоянд табибон.

Профессор гуфт кай алайҳи коронавирус ваксина пайдо мешавад

Қобили зикр аст, ки сар аз якуми сентябр истеҳсоли сартосарии ин ваксина ба роҳ монда мешавад ва авоили моҳи октябр дар Русия эмгузаронии ройгон алайҳи коронавирус пиёда мешавад.

Вазорати тандурустии Русия мегӯяд, нахуст пизишкон ва табибон ваксин мегиранд. 

Нахустин ваксини сохти Русия имсол барои кӯдакон дастнорас хоҳад буд. Пас аз даври пурраи озмоиши ин дору дар бадани одамони калонсон ба эмкунии кӯдакон ҳам шурӯъ мешавад, аммо на дертар аз соли оянда.

229

Ҷашнҳои рӯзи 6 август дар Тоҷикистон ва ҷаҳон

0
(Таҷдидшуда 19:42 05.08.2020)
Рӯзи шашуми август Рӯзи байналхалқии «табибон барои сулҳ» ва Рӯзи ҷаҳонии мубориза барои манъи силоҳи ҳастаӣ. буда, дар Русия – Рӯзи неруҳои роҳи оҳан дар Аргентина Рӯзи кӯдакон ва дар Боливия ва Ямайка Рӯзи истиқлолият мебошад

Рӯзи 6 август дар ҷаҳон чӣ рух дод

Соли 1889 дар ИМА охирин маротиба муҳорибаи бокс бидуни дастпӯш баргузор гашт.

© Sputnik / Стас Этвеш / Вишнякова Мария

Соли 1889 дар Лондон меҳмонхонаи «Савой» кушода шуд, ки аввалин маротиба дар таърихи ҷаҳон ҳамчун меҳмонхонаи ҳамаи ҳуҷраҳояш дорои ҳаммом ном баровард.

Соли 1914  Чин нисбат ба ҷанги якуми ҷаҳон бетарафии худро эълон кард.

Соли 1929 аввалин маротиба дар Британияи Кабир курсҳои омӯзиши ронандагӣ роҳандозӣ гардиданд.

Соли 1945  америкоиҳо ба шаҳри Хиросимаи Ҷопон бомбаи атомӣ партофтанд.

Соли 1991 Бангладеш аз шакли идоракунии президентӣ даст кашида, ба шакли идоракунии парламентӣ гузашт.

Соли 1991 пайдоши аввалин интернет-сервис WWW (World Wide Web).

Соли 2000 истгоҳи байналмилалии ҳавонавардӣ киштии кайҳонии борбарандаи «Прогресс»-ро ба кайҳон сар дод.

День 4 августа
© Sputnik / Стас Этвеш / Вишнякова Мария

Рӯзи 6 август дар Тоҷикистон чӣ рух дод 

Соли 2001 бо қарори Суди олӣ фаъолияти ҳизби сиёсии “Адолатхоҳ” қатъ гардид.

Соли 2003 баъд аз танаффуси дусола Тоҷикистон ба Қазоқистон дубора барқ дод.

Соли 2009 дар шаҳри Душанбе Президенти Ҷумҳурии Тоҷикистон Эмомалӣ Раҳмон ва Вазири корҳои хориҷии Ҷумҳурии Қирғизистон Қадирбек Сарбаев масоили ҳамкории дуҷонибаи Тоҷикистону Қирғизистонро баррасӣ карданд.

Соли 2011 дар Тоҷикистон қонун “Дар бораи масъулияти падару модар дар таълиму тарбияи фарзанд” қабул шуд.

Соли 2011  дар шаҳри Хуҷанд бо иштироки Эмомалӣ Раҳмон маҷмааи варзишии обӣ мавриди баҳрабардорӣ қарор гирифт.

Соли 2014 аз номи Федератсияи байналмилалии таэквондо (ITF) ба Президент Эмомалӣ Раҳмон ҳамчун нишони эҳтиром камарбанди сиёҳи дани 9-ум бо сертификати он ва кимоно супорида шуд.

Соли 2016 Эмомалӣ Раҳмон дар ноҳияи Варзоб аз иншооти Маҷмааи лижаронию сайёҳии «Сафеддара» боздид ба амал оварда, бо шароити ин мавзеи  варзишию  сайёҳӣ шинос шуда, аз ҷумла аз меҳмонхонаи 4-ошёнаи барҳавою замонавӣ, нуқтаи нигоҳдории барфгардҳо, тарабхонаю  марказҳои савдо ва  мавзеъҳои  лижаронию  барфгардӣ  дидан  карда, ба шароити муҳайёгардидаи ин маҷмаа баҳои баланд дод.

Ҷашнҳои рӯзи 6 август

  • Рӯзи байналхалқии «табибон барои сулҳ».
  • Дар Русия – Рӯзи неруҳои роҳи оҳан.
  • Рӯзи ҷаҳонии мубориза барои манъи силоҳи ҳастаӣ.
  • Рӯзи кӯдакон дар Аргентина.
  • Рӯзи истиқлолияти Боливия ва Ямайка.

Рӯзи 6 август дар Тоҷикистон кӣ ба дунё омадааст

Аюб Раҳим (1951) – шоир.

екзода Хушбахт (1945)- нависанда.

Дамир Дўстмуҳаммадов (1941 – 2003) – оҳангсоз, Ходими шоистаи ҳунари Тоҷикистон.

Имомназари Холназар (1952 – 2007) – нависандаи ҳаҷвнигор.

Виталий Колберг (1913-1989)- доктори илми тиб, профессор.

Нуриддини Амриддин (1956) – шоир.

Толиб Муинов (1932 – 2000) – доктори илмҳои физикаю математика.

Манзура Улҷабоева (1953) – рассом – ороишгар.

Абдураҳмон Ҳакимов (1940) – доктори илми иқтисод, профессор.

Юлдош Ҳоҷибоев (1945) – доктори илми химия.

0
Барчаспҳо:
Тоҷикистон, Ҷаҳон, ҷашн
Мавзуъ
Ҷашнҳои рӯзи 4 август дар Тоҷикистон ва ҷаҳон
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 5 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон