Муноқишаи дипломатӣ миёни  Русия ва Олмон ба чӣ оварда мерасонад

305
Муноқишаи дипломатӣ байни Олмон ва Русия сар задааст. 4 декабр Вазорати корҳои хориҷии Олмон ихроҷ шудани ду дипломати русро аз кишвар эълом кард. Мо сабабҳои ин тасмими Берлинро шарҳ медиҳем

Олмон ва Русия дар марҳилаи оғози муноқиша қарор доранд. Сабаб ин қарори Берлин дар бораи хориҷ кардани ду дипломати рус аз кишвар аст дар робита бо куштори шаҳрванди Гурҷистон моҳи августи соли равон.

Мақомот мегӯянд, ки гумонбар шаҳрванди Русия аст ва Русияро дар он айбдор кард, ки намехоҳад ба тафтишот кӯмак кунад. Ҳамзамон, дар Маскав ин айбдоркуниҳо ва ҳама гуна робита бо ин ҳодиса рад карда мешавад.

"Ин парванда, албатта, бо давлати Русия ва мақомоти расмӣ ҳеҷ иртиботе надорад. Ман намедонам, беҳтараш аз Вазорати корҳои хориҷӣ пурсед, ки шаҳрванди Русия дар он ҷо чикора буд, оё онҳо шаҳрвандони Русия буданд ё не. Аммо ман бо боварӣ мегӯям, ки ин ҳодиса ба мақомоти  Русия иртиботе надорад", - гуфт Дмитрий Песков, сухангӯи президенти Русия.

Вазорати корҳои хориҷии Русия қарори Берлинро ноадолатона  номида, ваъда додааст, ки вокуниш нишон хоҳад дод. Дар ҳамин ҳол, коршиносон ин ҷанҷолро ба сохтмони лӯлаи гази “Северный поток - 2”, ки аз ин ИМА, Польша ва кишварҳо Балтика норозианд рабт доданд.

Вашингтон кайҳо боз талош мекунад, то ин лоиҳаро халалдор кунад, аз чумла тавассути фишори бевосита ба Олмон. Эҳтимол аст, ки мухолифони сохтумони лӯлаи газ боз як ҷанҷоли монанд  ба “Скрипал”-ро оғоз карданд, то ки муносибатхои байни Москва ва Берлинро халалдор кунад.

Умед аст, ки дар Олмон ақли солим ва равиши прагматикӣ ҳоло ҳам вуҷуд доранд ва пирӯз хоҳанд шуд.

305
Барчаспҳо:
газ, муносибат, Олмон, Русия

Набарди Ҳабиб бо Гетҷи: кӣ ғолиб меояд

2250
(Таҷдидшуда 02:26 25.10.2020)
Муҳорибаи калидии UFC 254 дар шаҳри Абу - Дабӣ ин набарди Ҳабиби Нурмуҳаммадов ва Ҷастин Гетҷи мебошад

Ҳамакнун Қаҳрамони UFC дар вазни сабук, размикори доғистонӣ Ҳабиб Нурмуҳаммадов дар доираи муҳорибаи UFC 254 дар Абу-Дабӣ бо рақибаш Ҷастин Гетҷи вориди октагон гардиданд.

Муҳорибаи мазкур  рақобати калидии ин шом хоҳад буд.

Ҳар ду размикор аллакай аз маросими вазнкашӣ гузаштанд ва вазни онҳо баробар ба 70 килограмму 300 грамм мебошад.

Зимнан, маросими вохӯрии "чашм ба чашм" хеле оромона баргузор шуда буд. Варзишгарон бидуни ягон нағмакорӣ дасти ҳамдигарро сахт фишурданд.

Барои размикори доғистонӣ ин аллакай 29 - умин рақобат ба ҳисоб меравад. Ҳабиб то ҳол дар ягон муҳорибаи худ ба бохт дучор нашудааст.

Рақиби ӯ Ҷастин Гейҷӣ бошад, танҳо ду маротиба аз 22 рақобати доиргардида, мағлуб шудааст.

2250
Барчаспҳо:
навор, муҳориба, Ҳабиб Нурмуҳаммадов

Ҳабиб урён ва Гейҷӣ бо ниқоб: навори вазнченкунии размикорон

1356
(Таҷдидшуда 17:51 24.10.2020)
Қабл аз муҳорибаи дарпешистодаи Ҳабиб Нурмуҳаммадов а Ҷастин Гейҷӣ, маросими вазнченкунии онҳо баргузор шуд

ДУШАНБЕ, 24 окт – Sputnik. Қаҳрамони UFC дар вазни сабук Ҳабиб Нурмуҳаммадов имрӯз бори саввум барои ҳифз намудани камрбанди қаҳрамонияш талош мекунад. Қабл аз муҳориба, ҳар ду размикорро болои тарозу бароварда, вазнашонро санҷиданд.

Бар тибқи натиҷаи маросими вазнченкунӣ, Ҳабиб ва Гейҷи вазни баробар доштанд. Ҳар ду варзишгар 70 килограмму 300 грам вазн доранд.

Ҳабиб тамоман урён  болои тарозу баромад ва каме ҳаяҷонзада ҳам буд. Гейҷӣ бошад, бо ниқоби тиббӣ ва табассумкунон вазнашро санҷид.

Муҳорибаи онҳо шоми имрӯз соати 21:00 ба вақти Маскав ва 23:00 ба вақти Душанбе доир мешавад.

Ҳабиб ҳоло ҳамаи муҳорибаҳояшро бидуни мағлубият анҷом додааст. Рақиби ӯ бошад ҳамагӣ ду маротиба рақобатро бохт.

1356
Барчаспҳо:
вазн, муҳориба, Ҳабиб Нурмуҳаммадов
Генеральный директор Ассоциации Аэропорт Виктор Горбачев

Горбачёв дар бораи омодагии фурудгоҳҳои Тоҷикистон барои барқарории парвозҳо гуфт

0
(Таҷдидшуда 23:48 24.10.2020)
Пас аз кушодани сарҳадҳо, ҳаракати ҳавоӣ байни кишварҳои ИДМ-ро аз сар гирифтан мумкин аст, гуфт директори генералии Ассотсиатсияи "Фурудгоҳ" Виктор Горбачёв

ДУШАНБЕ, 25 окт — Sputnik. Мақомоти Тоҷикистон ва Узбакистон дар бораи азсаргирии парвозҳо байни Тошканд ва Душанбе ба созиш расиданд.

Тибқи маълумоти пешакӣ, нахустин парвози ҳавопаймоҳо байни пойтахтҳои Тоҷикистон ва Узбакистон рӯзи 28 октябр сурат мегирад.

"Ҳоло муҳим аст, ки парвозҳо ҳадди аққал ба ҳамсоягон ва Русия дубора аз сар гирифта  шаванд, дар он сурат барқарорсозӣ хоҳад шуд",- гуфт Горбачёв ба Sputnik Тоҷикистон.

Ба гуфтаи ӯ, авлавияти аввалин кушодани марзҳост. Вақте ки табибон марзро боз мекунанд, он гоҳ муҳокимаи барқарор кардани парвозҳо оғоз мешавад, таъкид кард ӯ.

Ба андешаи ӯ, ширкатҳои ҳавопаймоӣ метавонанд дубора парвозҳоро дар тӯли як ҳафта омода кунанд, дар ин давра нуқтаҳои санҷиши иловагӣ кушода мешаванд, вагарна онҳое, ки меоянд, пас аз расидан бояд карантинии дуҳафтаинаро гузаранд.

Ҳама фурудгоҳҳои ИДМ пас аз иҷозаи тиббӣ пас аз як ҳафта омода мешаванд.

Беш аз сад парвоз то охири моҳ: ҷадвали нави парвозҳо миёни Русия ва Тоҷикистон

Вай инчунин қайд кард, ки ҳамаи фурудгоҳҳои Русия, ки парвозҳо ба хориҷ аз он анҷом дода мешаванд, бо ҳама чизҳои зарурӣ барои ташхисҳои экспресс таъмин мебошанд, ки натиҷаро дар як соат медиҳанд.

0
Барчаспҳо:
фурудгоҳҳо, парвозҳо, Русия, Тоҷикистон