Путин бо “Aurus” Раҳмон бо Mercedes-Benz: мошинҳои зиреҳпуши Президентҳо - видео

945
(Таҷдидшуда 17:49 28.11.2019)
Дар пойтахти Қирғизистон Дар қароргоҳи давлатии Ала-Арча мулоқоти сарони кишварҳои узви СПАД ифтитоҳ ёфт. Дар ҷаласаи мазкур масоили амнияти ҷаҳони ва минтақавӣ баррасӣ мешавад

Сарони кишварҳои Белорус, Қазоқистон, Русия, Тоҷикистон ва Арманистон дар Бишкек гирдиҳам омаданд, то дар ҷаласаи навбатии СПАД иштирок намоянд. Меҳмонони баландпояро худи мизбон Сооронбой Жээнбеков, раисҷумҳури Қирғизистон пешвоз гирифт. 

Дар навори Sputnik Қирғизистон худравҳои зиреҳпуши руасоиҷумҳури кишварҳои ҳамсуд, ки ба Бишкек барои иштирок дар ҷаласа омадаанд, дида мешавад.

Барои мисол, раисҷумҳури Қазоқистон Қосим-Ҷомарт Тоқаев бо худ худрави зиреҳпуши Mercedes-Maybach S600-ро овардааст. Ин худрав қаблан дар ҷаласаи СҲШ, ки дар моҳи июн дар шаҳри Бишкек низ баргузор шуда буд, ба назар мерасид.  

Роҳбари Русия Владимир Путин фурудгоҳи “Манас”-ро бо худрави зиреҳпушӣ муоссири сохти Русия “Aurus”, ки арзишаш 18 миллион рубл аст, тарк кард.

Раисҷумҳурони Қирғизистон Сооронбой Жээнбеков, роҳбари Белорус Александр Лукашенко, Эмомалӣ Раҳмон, Президенти Тоҷикитон ва нахуствазири Арманистон Никол Пашинян фурудгоҳро бо худравҳои зиреҳпуши Mercedes-Benz W222, ки аз тарафи Дастгоҳи иҷроияи раисҷумҳур ва ҳукумати Қирғизистон пешниҳод шудааст, тарк карданд.

945
Барчаспҳо:
Раҳмон, Путин, пойтахт, ҷаласа, сарон, мулоқот, амниятӣ, мошин, СПАД, Қирғизистон

Табобат мекунад: Путин дар бораи нахустин ваксинаи зидди COVID -19 дар Русия - видео

495
Исбот шудааст, ки аввалин ваксинаи сабтиномшуда дар Русия аллакай бехатирӣ ва самаранокии худро нишон додааст

Нахустин ваксина аз коронавируси COVID - 19 дар Русия сабти ном шуд, эълом кард президенти кишвар Владимир Путин.

"Субҳи имрӯз бори нахуст дар ҷаҳон ваксинаи коронавирус сабти ном шуд", - изҳор дошт Путин дар рафти маҷлис бо узви ҳукумати кишвар.

Путин таъкид кард, ки ваксинаи коронавирус аз тамоми ташхисҳои лозима гузаштааст.

Путин аз сабтиноми нахустин ваксинаи зидди коронавирус дар Русия эълон кард

"Медонам, ки ваксинаи мазкур самарабахш аст, маснуияти баданро ҳосил мекунад", - афзуд президенти Русия.

Путин ба коршиносон барои кори фаврӣ ва пурмасъул дар коркарди ваксинаи зидди коронавирус изҳори сипос кард. Ӯ изҳори умедворӣ намуд, ки ба наздикӣ ваксини мазкур дар ҳаҷми зиёд истеҳсол ва ба аҳолӣ дастрас мешавад.

Вазири тандурустии кишвар Михаил Мурашко таъйид намуд, ки нахустин ваксини дар Русия сабтиномшуда аллакай самаранокӣ ва бехатарии худро исбот кардааст.

495
Барчаспҳо:
нахустин, Русия, Владимир Путин

Бомбандози Су-27 ду ҳавопаймои ҷосусии Амрикоро забт кард - видео

721
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

721
Барчаспҳо:
халабон, ҳавопаймо, Русия

Парвози махсус аз Машҳад ба Душанбе: 122 мусофир вориди Тоҷикистон мешаванд

0
Парвози махсус дар ҳамоҳангӣ бо сафорати Тоҷикистон дар Эрон сурат гирифта, 122 мусофир озими Тоҷикистон хоҳанд шуд

ДУШАНБЕ, 13 авг — Sputnik. Интизор меравад, имрӯз 13 - уми август аз шаҳри Машҳади Эрон парвози махсус ба Тоҷикистон анҷом ёбад, хабар медиҳад Парс тудей.

Ба иттилои манбаъ, парвози махсус бо ҳамоҳангии сафорати Тоҷикистон дар ҷумҳурии исломии Эрон ва бар асоси меъёрҳои шадиди тандурустӣ анҷом мешавад.

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

Гуфта мешавад, қаблан сафорати Тоҷикистон дар Эрон хоҳишмандони сафар ба Тоҷикистонро номнависи карда буд.

"Дар парвози имрӯз ҳудуди 122 мусофир аз ҷумла шаҳрвандони Тоҷикистон ва Эрон озими Душанбе ҳастанд, ки дар идома бо ҳамин парвоз шаҳрвандони эронии сокини Тоҷикистон ба ватанашон боз хоҳанд гашт.

Дар пайи шуюи вируси корона парвозҳои мамулии миёни кишварҳои дӯст ва бародари Эрон ва Тоҷикистон қатъ шуда ва дар ин охир танҳо ду парвози ихтисосӣ миёни ду кишвар анҷом шуда, ки инак парвози севвум дар роҳ аст.

Қарор аст, парвози оянда дар масири Машҳад ба Душанбе ва баръакс рӯзи  3 -юми сентиябр сурат гирад.

0