Пас аз анҷоми рисолат: бозгашти мутахассисони Русия аз Италия - навор

398
(Таҷдидшуда 18:10 15.05.2020)
Беш аз 70 нафар афсарони низомии Русия, ки ба Италия дар мубориза алайҳи вируси COVID-19 кумак карданд, ба ватанашон баргаштанд

Беш аз 70 сарбоз ва 19 воҳиди техникаи махсуси низомии Русия аз Италия баргаштанд.

Дар фурудгоҳи Чкаловский аллакай даҳум ва ёздаҳумин ҳавопаймои низомии Ил-76 бо мутахассисон ва таҷҳизоти "нерӯҳои махсуси тибби" - и Русия, ки дар мубориза алайҳи COVID-19 ба Ҷумҳурии Италия кӯмак кардаанд, фуруд омаданд.

Чӣ гуна Русия ба кишварҳои ИДМ дар мубориза бо коронавирус кӯмак мекунад

Ёдовар мешавем, ки вақте вазъият дар Италия дар робита ба хуруҷи бемории коронавирус ба авҷи аъло расид, духтурони низомии Русия барои кӯмак ба табибони итолиёвӣ сафарбар шуданд.

Ба ҳамин минвол, моҳи март Русия 15 ҳавопаймои Ил-76 бо кормандони тиббӣ ва таҷҳизоти заруриро ба Италия барои мубориза бо коронавирус  фиристод.

Акнун пас аз адои рисолати касбии худ мутаххасисони рус дубора ба ватани худ баргаштанд.

398
Барчаспҳо:
навор, баргашт, Италия, Русия, мутахассисон
Мавзуҳо:
Пайомадҳои COVID-19 дар Тоҷикистон ва ҷаҳон (487)

"Дар хона бимонед": челленджи футболбозони тоҷик - видео

34
(Таҷдидшуда 15:03 04.06.2020)
Футболбозони маъруфи тоҷик тасмим гирифтанд, барои дастгирӣ намудан аз мухлисони худ дар замони пандемия, челлендж сабт карда паҳн намуданд

Федератсияи футболи Тоҷикистон бо нашри челленджи футболбозони маъруфи тоҷик аз тамоми сокинони кишвар даъват намуданд, ки дар замони пандемия беҳтараш дар хона бимонанд.

Дар навор футболбозони тоҷик тӯбро ба таври маҷозӣ сӯйи ҳамдигар партоб мекунанд.

Ихтирои дастгоҳ барои коронавирус: дар 15 сония безарар мегардонад - видео

Ситораҳои футболи тоҷик, ки дар ин навор сабт гардиданд Шериддин Бобоев, Искандар Ҷалилов, мураббӣ Усмон Тошев, Некубахт Худододова, Нуриддин Давронов, Фатҳулло Фатҳуллоев, Аҳтам Назаров, Иброҳим Рабимов, Парвиз Умарбоев, Алиҷони Айнӣ ва довар Сайид Зайниддинов мебошанд.

Футболбозон аз шаҳрвандони Тоҷикистонро даъват мекунад, ки дар хона бимонанд ва ҳангоми пандемия аз коронавирус ҳамаи чораҳои пешгирикунанда аз паҳншавии коронавирусро риоя намоянд.

34
Барчаспҳо:
навор, тоҷик, футболбозон

"Нафасам мегирад": тазоҳурот дар назди қароргоҳи губернатори Миннеаполис - видео

253
(Таҷдидшуда 20:10 03.06.2020)
Даҳ рӯз мешавад, ки дар ИМА пас аз боздошт ва фавти Ҷорҷ Флойд тазоҳурот идома дорад. Тазоҳуроти назди қароргоҳи губернатори Миннеаполис ба наовр афтод

Бетартибиҳо дар ИМА ҳанӯз 25 май сар шуд. Ҳамон рӯз Ҷорҷ Флойд дар яке аз мағозаҳои Миннеаполис бо пули қалбакӣ харидорӣ мекард ва кассир пулисро ҷеғ зад. 

Дар гузориши пулис навишта шуда, ки зимни боздошт гунаҳкор муқовимат нишон додааст ва аз ин рӯ нисбати ӯ қувва истифода шудааст. Аз ҷумла пулис ҳангоми бастани дастони ӯ бо зону ба гулӯяш такя кардааст. Флойд чанд маротиба гуфтааст, ки нафасам гирифт ва беҳуш шудааст. Пас аз чанде ӯ дар шуъбаи эҳёи беморхона ба ҳалокат расидааст.

Панҷ рӯз аст, ки эътирозҳову бетартибиҳо дар Амрико идома дорад

Пас аз ҳалокати Флойд дар Миннеаполис ва баъдан дигар шаҳрҳои ИМА тазоҳурот оғоз шуд. 

Тазоҳургарон мошинҳоро месӯзонанд, мағозаҳоро ғорат мекунанд ва бо мақомоти пулис даргир мешаванд.

Тазоҳургарон талаб доранд, ки гунаҳкорони марги Флойд шиканҷа шаванд ва нобаробарии нажодӣ нисбати сиёҳпӯстон аз байн бардошта шавад.

Имрӯзҳо тазоҳурот дар ИМА зери шиори Black lives matter ("Ҳаёти сиёҳпӯстон муҳим аст") мегузарад.

Оташ мезананду ғорат мекунанд: мавҷи эътирозҳо дар Амрико - видео

Ҳамарӯза дар назди қароргоҳи губернатори Миннеаполис садҳо нафар бо шиорҳои "Нафасам мегирад" ва "Адолат нест, оромӣ нест" ҷамъ мешаванд.

253
Барчаспҳо:
губернатор, тазоҳурот, ИМА
Эмомалӣ Раҳмон, раисиҷумҳури Тоҷикистон ҳангоми додани мукофот ба соҳибкор Муҳиб Бобоҷонов

Бобоҷонов боз 1 миллион сомониро барои мубориза бо COVID - 19 дод

0
Соҳибкор Муҳиб Бобоҷонов барои мубориза бо COVID - 19 дар Тоҷикистон боз як миллион сомонӣ хайр кардааст

ДУШАНБЕ, 4 июн — Sputnik. Муҳиб Бобоҷонов нимаи моҳи май ба табибони Рашт 200 ҳазор сомонӣ ҳадя карда,  баъдтар боз  барои пешгирии бемории коронавирус 1 миллион сомонӣ тақдим кард, хабар дод нашрияи “Садои мардум”.

Пештар Бобоҷонов барои 400 табиби ноҳияи Рашт дар ҳаҷми 500 сомонӣ ба ҳар кадомашон тақсим карда буд.

Президенти кишвар Эмомалӣ Раҳмон  зимни ироаи паёми ахираш  ба Маҷлиси Олӣ аз корномаи ин соҳибкор  тавсиф намуда, гуфт, Муҳиб Бобоҷонов — сокини 80-солаи ноҳияи Рашт якҷо бо фарзандонаш соли гузашта 42 километр ва имсол 16 километр роҳро азнавсозӣ карда, толори варзиш, пул, чоҳҳои обкашӣ ва чор хонаи истиқоматӣ барои маъюбон ва оилаҳои камбизоат сохта, ҳоло ба масофаи 10 километр хатти оби нӯшокӣ кашида истодааст ва мақсад дорад, ки дар шаҳри Душанбе як корхонаи бузурги нассоҷӣ бунёд намояд.

Таъкид мешавад, Муҳиб Бобоҷонов ва писарони саховатпешааш Раҳимҷон, Шарафҷон ва Бегиҷон дар ҳалли мушкилоти мардуми ноҳия ва минтақаи Рашт пайваста кумак мекунанд.

Ахиран Раҳимҷон Бобоҷонов,  тоҷири тоҷики  муқими Русия ва писари Муҳиб Бобоҷонов  се миллион рублро ба муҳоҷирине, ки дар шароити пандемия бекор монда буданд, тақсим кард.

0
Барчаспҳо:
кумак, сомонӣ, миллион, Тоҷикистон