Чигуна худро аз коронавирус ҳимоя кард: навори омӯзишии КҲФ-видео

765
(Таҷдидшуда 12:33 18.03.2020)
Дар Тоҷикистон барои ба мардум расонидани роҳҳои пешгирӣ аз коронавиру таҳия ва пахши наворҳои кӯтоҳи омӯзиширо шурӯъ кардаанд

ДУШАНБЕ, 18 мар — Sputnik. Кумитаи ҳолатҳои фавқулодда ва мудофиаи граждании Тоҷикистон дар саҳифаи расмияш дар Ютуб навори омӯзишиеро гузошта, гуфтааст тамошои он имкон медиҳад шаҳрвандон дар бораи пешгирии коронавирус маълумот дошта бошанд.

Ба иттилои сомонаи расимии Кумита чунин тасмим ҷиҳати роҳандозии корҳои таблиғотӣ ва пешгирӣ аз сироят ба вируси короно гирифта шудааст.

“Тамошои ин навор имкон медиҳад ҳар нафар барои хубтар аз худ намудани қоидаҳои пешгирии коронавирус ва риояи онҳо маълумоти пурра дошта бошад”,-афзудааст манбаъ.

Дар навори якминутаи видеоӣ гуфта мешавад, барои пешгирӣ аз коронавирус дастонро бояд тез-тез шуст бо собун ё маҳлулҳои махсуси дигар шуед, ҳангоми атса задан рӯйи худро бо рӯйсолчаи яккарата ва ё оринҷ пӯшонид, худро аз шахсоне, ки нишонаҳои шамолхурӣ ва зуком доранд дур гиред.

Ҳамчунин дар навор гуфта мешавад, аз дар шумо таби баланд, душворшавии нафаскашӣ ва сулфа ба мушоҳида расад, ҳатман ба табиби оилавӣ барои табобати саривақтӣ муроҷиат намуда, ба хона даъват созед ва ба худтабобаткунӣ роҳ надиҳед.

765
Барчаспҳо:
Кумитаи ҳолатҳои фавқуллода, Тоҷикистон

Аз тағйирёбии иқлим то камобии имсола: навори суҳбати Раҳмон дар СММ

138
(Таҷдидшуда 17:40 23.09.2020)
Эмомалӣ Раҳмон, раисиҷумҳури Тоҷикистон, дар иҷлосияи 75-уми Маҷмааи умумии СММ аз коронавируси нав, вазъи Афғонистон, сулҳу субот ва тағйирёбии иқлим суҳбат кардбо хушнудӣ қабул дорад

Раисиҷумҳури Тоҷикистон гуфт, мушкилоти марбут ба тағйирёбии иқлим ба кишварҳои гуногун, аз ҷумла Тоҷикистон монеаи ҷиддӣ эҷод менамоянд.

“Тӯли 60 соли охир ҳарорати миёнаи солонаи ҳаво дар Тоҷикистон то як дараҷа баланд шудааст. Вобаста ба ин, шумораи рӯзҳои боришоти шадид ва шиддатнокии падидаҳои табиии гидрометеорологӣ рӯ ба афзоиш ниҳода, сол ба сол зиёни худро мерасонад”, - изҳор дошт Раҳмон.

Ӯ зикр кард, Тоҷикистон, ки 93 фоизи масоҳати онро кӯҳсор ташкил медиҳад, дар натиҷаи офатҳои табиии марбут ба об ҳамасола садҳо миллион доллар зарар мебинад, аксари вақт чунин офатҳои табиӣ сабаби марги одамон мешаванд.

Ба гуфтаи Раҳмон, тӯли даҳсолаҳои охир коҳиши чашмраси масоҳати пиряхҳо, ки барои тамоми кишварҳои Осиёи Марказӣ муҳиманд, ба мушоҳида мерасад.

“Аз 13 ҳазор пиряхе, ки дар кӯҳсори Тоҷикистон ҷойгир мебошад, то имрӯз як ҳазораш нобуд гардидааст. Ва ин ҳама дар ҳолест, ки то 60 фоизи захираҳои оби Осиёи Марказӣ дар ҳудуди Тоҷикистон ташаккул меёбад”, - таъкид кард раисиҷумҳури Тоҷикистон.

Амалиёти пулиси тоҷик дар Африқо ва пешбарии Тоҷикистон ба узвият дар Шӯрои амнияти СММ

Ӯ илова намуд, ки имсол бинобар боришоти кам дар фасли зимистон коҳиши назарраси захираҳои об дар дарёҳои минтақа ба қайд гирифта шуд, ки дар навбати худ боиси камобӣ дар мавсими обёрӣ ва хушксолии шадид гардид.

Дар ин росто, Раҳмон аз Созмони Милали Муттаҳид ва дигар сохторҳои байналмилаливу минтақавӣ даъват ба амал овард, ки ба экспедитсияи тадқиқоти пиряхҳо дар Осиёи Марказӣ ба Тоҷикистон мусоидат намоянд.

138
Барчаспҳо:
Эмомалӣ Раҳмон, суханронӣ дар ҷаласаи СММ, Тоҷикистон-СММ

Оғози машқҳои низомии “Қафқоз-2020”

80
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

80
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия
Призыв, архивное фото

Мулоқоти ошкорои раисон бо даҳҳо наваскарон: Оё “облава” аз байн меравад?

0
(Таҷдидшуда 15:52 24.09.2020)
Дар оғози маъракаи даъвати тирамоҳии ҷавонон ба хизмати сарбозӣ, раисони аксар шаҳру навоҳии Тоҷикистон наваскаронро ба мулоқоти худ пазируфта, аз майли ихтиёран ба хизмат рафтани онҳо хуш истиқбол кардаанд

ДУШАНБЕ, 24 сен – Sputnik. Чанде пеш вохурии Зариф Мирдадо, раиси ноҳияи Ашт бо волидони наваскарони ноҳия баргузор гардида ва дар ин мулоқот аз ихтиёран ба хизмати сарбозӣ рафтани 150 ҷавон иттилоъ дода шуд.

Сулаймонзода Қурбоналӣ комиссари ҳарбии ноҳия изҳори умед намудааст, ки шумори ҷавононе, ки майли рафтан ба хизмати сарбозиро доранд сол аз сол зиёд мешавад.

“Мо бо ҷавонони ҷасуру нотарси худ фахр мекунем ва умед ба он дорем, ки сафи ҷавонони бо амри дил ба хизмат ҳозиршаванда зиёд мегардад”, гуфтааст Сулаймонзода, комиссари ноҳияи Ашт.

Дар ҳукумати шаҳри Хуҷанд низ мулоқоти Маъруф Муҳаммадзода, раиси ин шаҳр бо як гурӯҳ ҷавонон баргузор гардид. Дар ин вохурӣ шуморе аз ҷавонон аз омодагии худ, барои ихтиёран ба хизмат рафтанро баён намудаанд.

Зимнан дар дигар минтақаҳои Тоҷикистон низ мулоқоти роҳбарон бо наваскарон ва волидони онҳо ҷараён дорад.

Баъзе аз масъулин барои ҳавасмандӣ ба ҷавононе, ки бо хоҳиши худ нияти ба хизмат сафарбаршуданро доранд, ройгон додани шаҳодатномаи ронандагӣ ва бархеи дигар ҷудо намудани қитъаи замини наздиҳавлигиро ваъда кардаанд.

Маъракаи даъвати ҷавонон ба хизмати сарбозӣ дар Тоҷикистон ҳамасола дар ду давра, баҳору тирамоҳ баргузор мешавад. Даъвати тирамоҳии ҷавонон ба аскарӣ моҳҳои октябр ва ноябр давом мекунад. Фармони раисиҷумҳури Тоҷикистон, барои даъвати тирамоҳии наваскарон содир шудааст ва тибқи он ҷавонони синнашон 18 -27 сола ба хизмати ҳарбӣ даъват карда мешаванд.

"Моҳҳои октябр ва ноябри соли 2020 дар ҷумҳурӣ даъвати шаҳрвандони ҷинси мард, ки то рӯзи даъват ба синни 18 - солагӣ мерасанд, инчунин шаҳрвандони синну солашон калон, ки ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат ба сафҳои Қувваҳои мусаллаҳи Ҷумҳурии Тоҷикистон даъват карда мешаванд", - омадааст дар қарори раисиҷумҳур.

Чанд сол аст, ки дар ҷараёни иҷроиши нақшаи қабули наваскарон ба қисмҳои ҳарбӣ хабарҳо дар бораи ҳолатҳои сарбозгирӣ ва ё ба истилоҳ “облава” зиёд нашр мешаванд.

Ҳодисаи Зафарободро фаромӯш мекунанд, ё такрор?

Дар ҷараёни маъракаи даъвати баҳории ҷавонон ба хизмати сарбозӣ баҳори имсол як гурӯҳ волидони сарбозон дар ноҳияи Зафаробод иброз намуданд, ки писарони онҳоро, ки ҳама табиб ва дар бемористони ноҳия фаъолият мекарданд, ғайриқонунӣ ба хизмат бурдаанд.

Роҳила Ёдгорова, модари Бахтиёр Ҷумъаев, яке аз чор сорбоз дар ноҳияи Зафаробод ба Sputnik Тоҷикистон иброз намуда буд, ки масъулини комиссарияти ҳарбии ноҳия пеши худ рутбаи ҳарбии писарашро бекор намуда, ӯро ҳамроҳ бо ҳамкасбонаш ба хизмат фиристодаанд.

Ба ҳисоби Бахтиёр Ҷумъаев духтури сироятшинос, Аҳлиддин Ашрафов анастезиолог - реаниматолог, Дилшод Эшонқулов духтури асабшинос ва Шодӣ Шодиев, табиби ҷарроҳ ҳар яки онҳо баъди хатми Донишгоҳи тиббии Тоҷикистон, ки барои муҳассилин курси ҳарбиро низ фароҳам кардааст, бо дипломи олӣ ва билетӣ ҳарбӣ ба сифати табиб дар Беморхонаи ноҳияи Зафаробод аз рӯи касби худ ба фаъолият пардохта буданд, аммо кормандони комиссарияти ҳарбии ноҳия бо бекор кардани рутбаи ҳарбӣ, онҳоро пеши худ ба хизмат бурдаанд.

Дар оғози соли ҷорӣ дар ҷаласаи натиҷагирӣ аз ҷамъбасти маъракаи даъвати тирамоҳии шаҳрвандон ба сафи Қисмҳои низомии кишвар дар соли 2019, муовини сарвазири Тоҷикистон таъкид намуд, ки бо вуҷуди иҷрои саривақтии нақша зиёд камбудиҳо ошкор шудааст.

Ба ҳамин далел нисбати дасти кам 34 корманди комиссариатҳои ҳарбӣ аз ҷазоҳои интизоми ҳарбӣ то озод намудан аз вазифаи ишғолнамуда татбиқ карда шуд.

Эмомалӣ Раҳмон, раисиҷумҳури Тоҷикистон, ахиран дар ҷаласаи бахшида ба 27 - солагии таъсисёбии қувваҳои мусаллаҳ таъкид намуд, ки фарзандони вакилону вазирон бояд дар навбати аввал хидмат кунанд.

Раисиҷумҳур зикр кард, ки роҳбарони ҳамаи зинаҳо, аз аъзои Ҳукумат ва вакилони парлумон то раисони вилоят, шаҳру ноҳияҳо, ҷамоатҳои шаҳраку деҳот, ташкилоту муассисаҳо, хизматчиёни давлатӣ ва соҳибкорон бояд худашон намунаи риояи Конститутсия, Қонуни Тоҷикистон "Дар бораи уҳдадории умумии ҳарбӣ ва хизмати ҳарбӣ" бошанд.

Зимнан дар мулоқоту вохуриҳое, ки раисон бо наваскарон анҷом медиҳанд, сули матраҳ ин аст, ки чи теъдод аз ин ҷавонони бо майли худ ба хизмат раванда писарони нафарони мансабдор мебошанд? Ва ё кифоя аст, ки нақшаи тирамоҳии даъват аз ҳисоби ин теъдод ҷавонон иҷро шуда ва дигар “облава” аз байн меравад? – посухи ин суолро вақт нишон медиҳад, яъне ҷараёни маъракаи тирамоҳии ҷавонон ба хизмати ҳарбӣ.

0
Барчаспҳо:
сарбоз, наваскарон, истиқбол, мулоқот, тирамоҳ, Тоҷикистон