Расо 21 рӯз: чигуна режими хонашинӣ дар Маскав мегузарад - навор

533
(Таҷдидшуда 14:44 19.04.2020)
Раиси шаҳри Маскав дар робита ба ҷилавгирӣ аз паҳншавии маризии коронавирус дастур додааст, ки мӯҳлати иҷозатномаҳои рақамӣ ва дигар маҳдудиятҳо 1 май тамдид карда шувад

Режими хонашинӣ дар Маскав ҳамоно идома дорад. Ба роҳ мондани иҷозатномаи рақамӣ барои берун шудан аз манзили зист, то андозае вазъияти феълиро душвортар кард.

Чун ин иҷозатномаро кррмандони пулис ба таври дастӣ аз санҷиш мегузаронанд, аз инрӯ дар метро ва дигар ҷойҳои ҷамъиятӣ ба танбашавии одамон оварда расонд.

Дар назар аст, ки сар аз 22 - юми апрел ба назорати иҷозатномаҳои рақамӣ тағйирот ворид шавад. Шояд тафтиши доштани чунин иҷозатномаҳо тариқи автоматӣ ба роҳ монда шавад.

Созмони ҷаҳонии беҳдошт набуди коронавирус дар Тоҷикистонро тасдиқ кард

Дар ҳамин ҳол, тибқи маълумоти ахир танҳо дар пойтахти Русия 20, 7 ҳазор сиротёфтагони коронавипрус сабт гардидааст. Ҳамчунин 1763 нафар шифо ёфта, 176 бемори дигар ба ҳалокат расиданд.

Дар маҷмӯъ, дар Русия беш аз 40 ҳазор ҳолати сирояти COVID-19 ба қайд гирифта шуда, 361 нафар ҷон додаанд.

Дар ҳамин ҳол, дар ҷаҳон шумораи дардмандони ин беморӣ  марзи 2 миллион нафарро убур карда, ҷони 160 ҳазор беморро гирифт.

533
Барчаспҳо:
режим, навор, Маскав

Хуросоне, ки ғарқи об шуд: навори кӯмак ба сокинони ҷабрдидаи ноҳия

325
Наҷотдиҳандагон то ҳол оқибатҳои сел дар Хуросонро бартараф мекунанд. Мақомот ва ташкилотҳои байналмилалӣ ба сокинони ҷабрдида дасти ёрӣ дароз кардаанд

Дар шабакаҳои иҷтимоӣ навори вазъ дар Хуросон баъди як ҳафтаи омадани сели калон дар ноҳия пайдо шуд.

Дар наворе, ки аз баландӣ гирифтаанд, дида мешавад, ки садҳо манзили сокинон то ҳол зери об мондааст.
Дарахтон, биноҳо ва манзилҳо ҳама зери лойқаанд.

Наҷотдиҳандагон то ҳол оқибатҳои сел дар ноҳияро бартараф мекунанд.  Бештар аз 260 хона дар ноҳия пурра корношоям шудаанд. 

Сокинон дар навор нақл мекунанд, ки аз ҷониби мақомот ба онҳо кӯмак мерасад.

Хаймаҳои муваққатӣ рост карда шуда, озуқаворӣ - орд, равған, гӯшт, оби ошомиданӣ,  либос, дору ва дигар лавозимоти эҳтиёҷи аввал дастрас карда мешаванд.

Раиси Хатлон ба мардуми Хуросон барои тақсимоти одилонаи кумакҳо ваъда дод

Пештар барои сокинон қитъаи замин низ тақсим карда шуда буд. Афзун бар ин, ба онҳо масолеҳи сохтмонӣ низ дастрас карда мешавад.

325

Навори садамаи мудҳиш дар Душанбе: ҳалокати ду тан ва ба қисмҳо ҷудо шудани худрав - видео

9066
Раёсати Вазорати корҳои дохилии шаҳри Душанбе аз навори садамаи мудҳишеро нашр кардааст, ки ҷони ду ҷавонро гирифтааст

Бино ба иттилои ин ниҳод, рӯзи 27-уми майи соли 2020 тақрибан соати 04:15 дақиқа ронандаи автомашинаи тамғаи "Мерседес-Бенс" рақами қайди давлатиаш 4400 ОК 01 Абдуалимов Абумуталиб Беҳрӯзович, соли таваллудаш 2001, истиқоматкунандаи ноҳияи Рӯдакӣ, деҳаи Гулистон ҳангоми ҳаракат бо кӯчаи Садриддин Айнӣ ба самти маҳаллаи Ховарон дар назди бинои №1 кӯчаи Зебуниссо бо сабабҳои номаълум аз уҳдаи идораи воситаи нақлиёт набаромада, ба девори бетонии маркази роҳ бархурдааст.

Дар натиҷаи ин садамаи нақлиётӣ ду мусофири дохили автомашинаи мазкур, Алиев Абдураҳмон Асланбекович соли таваллудаш 2001 ва Назаров Сунатулло Муҳаммадович соли таваллудаш 2001, истиқоматкунандагони ноҳияи Рӯдакӣ деҳаи Гулистон дар ҷойи ҳодиса ба ҳалокат расидаанд.

Инчунин худи ронандаи автомашинаи мазкур Абдуалимов Абумуталиб ва мусофири дигараш Сиддиқов Мавлавӣ Маҳмадкабирович соли таваллдуаш 2001 истиқоматкунандаи н. Рӯдакӣ, деҳаи Гулистон бо бардоштани ҷароҳатҳои вазнини ҷисмонӣ дар беморхона бистарӣ карда шудаанд.

Манбаъ афзуда, ки оид ба ҳолати мазкур таҳқиқ ҷараён дорад.

9066
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

1026
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

1026
Барчаспҳо:
Тоҷикистон