"Ишораи зебои Путин": ситоиши Трамп аз кӯмаки тиббии Русия

1234
(Таҷдидшуда 19:10 04.04.2020)
Раисҷумҳури Амрико Доналд Трамп ба Русия барои фиристодани таҷҳизоти тиббӣ, ки ҳаёти чандин амрикоиҳоро наҷот медиҳад, изҳори ташаккур намудаст

Трамп гуфт, ки ин "ишораи хеле зебо" аз ҷониби президенти Русия Владимир Путин буд.

"Ман гуфтам, ки онро қабул мекунам (кӯмак).  Русия ва таблиғот ба ман тамоман халал намерасонанд. Ман таҷҳизоти баландсифати тиббиро гирифтам. Он метавонад ҳаёти одамонро наҷот диҳад ва ман ҳар рӯз омодаам, ки онро қабул кунам", - изҳор доштааст кишвардори Амрико дар як нишасти матбуотӣ.

Ҳавопаймои Ан-124 (Руслан) бо таҷҳизоти тиббӣ аз Федератсияи Русия рӯзи чоршанбе дар фурудгоҳи Ҷон Кеннеди (JFK) нишаст. Дар ҳавопаймо ғайр аз таҷҳизоти тиббӣ ҳамчунин маводҳои дезинфексионӣ, айнакҳо, ниқобҳо ва респираторҳо мавҷуд буданд.


Тибқи маълумоти охирин, шумораи ҳолатҳои тасдиқшудаи сирояти COVID-19 дар амрико ба 273 ҳазор нафар расидааст. Беш аз 9 ҳазор бемор шифо ёфтанд ва зиёда аз 7 ҳазор дардманд фавтиданд.

Трамп ба Путин занг зад: раисҷумҳурони Амрико ва Русия дар чӣ хусус сӯҳбат карданд?

Созмони Ҷаҳонии Беҳдошт рӯзи 11 март вируси COVID-19 -ро пандемия эълон кард. Тибқи охирин маълумоти СҶБ, дар ҷаҳон беш аз як миллион нафар мубтало шуда, беш аз 50 ҳазор нафар ҷон бохтанд.

1234
Барчаспҳо:
Владимир Путин, Русия, кӯмак, Доналд Трамп
Мавзуҳо:
Пайомадҳои COVID-19 дар Тоҷикистон ва ҷаҳон (694)

Бомбандози Су-27 ду ҳавопаймои ҷосусии Амрикоро забт кард - видео

181
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

181
Барчаспҳо:
халабон, ҳавопаймо, Русия

Таркиши мудҳиш дар Бейрут монеи маросимҳои издивоҷ гардид - навор

615
Таркиши мудҳише, ки дар Бейрут ба вуқӯъ пайваст нақшаи чандин ҷавононро барбод дод. Ҷуфтҳои хушбахт, ба хотири издивоҷ ба калисо омаданд, аммо таркиши шадид онҳоро ба висоли ҳам нарасонд

Пас аз таркиши мудҳиш дар Бейрут дар шабакаҳои иҷтимоӣ наворҳои гуногун аз лаҳзаи таркиш мунташир мешуданд.

Ду наворе, ки аз лаҳзаи омодагӣ ба маросими издивоҷ дар замони таркиш ба шабакаҳо роҳ ёфт, сербинандатаринҳо гардиданд.

Андӯҳи Эмомалӣ Раҳмон аз таркиш дар Бейрут

Дар навор маълум аст, ки меҳмонон барои қисмат кардани хурсандии ду ҷавон ба калисо омаданд ва баробари аз дар даромадани арӯс таркиши мудҳиш сар мезанад. Тирезаҳои  калиса аз шиддати таркиш пора гардиданд ва арӯсу меҳмонон зуд толорро тарк намуданд.

Ҳамчунин як навори дигар аз аксбардории арӯс дар берун аз калиса мунташир шудааст, ки нозу каришмаи духтарро таркиши мудҳиш ба ваҳму ҳарос мубадал намуд.

Таркиш дар бандари Бейрут шоми 4 август рух дод. Мақомоти маҳаллӣ сабаби ин ҳодисаро таркиши 2,7 ҳазор тонна нитрати аммиак, ки дар анбори бандар нигоҳдорӣ мешуд, арзёбӣ намуданд.

Ин маводро соли 2015 хадамоти гумрук мусодира намуда, онро  дар бандари мазкур нигоҳдорӣ мекардааст. Дар Бейрут барои ду ҳафта  вазъияти фавқулода эълон шудааст.

615
Барчаспҳо:
навор, таркиш, Бейрут