Баҳс дар интернет бо муштзанӣ анҷомид: штангабардор зидди Емеляненко-видео

1130
(Таҷдидшуда 14:37 30.11.2019)
Шоми гузашта дар Маскав муштзании штангабардор Михаил Кокляев бо размикор Александр Емеляненко баргузор шуд, ки дар даври аввал анҷом ёфт

Кокляев, ки нахустин қадамҳояшро дар майдони муштзанӣ гузоштааст, дар даври аввал шикаст хӯрд.

Ин муштзанӣ дар пайи як баҳс дар шабакаҳои иҷтимоӣ, ки зимни он Кокляев Емеляненкоро ба майдон хонд, баргузор шуд. Размикор низ ба даъвати штангабардор посухи мусбат дод.

Сабқат бар асоси қоидаҳои муштзанӣ баргузор шуда, дар назар буд, ки 4 давр 3-дақиқаӣ давом ёбад. Аммо дар амал 13 сония то анҷоми даври аввал пирӯзии Емеляненко анҷом ёфт.  

Шарти Майк Тайсон барои баргаштан ба майдони муҳориба - навор

Емеляненко барои сабқати кӯтоҳ мухлисон узр хоста, гуфт, ба ҳадди имконаш дар ин сабқат таъхиркорӣ карду талош дошт, то дертар давом кунад.  

Қабл аз муҳориба низ бисёри коршиносону мухлисон пирӯзии Емеляненкоро пешгӯӣ карда буданд, чун таҷрибаи зиёди муштзанӣ дорад.

1130
Барчаспҳо:
шикаст, пирӯзӣ, муштзанӣ, Русия

Дарёфти кӯдаки зинда аз макони суқути ҳавопаймо дар Покистон - навор

385
Дар ҷои суқути ҳавопаймои Airbus A320 дар Покистон кӯдаки зинда ёфт шуд. Сабт нишон медиҳад, ки чӣ тавр як мард кӯдакро аз минтақаи суқути ҳавопаймо берун меорад

Ба эҳтимоли зиёд оилаи ин кӯдак дар яке аз хонаҳое, ки ҳавопаймои болои онҳо сарозер шуд, зиндагӣ мекунад, менависад The Mirror. Феълан аз тақдири хонаводаи ин кӯдак иттилое дар даст нест.

Аз навор бармеояд, ки дар маҳалли ҳодиса артиши нерӯҳои вокуниши фаврӣ ва сӯхторнишонҳо фаъолият мебаранд.

Ёдовар мешшавем, ки рӯзи 22 - юми сай дар Покистон ҳавопаймои мусофирбар ба далели нуқси техникӣ дучори садама шуда, болои биноҳои истиқоматӣ сарозер шуд.

Дар ҳавопаймо 91 сарнишин ва халабонҳо қарор доштанд. Гуфта мешавад, ҳадди ақал 90 мусофири ин ҳавопаймо ҷон боохтанд.

385
Барчаспҳо:
навор, суқут, ҳавопаймо, Покистон

Нахустин навор аз ҷои суқути ҳавопаймо дар Қарочӣ - видео

1029
(Таҷдидшуда 22:19 22.05.2020)
Ҳавопаймои ширкати Pakistan International Airlines дар наздики фурудгоҳи Қарочӣ суқут кард. Гуфта мешавад дар дохили он 90 кас будааст.

Имрӯз дар наздикии фурудгоҳи шаҳри Қарочӣ ҳавопаймо суқут карда, ба болои манзилҳои истиқоматӣ афтод.

Airbus A320 аз шаҳри Лоҳур ба самти Қарочӣ парвоз мекард. Шоҳидон мегӯянд, киштии ҳавоӣ якбора ба болои чанд манзили истиқоматӣ сарозер шуд.

Дар баробари ин бино ба гузориши расонаҳо, хушбахтона аз ин ҳодисаи нохуш чандин кас ҷон ба саломат бурдааст.

Лаҳзаи суқути ҳавопаймои ҷангии Қазоқистон ба навор уфтод - видео

Феълан дар ҷои ҳодиса қувваҳои мусаллаҳ, мошинҳои оташнишонӣ ва ёрии таъҷилӣ кор мебаранд.

Ҳамчунин мақомоти қурдатии Покистон аллакай аз рӯи ин ҳодиса парванда кушода, тафтишотро оғоз кардаанд.

Гуфта мешавад, ки дар гуфтугӯи охирин бо диспечер сарнишинон аз нуқси муҳаррик гуфтаанд.

1029
Барчаспҳо:
суқут, навор, Покистон
Главный корпус больницы Истиклол

Поёнравӣ ё оромии қабл аз тӯфон: дар шифохонаҳои Тоҷикистон чӣ хабар аст?

316
(Таҷдидшуда 02:25 25.05.2020)
Маҷмӯаи иттилооти дасти аввал аз шифохонаҳо нишон медиҳад, ки шуюъи “вируси корона” дар Тоҷикистон сайри нузулӣ дорад. Аммо мутахассисин мегӯянд, барои кафкӯбӣ кардан ҳанӯз вақт ҳаст

ДУШАНБЕ, 24 май — Sputnik. Масъулини дасти кам 10 шифохонаи шаҳру навоҳӣ ва вилоят ба Sputnik Тоҷикистон таъйид карданд, ки теъдоди маризон рӯ ба коҳиш оварда, утоқҳои табобатӣ холӣ мешаванд.

Эмомалии Мирзо, сухангӯи вазорати тандурустӣ ва ҳифзи иҷтимоии Тоҷикистон гуфт, 23 май, вазири тандурустӣ ба вилояти Хатлон сафар дошт, то бо вазъ дар маҳалҳо ошно шавад.

Вай афзуд, бино ба иттилое, ки сардухтурон дар ихтиёри вазир гузоштанд, тайи рӯзҳои ахир теъдоди назарраси маризон шифо ёфта, ба хонаҳои худ рухсат шудаанд.

“Масалан, дар шифохонаи марказии ноҳияи Ёвон ҳамагӣ чор мариз бистарӣ буданд. Ҳамин гуна вазъ дар Шифохонаи марказии шаҳри Бохтар, маркази вилоят низ мушоҳида шуд. Дар умум аз садҳо нафаре, ки тайи 20 рӯзи ахир дар шифохонаҳои ин вилоят таҳти тадовии табибон буданд, ҳудуди 200 нафар боқӣ мондаанд. Инҳо ҳам ба зудӣ рухсат хоҳанд шуд”, - гуфт Эмомалии Мирзо.

Бистарӣ шудани собиқ ноиби раиси парлумон дар шуъбаи эҳёи бемористони сироятӣ-акс

Ба гуфтаи сухангӯи вазорати тандурустӣ, дирӯз аз шифохонаҳои шаҳри Душанбе дар умум 500 нафар, ки бо маризиҳои мухталиф, аз ҷумла “вируси корона” ва “пневмония” бистарӣ буданд, ба хонаҳои худ рухсат шудаанд.

Бино ба иттилои дарёфтӣ, то лаҳзае, ки ин гузориш омода мешуд, дар корпуси 2 – и Маркази миллии тиббии Тоҷикистон - "Шифобахш", маъруф ба Шифохонаи Қарияи Боло, ҳамагӣ 4 мариз бистарӣ буданд ва дар корпусҳои 4, 6, 8 ва кардиологияи ин марказ, ки тақрибан 500 нафар табобат мегирифтанд, се рӯз ба ин сӯ касе бистарӣ нашуда, теъдоди онҳое, ки таҳти назоратанд, аз 100 поён шудааст.

Бино ба манобеъи мо, бештари маризон ба Маҷмааи тандурустии “Истиқлол” муроҷиат мекунанд ва он ҷо низ теъдоди муроҷеин аз садҳо нафари даҳаҳои аввалу дуюми моҳи равон ба 20 – 30 нафар коҳиш ёфта, рӯзщои ахир то 30 - 40 нафар аз шифохона рухсат мешаванд.

Омори мудҳиш: шумори гирифторини COVID-19 дар ҷаҳон аз 5 миллион нафар гузашт

Вазъи ҳамсон дар Шифохонаи маризиҳои сироятӣ ва ҳам Маркази гастроэнтрологияи Душанбе низ мушоҳида мешавад. Сухангӯи вазорати тандурустӣ ва ҳифзи иҷтимоии Тоҷикистон вазъи Вилояти Мухтори Кӯҳистони Бадахшон ва Навоҳии тобеъи ҷумҳуриро низ рӯ ба беҳбудӣ арзёбӣ кард.

“Хушбахтона, Вилояти Мухтори Кӯҳистони Бадахшон дар қиёс бо дигар вилоёт садамаи камтар расида, ҳоло теъдоди маризон бамаротиб коҳиш ёфтааст. Иттилое, ки аз Навоҳии тобеъи ҷумҳурӣ дар ихтиёри мо гузошта мешавад, низ аз поёни омадани мавориди сироят ва фавт ривоят мекунад”, - гуфт Эмомалии Мирзо.

Ду – се рӯз пас

Вилояти Суғд, ки дар баробари пойтахт – Душанбе дуввумин нуқтаи доғи шуюъи “вируси корона” ба ҳисоб мерафт, низ ҳоло шоҳиди беҳбуди вазъ аст.

Ҳанӯз 20 май хабаргузории “Ховар” аз коҳиши муроҷиати маризон ва тадриҷан холӣ шудани шифохонаҳо дар ин вилоят хабар дода буд. Яке аз минтақаҳои доғ ноҳияи Бобоҷон Ғафуров буд, ки бино ба иттилои дарёфтӣ, дирӯз 24 май, охирин гирифторонро рухсат намудааст.

Вазъ дар Хуҷанду Истаравшан, шаҳрҳое, ки мавориди бештари гирифторӣ ба “вируси корона” ва “пневмония” – ро таҷриба кардаанд, низ аз ҳамин қарор аст.

Як манбаъ дар Шифохонаи маризиҳои сироятии шаҳри Хуҷанд, ки бори аслии табобати маризони вазнинро мекашид, ба Sputnik Тоҷикистон гуфт, агар вазъ ба ҳамин минвол идома пайдо кунад, то чанд рӯзи дигар ин шифохона холӣ хоҳад шуд.

Нишонаҳои коронавирус мушоҳида намешуд: сабаби марги раиси Тоҷикобод муйаян шуд

Нигора Наимҷонова, муовини раиси Истаравшан як рӯзи қабл, 24 май, ба Sputnik Тоҷикистон гуфт, ҳоло дар Шифохонаи марказии шаҳр ҳудуди 30 нафар табобат мегиранд.

“Муроҷеъин кам шудаанд ва умедворем, ки то ду – се рӯзи дигар тамоми маризон рухсат шаванд. Аз сӯи дигар, онҳоеро, ки ҳолати сабуку миёна доранд, тариқи гаштҳои хонагӣ ошкор намуда, духтуронро масъули нигоҳубини онҳо кардаем”, - гуфт Нигора Наимҷонова.

Иттилоъе аз ин қабилро дар Шифохонаи марказӣ ва Маркази физиотерпевтии воқеъ дар ноҳияи Ҷаббор Расулов, ки шоҳиди аввалин мавориди расонаишудаи маргумирҳо аз “пневмония” буданд, низ дар ихтиёри мо гузоштанд. Маъруф Ҳоҷибоев, муовини сардори Раёсати тандурустии вилояти Суғд, гуфт, дар ҳоли ҳозир дар 18 ноҳияи вилоят ҳудуди 400 нафар таҳти муроқибати табибон қарор доранд.

“Ҳолати аксарияти кул рӯ ба беҳбудӣ оварда, мавориди вазнин хеле кам шудаанд. Теъдоди фавт низ сахт коҳиш ёфта, ин умедворӣ ба вуҷуд омадааст, ки ба ҳамин қарибӣ вилоят аз ин вабо озод шавад”, - гуфт Маъруф Ҳоҷибоев.

“Мавҷи дуюм”

Дар ҳамин ҳол, ҳамсӯҳбатони мо коҳиши муроҷиати маризон ба шифохонаҳои Тоҷикистонро ҳанӯз анҷоми ин набарди пур аз талафот бо “вируси корона” намебинанд.

Ба қавли онҳо, таҷрибаи кишварҳои дигар нишон медиҳад, ки сайри нузулӣ ё коҳиши мавориди гирифторӣ ҳанӯз комилан аз миён рафтани “вируси корона” буда наметавонад. “Эҳтимол дорад, ки ба истилоҳ, “мавҷи дуюм” моро дар пеш бошад.

Аз ин хотир, мардум набояд фирефтаи ахбори хуш шаванд, балки ҳамоно аз эҳтиёт кор гиранд, пойбанди қавонини беҳдоштиву гигиенаи шахсӣ ва дар хона бимонанд.

Агар вазъ ба ҳамин минвол идома пайдо кунад, тақрибан 20 рӯзи дигар зарур аст, то бигӯем, ки кор тамом шуд ва итминони хотир пайдо кунем”, - гуфт яке аз онҳо.

Дар ҳамин ҳол, оморе, ки вазорати тандурустии Тоҷикистон рӯзи 24 май нашр кард, ҳикоят аз коҳиши ками мавориди гирифторӣ ба “вируси корона” мекунад.

Роҳандозии озмоишгоҳи вирусологӣ дар Хуҷанд барои муайян кардани коронавирус

Бино ба ин манбаъ, аз соати 17 – и рӯзи 22 ба ҳамин соати 23 май дар кишвар 191 (рӯзи қабл 187) ҳолати нави гирифторӣ ба ин маризӣ сабт шуда, теъдоди умумии ибтило ба 2929 маврид расидааст. Масъулин мегӯянд, ин натиҷаи санҷиш ё тестҳоест, ки як ҳафтаи қабл гирифта, ҳоло таъйид шудаанд ва ин бозгӯи вазъи рӯзҳои ахир нест.

316