Сафири Эрон: бақо ва давоми забони порсӣ вомдори талошҳои арзандаи Фирдавсии бузург аст

10081
(Таҷдидшуда 12:45 14.05.2020)
Сафири Эрон дар Тоҷикистон дар паёме ба муносибати бузургдошти Ҳаким Абулқосими Фирдавсӣ гуфт, бақо ва давоми забони порсӣ вомдори талошҳои арзандаи Фирдавсии бузург аст

Муҳаммадтақӣ Собирӣ сафири Эрон дар Тоҷикистон дар паёме ба муносибати бузургдошти Ҳаким Абулқосими Фирдавсӣ таъкид доштааст, ки  дар тақвими Эрон рўзи 14 май (25 урдибиҳишт) ба номи рўзи бузургдошти Ҳаким Абулқосими Фирдавсӣ номгузорӣ шудааст.

“Ин муносибати фархундаро гиромӣ медорем ва ба тамоми алоқамандони ин ҳамосасарои бузурги эронӣ ва пири фарзонаи Тӯс, бавежа ҳамватанони эронӣ ва мардуми ҳамфарҳангу ҳамзабони тоҷик табрик мегӯем”, - зикр кардааст сафири Эрон дар Тоҷикистон.

Вай ҳамзамон таъкид доштааст, ки бақо ва давоми забони порсӣ вомдори талошҳои арзандаи Фирдавсии бузург аст.

“Талоши вай дар ҳофизаи таърих нигориш шуда ва мероси Фирдавсӣ то ҳамеша мондагор хоҳад буд”, - афзуд Муҳаммадтақӣ Собирӣ.

Вай дар ин пайём гуфт, таъсири Фирдавсӣ бар адибону шоирони дигар шигарф аст.

“Ба ростӣ метавон гуфт, Шоҳномаи Фирдавсӣ илҳомбахши бисёре аз осори ҳамосӣ дар адаби форсӣ будааст. Агар хуб ба жарфои Шоҳнома бингарем, мебинем хирад ҷонмояи ин китоби арзишманд мебошад”, - қайд кард сафири Эрон дар Тоҷикистон.

10081
Барчаспҳо:
талош, Фирдавсӣ, бузургдошт, паём, Эрон, Тоҷикистон

Ман Ҷорҷ Флойд: эътирозҳо дар ИМА ба тамоми ҷаҳон паҳн шуданд

62
(Таҷдидшуда 22:22 05.06.2020)
Эътирозҳо дар бораи марги амрикоии африқоитабор Ҷорҷ Флойд дар ИМА давом дорад ва ба тамоми ҷаҳон паҳн шудаистоданд

Ҷаҳон то ҳол коронавирусро азхуд накарда боз як пандемияи эътирозӣ ба вуҷуд омад.

Дар бисёр кишварҳо амалҳои зидди нажодпарастӣ ва бераҳмии полис баргузор мешаванд. Дар ибтидо, эътирозҳо дар бораи марги амрикоии африқоитабор Ҷорҷ Флойд пас аз боздошт аз ҷониби полис дар Миннеаполис, ки ин ҳодиса рух дод, оғоз ёфт.

Хеле зуд онҳо дар саросари Иёлоти Муттаҳида ва сипас берун аз он паҳн шуданд. Садҳо нафар бо шиорҳои "Ман нафас гирифта наметавонам" ва "Адолат нест, сулҳ нест" ба кӯчаҳо дар Нидерландия, Испания, Аргентина, Британияи Кабир ва Олмон баромаданд. Дар Юнон эътирозгарон дар назди консулгарии Амрико парчами ИМА-ро оташ заданд.

Тазоҳурот дар эътирозҳо дар Канада ва Фаронса хотима ёфт, ки дар он ҷо полис маҷбур шуд, ки тазоҳургаронро пароканда кунад. Наворҳо аз ҷои ҳодиса - дар видеои мо.

62
Барчаспҳо:
амрикоӣ, Африн, эътироз, ИМА
(0:00 / .00Mb / )

Намози ҷумъа дар масҷиди Ал-Ақсо - пахши мустақим анҷом ёфт

142
(Таҷдидшуда 16:10 05.06.2020)
Дар масҷиди Ал-Ақсои Иерусалим аз имрӯз 5 июн, расман мусалмонон ба хондани намози ҷумъа оғоз карданд

Мусалмонони кишварҳои гуногуни олам бо тадриҷ ба зиндагии маъмулӣ бармегарданд. 

Ҳамин тавр, рӯзи ҷумъа дари масҷиди Ал-Ақсои Иерусалим пас аз чанд муддати таваққуф барои пешгирӣ аз паҳншавии коронавирус, аз сар ба рӯи намозгузорон боз шуд.

Ёдрас мешавем, ки масҷиди Ал-Ақсо 22 марти соли равон ба хотири пешгирӣ аз паҳншавии коронавирус баста шуда буд.

Масоҷиди Маскав боз мешаванд: пӯшидани ниқобу дастпӯшӣ ва риояи фосилаи иҷтимоӣ ҳатмист

Бояд гуфт, дар масҷиди ҷомеъи Маскав имрӯз намози ҷумъаро танҳо имомхатибон бидуни ҳузури намозгузорон хоҳанд хонд. Ва бояд гуфт, ки  намозгузории имомон тариқи пахши мустақим нашр карда мешавад.

142
Барчаспҳо:
намози ҷумъа, Иерусалим
Мавзуҳо:
Пайомадҳои COVID-19 дар Тоҷикистон ва ҷаҳон
Руководитель отдела экономики Института стран СНГ Аза Мигранян

Коршинос: барномаи зиддибӯҳронии Тоҷикистон ду моҳ дер тасвиб шуд

0
Тоҷикистон аз ҳисоби кадом маблағҳо соҳибкоронро дастгирӣ хоҳад кард ва оё ин иқдомҳоро буҷаи кишвар мебардорад ё не - ба ин саволҳо коршинос, иқтисодшиноси Пажӯҳишгоҳи ИДМ Аза Мигранян посух гуфт

Ҳукумати Тоҷикистон барномаи зиддибӯҳронии замони пандемияи коронавирусро қабул кард, ки ба дастгирии соҳибкорон ва аҳолӣ равона гардидааст.

Имрӯз, 5 июн чанд фармони раисҷумҳури Тоҷикистон Эмомалӣ Раҳмон ба имзо расид, ки мувофиқи он чанд гурӯҳ соҳибкорон аз андоз озод карда шуда, ба қишри осебпазир кӯмакпулӣ таъин ва боло бурдани арзиши барқу хизматрасониҳои коммуналӣ мавқуф карда шуд.

Мигранян о том, за счёт чего в Таджикистане будут поддерживать бизнес

"Дар ҳар як кишвар захираи муайяне ҳаст, ки ба истилоҳ захираҳои ғайрибуҷавӣ гуфта мешавад. Ин гуна буҷа дар Тоҷикистон низ ҳаст", - гуфт Миграниян дар сӯҳбат бо Sputnik Тоҷикистон.

Ба гуфтаи коршинос, таҳлили он ки иқдомҳои зиддибӯҳронии Ҳукуматро буҷаи Тоҷикистон мебардорад ё не, ғайриминтақист, зеро феълан маълум нест, ки барои ин иқдоми Ҳукумат чӣ қадар маблағ лозим аст.
"Фаҳмиши норасоии буҷа нисбӣ аст. Ҳама гуна кишвар бо норасоии буҷа метавонад то дер  арзи вуҷуд дошта бошад", - таъкид мекунад коршинос.

 

Ба гуфтаи ӯ, ин ҷо гап дар бораи дастгирии аҳолӣ ва тиҷорати хурд меравад.

"Ҳамааш аз он вобаста аст, ки то кай дар Тоҷикистон маҳудиятҳои фаъолияти иқтисодӣ амалӣ мешавад. Агар маҳдудиятҳо фарогир бошанд, пас ин ҳамагӣ дастгирии хурдест. Агар маҳдудиятҳо кутоҳмуддат ва маҳдуд бошанд, ҳамин тавре ки ҳоло дар Тоҷикистон рӯи кор меоянд, ин дастгирӣ ба аҳолӣ ва тиҷорати хурд назаррас хоҳад шуд".

Вай афзуд, ки вақте ҷараёни даромад нест, ихтисори андоз, пардохтҳои ҳатмӣ ва харҷҳои гуногун метавонад ба қисми рақобатпазир дар кам шудани талабот ба маводи онҳо дар мӯҳлати муайян кӯмак кунад. Аммо ин истеҳсолоти заифро наҷот намедиҳад.

"Сухан дар бораи дастгириҳои иҷтимоӣ бо мақсади тавонмандии харидории аҳолӣ меравад. Ин чораҷӯиҳо барои бештари кишварҳои ҷаҳон стандартӣ мебошанд", - тавзеҳ медиҳад ӯ.

 

Ин иқдомҳои Тоҷикистон ду моҳ дер қабул шуданд, гуфт дар анҷом Мигранян.

0