Ниқоби тиббӣ надоред? боке не, тамошои ин навор мушкили шуморо ҳал мекунад

965
Камчинии ниқоби тиббӣ феълан дар ҳамаи кишварҳои Осиёи Марказӣ ва ҳамзамон дар Русия мушоҳида мешавад. Наворе, ки ин ҷо коштем ба мушкили танқисӣ аз ниқоб шояд расидагӣ кунад

Дар шабакаи иҷтимоии YouTube як корбар тарзи омода кардани ниқоби тиббиро нишон додааст, ки бисёр саҳл ва ҳамзамон камхарҷ аст.

Ин корбари шабакаҳои иҷтимоӣ мегӯяд, ниқоби пешниҳоднамудаи ӯ агар сад фисад не, лоақал каме ба мушкили одамон расидагӣ кунад. Барои омода кардани ниқоби тиббӣ танҳо ду мавод лозим аст, яке сачоқи қоғазӣ ва дигаре "резинка" - и борик.

Номбурда сачоқро дуқат намуда аз ду тараф онро бо резинка маҳкам намудааст. 

Мусодираи 3000 ниқоби тиббӣ аз мусофири хатсайри "Қазон-Душанбе"

Бояд гуфт, ки камчинии ниқоби тиббӣ дар замони хуруҷи маризии коронавирус мардуми дар воҳимаафтодаро боз нигаронтар намудааст. Бархе соҳибкорон ва соҳибони дорухонаҳо аз вазъияти феъли суиистифода намуда, арзиши ниқобро якбора боло бардоштанд.

Барои мисол, дар Арабистони Саудӣ нархи ниқоб ба андозаи 17 маротиба гарон шудааст. Чунин вазъият дар Тоҷикистон ва Русия низ мушоҳида мешавад. Сокинон аз он шикоят мекунанд, ки дилхоҳ дорухона ба дархости онҳо барои харид кардани ниқоб, танҳо як ҷавоб доранд, ки "ниқоби тиббӣ" нест.

Ин дар ҳолест, ки Созмони Ҷаҳонии Беҳдошт пӯшидани ниқобро яке аз роҳҳои пешгирӣ аз маризии коронавирус унвон мекунад.

965

Бомбандози Су-27 ду ҳавопаймои ҷосусии Амрикоро забт кард - видео

250
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

250
Барчаспҳо:
халабон, ҳавопаймо, Русия

Таркиши мудҳиш дар Бейрут монеи маросимҳои издивоҷ гардид - навор

634
Таркиши мудҳише, ки дар Бейрут ба вуқӯъ пайваст нақшаи чандин ҷавононро барбод дод. Ҷуфтҳои хушбахт, ба хотири издивоҷ ба калисо омаданд, аммо таркиши шадид онҳоро ба висоли ҳам нарасонд

Пас аз таркиши мудҳиш дар Бейрут дар шабакаҳои иҷтимоӣ наворҳои гуногун аз лаҳзаи таркиш мунташир мешуданд.

Ду наворе, ки аз лаҳзаи омодагӣ ба маросими издивоҷ дар замони таркиш ба шабакаҳо роҳ ёфт, сербинандатаринҳо гардиданд.

Андӯҳи Эмомалӣ Раҳмон аз таркиш дар Бейрут

Дар навор маълум аст, ки меҳмонон барои қисмат кардани хурсандии ду ҷавон ба калисо омаданд ва баробари аз дар даромадани арӯс таркиши мудҳиш сар мезанад. Тирезаҳои  калиса аз шиддати таркиш пора гардиданд ва арӯсу меҳмонон зуд толорро тарк намуданд.

Ҳамчунин як навори дигар аз аксбардории арӯс дар берун аз калиса мунташир шудааст, ки нозу каришмаи духтарро таркиши мудҳиш ба ваҳму ҳарос мубадал намуд.

Таркиш дар бандари Бейрут шоми 4 август рух дод. Мақомоти маҳаллӣ сабаби ин ҳодисаро таркиши 2,7 ҳазор тонна нитрати аммиак, ки дар анбори бандар нигоҳдорӣ мешуд, арзёбӣ намуданд.

Ин маводро соли 2015 хадамоти гумрук мусодира намуда, онро  дар бандари мазкур нигоҳдорӣ мекардааст. Дар Бейрут барои ду ҳафта  вазъияти фавқулода эълон шудааст.

634
Барчаспҳо:
навор, таркиш, Бейрут