Рақси ҳукуматдорони Туркманистон зери навои мусиқии Бердимуҳаммедов - навор

1016
(Таҷдидшуда 00:33 05.01.2020)
Раисҷумҳури Туркманистон Қурбонгулӣ Бердимуҳаммедов бо шеваи хос соли нави мелодиро дар ҳалқаи ҳукумтдорон ва элиаи ин кишвар ҷашн гирифт

Қурбонгулӣ Бердимуҳаммедов раисҷумҳури Туркманистон соли 2019 - ро ба таври хоса ва фарқкунанда гусел кард. Номбурда дар ҳалқаи ҳукуматдорон ва элитаи ин кишвар дар базми Соли навӣ худ ҳунарнамоӣ кард.

Навори ҳунарнамоии Қурбонгулӣ Бердимуҳаммедов дар як чорбинии Соли навӣ ахиран ба шабакаҳои иҷтимоӣ  роҳ ёфт.

Гуфта мешавад, Бердимуҳаммедов дар ин чорабинии Соли навӣ қариб ним соат дар асбобҳои  мусиқӣ навохт ва иштирокчиён, ки ҳукуматдорон ва доираи элитаи Туркманистонро ташкил медиҳанд, ба шавқи зиёд зери навои мусиқии ӯ рақсиданд.

Ҳунарманди асил будани Бердимуҳаммедов борҳо собит шуда буд. Раисҷумҳур ҳам ҳунари суруд хондан ва ҳам навохтани асбобҳои мусиқиро дорад.

Ҳамаро қоил кард: ҳунари нави президент - штангбардорӣ (ВИДЕО)

Чанде қабл Бердимуҳаммедов дар бораи курраи асп бо лақаби “Ровач”, ки маънии хушиқболро дорад, рэп хонд.
Раисиҷумҳури Туркманистон матни рэпро худаш эҷод карда, дар пойгаи бахшида Иди миллии аспи туркманӣ иҷро намуд. Муаллифи оҳанг -  набераи раисиҷумҳур, Каримгулӣ муаррифӣ шуд, ки зимни иҷрои рэп бо бобояш ҳамовозӣ кард.

Ин дуюмин рэпхонии Қурбонгулӣ Бердимуҳаммедов дар пеши омма мебошад. Ӯ моҳи июли соли 2018 рэп дар мавриди Туркманистони варзиширо иҷро намуд, ки матни он низ моли худи раисиҷумҳур ва оҳанги он маҳсули эҷоди наберааш буд.

1016
Барчаспҳо:
навор, рақс, мусиқӣ, Қурбонгулӣ Бердимуҳаммедов

Боз 300 ҳазор ваксина "Спутник V" дастраси мардуми Аргентина шуд - видео

60
(Таҷдидшуда 17:25 19.01.2021)
Ба фурудгоҳи байналмилалии Буэнос-Айрес ҳавопаймои ширкати Aerolineas Argentinas бо 300 ҳазор вояи ваксинаи "Спутник V" фуруд омад

Ба фурудгоҳи байналмилалии Буэнос-Айрес ҳавопаймои ширкати Aerolineas Argentinas, бо миқдори зиёди ваксинаи зидди вируси корона  фуруд омад.

Ёдрас мешавем, ки ҳамин гуна миқдор  300 ҳазор вояи ваксинаи "Спутник V"  аз Русия ба Аргентина охири моҳи декабр интиқол ёфта буд.

Ваксинаҳоро тавассути мошинҳои боркаш ба минтақаҳои кишвар равон карда шуданд ва баъд аз ба даст овардани ваксина пизишкон фавран ба эмгузаронӣ оғоз карданд.

Гуфта шудааст, ки аввалин эмдашудаҳо кормандони соҳаи тиб буданд.

Ваксинаи бар зидди коронавируси "Спутник V"-и Русияро Маркази миллии таҳқиқоти эпидемиологӣ ва микробиологияи Гамалея дар ҳамкорӣ бо Бунёди сармояҳои мустақими Русия таҳия шудааст.

Мувофиқи натиҷаҳои санҷишҳо ваксинаи "Спутник V" самаранокии 91,4 дарсадиро нишон додааст ва барои ҳолатҳои вазнини коронавирус ҳатто самаранокии 100 дарсадиро низ нишон додааст.

60
Барчаспҳо:
Аргентина, ҳавопаймо, Спутник

ИМА меъёрҳои демократияро хат зад: Володин оид ба маҳдудсозии Трамп дар шабакаҳои иҷтимоӣ

118
(Таҷдидшуда 17:41 19.01.2021)
Бастани сафҳаҳои президенти равандаи ИМА Доналд Трамп дар шабакаҳои иҷтимоӣ нақзи ҳуқуқ ва озодиҳои бунёдӣ аст, мегӯяд раиси Думаи давлатии Русия Вячеслав Володин

Дар ҷаласаи навбатии Думаи давлатӣ, раиси он Вячеслав Володин як қатор масъалаҳои рӯзномаи дохилӣ ва байналмилалӣ, аз ҷумла вазъи ногувори озодии сухан дар Иёлоти Муттаҳида -ро ба миён гузошт.

Володин қарори шабакаҳои иҷтимоиро дар бораи бастани сафҳаҳои президенти раванда Доналд Трампро амали ғайриқонунӣ мешуморад.

Вай қайд кард, ки пештар Иёлоти Муттаҳида стандартҳои демократияро ба тамоми ҷаҳон таълим медод, аммо акнун худи онҳо онҳоро хат задаанд.

"Президенти амалкунанда, ки қариб ҳафтоду панҷ миллион амрикоиҳо ва тарафдоронаш ба ӯ овоз доданд, аз як ҳаққи асосӣ - озодии сухан маҳрум шуданд", - таъкид кард, ӯ.

Вай қайд кард, ки баъзе пойгоҳҳои иттилоотии Амрико монополия мебошанд ва агар онҳо дар кишвари худ чунин рафтор кунанд, пас метавон танҳо тахмин кард, ки онҳо дар дигар кишварҳо чӣ гуна рафтор хоҳанд кард.

Доналд Трамп пас аз изҳороташ дар бораи ошӯбҳои 6 январ дар Вашингтон дар шабакаҳои иҷтимоӣ баста шуд.

“Лаънати Трамп”: коҳиши 51 - миллиарддолларии арзиши Фейсбук ва Твиттер

Сипас, баъди суханронии Трамп тарафдоронаш ба ҳаяҷон омада Капитолиро забт карданд. Панҷ нафар кушта шуданд. Худи президенти равандаи ИМА иттиҳоми таҳрикро рад кард.

 

118
Даст ба дуо, акс аз бойгонӣ

Афзоиши фавти эрониён аз COVID-19

0
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

0
Барчаспҳо:
беморӣ, вируси корона, Эрон