30 рӯз мӯҳлат медиҳам: талаби таҳдидомези Трамп аз Созмони ҷаҳонии беҳдошт - навор

963
(Таҷдидшуда 19:31 19.05.2020)
Раисҷумҳури Амрико Доналд Трамп таҳдид кардааст, ки маблағгузории Созмони ҷаҳонии беҳдоштро қатъ мекунад, агар он ба талаботи мақомоти ин кишвар дар муддати як моҳ расидагӣ накунад

Трамп бар ин бовар аст, ки Созмони ҷаҳонии беҳдошт ба таври лозима ба пандемияи коронавирус бархӯрд накард. Ба изҳори Трамп ин созмон гӯё ба мақомоти Чин дар пинҳон кардани маълумот оиди паҳншавии вирус кӯмак кардааст.

Ҳимояи ҷойҳои корӣ: Трамп муҳоҷират ба Амрикоро боздошт

Доналд Трамп мегӯяд, маъмурияти ӯ дақиқ намуд, ки созмони байналмилалӣ ҳатто мустақилона анҷом додани таҳқиқот бобати омилҳои бурузи ин маризиро, рӯи даст нагирифт.

Гузашта аз ин, Трамп рушан намудаст, ки созмони мазкур аз Амрико ва аз Чин чӣ миқдор маблағ мегирад.

"Иёлоти Муттаҳидаи Амрико дар як сол 450 миллион доллар, Чин бошад 38 миллион долларро ба СҶБ пардохт мекунад. Ин созмони лухтаки дастии Чин аст... Замоне, ки ман вурудро ба Амрико маҳдуд карданд, созмони мазкур гуфт, ки ин тасмимгирии ман хеле барвақт аст ва бояд чунин маҳдудиятро ҷорӣ нашаванд. Агар ман ин иқдомро қабул намекардам, мо садҳо ҳазор одамонро аз даст медодем", - афзудааст Трамп.

Кишвардори Амрико ба таври ҷиддӣ аз созмони мазкур талаб намуд, ки шартҳои Вашингтонро дар давоми 30 рӯз иҷро намоянд, дар акси ҳол аз маблағгузории минбаъда даст мекашанд.

Қобили зикр аст, ки Амрико ҳамоно аз лиҳози теъдоди зиёди сироятёфтагон аз ин маризӣ дар даҳон садрнишин аст. Дар ин кишвар тақрибан 1,5 миллион нафар аз маризии коронавирус дардманд шуданд.

963
Барчаспҳо:
навор, СҶБ, таҳдид, Доналд Трамп
Мавзуҳо:
Пайомадҳои COVID-19 дар Тоҷикистон ва ҷаҳон (451)

Лавров Ғарбро барои истифодаи пандемияи коронавирус бо мақсадҳои худ интиқод кард - навор

145
(Таҷдидшуда 01:13 30.05.2020)
Ба гуфтаи Сергей Лавров, кишварҳои ғарбӣ мекӯшанд аз вазъ истифода баранд, то ки кишварҳои ба худ номувофиқро ҷазо диҳанд

Вазири корҳои хориҷии Русия Сергей Лавров муносибати кишварҳои Ғарбро ба пандемияи коронавирус маҳкум кард.

Тавре вазири корҳои хориҷӣ дар мақолае барои рӯзномаи чинии Global Times навишт, онҳо кӯшиш мекунанд, ки аз ин вазъ истифода баранд, то ҳукуматҳоеро, ки ба ӯ беэътиноӣ мекунанд, ҷазо диҳанд ва ба кишварҳои ба эпидемия гирифторшуда гирифтани кӯмаки башардӯстона аз Русияро манъ кунанд.

Дар айни замон, худи Ғарб барои шитоб накардани принсипҳои гуманизм дар масъалаи мубориза бо COVID-19 шитоб намекунад. Дар видеои мо дар бораи стандартҳои дугонаи кишварҳои ғарбӣ бештар хонед.  

145
Барчаспҳо:
Сергей Лавров, Русия, ИМА, нав

Хуросоне, ки ғарқи об шуд: навори кӯмак ба сокинони ҷабрдидаи ноҳия

349
Наҷотдиҳандагон то ҳол оқибатҳои сел дар Хуросонро бартараф мекунанд. Мақомот ва ташкилотҳои байналмилалӣ ба сокинони ҷабрдида дасти ёрӣ дароз кардаанд

Дар шабакаҳои иҷтимоӣ навори вазъ дар Хуросон баъди як ҳафтаи омадани сели калон дар ноҳия пайдо шуд.

Дар наворе, ки аз баландӣ гирифтаанд, дида мешавад, ки садҳо манзили сокинон то ҳол зери об мондааст.
Дарахтон, биноҳо ва манзилҳо ҳама зери лойқаанд.

Наҷотдиҳандагон то ҳол оқибатҳои сел дар ноҳияро бартараф мекунанд.  Бештар аз 260 хона дар ноҳия пурра корношоям шудаанд. 

Сокинон дар навор нақл мекунанд, ки аз ҷониби мақомот ба онҳо кӯмак мерасад.

Хаймаҳои муваққатӣ рост карда шуда, озуқаворӣ - орд, равған, гӯшт, оби ошомиданӣ,  либос, дору ва дигар лавозимоти эҳтиёҷи аввал дастрас карда мешаванд.

Раиси Хатлон ба мардуми Хуросон барои тақсимоти одилонаи кумакҳо ваъда дод

Пештар барои сокинон қитъаи замин низ тақсим карда шуда буд. Афзун бар ин, ба онҳо масолеҳи сохтмонӣ низ дастрас карда мешавад.

349

Аз се беморхона дутоаш холӣ мешаванд: коҳиши шумораи гирифторони коронавирус дар Ваҳдат

0
Дар як беморхонаи шаҳри Ваҳдат шумораи ками беморони сироятёфта аз ин вируси навъи нав боқӣ мемонанд

ДУШАНБЕ, 30 май – Sputnik. Шумораи сироятёфтагони ин вирус дар Ваҳдат ба маротиб коҳиш ёфта, беморхонаҳо ба ҳолати муқаррарӣ бармегарданд, гузориш медиҳад "Ховар".

Гуфта мешавад, гуруҳи корӣ таҳти роҳбарии муовини нахуствазир Ширин Исматуллозода бо мақсади таҳлили  ҳолати воқеии  пешгирӣ ва табобати бемории коронавируси навъи COVID-19 ба шаҳру навоҳӣ ба сафар баромада, нахуст ба Ваҳдат рафтаанд.

Дар доираи ин сафар имрӯз дар шаҳри Ваҳдат таҳти роҳбарии  Ширин Исматуллозода ҷаласаи корӣ доир гардид, ки дар он раиси шаҳр, сардухтур, роҳбарони марказҳои саломатӣ, маркази санитарӣ- эпидимиологӣ ва дигар масъулин иштирок намуданд.

"То рӯзи душанбеи ҳафтаи оянда аз се беморхонаи шаҳри Вахдат, ки барои қабули беморони COVID-19 пешбинӣ шуда буданд, дутоаш пурра холӣ шуда, ба ҳолати муқаррарӣ бармегарданд", - зикр гардидааст дар ин ҷаласа.

Гуфта мешавад, дар як беморхонаи ин шаҳр шумораи ками беморони сироятёфта аз ин вируси нав боқӣ мемонанд.

Дар Тоҷикистон то соати 17:20 дақиқаи 29 май 3686 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1769 нафар шифо ёфтаанд.

Даргузашти Каромат Шарипов аз сактаи қалб дар Ваҳдат

Шумораи фавтидагонро аз ин вирус Вазорат 47 нафар мегӯяд. Тоҷикистон аз бурузи коронавирус дар ҷумҳурӣ 30 апрел хабар дод.

0