Юлдуз Усмонова бо лезгинка дар Маскав ҳамаро ба по хезонд - видео

4444
Примаддонаи саҳнаи Узбакистон Юлдуз Усмонова дар саҳнаи Крокус Сити Холли Маскав шоу баргузор карда бо сурудҳои ҷаззоб ҳамаро ба по хезонд

Консерти сарояндаи машҳури узбакистонӣ дар Маскав се соат идома кард. Посбонони овозхон аз уҳдаи кори худ набаромаданд: мухлисон назди саҳна ҷамъ шуданд, то ба сарояндаи дӯстдоштаашон наздиктар бошанд. 

Мухлисон бо Юлдуз селфӣ мегирифтанд, гулдаста тақдим мекарданд ва ҳамроҳаш суруд мехонданду мерақсиданд.

Мусоҳиба бо Юлдуз Усмонова: набояд аз миллати худ шарм дошт - видео

Юлдуз барои ҳаводоронаш сурудҳои нав ва дӯстдоштаи пешинро пешкаш кард. Ҳунарманд дар саҳна бо энергияи тоза барои ҳаводоронаш лезгинка пешкаш карду ба чанд забон: русӣ, узбакӣ, тоҷикӣ, форсӣ ва туркӣ суруд хонд.

Ситоиши Юлдуз аз Шабнам: ӯ гуфт танҳо ба хотири як чиз бо Шабнам дуэт хонд

"Суруд дар бораи Ватан бисёр ҷозибанок буд. Аз ҳама муҳимаш Юлдуз ба фарзандони ҷумҳурӣ муроҷиат кард, ки номи ҷумҳуриро баланд бардоранд", - гуфт Юсуп Ҷураев дар суҳбат бо Sputnik Узбакистон.

Мухлисон ҳамроҳи сарояндаи дӯстдоштаашон суруд мехонданд мерақсиданд ва зери навои "Мама" ашкҳои чашмонашон равон мешуд.

"Ман бисёр бераҳмам": Юлдуз Усмонова дар бораи сурудҳои худ ва ҷалби ҳаводоронаш

"Намегӯям, ки ман хуб ё бадам. Вале ман кӯшиш мекунам, ки дарди мардумро фаҳмам, чӣ фикрҳое онҳо доранд, дар зиндагиашон чӣ мегузарад. Ман қатрае аз дохили ин халқ ҳастам ва ман дигар намешавам", - изҳор дошт Юлдуз Усмонова.

Таманниёти шоҳи мусиқии Русия Филипп Киркоров, бардошти мухлисон ва фазои консертро аз навор бубинеду эҳсос кунед.

4444
Барчаспҳо:
ба по хест, консерт, Маскав, Юлдуз Усмонова
Мавзуъ
Юлдуз Усмонова ва Шавкат Мирзиёев: ифтитоҳи Ҷашнвораи бузург дар Самарқанд - Видео
Меҳмон аз Узбакистон: Юлдуз Усмонова ва ситораҳои тоҷик ба Хуҷанд меоянд
Юлдуз Усмонова дар саҳнаҳои бузурги Маскав ва Петербург консерт баргузор мекунад
Юлдуз Усмонова дар Маскав консерт баргузор мекунад

Норак - як гӯшаи биҳиштии Тоҷикистон: навор

200
Сафорати Тоҷикистон дар Русия навори табиати зебои Норакро нашр кардааст. Норак, як гӯшаи дигари зебоманзари Тоҷикистон аст

Норак дар рӯди Вахш, дар 70 километрии ҷанубу шарқии Душанбе ҷойгир аст. Ин мавзеъ соли 1960 баробари сохтани нерӯгоҳи Норак ба минтақаи аҳолинишини зебое табдил гашт.

Сайёҳон мегӯянд, вақте вориди шаҳри Норак мешаванд, гӯё ба Иттиҳоди Шӯравӣ бармегарданд. Яке аз маконҳои дидании Норак, обанбори Норак аст.

Обанбор бо роҳи сунъӣ дар рӯди Вахш дар ҳудуди минтақаи Норак ташкил шуда буд. Сатҳи обанбор наздики 53 метр буда, он маҷрои рӯди Вахшро танзим мекунад.

Масоҳати кӯл 98 километри квадратиро ташкил медиҳад. Он бо оби ошомиданӣ пур аст, ки манбааш тоҷи яхини ҷовидони Помир аст.

Зебогии бештари кӯл ҳангоми заврақронӣ дар он ошкор мешавад. Ҳавои он хело тоза ва роҳатбахш аст.

Обанбори Норак пеш аз сарбанди нерӯгоҳ ҷойгир аст. Баландии сарбанди он 304 метр буда, ҳамчун баландтарин сарбанд ба китоби рекорҳои Гиннес ворид шудааст.

200

Петр Ян қаҳрамони UFC шуд - навори рақобат ва нокаути Алдо

420
(Таҷдидшуда 14:46 12.07.2020)
Варзишкори рус Петр Ян дар вазни сабук дар қаҳрамонии UFC рақибаш Жозе Алдоро мағлуб кард. Навори рақобат ва нокаути Алдоро дар навори зер тамошо кунед

Рақобати варзишкори рус Петр Ян ва рақиби бразилиягиаш Жозе Алдо дар доираи барномаи UFC 251 дар Абу-Дабӣ баргузор шуд.

Қаҳрамонии Ян ва Алдо то бахши панҷуми рақобат дароз кашид.

Дар бахши аввал рақобат шиддат гирифт. Дар навор дида мешавад, ки ҳар варзишкор ташаббусро ба дасти худ гирифта муштҳои оҳинин ба сӯи рақибаш мефиристад.

Дар бахши сеюм Ян бештар фаъол шуд. Аз навор дида мешавад, ки Алдо худро аз даст дода муштҳои бе нишон мезанад.

Дар бахши охирон Ян Алдоро муштборон мекунад ва ӯ бар замин меафтад.

Ян соли 2018 ба UFC пайваст. Рақобат бо Жозе Алдо дар фаъолияташ ҳафтумин рақобат шуд.

Дар давоми фаъолияти варзишиаш Ян боре ҳам мағлуб нашудааст.

Рақибе, ки рафтори инсонӣ кард: Конор ба Ҳабиб ҳамдардӣ баён кард

Рақобат бидуни тамошобин дар ҷазираи Яс, дар макони вижае, ки махсусан барои рақобатҳои UFC сохта шудааст, баргузор гардид.

420
Барчаспҳо:
қаҳрамони UFC, нокаут, Ҷаҳон
Рустам Эмомали председатель города Душанбе

Ҳудуди Душанбе тағйир меёбад?: Рустами Эмомалӣ вакилонро ба маҷлис даъват кард

0
Раиси шаҳри Душанбе Рустами Эмомалӣ бо имзои як қарор вакилони халқи Душанберо ба маҷлис даъват кардааст

ДУШАНБЕ, 14 июл – Sputnik. Фардо, 15 июл, соати 9:00 дар толори Маркази тадқиқоти стратегии назди Президенти Ҷумҳурии Тоҷикистон иҷлосияи дуюми Маҷлиси вакилони халқи шаҳри Душанбе, даъвати шашум доир мегардад. 

Дар назар аст, дар иҷлосияи мазкур масъалаҳои тағйир додани сарҳади ноҳияҳои Шоҳмансур, Фирдавсӣ, Сино ва Исмоили Сомонии шаҳри Душанбе баррасӣ гардад.

Афзун бар ин, вакилони халқи Душанбе як қатор масъалаҳои дигар, аз ҷумла рушди соҳаи энергетика, иҷрои барномаҳои давлатӣ ва нақшаи чорабиниҳои шаҳрдорӣ, пеш аз муҳлат қатъ намудани ваколати вакилони Маҷлиси вакилони халқи шаҳри Душанбе ва ғайраро ироа кунанд.

Тибқи қарори дахлдори Раиси шаҳр, вакилони Маҷлиси вакилони халқи шаҳри Душанбе, даъвати шашум аз 2 то 13 июли соли 2020 дар ҳавзаҳои интихоботӣ бо интихобкунандагон вохӯриҳо баргузор намуда, аз натиҷаи онҳо ба гурӯҳи корӣ оид ба такмил додани масъалаҳои рӯзномаи иҷлосияи дуюми Маҷлиси вакилони халқи шаҳри Душанбе, даъвати шашум таклифҳои мушаххасро пешниҳод намуданд.

0