22 - сола: роҳи Чоршанбе ба сӯи пирӯзӣ дар Central Asia Got Talent - видео

811
(Таҷдидшуда 14:52 07.02.2020)
Чоршанбе Аловатов овозхони ҷавони тоҷик ва ғолиби озмуни байнамилалии "Central Asia Got Talent - 2019" имрӯз, 7 феврал 22 сола мешавад

Дар Youtube наворе ҷадиде нашр шудааст, ки роҳи Чоршанберо аз даври аввали озмун то пирӯзӣ дар бар мегирад.

Чоршанбе Аловатов ҳунарманди ҷавон писари сарояндаи маъруф Ақназар Аловатов мебошад.

Ӯ 7 феравли соли 1998 дар шаҳри Хоруғи ВМКБ дар хонаводаи санъаткор ба дунё омадааст.

Муъҷиза: Чоршанбе Аловатов бо суруди Далер Назаров доваронро шигифтзада кард - видео

То синфи панҷум дар мактаби шаҳри Хоруғ таҳсил карда, пас аз кӯчидан ба шаҳри Душанбе, дар мактаби рақами 72-и пойтахт то синфи 9-ум таҳсил кардааст. Пас аз хатми синфи 9 Чоршанбе ҳуҷҷатҳояшро ба Коллеҷи санъати ба номи Аҳмад Бобоқулов супорида, онро дар бахши овозхонӣ хатм мекунад.

То имрӯз Чоршанбе ба Узбакистон, Қирғизистон, Аморати Муттаҳидаи Араб ва шаҳрҳои гуногуни Русия сафар кардаасту мехоҳад боз бештар сайёҳат кунад.

Аз ин рӯ айни замон донишҷӯи соли сеюми бахши сайёҳии Донишгоҳи санъати Тоҷикистон мебошад.

Пирӯзӣ дар Central Asia Got Talent

Чоршанбе Аловатов миёни 12 иштирокдори даври ниҳоии Central Asia Got Talent дар шаҳри Нурсултони Қазоқистон ғолиби асосӣ дониста шуд. 

Чоршанбе Аловатов, ки барандаи 26 ҳазор доллари амрикоӣ шуд, гуфт ҷоизаашро дар роҳи хайр ҳазина хоҳад кард.

Аловатов суруди шодравон Муборакшоро хонд ва доваронро шигифтзада кард - навор

"Албатта, ман ба истеъдоди худ бовар дорам, вале ин ҷо гап сари овоздиҳӣ мерафт ва ман боварӣ надоштам, ки мардуми Осиёи Марказӣ маро инқадар дастгирӣ мекунанд. Фикр мекунам, дуои ҳамон беморон барои пирӯз шудани ман қувваи бештар дод", - гуфт Чоршанбе дар суҳбат бо Sputnik Тоҷикистон.

Аз "Овози тиллоӣ" то "Bob Music Awаrds 2019" ва "Central Asia Got Talent"

Нахустин бор Аловатов соли 2011 дар озмуни "Овози тиллоӣ", дар жанри фалак ширкат карду соҳиби мақоми аввал шуд.Соли 2014 дар озмуни "Шукуфаҳои пойтахт" низ суруде дар жанри фалак иҷро кард ва мақоми аввалро аз худ намуд. 

Соли 2017 дар озмуни "Парвин" ҳунарнамоӣ карду боз соҳиби ҷоизаи асосии озмуни овозхонӣ гардид.

Имсол Чоршанбе аллакай услуби худро ёфта, дар жанри фюжен баромад кард ва дар озмуни  "Bob Music Awаrds 2019", ки даври ниҳоии он рӯзи 28 сентябри соли 2019 дар шаҳри Душанбе баргузор шуд, дар бахши "Беҳтарин овоз" мақоми аввалро соҳиб шуд.

811
Барчаспҳо:
озмун, пирӯзӣ
Мавзуъ
Видеои ҳунарнамоии пирӯзиовари Чоршанбе дар финал ва шоҳҷоизаи 1,6 миллион рублӣ
Муъҷиза: Чоршанбе Аловатов бо суруди Далер Назаров доваронро шигифтзада кард - видео
Истиқболи Чоршанбе дар Душанбе: Ӯ гуфт, ин пирӯзии ҳамаи мост-видео
Соҳиба Давлатшоева дар бораи Чоршанбе Аловатов: "ӯ ифтихори Тоҷикистон аст "
Ёдгор Файзов ба Чоршанбе Аловатов: "мардуми Бадахшон бо шумо ифтихор доранд"
Қадрдонии Ҳукумати Тоҷикистон аз Чоршанбе, Афзалшоҳ ва ансамбли "Зебо"
(0:00 / .00Mb / просмотров видео: 3)

Намози ҷумъа дар масҷиди Ал-Ақсо - пахши мустақим анҷом ёфт

120
(Таҷдидшуда 16:10 05.06.2020)
Дар масҷиди Ал-Ақсои Иерусалим аз имрӯз 5 июн, расман мусалмонон ба хондани намози ҷумъа оғоз карданд

Мусалмонони кишварҳои гуногуни олам бо тадриҷ ба зиндагии маъмулӣ бармегарданд. 

Ҳамин тавр, рӯзи ҷумъа дари масҷиди Ал-Ақсои Иерусалим пас аз чанд муддати таваққуф барои пешгирӣ аз паҳншавии коронавирус, аз сар ба рӯи намозгузорон боз шуд.

Ёдрас мешавем, ки масҷиди Ал-Ақсо 22 марти соли равон ба хотири пешгирӣ аз паҳншавии коронавирус баста шуда буд.

Масоҷиди Маскав боз мешаванд: пӯшидани ниқобу дастпӯшӣ ва риояи фосилаи иҷтимоӣ ҳатмист

Бояд гуфт, дар масҷиди ҷомеъи Маскав имрӯз намози ҷумъаро танҳо имомхатибон бидуни ҳузури намозгузорон хоҳанд хонд. Ва бояд гуфт, ки  намозгузории имомон тариқи пахши мустақим нашр карда мешавад.

120
Барчаспҳо:
намози ҷумъа, Иерусалим
Мавзуҳо:
Пайомадҳои COVID-19 дар Тоҷикистон ва ҷаҳон

"Дар хона бимонед": челленджи футболбозони тоҷик - видео

149
(Таҷдидшуда 15:03 04.06.2020)
Футболбозони маъруфи тоҷик тасмим гирифтанд, барои дастгирӣ намудан аз мухлисони худ дар замони пандемия, челлендж сабт карда паҳн намуданд

Федератсияи футболи Тоҷикистон бо нашри челленджи футболбозони маъруфи тоҷик аз тамоми сокинони кишвар даъват намуданд, ки дар замони пандемия беҳтараш дар хона бимонанд.

Дар навор футболбозони тоҷик тӯбро ба таври маҷозӣ сӯйи ҳамдигар партоб мекунанд.

Ихтирои дастгоҳ барои коронавирус: дар 15 сония безарар мегардонад - видео

Ситораҳои футболи тоҷик, ки дар ин навор сабт гардиданд Шериддин Бобоев, Искандар Ҷалилов, мураббӣ Усмон Тошев, Некубахт Худододова, Нуриддин Давронов, Фатҳулло Фатҳуллоев, Аҳтам Назаров, Иброҳим Рабимов, Парвиз Умарбоев, Алиҷони Айнӣ ва довар Сайид Зайниддинов мебошанд.

Футболбозон аз шаҳрвандони Тоҷикистонро даъват мекунад, ки дар хона бимонанд ва ҳангоми пандемия аз коронавирус ҳамаи чораҳои пешгирикунанда аз паҳншавии коронавирусро риоя намоянд.

149
Барчаспҳо:
навор, тоҷик, футболбозон
Мэр города Душанбе Рустам Эмомали

Рустами Эмомалӣ бо ҷараёни сохтмони мактабу боғча шинос шуд

0
Иншооти мазкур дар доираи тадбирҳои бахшида ба ҷашни 30-солагии Истиқлолият бунёд шуда, дар соли таҷлил аз 29-уми солгарди Истиқлолияти давлатӣ мавриди баҳрабардорӣ қарор мегирад

ДУШАНБЕ, 5 июн – Sputnik. Имрӯз раиси шаҳри Душанбе Рустами Эмомалӣ бо ҷараёни сохтмони як қатор муассисаҳои соҳаи маорифи ноҳияи Шоҳмансур шинос шуд, гузориш медиҳад шаҳрдории Душанбе.

Бино бар иттилои манбаъ, раиси шаҳр аз сохтмони мактаби таҳсилоти миёнаи умумии рақами 102 барои 1200 ҷойи нишаст дар як баст, дар кӯчаи Дӯстии Халқҳо ва Муассисаи томактабӣ барои 600 нафар кӯдак, воқеъ дар кӯчаи Аҳмади Дониш дидан кардааст.

"Иншооти мазкур дар доираи тадбирҳои бахшида ба ҷашни 30-солагии Истиқлолияти давлатии Ҷумҳурии Тоҷикистон бунёд шуда, дар соли таҷлил аз 29-уми солгарди Истиқлолияти давлатӣ мавриди баҳрабардорӣ қарор мегирад", - тавзеҳ медиҳад манбаъ.

Ҷараёни шиносоӣ ва боздиди Раиси шаҳри Душанбе муҳтарам Рустами Эмомалӣ аз рафти корҳои сохтмонӣ дар Муассисаи таҳсилоти миёнаи умумии рақами 102, воқеъ дар кӯчаи Дӯстии Халқҳои ноҳияи Шоҳмансур оғоз ёфт.

 

Ба раиси шаҳр иттилоъ дода шуд, ки то имрӯз дар иншоот корҳои асосии сохтмонӣ ба анҷом расида, ҳоло бинокорон ба  рангу бори дохил ва намои берунаи бино, васлу насби шабакаҳои муҳандисӣ ва ободонии ҳудуди Муассиса машғул мебошанд.

Муассисаи таҳсилоти миёнаи умумии рақами 102-и ноҳияи Шоҳмансур тибқи лоиҳа дар масоҳати 0,68 г. бунёд шуда, аз 4 бинои ҷудогона иборат мебошад.

Муассиса 4 ошёна буда,  51 синфхона, аз ҷумла 38 синфхонаи таълимӣ, 8 синфхонаи лабораторӣ, ба шумули синфхонаи компютерӣ, синфхонаҳои фаннии физика, кимиё, ҷуғрофия, алгебра ва омодагии дифоии ҳарбӣ, синфхонаҳои таълими меҳнат барои духтарону писарон, синфхонаҳои лингафонӣ, мусиқӣ, ҳайкалтарошию расмкашӣ, озомишгоҳ, толори варзишӣ, маҷлисгоҳ бо 400 ҷойи нишаст, ошхона барои 180 ҷой ва китобхона иборат мебошад.

Раиси шаҳр ҳамзамон бо ҷараёни сохтмони бинои Муассисаи томактабӣ барои 600 нафар кӯдак, воқеъ дар кӯчаи Аҳмади Дониш  шинос шуд.

Сохтмони ин муассисаи томактабӣ дар асоси Қарори Раиси шаҳри Душанбе аз 12-уми ноябри соли 2019 оғоз гардидааст.

Масоҳати умумии қитъаи замин барои бунёди кӯдакистон 1,4 гектарро ташкил медиҳад.

Муассисаи томактабӣ аз таҳхона ва 3 ошёна бо болохона иборат буда, дорои 24 толор, аз ҷумла  толорҳо барои бозӣ ва дарсҳои мусиқию рассомӣ, ошхона барои 275 нафар, ду адад ҳавзи шиноварӣ барои 48 нафар, маҷлисгоҳ бо 224 ҷойи нишаст, китобхонаи маъмулӣ ва электронӣ, утоқҳои роҳбарият ва идоракунӣ, маркази тиббӣ, майдончаҳои варзишӣ, фаввораву соябон ва гулгашт  мебошад.

Ҳар як ошёна барои 8-гурӯҳ кӯдакон тарҳрезӣ гардидааст.

 

Иттилоъ дода шуд, ки ҳоло дар иншоот 600 нафар бинокорон ва дигар мутахассисони соҳа дар ду баст фаъолият доранд.

Раиси шаҳри Душанбе муҳтарам Рустами Эмомалӣ масъулинро вазифадор намуданд, ки  дар иншоот ситоди доиамалкунанда ташкил карда, корро дар се баст ба роҳ монанд ва иншоотро то муҳлати пешбинишуда мавриди истифода қарор диҳанд.

Бо ташаббуси Рустами Эмомалӣ “Тоҷикгидроэлектромонтаж” ба вазорати тандурустӣ кумак кард

Дар ин робита Роҳбарияти мақомоти иҷрояи ҳокимияти давлатии ноҳияи Шоҳмансур муваззаф гардид, ки дар ободонии гирду атрофи Муассиса ва рангу бори биноҳои ҳамшафати он саҳмгузор бошанд.

 

0