Сафири Эрон: шеъри Саъдӣ оинадори сулҳ, ишқ ва дӯстӣ аст

7892
(Таҷдидшуда 14:53 20.04.2020)
Сафири Эрон дар Тоҷикистон дар паёме ба муносибати рӯзи ҷаҳонии бузургдошти Саъдии Шерозӣ гуфт, таҷлил аз Саъдӣ, такрими ахлоқ ва инсоният аст

ДУШАНБЕ, 20 апр — Sputnik. Нависандаи бузург, яке аз пояҳои бинои устувори адаби порсӣ аст, ки бо ашъори дилпазири худ, ҷилваи вижа ба осмони зебои адабиёт додааст. Шеъри ӯ оинадори сулҳ, ишқ ва дӯстӣ аст.

Сафири Эрон дар Тоҷикистон бо ишора ба маҳбубияти оламгири ин шоири порсигӯ, хотирнишон сохт.

“Имрӯз теъдоди зиёде аз мардуми ҷаҳон ба мероси ин шоири сухангустар ва омӯзгори ахлоқ бо дидаи эҳтиром менигаранд ва бо осор ӯ зиндагӣ мекунанд”,-гуфт сафир.

Ёдрас мешавем, ки аввали моҳи урдибиҳшт (баробар ба 21 апрели соли милодӣ) ҳар сол Рӯзи бузургдошти шеъри тоҷикӣ-форсӣ Шайх Саъдии Шерозист.

Муcлиҳиддин Абӯмуҳаммад Абдуллоҳ ибни Мушрифиддин ибни Муслиҳиддин Саъдии Шерозӣ соли 1184 дар маркази Форс – шаҳри Шероз ба дунё омадааст.

7892
Барчаспҳо:
таҷлил, паём, Тоҷикистон, сафир, Эрон

Душман аз осмон нобуд шуд: навори тамринҳои чархболҳои Ми-24дар Тоҷикистон

159
(Таҷдидшуда 17:53 28.09.2020)
Пойгоҳи низомии 201-уми Русия дар Тоҷикистон тамринҳои низомӣ анҷом дод. Дар ин тамринҳо чархболҳои Ми-24 душманони шартиро нобуд карданд

Чархболҳои пойгоҳи низомии Русия дар майдони тирандозии Самбули Тоҷикистон тамринҳои низоми баргузор намуданд. Дар ин таминҳо ҳадафҳои кашшофӣ ва тиандозиву мушакпартоӣ бар зидди душманлни шартӣ анҷом дода шуд.

Чархболҳои Ми-24 Русия душманони шартиро дар шароити кӯҳистонӣ пайдо намуда онҳоро тавасути мушакҳову бомбҳо набуд карданд.

Дар навори вазорати дифои Русия  лаҳзаҳои ҷаззоби ин тамринҳо бо иштироки чархболҳои артиши Русия ба нмоиш гузошта шудааст.

Пойгоҳи низомии 201 калонтарин қувваҳои мусаллаҳи Федератсияи Русия берун аз ҳудуди он ба шумор меравад.

Русия дар шаҳрҳои Душанбе ва Бохтари Тоҷикистон пойгоҳи низомӣ дорад, ки тибқи шартномаи дуҷонибаи моҳи октябри соли 2012 ин пойгоҳ бояд то соли 2042 дар ин ҷо бимонанд. Теъдоди низомиёни Русия дар хоки Тоҷикистон ҳудуди 7 ҳазор нафар ҳисоб шуда, ин бузургтарин пойгоҳи Русия дар хориҷ аз он кишвар аст.

159
Барчаспҳо:
чархбол, осмон, тамринҳои низомӣ, Пойгоҳи низомии "201"-и Русия, Тоҷикистон

Лавров дар бораи “Маҷрои Шимол 2”: барои Олмон ин масъалаи номус аст-видео

142
(Таҷдидшуда 20:48 27.09.2020)
Сергей Лавров, вазири умури хориҷии Русия, мегӯяд, ИМА тариқи оммавӣ ба паст задани Иттиҳоди Аврупо ва махсусан Олмон машғул мебошад

Лавров дар пайи гуфтушунид бо ҳамтои эронияш, Муҳаммад Ҷавод Зариф, зимни нишасти матбуотӣ, аз ҷумла дар бораи лоиҳаи сохтмони лӯлаи газ “Маҷрои Шимол – 2” гуфт.

“Мо мебинем, ки чигуна ИМА ҳамарӯза тариқи оммавӣ талош мекунанд, Иттиҳоди Аврупоро паст зананд ва пеш аз ҳама Олмонро. ИМА аз забони намояндагони расмияш аз Олмон талаб мекунад, ки бахташро дарк кунаду амнияти энергетикияшро таъмин созад”, - изҳор дошт вазири умури хориҷии Русия.

Ба гуфтаи Лавров таҳримҳои амрикоӣ алайҳи лӯлаи газ ба он равона шудаанд, ки аврупоиҳоро водор созанд, гази ба маротиб қимати моеъро аз ИМА харанд.

Вазири умури хориҷии Русия илова намуд, ки раёсати ИМА талош дорад, ин иқдомашро ҳамчун “таҳкими амнияти энергетикии Аврупо” шарҳ диҳад.

Ба гуфтаи Лавров, акнун барои Олмон анҷоми сохтмони лӯлаи “Маҷрои шимол – 2” барои Олмон масъалаи нангу номус аст.

142
Барчаспҳо:
Иттиҳоди Аврупо, Олмон, Русия
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1575
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1575