Соҳиба Давлатшоева мушкили аслии санъати тоҷикро гуфт - видео

1046
(Таҷдидшуда 01:25 01.01.2020)
Раҳбари ансамбли фолклории "Помир", фалаксарои маъруф Соҳиба Давлатшоева мегӯяд мушкили аслии санъати тоҷик дастгирӣ наёфтани ҳунармандони асил аст

Соҳиба Давлатшоева овозхони маъруф ва фалаксаро, роҳбари ансамбли "Помир" - 26 феврали соли 1970 дар деҳаи Чарсеми ноҳияи Шуғнони ВМКБ ба дунё омадааст.

Ӯ аз шашсолагӣ суруд мехонд ва аз синфи 1 дар чорабиниҳои фарҳангии мактабӣ ширкат мекард.

Солҳои баъдӣ ширкаткунандаи фаъоли озмунҳои "Ғунчаҳои умед" ва "Бӯстон" буд, ки барои дарёфти истеъдодҳои ҷавон аз манотиқи дурдасти Тоҷикистон баргузор мешуд.

Хатмкардаи Донишгоҳи санъати Тоҷикистон ба номи Мирзо Турсунзода мебошад. Миёни мардум бо таронаҳои халқӣ ва фалакӣ машҳур аст.

Соҳиба бовар дорад, ки шеъри Абуабдуллоҳ Рӯдакӣ "Чун теғ ба даст орӣ, мардум натавон кушт", ӯро миёни мардум машҳур кард.

Ӯ ахиран дар ҷашнвораи байналмилалии "Таронаҳои Шарқ", ки дар майдони Регистони Узбакистон баргузор шуд, ширкат карда, мақоми саввумро гирифт. Ӯ раҳбари ансамбли этнографии "Помир" дар шаҳри Душанбе мебошад.

1046
Барчаспҳо:
мушкил, муаррифгари санъати тоҷик, Соҳиба Давлатшоева

Сӯхтори бузург дар маъдани тилло дар Қирғизистон - навор

173
(Таҷдидшуда 18:22 19.10.2020)
Дар интернет навори шоҳидон аз оташсӯзии шадид дар маъдани тилло дар ҷумҳурии Қирғизистон нашр шудааст

Ҳодиса субҳи душанбе дар кони Иштамбердӣ, дар дар ноҳияи Алабуки вилояти Ҷалилобод рух додааст.

Бино бар иттилои раёсати корҳои дохилӣ дар ноҳия, маълумот дар бораи сӯхтор ба навбатдор соати 10:15 расидааст. Сӯхтор дар биное сар задааст, ки ба ширкати Full Gold Mining тааллуқ дорад.

Барои бартараф кардани сӯхтор ду воҳидҳои сӯхторхомӯшкунӣ ирсол гардид.

Бино бар иттилои пешакӣ оташсӯзӣ дар натиҷаи корҳои кафшергарӣ сар задааст.

Шоҳидон дар Фейсбук навори сӯхтори мудҳишро нашр кардаанд. Ба гуфтаи онҳо, оташ аз қисми истеҳсолии маҷмаа, ки дар он сианид истифода мешавад, забона задааст. Раёсати ВКД ин маълумотҳоро рад мекунад.

173

Кӯдакони пуристеъдод: навори пурраи давраи 5-уми "Ты супер!"

139
Шоми якшанбе дар телевизиони НТВ-и Русия тамошобинонро вохӯрӣ бо озмуни мусиқии "Ту беҳтаринӣ!" интизор буд

Истеъдодҳои ҷавон ҳунари худро ба ҳакамон ва тамошобинон пешниҳод карданд. Ин аллакай фасли чоруми озмуни мусиқӣ аст.

Дар саҳнаи мусиқӣ имсол овозхонҳои нав ва иштирокдорони давраҳои гузаштаи барномаи "Ту беҳтаринӣ!" иштирок мекунанд.

18 октябр давраи 5-уми фасли феълӣ баргузор мешавад.

Дар озмун кӯдакони пуристеъдод аз ИДМ, ки бе падар ё модар монданд, иштирок мекунанд.

"Ты супер!" — лоиҳаи байналмилали мусиқии телевизиони НТВ ва оҷонсии байналмилалӣ ва радиои  Sputnik мебошад.

139
Жители города Душанбе в защитных масках на улице

Кӣ донотар: оғози даври шаҳрии озмуни "Фурӯғи субҳи доноӣ китоб аст" дар Душанбе

0
Дар шаҳри душанбе аз 20 то 23 октябр даври шаҳрии Озмуни ҷумҳуриявии "Фурӯғи субҳи доноӣ китоб аст" доир мегардад

ДУШАНБЕ, 20 окт — Sputnik. Имрӯз бо ибтикори мақомоти шаҳри Душанбе дар "Маркази кӯдакону наврасон"-и пойтахт даври шаҳрии Озмуни ҷумҳуриявии "Фурӯғи субҳи доноӣ китоб аст" оғоз гардид.

Озмуни мазкур то 23 октябри соли равон  идома меёбад. 

Дар ин бора АМИТ "Ховар" бо такя ба Раёсати иттилоот ва робитаҳои хориҷии дастгоҳи Раиси шаҳри Душанбехабар доданд.

"Дар рӯзи аввали даври шаҳрии озмун 32 нафар довталабон аз ноҳияи Фирдавсии пойтахт аз рӯи номинатсияҳои "Хондан ва аз ёд кардани осори адибони классики тоҷик",  "Хондан ва аз ёд кардани осори адибони муосири тоҷик", "Хондан ва аз ёд кардани ашъори бачагона ва афсонаҳои халқи тоҷик", "Хондан ва аз ёд кардани осори адабиёти ҷаҳон" ва номинатсияи "шоирӣ" байни худ рақобат намуда, ба ҳайати ҳакамон истеъдоди худро муаррифӣ менамоянд",-афзуд манбаъ.

Гуфта мешавад, ки дар даври ноҳиявии озмуни мазкур довталабони зиёд ширкат карда, 170 нафар беҳтаринҳо  ба даври шаҳрӣ роҳхат гирифтаанд.

Ғолибони озмун бо мукофотпулӣ ва диплому сипосномаҳои мақомоти шаҳри Душанбе сарфароз гардонида шуда, соҳиби роҳхат ба даври ниҳоӣ, яъне даври ҷумҳуриявии озмуни "Фуруғи субҳи доноӣ китоб аст" мегарданд.

Духтараки панҷакентие, ки Раҳмонро бо шеърхонияш дар ҳайрат гузошт, Шоҳҷоиза гирифт

Ёдовар мешавем, ки Озмуни "Фурӯғи субҳи доноӣ китоб аст" бо Амри президенти Тоҷикистон аз 5 феврали соли 2020 миёни тарбиятгирандагону хонандагони макотиб ва донишҷӯёни муассисаҳои таҳсилоти ибтидоӣ, миёна ва олии касбӣ, баъд аз муассисаҳои таҳсилоти касбӣ (магистрҳо, аспирантҳо, докторантҳо), калонсолон ва намояндагони касбу кори гуногун баргузор мешавад.

Ин озмун бо мақсади баланд бардоштани завқи китобхонӣ, тақвияти нерӯи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ инкишофи қобилияти эҷодӣ, таҳкими эҳсоси худшиносию худогоҳӣ, такмили захираи луғавӣ, тақвияти ҷаҳони маънавӣ гузаронида мешавад.

0
Барчаспҳо:
даври дуюм, озмун, Душанбе