Кӯмаки Русия ба Италия: мутахассис, таҷҳизот ва маводи доруворӣ - навор

357
(Таҷдидшуда 15:00 29.03.2020)
Чордаҳ ҳавопаймои ИЛ-76-и нерӯҳои ҳавопаймоии Русия барои кӯмак дар мубориза бо коронавирус ба Италия парвоз карданд.

Чархболҳо аз фурудгоҳи Чкаловский (вилояти Маскав) самти Рим  ирсол гардиданд. Гуфта мешавад, чархболҳо ҳомили тамоми таҷҳизот ва дорувориҳо буда ҳамчун кӯмак ба Италия дар самти пешгирӣ аз паҳншавии ин маризӣ фиристода шуданд.

Зимнан, савори ин чархболҳо эпидемиологҳо ва вирусшиносҳои рус низ ба Италия барои расонидани кӯмак ирсол шуданд.

Пас аз мувофиқа бо ҷониби Италия дар бораи тадбирҳои пешгирӣ ва дезинфексия, онҳо ба иҷрои вазифаҳои пешбинишудаи худ шурӯъ мекунанд.

Аввалин ҳавопаймоҳои Русия ба пойтахт шахсан аз ҷониби Вазорати корҳои хориҷии Италия пешвоз гирифта шуданд.

Таваҷҷӯҳи мардуми маҳаллӣ ба кӯмакҳои ирсолшудаи Русияро аз навори мазкур тамошо кунед.

357
Барчаспҳо:
навор, Италия, Русия, кӯмак

Таркиши мудҳиш дар Бейрут монеи маросимҳои издивоҷ гардид - навор

277
Таркиши мудҳише, ки дар Бейрут ба вуқӯъ пайваст нақшаи чандин ҷавононро барбод дод. Ҷуфтҳои хушбахт, ба хотири издивоҷ ба калисо омаданд, аммо таркиши шадид онҳоро ба висоли ҳам нарасонд

Пас аз таркиши мудҳиш дар Бейрут дар шабакаҳои иҷтимоӣ наворҳои гуногун аз лаҳзаи таркиш мунташир мешуданд.

Ду наворе, ки аз лаҳзаи омодагӣ ба маросими издивоҷ дар замони таркиш ба шабакаҳо роҳ ёфт, сербинандатаринҳо гардиданд.

Андӯҳи Эмомалӣ Раҳмон аз таркиш дар Бейрут

Дар навор маълум аст, ки меҳмонон барои қисмат кардани хурсандии ду ҷавон ба калисо омаданд ва баробари аз дар даромадани арӯс таркиши мудҳиш сар мезанад. Тирезаҳои  калиса аз шиддати таркиш пора гардиданд ва арӯсу меҳмонон зуд толорро тарк намуданд.

Ҳамчунин як навори дигар аз аксбардории арӯс дар берун аз калиса мунташир шудааст, ки нозу каришмаи духтарро таркиши мудҳиш ба ваҳму ҳарос мубадал намуд.

Таркиш дар бандари Бейрут шоми 4 август рух дод. Мақомоти маҳаллӣ сабаби ин ҳодисаро таркиши 2,7 ҳазор тонна нитрати аммиак, ки дар анбори бандар нигоҳдорӣ мешуд, арзёбӣ намуданд.

Ин маводро соли 2015 хадамоти гумрук мусодира намуда, онро  дар бандари мазкур нигоҳдорӣ мекардааст. Дар Бейрут барои ду ҳафта  вазъияти фавқулода эълон шудааст.

277
Барчаспҳо:
навор, таркиш, Бейрут

Табодули таҷрибаву дониш: пизишкони Русия ба хотири кумак озими Қазоқистон шуданд - навор

98
Пизишкони Русия ба хотири имдод расондан ба ҳамтоёни қазоқи худ озими Қазоқистон шуданд ва муддати як моҳ бо онҳо табодули таҷрибаву дониш мекунанд

Пизишкони Русия ба хотири мубориза бурдан алайҳи маризии коронавирус озими Қазоқистон шуданд ва бо ҳамтоёни худ аз ин кишвар табодули донишу таҷриба мекунанд.

Таъкид мегардад, ки пизишкони Русия давоми яе моҳ дар Қазоқистон мемонанд ва роҳи дурусти мубориза алайҳи ин маризиро ба табибони қазоқ нишон медиҳанд.

Русия ба Қирғизистон барои мубориза бо коронавирус кӯмаки навбатӣ расонид

Ба ҳайати табибони рус, ки озими ин кишвар шуданд, пизишкони кӯдакона, анестизологу реанимотолог ва табибони бемориҳои сироятӣ қарор доранд.

Русия дар баробари ирсол намудани пизишкони ботаҷриба ба Ҷумҳурии  Қазоқистон, инчунин маводи доруворӣ ва таҷҳизоти тиббиро низ кумак кард.

98
Барчаспҳо:
навор, Қазоқистон, кумак, Русия
Люди в защитных масках

Сабти 39 мавриди тозаи сироятшавӣ ба коронавирус дар Тоҷикистон: омори нави вазорат

64
Дар Тоҷикистон шабонарӯзи ахир 39 мавриди тозаи гирифторшавӣ ба маризии коронавирус сабт гардид. Вазорат мегӯяд, ягон ҳолати фавт сабт нашуд

ДУШАНБЕ, 8 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 94 нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 39 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба 7745  нафар баробар гардид.

10 миллион нафар дар Афғонистон мубталои коронавирус шуданд

Ҳамзамон, то санаи  8 август дар мамлакат  6528  (84,2%) нафар аз бемории COVID-19 шифо ёфта,  бар асари он 62  нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

64
Барчаспҳо:
омор, Вазорати тандурустӣ ва ҳифзи иҷтимоии аҳолии ҶТ, Тоҷикистон