Фарзона бо оши палав ва ширинӣ дили доварони "Зебосанам - 2019" - ро "ёфт" - видео

459
(Таҷдидшуда 19:45 09.12.2019)
Фарзона Илҳомзода бо забондонӣ, тарроҳӣ, ошпазию ҳунармандӣ доварони озмуни "Зебосанам - 2019" - ро тасхир карда, бо гирифтани 37 хол ғолиби навшри навбатӣ шуд ва ба даври ниҳоии озмун роҳ ёфт

Дар шаҳри Душанбе марҳилаи дуюми озмуни ҷумҳуриявии "Зебосанам - 2019" оғоз шуд.

Аз даври аввали озмун, ки дар вилояти Суғд, Хатлон, ВМКБ, ноҳияҳои тобеи ҷумҳурӣ ва шаҳри Душанбе баргузор шуд, ҳамагӣ 70 гулдухтар ба даври дуюм роҳхат гирифтанд. Акнун ҳар барномае, ҳафт нафарӣ ҳунару маҳорати худро пешкаши доварон мекунанд ва танҳо ду кас аз як барнома, бо гирифтани бештарин танга, ба даври ниҳоӣ роҳхат мегирад.

Ба ҳунару зебогии духтарон дар марҳилаи дуюми озмун чаҳор довар - корманди соҳаи телевизион ва радио Дилхоҳи Нозиршоҳ, овозхон Зафар Абдуалимов ва коргардон Соро Музофиршоева баҳогузорӣ карданд.

Доваронро ҳунару ҷасорати ҳамаи духтарон дар ҳайрат гузошт, бахусус забондонӣ ва ҳунармандии Фарзона Илҳомзода ҳамаи доваронро тасхир кард.

Соҳибкор ва модари ду фарзанд: Мафтуна мехоҳад ситораи синамо шавад - видео

Ҳамин тавр бар хилофи барномаҳои пеш, ки аз байни ҳафт ширкаткунанда танҳо ду нафар ба даври ниҳоӣ роҳ меёфт, ин бор се кас Фарзона Илҳомзода - сокини шаҳри Душанбе ду зебосанами дигар - нахустин намояндаи ВМКБ Ҷамила Мамадалибекова ва намояндаи шаҳри Панҷакент Шукрона Мирзоева бо гирифтани 35 холӣ ба даври ниҳоии озмун роҳхат гирифтанд.

Даври дуюми озмун идома дорад ва рақобати зебосанамҳоро барои роҳ ёфтан ба даври ниҳоӣ, аз барномаҳои оянда тамошо хоҳем кард.

Зебо ва самимӣ: Дилфуза Худоёрова доварони "Зебосанам - 2019" - ро тасхир кард - видео

Ёдрас мешавем, ки мақсад аз гузаронидани озмунро эҳёи анъанаҳои мардумӣ, рушду равнақи либосҳои миллӣ, тарғиби ҳунармандӣ дар байни ҷавондухтарон, бахусус интихоб ва пӯшидани либосҳои миллӣ, оро додани рӯю мӯй, тарзи дурусти истифодаи ҷавоҳирот аз ҷониби гулдухтарон, арҷгузорӣ ба анъанаҳои миллӣ, баланд бардоштани маърифати сиёсиву фарҳангии ҷавондухтарон ва ҳидояти онҳо барои бунёди оилаи солиму баркамол мебошад.

Нигина Амонқулова арзёбӣ кард: "Зебосанам - 2019" дар Панҷакент - видео

Озмун аз рӯи шартҳои муаррифии ҳусни зебоии табиӣ, эҷодкорӣ, санъаткорӣ, малакаи суханварӣ, маҳорати либоспӯшӣ ва саҳнабароӣ, қобилияти ҳаракатҳои мавзун, қобилияти фикрронӣ, фарҳанги зебоипарастӣ ва ҳунарнамоӣ баргузор мешавад.

459
Барчаспҳо:
Душанбе, озмун, зебосанам, зебосанам
Мавзуъ
Доварони "Зебосанам - 2019" хонандаи суруди Муқаддас Набиеваро гирён карданд - видео
Зебо ва самимӣ: Дилфуза Худоёрова доварони "Зебосанам - 2019" - ро тасхир кард - видео
Зебо ва сухандон: Мунира доварони "Зебосанам - 2019" - ро тасхир кард - видео
Нигина Амонқулова арзёбӣ кард: "Зебосанам - 2019" дар Панҷакент - видео

Таркиши шадид дар Бейрут: даҳҳо нафар ҳалоку маҷрӯҳ шуда, биноҳои зиёд хароб гаштанд-навор

916
(Таҷдидшуда 22:09 04.08.2020)
Дар Бейрут таркиши шадид рух дод, ки дар натиҷа даҳҳо бинову манзилҳои зистро комилан хароб намуд. Зери харобаҳо чандин нафар қарор доранд

Сокинони Бейрут лаҳзаи таркиши шадидиро тавонистанд ба навор гиранд ва дар шабакаҳои иҷтимоӣ паҳн кунанд.

Қувваи таркиш ба ҳадде буд, ки тирезаҳои биноҳои шикаста, чандин манзилҳо аз шиддати таркиш фурӯ рехтанд.

Гуфта мешавад, таркиш дар анбори маводҳои пиротехникӣ сар задааст.

Феълан маълум нест, ки миёни харобаҳо чӣ миқдор мардум қарор дорад. Наҷотбахшон аз маҳали ҳодиса чандин нафаронро кӯч доданд, ки сахт ҷароҳатдор шудаанд.

"Тибқи иттилои роҳбари Вазорати тандурустии Лубнон Ҳамад Ҳасан, дар бандари Бейрут як киштии дорои пиротехника таркид. бар тибқи маълумоти пешакӣ, даҳҳо нафар бар асари ин ҳодиса фавтиданд".
916

Ташхиси ниҳоии ихтиёриён натиҷаи хуб дод: онҳо алайҳи коронавирус масуният доранд - навор

237
Пас аз 42 рӯзи озмоиши ваксинаи алайҳи коронавирус дар бадани ихтиёриён онҳо аз ташхиси пурраи табӣ гузаронданд. Натиҷаи ташхиси онҳоро пизишкон хуб арзёбӣ мекунанд

Пизишкон аз натиҷаи ташхиси гурӯҳи ихтиёриён, ки дар озмоиши ваксина алайҳи коронавирус иштирок доштанд, ризо ҳастанд ва онро хеле босамар арзёбӣ мекунанд.

Бар тибқи натоиҷи ахири ихтиёриён ҳамаи онҳо дорои масуният алайҳи ин маризӣ мебошанд.

Пизишкон мегӯянд аз замони ваксин гирифтан то 42 рӯзи охир дар организми ихтиёриён ягон дигаргунии нигаронкунанда мушоҳида нашуд. 

"Ҳамаи онҳо худро хеле бардаму солим ҳис мекунанд", - таъкид менамоянд табибон.

Профессор гуфт кай алайҳи коронавирус ваксина пайдо мешавад

Қобили зикр аст, ки сар аз якуми сентябр истеҳсоли сартосарии ин ваксина ба роҳ монда мешавад ва авоили моҳи октябр дар Русия эмгузаронии ройгон алайҳи коронавирус пиёда мешавад.

Вазорати тандурустии Русия мегӯяд, нахуст пизишкон ва табибон ваксин мегиранд. 

Нахустин ваксини сохти Русия имсол барои кӯдакон дастнорас хоҳад буд. Пас аз даври пурраи озмоиши ин дору дар бадани одамони калонсон ба эмкунии кӯдакон ҳам шурӯъ мешавад, аммо на дертар аз соли оянда.

237
Строительство аквапарка в Варзобе

Афзоиши бунёди манзил дар Тоҷикистон дар замони пандемия

0
(Таҷдидшуда 11:13 06.08.2020)
Кумитаи меъморӣ ва сохтмони Тоҷикистон аз афзоиши сохтмони манзилҳои истиқоматӣ давоми нимсолаи ҷорӣ хабар медиҳад

ДУШАНБЕ, 6 авг — Sputnik. Ба иттилои манбаъ, зиёдшавии сохтмон алахусус дар бахши хусусӣ, ки асосан хонаҳои истиқоматии 1 ва 2-ошёна сохта мешаванд, ба назар мерасад.

Тибқи иттилои Кумита, дар нимсолаи аввали соли равон бинои истиқоматӣ бо масоҳати умумии 469 ҳазор метри мураббаъ ба истифода дода шудааст, ки нисбат ба ҳамин давраи соли гузашта 16% зиёд мебошад.

Манбаъ мегӯяд, биноҳои бисёрошёна, асосан дар шаҳрҳо ва марказҳои вилоятҳо сохта мешаванд, ки дар онҳо системаи канализатсия мавҷуд аст. Аз ҷумла, дар шаҳри Душанбе дар ин давра 62,3 ҳазор метри мураббаъ манзил ба истифода дода шудааст.

Ба гуфти  Кумитаи меъморӣ, набудани системаи канализатсия дар бисёр шаҳрҳо ва минтақаҳои Тоҷикистон сохтани бинои бисёрошёнаро душвор мегардонад.

Иттилоияи Кумитаи меъмории Тоҷикистон дар ҳолест, ки коршиносон аз коҳиши сохтмонҳо бинобар пандемияи коронавирус мегӯянд.

Бинои парлумон ва роҳ месозанд: Тоҷикистон интизори коргарони чинӣ аст

Ба таъкиди коршиносон, агар қаблан дар Тоҷикистон одамон малағро барои хариди хонаҳо ба биноҳи навсох медоданд, ҳоло вазъ дигар шудааст ва сокинон кӯшиш мекунанд, ки пасандозҳои худро сарф накунанд.

Гуфта мешавад, камшавии якбораи интиқоли маблағҳои муҳоҷирони меҳнатӣ, асосан аз Русия, ба соҳаи сохтмон низ таъсир мерасонад.

Дар Тоҷикистон шумораи ширкатҳои сохтмонӣ 14% кам шудааст

Кумитаи давлатии меъморӣ ва сохтмонсозии Тоҷикистон ахиран аввали солӣ ҷорӣ гуфта буд, ки таи 7 соли ахир дар ин кишвар наздик ба 8 миллион метри мураббаъ манозили маскунӣ ба баҳрабардорӣ расида.

 

0